مشكلة في عقرب كوفيا

[bashar009]

شريت عقرب كوفيا
ومن كثر ما انا معجب فيه واوريه للاصدقاء شكلنا عطيناه عين
صار اللي يطول ويقصر النار خربان وصارت النار ضعيفه كأنك قاصر عليه
وش الحل؟؟؟؟؟؟؟؟؟؟؟؟؟؟
خايف اشتري غيره تطلع عندي نفس المشكلة

بسرعه تكفون لاني ما اصبر عن العقرب ولا يوووووووووووووم؟؟؟؟؟؟؟

[NOYEB]

الله يكفنا شر العقرب والعقارب
انتظر الأخوان مايقصرون معاك ابو عبدالله وابو مها وسطام وأبو براك ولايهنون بيقة القروم ..

[أبو براك]

حياك الله اخي الكريم

كيف حكمت انه المفتاح خربان

هل يتحرك معك يمين ويسار بسهوله ,,

اذا الاجابه نعم

اعتقد المشكله بالماما وتحتاج لتنظيف فقط

وبانتظار ردك لكي نحاول مساعدتك بالقدر المستطاع

-

وشاكر للاخ الكريم NOYEB الاشاده

والحقيقه انا تلميذ بالنسبه لباقي الاخوه في مكشات

والذين تعلمت ولازلت اتعلم منهم الكثير

[ابوعبداللهA]

ارجو التوضيح ماهي العقرب

[سطام vip]

بسم الله الرحمن الرحيم

اخوي بشار اسعد الله اوقاتك بكل خير وعافيه

العقرب من اجود مواقد الكوفيا ويعيبه فقط صعوبه الصيانه والتنظيف

والمشكلة الي انت ذكرتها يكون سببها

1_ انسداد في المامه

2_وجود رواسب واوساخ في اللي (الهوز)

3- مفتاح الغاز (على قولتك الي يطول ويقصر النار)

ابداء يالغالي بالبسيط بس ان شاء الله انك راعي فك وتركيب

يبيلك تفك الهوز من عند مفتاح الغاز ومن عند القز

وتنفخه بالهواء وانفخ المامه بعد ومفتاح الغاز وركبهم بحرص لا تروح عليك السنه

وان شاء الله يضبط واذا ما ضبط عطني خبر وان شاء الله نشوف لك حل

والمشكله القز ماهو قريب عندي والا كان صورت لك المطلوب كله

والله يسهل امرك ولا تفكر تشتري جديد ابد

اخويNOYEB (http://www.mekshat.com/vb/member.php?u=110210) تسلم يالغالي وان شاء الله ماراح نقصر ابد

دمتم بحفظ المولى

[سطام vip]

اخوي أبو براك يا مال الجنه ترا ما شفت ردك لاني فاتح الموضوع من فتره

وجلست ارد على مواضيع ثانيه ولما رديت حصلتك سابقني ما قصرت

دوووووووم سباق في خدمة الاخوان جعلك تسلم وان شاء الله نلاقي حل

لاخونا بشار وبالتوفيق للجميع

[أبو براك]

اخوي أبو براك يا مال الجنه ترا ما شفت ردك لاني فاتح الموضوع من فتره

وجلست ارد على مواضيع ثانيه ولما رديت حصلتك سابقني ما قصرت

دوووووووم سباق في خدمة الاخوان جعلك تسلم وان شاء الله نلاقي حل

لاخونا بشار وبالتوفيق للجميع



يا هلا باخي سطام

انا وانت واحد ( القلوب والكيبوردات عند بعضها ) :)

وهدفنا واحد

الا وهو التسابق لخدمة الاخوه بما تعلمناه واستفدناه

منكم ومن الاخوه والاستاذه في مكشات

[الناب]

الشباب ما خلو لنا مجال

بيض الله وجيهكم كفو الله

[أبو مها]

مرحبا أخي الحبيب
ابي اعطيك طريقة تنظيف سهلة وبدون فك وتركيب
ضع الموقد في داخل إناء فيه ماء حار لمدة نصف ساعة مع العناية بالقداحة
وعدم ملامستها للماء ستزال جميع الاوساخ أن شاء الله
وسيرجع جديد واذا لم ينفع معك هذا الحل لابد لك من مراسلة
الاخ كوفيا 1 لتعويضك بموقد اخر فكما سمعنا منه ان كوفيا
تضمن منتجاتها بدون تحديد المده،،، مع إعتقادي ان الحل
الاول هو الامثل لأي إنسداد به

