يهمني رايكم جميعاً ياخواني

[ابو سلطان898]

وش رايكم في الطير ياخوان وهل هو الطير الأشقر الصافي ام الأشعل الصافي وودي لو كل واحد يخبرنا بماكر الطير حسب رايه كل ذلك فضلاً وليس امراً
http://www.mekshat.com/pix/upload03/images116/mk122493_s.jpg
http://www.mekshat.com/pix/upload03/images116/mk122493_b.jpg

[عثمان المطيري]

ماشاءالله تبارك الرحمن يفيدونك الاخوان ذو الخبرا وشكرا

[مخاوي شيهانه]

ماشاءالله تبارك الله
الله يطرح فيه البركه
اشعل
مو صافي فيه دق
ماكر الله يعلم
اشباب مايقصرو ان شاءالله

[أبوحمد 505]

والله لست من هواة الطيور ولكن الله يبارك لك فية

[هواي داورد]

ماعندي علم باللون لان التصوير شكله ظالم الطير ( الريش كأن فيه زراق )

[بو غازي]

السلام عليكم ورحمه الله وبركاته
الطير ياخوي الكريم حمر صافي راسه عازل عن بدنه ومن ناحية الماكر والعلم عند الله الطير منغولي.
وشف الجماعه الي اخبر منا .
ماشاءالله تبارك الرحمن عليه ثنداه طيبه.

[حمدان502]

السلام عليكم ... مرحبا يابو سلطان ... انا اؤيد كلام اخوي بوغازي الطير حمر مهوب اشعل ... اما من ناحية الماكر فهاذي كلها اجتهادات والله اعلم لكن صعب انك تحكم من الصورة ... شكرا لك وتقبل مروري

[حمدان502]

السلام عليكم ... مرحبا اخوي بوسلطان ... انا اؤيد كلام اخوي بوغازي :good: الطير حمر مهوب اشعل ... اما بالنسبة للماكر فهذه كلها اجتهادات ، وصعب انك تحكم من الصورة ، والله اعلم ..شكرا لك وتقبل مروري

[بحرة حوشان]

صبحك الله بالخير
ماشاء الله طير مزيون
انا عندي رمعه بالنسبه لماكره
لاكن نبي صورة ذنيباه
ردها عني ريشته يومنه فرخ شقار وسهومه غتار

[الشمطري]

ماشاء الله تبارك الرحمن

الله يبارك لك فيه ويطعمك من صيدة ويتمم عليه

[الحبيليص]

ماشالله تبارك الرحمن

[قعقاع التميمي]

ماشاء الله الطير حمر صافي والعلم عند الله

[سفير الشهامه]

ماشاء الله الطير طيب والله يوكلك من صيده .............. أما من ناحية الطير والعلم عند الله حمر صافي مثل مايقولون الأخوان

تـــــــــحيـــــــــــاتــــي

[محمد الفهيد]

الصوره ظالمه الطير والله اعلم

ونظرات الصقاره ترى تفرق وكلها سليمه انشالله
فيه ناس بتقول لك أحمر صافي ، وناس بتقول لك أشعل ، وناس بتقولك حمر شقران صافي

والطير طيب بالحيل الله يبارك لراعيه

[قرناس ارامكو]

ماشاءالله تبارك الله
والطير حلو ووسرتة طيبة
وهو حمر كاشف صافي

[..@القناص@..]

ماشاء الله تبارك الرحمن..
الطير طيب بالحيل
الله يبارك لك فيييه
وتاكل من صييده
والله يرزقنا بمثل هالطير ,,,

[هداج1]

الطير احمرمغاتير حسب الصوره ويمكن انها ظالمته وليس صافي لان فيه دق بسيط اسفل الغواطي
والماكر والله اعلم انه شااامي؟؟لان الشامي ياتي بين الفارسي وبين الصافي وانا اشوف الطير انه بينهن
والله يبارك لك فيه

[عوق الخريش]

بسم الله الرحمن الرحيم
وعليكم السلام ورحمة الله وبركاتة :
حياك الله أخوي : أبوسلطان 898
الطير والله حسب أللى أشوفة فى الصورة حمر صافي اصيل ومن ماكر اصيل ونادر
ولآ أتوقع أنة يدخل فى حمر المغاتير لأنة من فصيلت الحمران فقط ؟؟
تحياتي لكـــ.....وشكراّّّ,,,,

