المساعد الشخصي الرقمي

مشاهدة النسخة كاملة : اني احبكم في الله


Khalid AlGhamdi
15/06/2004, 10:23 AM
السلام عليكم ورحمة الله وبركاته

بعض الناس سبحان الله ، يعطيك الله محبتهم وانت ماشفتهم

تعرفت في الانترنت على شخص في احد المنتديات في بداية دخول الانترنت للمملكة

وتطورت العلاقة حتى صرنا من اعز الاصدقاء مع العلم انه في الشرقية وانا في الرياض

ونتزاور بشكل مستمر ونسافر مع بعض ، والحقيقة انه الآن اصبح اكثر من أخ

---------

هذه المقدمة هي عربون محبة لاعضاء اذا شفت ردودهم في المنتدى ماتقدر تمسك نفسك من الظحك او من الاعجاب بمواضيعهم

* خشم الحصان
* ضب
* نقا هشال
* محب البر

اعضاء اذكرهم في بداية تسجيلي وقبل انقطاعي عن المنتدى
* حفرلوجيا ( وين اختفى هالرجال ؟ )
* رمش العين ( مختفي بعد ، التقيت معه في الصمان بالصدفه على الجهاز ، وكنا نبي ننظم كشتة جماعية لكن للأسف فشلت )


لكل من ذكرت اقول ( اني احبكم في الله )

اخوكم ومحبكم ابومعاذ :good2:
* ضب *
15/06/2004, 11:29 AM
احبك الله الذي احببتنا فيه

7
7

لكن ارجوا ان لا تتعدي هذه المحبة حدودها وتقلب علينا... الله يستر
وانا متاكد انك لوشفتا غيرت رايك :D

لكن خلنا نشوف بعض مع هالطيق (جمع طاقة.. اي فتحة .. وهي الشاشة)
نكون كذا حلوين ومستانسين والله لا يغير علينا .
الربذي
15/06/2004, 11:35 AM
واحد داخل عرض:confused: تصدق اني اغليك ياماكس باور 00000واحبك في الله 0000من ردودك 000000
Khalid AlGhamdi
15/06/2004, 11:58 AM
لو شفتكم ان شاء الله ماني مغير رأيي ادري انكم طال عمرك شارب الواحد فيكم ياقف عليه الصقر :eek:

خصوصا انت مع جلدك اللي يضرب به المثل وفكك الفتاك :D

اخوي الربذي احبك الله الذي احببتني فيه ومافيها شي يوم تدخل عرض

اصلا الموضوع كله خاش عرض :D
خشم الحصان
15/06/2004, 09:59 PM
الاخ الغالي
ماكس بور
السلام عليكم
احبك الله الذي احببتنا فيه الله يغفرلك ويرفع من قدرك امين وانا اقول خلها الي حد المحبه بس وياني وياك تقول ابشوفكم او خلنا نطلع مع بعض للبر زين ترا الحب في الله غير الشوفه الشوفه الله يجيرك انشد شيبانك وشي شيفة عريض واذا علوموك تراه انا وان كان ماودك تنشدهم اعطيك المواصفات
الشعر عراده كنه عوشزه به اكياس شعير ضربتها شمس
الخشم مايل من التعليق
الضروس معاد الا ثنين كنهم بيالتين في طرف طوفريه يعني في الليل خذ تنسيم هواء واذا حكية كن الي مقابلني ممطر وجهه وخاصه حرف الثاء وخر خشك لايجيك شي
البرطم كنه فحمة سيكل خشبيه سته وعشرين يعني ماكو شنب لالا ماحلقته بس من كثر ماتردع الدنانه في الخشه
العيون مهنب اخوات كلن في جهه
منيب اقول لاتحبآ الله يغفرلك اخيي يعني غلام الشريا املاح مني
اها ريض ولا هو نت
اخوك
خشم الحصان
Khalid AlGhamdi
16/06/2004, 12:36 AM
وعليكم السلام ورحمة الله وبركاته

خلاص قررت اني ماريد اشوف رقعة وجيهكم

طلع كل واحد فيكم عنده عاهه مستديمة :rolleyes: