...سوالف صقاقير وقت الربطه...

[بالون]

.بسم الله الرحمن الرحيم.
مساء الخير للجميع وبعد
تعرفون ياجماعه وقت الربطه تكثر الفضاوه وتبطح وطلعات القهوه
بنفود ويحصل عشاء لان الجميع رابط و الجو حار:no:
فاتكثر السوالف والتفكير العميق لدى بعض الربع
الزبده
فكر احد الشباب ان يضع بمقيض الطيور شاشة بلازما يعني تلفزيون:confused:
ويشغل فلم مهاد طيور ع حباري تتوقعون انه راح الطيور تابع الافلام:p
ومن باب الضحك
بقول احد الطيور غير الفلم حق الجزائر هذا شايفينه امس:confused:
ملاحظه!
كل السالفه ياربع من باب الضحك والمزح فاتقبلوني بصدر رحب
وانتظر الردود
ــــــــــــــــــــــــــــــــــــــــــــــــــ ـــــــــــــــــــــــــــ
نرجع ونقول سوالف صقاقير وقت الربطه
يعني فاضين ويدورن سوالف.
اخوكم بالون.
القصيم..

[الفيتو]

بسم الله الرحمن الرحيم
السلام عليكم ورحمة الله وبركاته
صباح الخير ياخوي / بالون
ههههههه .. كيف طرت عليك هالسوالف من الطفش ؟؟
.
واحد من الطيور يوم شاف الفلم
وشاف واقعه الحاضر في المقيض تشكيل العلف .. فيتامينات .. مكيفات
.
تذكر البرقع .. البرود .. والجوع .. والموتر يومي به من الفجر للمغرب .. معارك الخربه (الصراع من اجل البقاء )
.
قال
ياحسرة الأيام وليَ وإذهبي .. في غير حفظ الله ذهاب بلا إياب
0 العذر لبو هذال.
مشكور
*
والسلام
الفيتو
الحجاز
12/6/1430هـ

[بالون]

بسم الله الرحمن الرحيم

السلام عليكم ورحمة الله وبركاته
صباح الخير ياخوي / بالون
ههههههه .. كيف طرت عليك هالسوالف من الطفش ؟؟
.
واحد من الطيور يوم شاف الفلم
وشاف واقعه الحاضر في المقيض تشكيل العلف .. فيتامينات .. مكيفات
.
تذكر البرقع .. البرود .. والجوع .. والموتر يومي به من الفجر للمغرب .. معارك الخربه (الصراع من اجل البقاء )
.
قال
ياحسرة الأيام وليَ وإذهبي .. في غير حفظ الله ذهاب بلا إياب
0 العذر لبو هذال.
مشكور
*
والسلام
الفيتو
الحجاز
12/6/1430هـ



يشرفني مرورك ياخوي الفيتو
وسرعة التجاوب
الصراحه من الطفش تجي انواع السوالف والخيال
الواسع
مكشوور ع المرور
بالوون.

[راعي غضبان]

وعليكم السلام الله يعينا جميعا على الربطه اسمها ربطه مهيب الطيور مربوطه بس حتى كلنا كلنا مربوطين وندور الي يشغلنا مره نتابع افلام الطيور وناخذ من هذا شريط مقناص ومن هذا ومن هذا نضيع وقت الله يعين الجميع والله طفش والله يعين الجميع وصل الفرج كلها ثلاثه شهور وعليها وبتمضي على خير ولك مني جزيل الشكر راعي غضبان

[بالون]

وعليكم السلام
اخوي راعي غضبان
يشرفني المرور
ع قولتك ثلاث شهور
ربك يعين.
اخوك
بالون
القصيم.

[لعّاب المنايا]

من الهواجيس وانا أخوك أسولف على الربع لو إنت خرب وانت دجاجه وين تنزل
ولاهد عليك الطير فلاني تفقع من بعيد وتخشش بين القشع هل لاقطعت البحر تنزل على طول والا تقطع شوي
بعد مسافات وتروح تطب بالصمان او الدهناء والوعره ,,,

وهالسوالف الخياليه من باب الدعابه والضحك مع ربعنا ,,,

ومثل مقال ابن فطيس

الله على الربطه يعين الصقاقير... اللي تعد الريش وتعد الأيام

[بالون]

صدقت اخوي..
لعاب المنايا
لوانا حبارى مريت السعوديه ونا مغمض.;)
وما اطب وما اطب فيها ابد
تحياتي
بالون
القصيم.

