خبرتكم وفزعتكم. جــدة يا أهل جـــدة

[do7ayem]

ان شاء الله رايح لجدة نهاية الأسبوع

وراح ابقى في جدة لمدة 3 أسابيع

وتعرفون .... فترة 3 أسابيع بالنسبة للوحداني طويلة .......... ويبي لها صيد لقتل الفراغ اللي راح يكون ملازمني طول فترة بقائي بجدة


ابغى أفضل أماكن صيد بالسنارة (القصبة) بجدة ........ ابغى استغل فرصة وجودي بجدة وامارس هوايتي المفضلة واللي ساحرتني ....... الصيد بالسنارة من الشاطئ ..... وبنفس الوقت اضيع وقت الفراغ واستغله في هالهواية


اي مكان تنصحوني اصيد فيه من الشاطئ؟؟؟

يا ريت يكون مكان قريب وواضح يعني ......... لا تضيعوني .. لاني ما اعرف الطرق هناك

وشكرا جزيلا لكل من راح يساعدني ويجاوبني ..

اخوكم
فايز العنزي

[hhsszz]

انصحك بالسقاله اللي عند هيلتون..

و اياك تدخل البحر .. كافينا هموم

[متواضع2000]

مثل ما قالك الاخ السقالة الي قدام هيلتون

او روح خليج سلمان بس الله يعينك على التصخير

او سقالة الكوري

[غواص طيبه]

انصحك بالسقاله اللي عند هيلتون..

و اياك تدخل البحر .. كافينا هموم

ليه وش المشكله عسى ماشر

[بو علي العلوي]

سقالة الكوريه .. والرزق على الله ..

[dbdob]

شف كورنيش جده كله خير ومجمل الكلام ان البحرفي اي مكان لايخلو من الصيد
انت تعرف ملاهي الشلال اللي على الكورنيش مقابل لهاكوشك عليه تمثال ربيان واضح خلفه الناس تصيدفيه خيرصاحبي يطلع من هناك بالهبل صحيح مكان السقاله صغيره بس الصيدطيب جدا اتمنى لك التوفيق اتمنى انك عرفت الوصف واي خدمه اناتحت امرك

[do7ayem]

بيض الله وجيهكم ومشكووورين ما قصرتوا

انا اشهد ان من نصى المكشاتية ما خاب

وتقبلوا فائق التحية والتقدير

اخوكم