هل يوجد سمك في شاطي نصف القمر ؟ ؟ ؟

[بـــدر]

.


الســلام عليكم ورحمة الله وبـركاته



قبل شهر طلعت أنا واصحابي للسباحه في شاطي نصف القمر تقريبا الساعة 2.00 صباحاَ
بعد ربع ساعه من السباحه على ضوء القمر كان تقريبا يوم 15 من الشهر يعني بدر على اسمي :D
المهم بعد ما طلعنا وجلسنا نتعشى سمعنا اصوات شفنا في عده مواقع متفرقه شي شبيه بالسمك او كما قال بعض الاصدقاء وقتها (دلفين)
الي انا اعرفه إن الدلفين ما يعيش في الخليج وخاصة ان شاطي نصف القمرعباره عن لسان بحري او كما يسميه البعض شرم


حبيت أنقل تسائلي لكم... هل فعلا يوجد في هذ المكان بالتحديد اسماك؟ وهل هي خطره ؟





.

[مهووس بحر]

ماعندي خلفيه عن المكان
تقبل مروري

[abufahd]

بالفعل انا مرة شفته العصر وكان واضح الزعانف الي فوق ظهرة بشكل كبير وكان يسبح حول الدبابات البحرية

[abuufahad]

بالفعل انا مرة شفته العصر وكان واضح الزعانف الي فوق ظهرة بشكل كبير وكان يسبح حول الدبابات البحرية


صحيح يا سمي ( ابوفهد) صحيح والله كلامك بنفس المكان اذا كنت تقصد دبابات الهوليدي ان لاني شفته في العصر وكان لون الزعانف اسود والله اعلم

[غواص حائل]

الهاف موف ملينان دلافين خاصة في مناطق السباحة انا اشاهدها كل ما خرجت الى الهاف موف ...

اما الاسماك هي موجودة لكن وراء طعس القص

اغلب الاسماك القريبة من الشاطي اسمها الضلعه وهي سمكه لها اشواك مع الجوانب لحمها غير طيب وهي غير مرغوبه الاكل لكن لا يخلو البحر من اسماك وخاصة عند الصخوور ...



تقبل مروري

[بـــدر]

.

اشكر الجميع على سرعة الرد...
طيب كيفها من ناحية الخطوره... هل منها اذى على الإنسان يعني هل فيه نوع منها سام خاصه اناً كشباب ندخل عمق 150 إلى 250 متر وخاصه بالليل

.

[بارق تميم]

شاطئ نصف القمر عااااالم ثااااني يابدر وبالذاات إذا كان شبه فاااضي يعني مافيه زحمه وااجده

وبالنسبه لدلافين شفتها كذا مره وكانت قريبه لشاطئ أذكر مره كان حول المغرب طلعت الدلافين والصراحه كااان منظر فوووق الخيااال تمنيت ذااك اليوم معي كمره علشان اصورهم

لكن الجاايات اكثر إن شاء الله

وبالنسبه للخطوره من صغر سني وانا اسبح بالهافمون والحمدلله مأذكر إني تعرضت لشي وحتى اشوف السمك الي ذكرها اخونا غواص حائل وكانت تمر من حولي لكن ماتعرضلي ولله الحمد

لكن فيه أفاعي سااامه وموجوده بالمنطقه وسئلت عنها مدرب الغوص وقالي انها ماتتعرض لشخص إلا إذا هاجمها

هذي مداخلتي واتمنى اني افدتكم بشي من جعبتي:)

[باثفندر]

انا من اهل المنطقة الشرقية والهافمون عارفة شبر شبر ( واعوذ بالله من كلمة انا ) البحر كله طين قاعة رمل مافيه شي مميز ولا توجد فيه اسماك كبيرة واجد ، الدلافين موجودة وهي ماتآذي وكم مره حاولنا نباريها بالطراد ماقدرنا لأنها سريعة جدا بس اذكر ان الشباب يقولون تمشي معهم بقواربهم وتسوي حركات تلعب ، اما انواع ثانية مافيه ولافيه القرش الكبير وعلى العموم الاسماك قليلة بس لو تطلع بريقط او الزبنة بتلقى السمك ( المنطقتين عبارة عن الراسين الهلال ) ،

[محمد 17]

:d الله اعلم وتققبل مروري مرور الكرااااام هههه

[بـــدر]

الله يعطيكم العافيه ياشباب ... وفيتو وكفيتو

بالنسبه لافاعـي انا سمعت عنها والله يكفينا شـرها

[الشمطري]

ماقصرتو ايضاح كامل

والشكر لصاحب الموضوع