[صياد ليبيا]

اخوى (بالون) مشكور على طرح هذا الموضوع الممتع
كل صقار شايل سوالف يفضى باله بها الموضوع ولا ايش ؟؟
ما احكيلك انت وباقى الاخوة يا راجل الواحد حتى النفسية تعبت
من البلد وزحمتها وصوت نفير السيارات والهرجة اشتاق للخلا
والله اشتياق مش عادى الهدوء والرفاق اللى على كيفك والارض
الزينة بصيدها وحباريها والطير اللى يبرى غليلك ويشفى العلة
طير من مراكز طيور وسيد الحبارى ويعرف كيف يقتلها مش
طير غشيم طير معلمته امه الصيد....طير حر يبرد غليلى
و يفرج خاطرى هذا سلملى عليه انتظر الموسم بفارغ الصبر
ومشتاق لشيلة الطير على ايدى...والله اعلم ترى النفس ما لها غنى
عا المقناص وبالنسبة لى ما فى شى يبرد سمى الا المقناص وطيرة الحبارى
وانا الحين حسيت نفسى اشكيلك والله انها محنة بعدنا عاالطيور والمقناص
الله يصبرنا و خلاص

تقبل تحياتى وسامحنا ترى الكبد زاقة من شوقها للمقناص

اخوك (صياد ليبيا)

[صقار النزارة]

حياك الله اخوي بالون

الربطة تراها لنا مهب للطيور الطيور وش عليها مستانسه مثل ما قال اخوي الفيتو
وودها ما تخلص الربطه ههههه

انا امس اشتقت لنقلة الطير وقلت اليوم مافيها بعشيه على يدي

العاده ادخل عنده احطله العلف واطلع ولا يكفخ ولا شي
امس يوم دخلت عنده وشاف الدس انهبل الطير قام يكافخ ويصيح ويقووول (( يوووووه رجعنا للحركات البايخه ههههههه)) ويوم وريته العلف جلس بعيد عني ويطالع متردد يقول انقز ما انقز انقز ...... اخاف يبرقعني

[مخاوي شيهانه]

حياك الله اخوي بالون على قول اخوني اربطة تراها لنا
بس تصدق فكرت الشاشه في المربط جازتلي وحلوه لطيور ههههههههه
احرق اعصاب الطيور علشان تصفي في شهر ويجيك شبلان هههههه
ماقول غير الله يعين راح الكثير مابقي الا القليل
ونا عن نفسي مسلي حالي ومقطع يديني في صنع الشبك
واتفنن فيها هذي تمام وهذي يبقالها ماهي مضبوطه فكها وسوها من جديد
تشكر يا الحبيب على الطرح الجميل جدا
الله يعطيك العافيه
وتقبل مروري

[عوق الخريش]

بسم الله الرحمن الرحيم
وعليكم السلام ورحمة الله وبركاتة :
حياك الله أخوي : بالون ولآهنت على الموضوع
والله كلام الربع وكلامك صحيح ياكحيلان لآكن الطير هذي حلاتة لوكان معك مدا السنة كان صار علم ثاني
والطير أللى مزود غلاة أنك تخاوية 6 أشهور وتفارقة 6 اشهور والوقت ياالغالي قرب ماعاد ألآ3 شهور
والروتين لابد منة فى القيض تطير ولاتوقع الحر والمملة فيك فيك لووين مارحت مردك للقيض هههه
والشاعر يقول :
السنة راحت وحنا بين نار وبين غار .... أن وصلنا لستراحة وأن رجعنا لسرير ,,,
أما باالنسبة لنا مقزرينها عند المكيف فى النهار وفى الليل منا ولامنا
قنصة ارنب ولاوبر ولالا المهم تقزيراليالي وألأيام
تحياتي لكــ....وشكراّ,,,