[راعي غضبان]

ماشاءالله عليه الطير حمر صافي الا كان الصوره ظالمته ماعطتنا لونه الطبيعي وموكره الطيور الصافيه طرحت في كل مكان بس كلن اليا طرح طير في منغوليا قالوا منغولي واليا طرح في ليبيا قالوا ليبي واليا طرح بارض فارس قالو فارسي والطيور كلها مهاجره عابره وكلن اوديرته الي يطرح فيها وتقبل مروررررررررري ولك مني جزيل الشكر

[دلوع الهوى]

ماشاء اللة على الطير واللة يبارك لك واللة انة مزيون اضني انة احمر وراسة كاشف

[علي ال عذبه]

ما شاء الله تبارك الله
الطير طيب والطير احمر واظنه تركماني

وتقبل مروري

[صاحب نوماس]

الطير وانا اخوك حمر مغاتير

وانا اتوقع انة منغولي

والله يبارك لك فية

[ابو سلطان898]

والله ياأخوان ماقصرتم وبيض الله وجيهكم جميعاً ومن

ناحية الصور ترى بالجوال وماعطت الطير حقه

اما الطير فهو من طيور الأمير سلطان بن عبدالعزيز مخرج

السنه هاذي اشقر صافي سألت كم صقار شاهدوه على

الطبيعه وكبار في السن واتفقوا على انه الطيرالصافي

اخوي العزيز سلطان القناص ابشر بعزك وانا اخوك والله

مايسوىمواطيك تعال شله

باقي الأخوان لهم الشكر الجزيل على ردودهم وتشريفهم

موضوعي

[دهام 50]

الطير طال عمرك حمر صافي ولامر على الشقار حسب الصورة تراني حكمت علية
والله يطرح فية البركة وتستاهل الطيب ولاكن ودي اسالك الطير هذا مدهنتة سليمة اوفيهامشكلة وهل هو
موجود فى المحل اللى مصور فية اوبراى وشكرا

[ابو سلطان898]

اخوي العزيز دهام 50 الطير غير موجود في المحل الان بل في مربط واما سؤالك عن المدهنه ما لاحظت شى عليها والطير في مرحلة قرناس يمكن يختلف بعض الريش بحكم هذا جديد وهذا قديم

[وهاج90]

يعطيك العافيه ياخوي بالنسبه للطير ماشالله والعلم الاكيد انه اشقر ولا فيه كلام مره وشقاره كايف مره الله يهنيك ماشالله

[أبو إبراهيم !!]

الله يعطيك من خيره ويكفيك شره

[محمد الشامان]

ماشاءالله تبارك الله
والطير حلو ووسرتة طيبة
وهو حمر كاشف صافي

[الخالدي2007]

ماشاءالله تبارك الله
الله يطرح فيه البركه
اشعل
مو صافي فيه دق
ماكر الله يعلم
اشباب مايقصرو ان شاءالله


الطير احمرمغاتير حسب الصوره ويمكن انها ظالمته وليس صافي لان فيه دق بسيط اسفل الغواطي
والماكر والله اعلم انه شااامي؟؟لان الشامي ياتي بين الفارسي وبين الصافي وانا اشوف الطير انه بينهن
والله يبارك لك فيه



كلام ميه بالميه
اللي يقول انه صافي وواثق من كلامه
مع كل احترامي ما عندهم علم

واللي ما شاء الله عليه حكم ان الطير اشقر
حدا امرين
يا انه شايف غير هالصوره
يا ان عنده خلط بالملاوين والطيور العاديه.
الطير هذا حمر مزيون عادي لا هو بأشقر ولا هو بأشعل
والصوره ما ظلمت لون الطير واضحه حتى للشراي الصامل بالنسبه لظهر الطير ونحره.

وجهة نظر ولا احد يزعل منها

[ابوميلاف]

اخوي ابوسلطان
مشاء الله تبارك الله الله يطعمك من صيده

تقبل تحياتي

[قرناس حائل]

ما شاء الله تبارك الرحمن

الله يطعمك من صيده

[تركي العتيق]

الطير طيب ومافية كلام ولونة حسب مااشوف حمر صافي والله اعلم
شاكر لك