أخوك أبو مها

[المقنع666]

ماشاء الله عليكم اشهد بالله انكم قروم

وهل فزعات

[bashar009]

الف مليون تريليون شكر يالنشاما
ابي اعمل بنصيحكم والله يستر

[كوماندز]

اخوي مرحبا المشكله حصلت معاي والسبب سدد في القاعده حاول تنضفها وجرب بعده

[mo7taj]

الاخوان لا هتنوا وين القى العقرب في جدة

[سرهيد]

السلام عليكم

هلا بك اخوي الكريم

ويحيك ربي


من كلامك تقول ان اللي خربان المحبس ، وهذا نادر في الكوفيا .

سؤالي هل تقصد هذا

http://www.mekshat.com/pix/upload03/images115/mk40450_img_0609.jpg

ولاحظ طرفي المحبس ما بداخلهما

http://www.mekshat.com/pix/upload03/images115/mk40450_img_0820%20[1280x768].jpg


http://www.mekshat.com/pix/upload03/images115/mk40450_img_0820-1.jpg


فقد تكون السنة لا تعمل ، او ان احدى الجلد مترهل .


السؤال : هل الغاز فاتح على طول أو مغلق على طول .


و ياليت تضع صورة بالتحديد للقطعة الخرباة وابشر بسعدك عندي قطع غيار له محتفظ بها من عدة قزوز كنت املكه من هذا النوع .


وحاضرين طال عمرك

[سطام vip]

السلام عليكم ورحمة الله وبركاته

يا مال العافيه يا اهل مكشات ردود تبرد القلب صراحه

اخوي مدري وش صار معك ياليت تبلغنا

وعندي سؤال تمنيت اني سئلته من قبل

انت جربت علبه غاز غير الي انت تستخدمها؟؟ يمكن يكون البلا منها مع انه نادر الحدوث

بس كل شي جايز وياليت تبلغنا وش سويت؟؟

دمت بحفظ المولى

[الفضلي 11]

أخوي أنا صار معي نفس الموضوع وأود أن أوضح السبب معي لعله نفس الذي معك
فإنا استخدمت وصلة السنيدي على دبة زرقاء وقد كانت النار ضعيفة جدا وعند استبداله بدبة ذات الاستخدام الواحد من غير وصلة كانت على كيف كيفك
ثم عدت وركبت وصلة السنيدي وحركت مفتاح الغاز تبع الوصلة برفعه قليلا إلى فوق كأنك تحمله وكانت النتيجة على ما أحب وبالتالي فإن الوصلة هى السبب وليس عقرب كوفيا

نرجو ابلاغنا بالنتيجة

تقبل تحيات أخوك الفضلي

[أبو مها]

أخوي أنا صار معي نفس الموضوع وأود أن أوضح السبب معي لعله نفس الذي معك
فإنا استخدمت وصلة السنيدي على دبة زرقاء وقد كانت النار ضعيفة جدا وعند استبداله بدبة ذات الاستخدام الواحد من غير وصلة كانت على كيف كيفك
ثم عدت وركبت وصلة السنيدي وحركت مفتاح الغاز تبع الوصلة برفعه قليلا إلى فوق كأنك تحمله وكانت النتيجة على ما أحب وبالتالي فإن الوصلة هى السبب وليس عقرب كوفيا

نرجو ابلاغنا بالنتيجة

تقبل تحيات أخوك الفضلي

http://cdn.maktoob.com/m002/travel/images/smilies/24.gifhttp://cdn.maktoob.com/m002/travel/images/smilies/24.gifhttp://cdn.maktoob.com/m002/travel/images/smilies/24.gifhttp://cdn.maktoob.com/m002/travel/images/smilies/24.gifhttp://cdn.maktoob.com/m002/travel/images/smilies/24.gif

نعم والله حدثت معي قي موقد البركان والنمر
والسبب محول السنيدي الرديء

[floka]

الاخوان لا هتنوا وين القى العقرب في جدة

تحصله في الرماية ,,

الوصف يا طويل العمر ,وانت متجه جنوب من طريق المدينة قبل كبري المربع ادخل خدمات بتلقى المحل على يمينك ,, أو مقابل بالم بيتش "مطعم الشاورما " ..

