وين النشاما!!!!!

[طسسس]

بالله يالربع تعاندو عندي مصرع اثنين وقلت مافيه الا ذيابة هالمنتدى يحكمون بينكم:)
واحد يقول الحر الفارسي مايوجد الا بايران والثاني يقول لا يوجد بكل مكان ودليله
لن الاولين كانو يشبكونه بارض الحماد من جهة ايران وصار معروف عندهم ان الفارسي مايوجد الا بايران
ودليل الاول انه لقاه بروسيا والصين
و الحين اكبر الشياهين ولا الوكاري بالله ابي اللي يعرف يرد ولا مايعرف يدخل يقرا ويطلع
بالله بصرعه السالفه فيها حقوق
والسلام عليكم

[راعي غضبان]

وعليكم السلام بالنسبه للفارسي الي هو الصافي ودق النعيري في مقارن مواسيه وهلحين اي صافي يقولون هذا فارسي من ايران ماهو صحيح حصلوه في روسيا والصين وان اقول المصارع الثاني هو الفايز اوبالنسبه اكبر الشياهين والى الوكري منول الشيبان يقولون فيه وكارى كبر الحرار الوافيه والى ان ماشفناها فيه وكارى السودان فيها كبار وانا اقول الشياهين فيهن 16اكبر من الوكري ولاتنسى المثلوثه والا الشكشوكه هههههههههههههههههههه وشكرا

[طسسس]

يعطيك العافيه يالذيب وفيت وكفيت

[قرناس ارامكو]

وعليك السلام ورحمة الله وبركاتة
بالنسبة للمعترف علية في دول الخليج أن الطير المغتر الصافي هاذا هو فارسي
وكأنة مافية طيور ألا بلاد فارس , مع أن الطيور أغلبها تهاجر من روسي وجنوب أروبا بتجاة
الجنوب , والطير الي ينصاد في نصف الطريق يسمى بأسم البلد ألي أنصاد فية , مثل الي ينصاد في سوريا يقال علية سوري وألي في بكستان يقال علية بكستاني وهاكذا .................
مع أن الطير ألي طرح في العراق أو سوريا لو منطرح في هاذة الاماكن بينطرح في الحماد أو الخبت .
أتمنا أني وضحت النقطة موضع الاختلاف مع أني واثق أن الي يقول أن طيرة فارسي مراح يقتنع بالواقع ولالة ألا رأية حتى لو أن طيرة تفريخ أبن تفريخ :j

[دلوع الهوى]

مشكوووووووووووور يا القرناس اشهد انك كفيت ووفيت على معلوماتك الطيبة يعني الطير لابد ان يهاجر واي طير يهاجر وينصاد في الطريق اي مكان واي دولة يسمي بنفس الدولة
لا ازيد عن كلام اخوى القرناس كفا ووفا وبيض اللة وجة
والسموحة على الاطالة

[طسسس]

يعطيك العافيه قرناس مشكور على الرد

[طسسس]

يعطيك العافيه دلوع مشكور على الرد

[حزام سبيع]

يوجد بكل مكان

[عوق الخريش]

بسم الله الرحمن الرحيم
وعليكم السلام ورحمة الله وبركاتة ,,
يعطيك العافية أخوي طسس على الموضوع
باالنسبة للحر الفارسي منقطع لة اكثر من 10 ستوات لأن المواكر اللى موجودة فى أيران منقطعة مرة
واذا وجد فية ماكر فى الماكر ليس بفارسي أصيل ممكن طير من فصيلة آخر ولاكن الفارسي المعروف
الذي موسة مشدد فى شدود فارس هذا منقطع مرة ولاكن فية البديل وهو اي طير مغتر يقال لة
فارسي ّّّّ!!!!! ( أتمناء أني أفدتك واخواني راعي غضبان وقرناس ارامكو رأيهم صحيح)
تحياتي لكــ,,,,,وشكراّ,,,

[صقرالحروب]