[ابوخالد المطيري]

السلام عليكم
سبحان الله انا ادور طيرشفت طيورلين دخت مره غالي ومره فيه عذروب ومره مدري عن علومه واحس ان الوقت يمشي بسرعه وانا ماشريت طير ولله سبحانه يعلم وش الخيره حبيت اشاركم اخواني وادعولي ان الله يوفقني بطيرينومسني
ولكم الشكر
وتقبلوا تحياتي

[بالون]

اخوي صياد لبيا..
والله مالومك واحس ان فيك
قهر من البلد
ودك بشوفالبر والصيد فيه
الله يعودها علينا كل سنه
تحياتي اخوك.
بالون
القصيم

[بالون]

اخي عاشق البندق..
من الطبيعي ان اليد تشتاق
لنقلة الطير تعودنا عليه بشتاء
الله يجيب سهيل دخول الوسم.
تحياتي اخوك .
بالون
القصيم.

[بالون]

اخي مخاوي شيهانه..
الفكره حلوه تخلي الطير يشوف
وينقهرويصفي بسرعه واما الشبك ع قولتك تضيع
وقت وتسليه
ربك يعين
تيحاتي لك
اخوك.
بالون
القصيم.

[بالون]

هلابك اخوي/عوق الخريش
صدقت من الاستراحه للبيت وشوفة هالافلام
ومن استراحه لستراحه.
الله يصبرنا ياولد ديرتي
تحياتي.
بالون
القصيم

[بالون]

هلابك اخوي/ابو تولين
الله يرزقك بطير الطيب
الي يجملك ويطيب
خاطرك
تحياتي. اخوك
بالون
القصيم.

[ذراع الذيب]

السلام عليكم ورحمة الله وبركاته
مسيت بالخير يابالون..مشكور على هالموضوع اللي امتعنا
واشكر خويانا ..ونستونا

[بالون]

وعليكم السلام اخوي/ذراع الذيب
لازم نضحك ونتونس بصيف
اما اذا جاء الشتاء الكل
شاد فراشه,,
تحياتي لك
اخوك.
بالون
القصيم.

[مفتون الشمال]

يعطيك العافية اخوي بالون على الموضوع بس أخاف لحطيت شاشة بلازما للطيور انا أقعد اتابع معهم من الطفش هههههههههههه

[بالون]

هلابك اخوي/مفتون الشمال
هههههههههههههههه
وهذا الحاصل اخوي
راح نتابع ,,
تحياتي اخوك.
بالون
القصيم.

[ابو امنه]

اللة يعييننا وياكم ويعود علينا الموسم بخير

[الرقعي]

