عندما تنقل الطير ؟..

[falcon 1]

السلام عليكم كيف الحال

كانا نعرف ان ادا نقلت طيرك لابد ان تدهله وتروضه وتليق جناحه ....لكن سؤالي هل لازم تعلم الطير مرة ثانيه على الحباري ولا لا؟
2- وادا لازم تعلمه من وين تلقا حباري وكيف تقوم بعملية التدريب ؟


تحياتي الاخ فالكون 1

[الحبيليص]

وعليك السلام
نعم نقل الطير لابد انه تخليه يركد ويطمئن وتجذبه لين ينطلق جنحه.
اذا صايد مايحتاج تعلم .
والحباري انشالله يبشرونك اهل الخير شهر 10 تسمع في الحباري فلان صاد وفلن صاد ونكون الحباري اللي في الكويت علي 150 دينار او 100 دينار
وتقبل مروري

[falcon 1]

تسلم تسلم ياانوماس
تحياتب اخوك فالكون 1

[سويد1]

ان كان امعيد مايحتاج ولارابطه مجهول يحتاج ولا ان وجدت ناضر بعضها يهد فصيل ماشاءالله عليه

[الكريزي]

ان كان صايد مايحتاااج

اللي يلعمونها على الحباري المجاهيل والفروخ

والحباري في البر :) والله يوفقك وتشوف عينها

[حمدان502]

السلام عليكم ورحمة الله وبركاته.... تحية طيبة... اخواني اعضاء المنتدى يسرني ان اشارككم المواضيع في هذا المنتدى الرائع وهاذي اول مشاركة لي وارجو ان تتقبلوني كعضو جديد واخ بينكم .... اما اخويfalcon فاولا مساك الله بالخير وبالنسبة لموضوعك فاذا الطير صايد الحبارى ومتعشيها راح تعلق في ذاكرته ماراح ينساها باذن الله تعالى هذا بالنسبة للوحش اما التفاريخ فممكن بعضها ينساها ويبغاله تذكير .

تحياتي لك وتقبل مروروي