تحياتي لك

[bashar009]

ابشركم شريت جديد
وشكرا لتعاون الاخوان---الله لا يخليني منكم

[الفضلي 11]

مبروك الجديد
لكن قديمك نديمك واشخباره واشسويت به

الفضلي

[كوفيا 1]

ابشركم شريت جديد
وشكرا لتعاون الاخوان---الله لا يخليني منكم

شكرا لجميع الإخوة الذين تفاعلوا...هذه ليست غريبة على أهل مكشات.
شكرا لك أخ bashar009 على طرح مشكلتك هنا، ولكي تكتمل الفائدة للجميع الرجاء منك يا أخي الكريم توضيح ماحصل بالضبط...هل لايزال الموقد الأول متعطل؟ هل قمت بالخطوات التي ذكرها الشباب؟
والرجاء آيضا تحديد نوع أسطوانة الغاز المستخدمه...هل هي من النواع ذو الإستخدام الواحد؟ أم من معادة التعبئة؟

الإحتمال الأقرب هو كما ذكر الإخوة إنسداد في مجرى الغاز، وأقرب احتمال هو "المامه" لأن مجرى الغاز داخلها هو أضيق نقطة في الموقد، لهذا يفضل البدأ بتنظيفها قبل الخطوات الأخرى.

كما قال الأخ أبو مها: كوفيا تضمن المنتج ضد العيوب المصنعية ونحن مستعدون لتبديل القطع المعيبة .

[abo-lma]

يابو أسيل أذا أنك دور على قزوز كوفيا العقرب والاكسبيدشن

عند العامودي اليي بجنب بادحمان محلاتهم مقابل سوق الجنوبيه

واذا مادليت أتصل بي نسير عليهم انا وانت

وعلى فكره الاخ / كوفيا

مشاكل قز كوفيا kB 0211

مع انا بذات ماتنتهي

شاري قز وكل ماشغله بدا يتفتف تقول انه يبي يقلع بس فيه حد ماسكه

ماودك ارسله لك وتشوف وش علته

[كوفيا 1]

شاري قز وكل ماشغله بدا يتفتف تقول انه يبي يقلع بس فيه حد ماسكه



ههههههه....الظاهر مشكلة دافورك منك أنت...شكلك صاكه عين!!!!

نعم يخوي مستعدين نفحصه، بس أنا أنصح بتطبيق طرق التنظيف اللي ذكروها الشباب قبل، إذا مانفعت عطي خبر.

تحياتي

[mo7taj]

تحصله في الرماية ,,

الوصف يا طويل العمر ,وانت متجه جنوب من طريق المدينة قبل كبري المربع ادخل خدمات بتلقى المحل على يمينك ,, أو مقابل بالم بيتش "مطعم الشاورما " ..

تحياتي لك


بارك الله فيك اخوي الغالي

[mo7taj]

يابو أسيل أذا أنك دور على قزوز كوفيا العقرب والاكسبيدشن






عند العامودي اليي بجنب بادحمان محلاتهم مقابل سوق الجنوبيه



واذا مادليت أتصل بي نسير عليهم انا وانت




وعلى فكره الاخ / كوفيا




مشاكل قز كوفيا kB 0211




مع انا بذات ماتنتهي




شاري قز وكل ماشغله بدا يتفتف تقول انه يبي يقلع بس فيه حد ماسكه




ماودك ارسله لك وتشوف وش علته






الله يرفع قدرك اخوي ابولمى


بيض الله وجهك وما قصرت


انا شغلي كله على الحطب

بس من كثر ما ذكروه الاخوان قلت اجربه

جوالي عندك على الخاص

[abo-lma]

ههههههه....الظاهر مشكلة دافورك منك أنت...شكلك صاكه عين!!!!

نعم يخوي مستعدين نفحصه، بس أنا أنصح بتطبيق طرق التنظيف اللي ذكروها الشباب قبل، إذا مانفعت عطي خبر.

تحياتي


ياكوفيـا ودك اني انا اليي صاكه بعين

كان الحل بسيط ...

لكن والله ماظنيت لكن عطني عنوانك وبرسله لك

واذا انه تمام تراه هديه مني لك ؟ لأنه من جد يتفتف ولاعرفت وش حله