من يقدر يعبر بلسان ها العصفور

[راع الكحيلة]

شاهدت هذه الصورة المعبرة جدا
من مشاركة لاخونا العزيز ماكس بور في خيمة الكاميرات والتصوير
وقد بانت مشاعر اخواننا الحساسة والجميلة هناك

فأحببت أن اجلبها هنا لأصحاب المشاعر المصففة

يعني يا ليت نشوف قدرات الربع في وصف ها المنظر على الاقل ببيتين أو ثلاثة فقط




تفضلوا الصورة





http://www.mekshat.com/pix/upload/images5/mk6097_01.jpg
http://www.mekshat.com/pix/upload/images5/mk6097_02.jpg

[مخاوي الصقور]

تعال يالقناص واجهز عليّه = ارسل تصاويبك على القلب بإتقان
مادام راح اللي له القلب فيّه = مالي وطن مالي تغاريد والحان
ياما سرينا بالليالي سويّه = ياما خفق بالريش مكحول الأعيان
حطمت دنيا بالشقا والرديّه = لعب وطرب وضحوك من غير عنوان
القاك عند اللي رزق للبريّه = القاك في يومن صعيبن وندمان
اقول هذا اللي نوى لي بنيّه = في ساعة الغفله وانا كنت نشوان
تعال خلص جهز البندقيه = ماعاد لي في دنيتي غير الأحزان
اقولها محروق وش في يديّه = حالي ضعيف وزوّد الغبن حرمان
مرحوم ياللي داهمته المنيّه = تعداد مارفرف شبيهي بجنحان
ياليتني ياناس صرت الضحيّة = ولا فراق اللي له القلب شفقان

[راع الكحيلة]

مخاوي الصقور

رائعة
معبرة
حزينة
مؤثرة جدا

تسلم على هذه الأحاسيس الجياشة
التي طوعت فيها القيفان وجعلتها تحت أمرك

لك كل الود والتقدير

[الجوني]

لافض فووك ...

ماشاء الله عليك ...

تصدق يامخاوي إني وأنا أقر الابيات أحس إني العصفور...

وصف لا يوصف رائع ... وذات محسن بديعي ... لو إدخلت على الصورة لاكنت أجمل

سأحاول وضع الأبيات على الصورة ...

[راع الكحيلة]

هذا ما أنا بصدده الان يا بو صالح
لكن قلت أنتظر مساهمات الشعار
ثم أبدأ بعمل التصاميم على الصور
شاكر لك على هذا التجاوب

[راع الكحيلة]

القصيدة الوحيدة بالساحة
تستاهل من يبرزها مع الصورة

تفضل


http://abutalal64.jeeran.com/poem%20copy.jpg

[ابو شكاع]

مخاوي الصقور

رائعة منك

رائعة رائعة

صح لسانك وصح حضورك البهي واطلالتك وسرعة بديهتك

تسلم

ولاهنت

شكرا لك راع الكحلية

[مخاوي الصقور]

الغالي
راع الكحيله
لا هنت يالغالي ابدعت
ووالله ابدعت
فنظير ما تملك من امكانيات نجدك هنا
تبدع في وضع قصيدتي المتواضعه وفي قلب الصوره
لتظهرها في قالب آخر وتعطيها الوجه الافضل
لك اصدق التحيات ولا عدمتك

اخوي
الجوني
ياهلا بطلتك عالموضوع
ومرورك الاروع ومشاركتك القيمه
اما الصوره فهي ابلغ من الف قصيده
بنظره واحده
بربط الاحداث في مخيلتك
وتصورها امامك
خرجت برائعه في نظركم
تحياتي الصادقه

اخوي
ابوشكاع
من طيب عودك يالغالي
وابي السماح عالقصور
واستر ما واجهت
وحضورك زاد الموضوع روعه
لا هنت يالغالي
لك من اصدق التحيات

[مهند]

صح لسانك يامخاوي الصقور

عز الله انك شاعر لافض فوك

[ذيب مجيرة]

تلبية لطلب راعي الكحيلة العزيز
نشاااااااااااااااااااااارك هاالمسكينه مصيبتها
والله يعين كل ٍ على بلواااااااااااااااااااه
واستلموووووووووا واعذروا تقصيري
يا موت خذني ويش لي عقب خلِّي=وش لي عقب من ينعش القلب طرياه
خلي ثوى وانا دموعي تهلِّي=ازعج عليه الصوت من حر فرقاه
وا _ حر قلبي يا عصافير من لي=شيخ العصافير الوليدة فقدناه
طقِّه غشيم ٍ جعل حظِّه يولِّي=في بندقه يا جعل يمناه يسراه
وش يطلب العصفور خبل ٍ مفلِّي=ما فيه سدة جوع ياللي تبلاَّه
حرمتني من نور عيني وظلِّي=خلي ألا ليت العصافير تفداه
ان جيت يمه قام خلي يهلِّي=يفرش جناحه لي موده ومشهاه
وانا غلا مضنون عيني يتلِّي=يتل قلبي لين قطَّع عراياه
وما دام سيف الموت يمه يسلِّي=وش لي بعمري دام عمري بليَّاه

[راع الكحيلة]

ذيب مجيرة

كلمات جميلة رقيقة بلسان ها العصفور

أجل الظاهر ما انتم على مسمياتكم

اللي فوق خوي للصقور لكن قلبه أرق من العصفور

وانت ذيب وقلبك قلب حمل وديع

حمل وديع تراها مدح ما هيب مسبّة :D


تفضل

http://abutalal64.jeeran.com/bird%20222.jpg