المساعد الشخصي الرقمي

مشاهدة النسخة كاملة : اذا ركبت مساعد الدركسون


SE.3500
03/06/2009, 02:46 PM
السلام عليكم
مساكم الله بالخير جميعا
يا جماعة أنا ركبت مساعد الدركسون الاسترالي للباترول 2009 والرجة ما زالت موجود (ويمكن أكثر من أول)الصراحة إني انقهرت
س/هل يحتاج ترصيص بعد تغيير المساعد؟
المكشات
03/06/2009, 02:50 PM
الحمد لله اللي جابك

كنت ناوي أركب

الظاهر ابستخير ما مثل الشي شد بلده


:)
راعي الطلعات
03/06/2009, 03:08 PM
الاسترالي طيب واعرف شخص مجربه وما شاءالله ماشي معه مضبوط بس انت شيك على الجلب اكيد تعبانه وشيك على الترصيص وحطه في بالك معلومه كفرات البلون ترج كثير خاصه بعد طلعة بر

بالتوفيق
BADER506
03/06/2009, 03:27 PM
اذا كفراتك بوالين لا تنقهر وانا اخوك

البالون سلمك الله مستحيل تروح الرجه منه...مرات يضبط ومرات لا..بالذات اذا وقفت السياره فتره ورجعت مشيت بها..وعندك الجو يلعب دور...نصيحتي لك

انت تحتاج البوالين بالوسم!! فلا تركبها الا اذا نويت او بدا الوسم اللي تحتاجها فيها
بس في مثل هالفتره اعتقد انك ما تحتاجها ..الجو حار وخطر ومهوب وقت طلعات مستمره مثل الصيد
ركب البالون على جنط حديد وخزنه عندك بالبيت تخزين محترم ...وجنوط بلاده ركب عليهن كفرات ميشلن وبتدعيلي

بالنسبه للمساعد طبيعي مو فارق واجد معك بالبوالين..المساعد بيساعدك وانت وسط البر بيخفف المطناج والرجه


ركب مساعدات استراليه ومساعد دركسون استرالي على كفرات وكالته وشف شلون يطربك ...واذا دخل الوسم اقلب كفرات الوكاله وركب البالون

وحسافه وانا اخوك ترى موترك 2009 (الله يطعمك خيره ويكفيك شره) وحسافه تدمره بالبالون


الله يوفقك ان شا الله

والعذر عالاطاله
حرب
03/06/2009, 03:52 PM
مساعدرالدركسون الاسترالي لايسبب رجه الا في بعض الحالات اما ان تكون الجنوط تجاريه او كفرات بالون بدون ترصيص 0 ولاكن بعد اترصيص يكون رجه خفيفه عند السرعه 80 وتقبل مروري00والله يطعمك من خيره ويكفيك شره00
SE.3500
04/06/2009, 12:42 PM
المكشات :مصائب قوم عند قوم فوائد(ابتسامة)

راعي الطلعات:السيارة جديدة ماله إلا تقريبا 5شهور هل يمكن ان الجلب خربن؟

بدر وحرب: لا كفراتي بالون ولا جنوطي تجارية السيارة شد بلد ما غير ياي استرالي خلفي وكعكة 2سم


هل مع الترصيص تروح الرجه(الصراحة تحسفت على 325)!!!
الشيمساوي
04/06/2009, 02:20 PM
أخوي انا كان عندي رجه والحمدلله راحت بعد ما دبلة للمساعد الدركسون (مساعد وكاله+مساعد اس دلكو)

إأذا مارحت سو كبس للضراع عند ابوعبدالله الصمعاني بالقصيم.

الله يكون بعونك...
SE.3500
05/06/2009, 12:49 PM
المشكلة اني ركبت المساعد الاسترالي وما ادري وش السواة؟
دبرونا بحل يا أهل الخبرة بالباترولات!
سوبر152
05/06/2009, 01:31 PM
أخوي انا كان عندي رجه والحمدلله راحت بعد ما دبلة للمساعد الدركسون (مساعد وكاله+مساعد اس دلكو)
SE.3500
05/06/2009, 04:28 PM
المشكلة اني ركبت المساعد الاسترالي وما ادري وش السواة؟


دبرونا بحل يا أهل الخبرة بالباترولات!

أعيد وأكرر ما قلته من قبل
التعـ King ـديل
05/06/2009, 04:35 PM
الغالي انا من عرفت شي اسمه جيب وكفرات موتري كلها بالون ولا تفرق عندي جنوط تجاريه ولا اصليه الزبده وانا اخوك المساعد مايفرق واجد غير انه قاسي

واقسى من حق الوكاله لحقين المطامر بالبر مايلعب بهم اذا تبي نصيحتي مر على ميزان المجد صح انهم غويليين شوي بس شغلهم مضبوط وخله يشيك على موترك

بالكامل من جلد وقطع بودي واذا خلص منها طق له ترصيص ارضي لصق وصدقني مع الخطوط والبران والمشاوير كل 4 شهور سير عليهم ورصص وفلها ووسع صدرك

انا اسوي كذا والحمدلله الكفر يقعد معي بالسنه والسنتين ماجاه الا العافيه ماشاء الله تبارك الله واي خدمه جوالي عندك بالتوقيع
باترول للأبد
05/06/2009, 07:17 PM
وعليكم السلام ورحمة الله وبركاته

أخوي SE.3500 مساك الله بالنور والرضا والفرح والسرور

بالنسبه لمساعد الدركسون أنا جربته قبلك وفكيته ومافكرت أركبه

ورجة الباترول تعبت معاها والوكاله تعبو معاي ومافي حل أبدا

والحين رضيت بالأمر الواقع وش أسوي مليت حـد الدعسه

لاكن بعد أخر ترصيص لزق خفت شي ملحوظ ويهوون

والحل أنك تبدل المساعد وأنا هذا اللي ناوي عليه

وصراحه شي يقهر موترك وموتري 2009 }}