ابي مشورتكم ..... ارجو الدخول

[ابو زكي]

السلام عليكم ورحمه الله وبركاته

حبيت استشيركم بناريه بشتريها بس ماادري عن نوعيتها .
لي فتره وانا ادور لي على ناريه ووصيت الشباب قلت لهم اذا احد جاب لكم طاري بندق للبيع انا شراي بعد فتره دق على واحد من خوياي وقال لقيت لك ناريه طيبه مريته وشفت البندق وترددت فيها لانها مختلفه شوي عن اللي اعرفها من السكتون الناريه اللي متعود عليها
الصناعه امريكيه وتشيل 16 طلقه قال لي صاحبها خذا البندق وجربها ولا تاخذها الا وانت مقتنع لاني جايه عن طريق خويي وهو يمون عليه
طلعت انا وخويي وجربناها بصراحه فيها خفه واعجبني رميها وانك تنسى موضوع المخزن والرصاص تحط ببنطها 16 طلقه تجي ماصورتين فوق بعض والخشب عليه نقش بصراحه نظيفه من خشبها وماصورتها وكل شي واعجبتني بس انا ماادري من ناحيه استخدامها وصيانتها هل اعطالها كثيره مع ان صاحبها مدحها لي وقال ماني غاشك فيها وهي الان موجوده عندي وبكره برد له خبر فيها يانه اشتريتها يا رديتها له
اتمنى انكم تفيدوني بهالموضوع وتشورون علي اكيد انها ماره عليكم

[علي بن مرزن]

السلام عليكم ورحمة الله
كان إنك تقصد هذي
http://www.thegunsource.com/DisplayPic.aspx?PIC=17279
فهذي معلوماتها

الاسم والموديل: خرازة هنري الكلاسيكية موديل H001
صناعتها: امريكية
طريقة تلقيمها للطلقات: عن طريق ذراع متحرك تحت الزناد
تركيب دربيل: نعم يوجد مجرى للدربيل
عيار طلقاتها: 22 ملم طلقات الخرازة العادية
مخزنها: عبارة عن ماصورة تحت السبطانة تاخذ 15 طلقة وواحدة في بيت النار= 16 طلقة
طول السبطانة: 45سم تقريبا
الطول الكلي: 92سم تقريبا
الوزن: 2 كجم تقريبا
يقول راعيها
خفيفة الوزن وقصيرة ولا تتضايق منها في السيارة ووذفه وتطربك في الرمي

[ابو زكي]

شاكر مرورك اخوي علي وانا مستغرب كل هالزيارات ولا احد افادني
الله يعطيك العافيه بالنسبه للخرازه تختلف عن اللي حاطها بالصوره
لان طريقه التلقيم تجيب على الجنب ولمره وحده بس وباقي الطلقات تماتيك
قريت اللي مكتوب على الماصوره وهو منقوش مكتوب ونشستر موديل 190
خفيفة الوزن وقصيرة ولا تتضايق منها في السيارة ووذفه وتطربك في الرمي
وهذا اللي ناسبني فيها
وشاكر لك مرورك

[صفق الهوى]

يفيدونك انشاء الله

[البانلي]

اذا ما عليك امر علمني كم سعرها

[عااشق نفود]

صورها ونزلها يمكن نعرفها

[aborajwa]

ابو زكي انا عندي من شركة رمنقتون موديلها 550-1شاريها لي اكثر من 15 سنه وشغلها زين وتمام والاعطال انس الموضوع هذا اذا استخدامك للبندق زين .. وازيدك من الشعر بيت الوالد الله يحفظه عنده وحدة بعد مثل اللي عندي لها عنده اكثر من 50 سنه قبل ما اولد انا وطرح فيها من الغزلان لين قال بس ومن الضبان والوبران والحجل والدرج وكل ما يخطر في بالك من الصيد وما قد سمعت من عرفي لها انها خانته والا تعطلت عليه واحتاجت شي حتى يوم كنت في المقانيص معه والله انه يرمي قدام ممشى خوياه ويحطها بينهم وهم يمشون ورى بعض وما يشوفون الا الرمل الله يعزك يطير بين رجولهم وهو بعيد عنهم لكن والله وقتها كنت خايف لان اللعب بالسلاح ماهو زين والله ستر .. الله على ذيك الايام يمكن قبل 30 سنه الكلام هذا ....
طول اللي عندي الكلي 110 سم وطول الحديد كله من اوله الى اخرة 80 سم ..

اللي عندك الظاهر يقولون انها ام مبرد يجيك الحديد حول بيت النار له فتحات ..وهذه شفتها من شركة ونشستر ولم استخدمها .. لكن انها طيبة وماعليها خلاف ..اهم شي يكون طولها مثل ما قلت لك او حوله .. اما اذا القصيرة فبصراحة ما هي قد كذا ..

[الروقى2007]

الله يعطيك العافيه ع موضوعك