http://farm4.static.flickr.com/3022/3034327448_4123ed6d04.jpg?v=0
الله على الربطـة يعيـن الصقاقيـر***اللـي تعـد الريـش وتعـد الأيـام
يقطعـون اوقـا تـهـم بالتسايـيـر***وشوف المقانيص القديمـة بالأفـلام
تشوف راعي الطير عاف المظاهيـر***ومن شوفت القمرا وعـدً لهـا صـام
قعد مابين أهـل البنـاء والنجاجيـر***وفي دورته ماهتم في فـرق الاقيـام
يبغي مقيظه مايجـي فيـه تقصيـر***من خوف لوم اللي إلـى شافهـا لام
ويجيب لطيـوره حليـب العصافيـر***إلـى تباطـى حذفـه لريشـة العـام
يويق صبح وظهر والعصر وعصير***ويظهر عشاها عقب ماجا من الـزام
يقسـم علفهـا بالتسـاوي بتقـديـر***وقدامهـا كنـي بـه يكسـر عظـام
كنهـا تزيـده لاتعـشـت دنانـيـر***والى أدرجت مايفتكر في هـل الشـام
تمسي وهو مامسى روابـع وتفكيـر***يرمي به الهاجس على جال الأحـلام
ويذكر مكـان داجـه العـام بالخيـر***ويطري علية أزين مقانيصه أعـوام
وذيك الوناسه والقنـص والمشاويـر***وخوة رجال هل مقانيـص وحشـام
الله جمعهـم كلهـم فــي سيـايـر***وقدامهـا فرقهـم ظـروف وأحكـام
على الوعد (ف)أول محطة طوابيـر***وفي كل موتر عزبـة فـوق قسـام
فلان ينطر له رفيـقً علـى السيـر***وفلان خذ للربع مـن كـل الأنعـام
وفلان عند البنشري يركـب اسبيـر***وفـلان قدامـه يركـب لـه اسيـام
وفلان عجـل ولايبـي زود تأخيـر***شغـل وراح وواعـد الربـع قـدام
فـي شفهـم ماحسبـوا للمخاسـيـر***لو زادت أصفـار مياسيـره أرقـام
في حلها (ف) الطيب ماهـو بتبذيـر***يراقبـون الله وأحـكـام الإســلام
وراعي القنص عمن يسب القنص غير***شف ذا إلى ذهّن وشف ذا إلـى نـام
يغط غطة ذيـب وان ذهّـن يطيـر***ويقوم عاد اللـي معـه مابعـد قـام
ويشب في اللي قبل يحتـاج تكسيـر***فـي ليلـة مافـاد فيهـا التلـطـام
وفي ماهي تفـوح الـدلال المباهيـر***خـذ ركعتيـن بالخـفـا لله قـيـام
والى قضى ركـد دلالـه مساطيـر***وأذن ولا يحتـاج للـربـع قــوام
تمالـوا وركبـوا وراحـوا مداويـر***للي يـروّع زولهـا كـل ضرغـام
برقا الجناح اللي إلـى قامـت تسيـر***أول مايطـري للـربـوع التشـيـام
تشاوروا وصلـوا لخيـر الاشاويـر***وهدوا غرام الشـارده عقـب لـزام
هدوا معيـدً عوقهـا عقـب تذييـر***أصله وحش مطروح في ديرة ألغـام
مغتـر ولا طبعـه بطبـع المغاتيـر***من يوم رب ووالـف الـدس ماحـام
مطلق عمد صافي وسيـع المناخيـر***كن دق صـدره دقـة شمـاغ بسـام
عود ويخالى به على الفرخ والجيـر***جسر وعلى المدخال في الجول عـزام
أعطاهم الصيده بعـد ماخـذ السيـر***وعلم فـروخ كـان تحتـاج عـلام
هدوا وصادوا والهدف هـدة الطيـر***ماهمـهـم لـدهـام ولا لـعــزام
تبدلوا (ف)الزرع شـوف النواويـر***وتبدلوا في الزحمـة فيـاض وخيـام
على لحم صيد وحليـب المصاغيـر***تبدلـوا بالسيـر والقـيـد درهــام
وسجوا من همـوم البلـد والفواتيـر***وهموم الأسهم ذاك عارض وذا سـام
وتريحوا مـن قولـة صـار تفجيـر***ومن شوفة الفتنة ومن كذب الإعـلام
نشوف تفجيـرات ونشـوف تعزيـر***ولاجهلنـا ماحصـل بعـد صــدام
لكن شوف وحـر جـوف ومقاديـر***وش الجهد غيـر الدعـاء والتهشـام
الزبـدة ان البرمـن غيـرة اخـيـر***لاصار مع ربـع صقاقيـر وحشـام
وبعض الرجال اللي يلوم الصقاقيـر***ماهـو يعـد الريـش ويعـد الأيـام
تراه مربـوطً مثـل ربطـة الطيـر***ويقصر جريره حده البيـت والـزام

[((السنياري))]

سولف اصقاره بربطه:.

افلان باع طيره

الطير الفلاني للبيع

اطير الفلاني باقيله الريش الفلاني

اطير الفلاني للحين ماحذف <<<(وهاذي سالفتي دايم) :)

[abu saud]

السلام عليكم ورحمة الله
هانت يا رجال هالحين نتسلى بطرح الجبليات ونمضي الوقت لين تصفي طيورنا
صدقني ما معنا الا شهرين نريح فيها والباقيه يامقناص كراويين يا مقناص طيور