السلام عليكم ورحمة الله وبركاته وبعد
الحر الفارسي موجود الى الان وشوهد منذو سنتين في احد الاماكن في السعوديه عندما قطع عليه احد الصقاره لكن لم ياخذ الموضوع بجديه وفي السنه التي تليها اللي كانت في المقناص الاخير شاء الله ان ياتي عج ذلك اليوم مما اجبر معظم الصقاره انهم يقنصون الجبال وكان ذلك اخر المقناص فوجد احد الصقارين المشهورين عندنا الطير الذي قال عنه الرجل قبل سنه في نفس المكان بين الصخور لكن الله ماوفق والفارسي موجود في عده دول غير ايران اما بالنسبه للوكارى يااخ طسس فهناك وكارى كبيره جداً وقد شاهدتها في السودان ولكنها نادره
تقبل مروري

[«نجم الخير»]

يعطيكـ العافية

[مساح الريضان]

موصحيح موجود حتي في باكستان

[ابو امنه]

اللة يعطيك العافية اللة اعلم انه مجود في كل مكان

[قرناس حائل]

حياك الله اخوي

والله يالغالي مانشوف الفارسي الا بهالمنتديات والا بالمجلات

والظاهر والله اعلم أن الفارسي مايحكم عليه الا طاروحه

لأن الوقت الراهن صار الطيور الصافيات والشقر واجد فما أعتقد أن الفارسي بهاالكثره

لكن الطير اللي يلحق ويصيد(يشلق ويعلق) عندنا هو الفارسي اللي ماوراه (لو هو جلمه)

هذا ماعندي والله اعلم

تقبل تحياتي

[خيال الصبحا]

هلا بك
النقاش جدًا عقيم بالموضوع هذا ولن يقنع احدكم الاخر
الطيور كانت تسمى فارسية بناءً على انها طرحت بفارس(لو ماطاحت هناك تطيح عندنا بالسعوديه ويصير الطير طرح السعوديه!!وهو نفس الطير)
المهم بعدين قاموا يقولون الفارسي الي به شدود فارس والي مابه شدود فارس ماهو فارسي
والحقيقة انه فيه طيور تطرح بايران مابها شدود فارس!!
وفيه طيور تطرح بالسعوديه بها شدود فارس!!
فكيف تحكم عليه هو فارسي او لا؟؟
.
.
ان قلت الي طرح بايران فارسي
نقول لك لو ماطرح بايران يطرح بالسعوديه وهو نفس الطير!!
وان قلت الي به شدود فارس
نقول لك فيه طيور تطرح بالسعوديه وبها شدود فارس وفيه طيور تطرح بايران مابها شدود فارس!!
.
.
الزبده/كانو يقولون الطير هذا فارسي يعني مطروح ببلاد فارس
مثل مايقولون سعودي وشامي وغيره ، ولا علاقة للشدود بذلك
.
.
بالنسبة للشياهين / الي اعرفه ان البحريات توصل الندر منها لـ17
والوكارى مااذكر اني سمعت عن وكري يوصل هالقياس
.
.
هذي قناعتي ومعرفتي ، ولا الزم بها احد
وشكرًا

[طسسس]

يعطيكم العافيه كلكم ماقصرتو

[عشير المداغيش]

اللة يعطيك العافية اللة اعلم

[مسلط العتيبي]

انا رآي من رآي آخوي قرنـآس آرامكو ..

المعترف فيه بدول الخليج المغتر يقولون عنه فـآرسي .

والعلم عند آهل الخبـره ..

[عاهد بن علي]

الله يجزاكم خير

[خرب المعيزيله]

اخواني مع احترامي للمشاهدين
انا اقول الله يرحم الصقاره وهل العرف
اللي يعرف الطير ويعلمك بطبوعه وهو وحش
اليوم صرنا ما نفرق الفارسي من الروسي
يربع الفارسي يجي مشدد السبع وصافي وجه مافيه مدامع اللي هي الدعوج
وموجود حالين بس المقاس مايتعدا 16
من ذو عشر سنين مايجي الا المقاس هاذا
ولكم مني جزيل الشكر