ميراج
18/06/2004, 03:29 PM
من ذاكرة السنين
الأخوه الكرام السلام عليكم ورحمة الله وبركاته اليوم الصبح الخميس 29/ 4 رحت للبل وجلست عندها كيفت لى دله وبراد وجلست تحت فية الوايت والبل حولى اللى مبرك واللى عاطفه لحوارها قمت وعطفت ناقه اسمها سمحه وحلبة منها وقعدة افتل قيد للفحل ابو سبله قاطع قيده البارح والسودانى ما درى عنه ولقيته عاثى فى الأرض فساد المهم يوم جت الساعه 9 صباحاً يوم تغير الجو وسكن الهواء ولا والله قايله تشوى العصفور قلت مالى إلأ البيت والمنتداء نشوف الصقاقير وش عندهم من علوم يوم وصلت البيت وفتحت الجهاز على خيمة الصيد بصقور ولا والله خلى ما فيها احد لاهوب موسم شبك ولا موسم حبارى ولا كراوين لذالك طبيعى قلة المشاركات يوم ناظرت ولا جرت ابو عايد جاى الفجر ومسس أطناب الخيمه ومظبط الروقات ومدوج فى الشغايا اللى حول الخيمه يدور أثر خرب لو من عقب العام يتسلى عليه ما لقى شىء وزعل وسكر الجهاز .
عاد قلت مادام الوقت صيف ولا فيه أخبار وعلوم جديده ليش ما نسولف عن الذكريات مثل سالفة اخونا الصقار المميز الفيتو لأن سولفه أعجبتنى ولازم نسولف عليه وعلى اخوننا الصقاقير عن ذكرياتنا أيام المقانيص الحلوه اللى ماعاد ظنتى تعود يوم البر قفر والدواج قليل والصيد وافر وسوفا أجعلها على حلقات تحت أسم
سواليف ميراج : من ذاكرة السنين ( 1 )
سنه من السنين قنصنا الصمان فى عام 1402 على 3 سيارات سيارتى جمس شكمانين وجيب صالون وهايلكس ونيت سيارات ربعى وكنا 8 أشخاص على كيفك شروا من يسمع قصدى من يقراء ومعنا 3 طيور 1- ضرمان طير طلع لحوق مافيه يسبقه الرجلى2- قراش يذبح ويلحق وطلعه مهوب شين 3 – صدام تونا شارينه وهذى أول طلعه له معنا والرجاجيل اللى جابوه فى السوق يصيحون من لحوقه وشارينه غالى وكنا متواعدين عند واحد من اخويانا فى النسيم تجمعنا عنده يوم ركبنا بى نمشى ولا هاك الرجال نعرفه أسمه مطلق قال وين رايحين قلنا قنوص للصمان عساك بتخاوينا قال لانشاءالله دهر ما به شى ونتبهو لا تشققون جلود الحبارى رمى علينا ها لكلمه وضايقتنا وتخبرون الصقار ما يحب احد يقول شىء فى هوايته مشينا العصر وعشينا فى جو اسمه التشت متوسط المقانيص الزينه شبينا ضونا واللى يصلح القهوه واللى يعدى يحطب واللى ذبح الذبيحه وعلقها والواحد يحترى الصبح على احر من الجمر تزول له الحبارى درج وطيار اصبحنا بعد صلاة الفجر تقهوينا وحركنا راعى الهايلكس قعد يلاحق الجونى وصار له معركه هو وياهن يوم جت الساعه 9 مالقينا أثر ولا هاك الرجال على جمس ناحرنا سلام عليكم السلام راعى ابل نعرفه قال عليه الطلاق ان غداكم ان يصلح عند البل قلنا جعلك على القوه أستقطعنا لخوينا راعى الها يلكس ومشينا حنا وياه للى عزمنا عند ابله يوم جينا معزبنا تقهوينا وحط غدانا قال سمو الله يحييكم على غداكم وعشا طيوركم الحبارى قريبه قلنا بشره وظفره تحرى بها قال انا شايف قبل يومين خرب درج فى صلعا الرميثى ولا ظنتى يجيه احد بعد الغدا مشينا وهو معنا وصلنا الساعه 2.5 قبل العصر ولا الجره قديمه ولا جاها احد قلنا تفرقو يمكن انه حايز من مكانه وكان النظام قبل أجهزة الأتصال إذا ولع خويك النور وهو واقف تراه لقى شى اثر جديد ولا هى ملبده وإذا ولع نوره وهو يمشى تراه هاد برقع وذا ولع النور والبابين مفتحه تراه صايد تفرقنا يوم إرتفعت هاك المره ولا خوينا راعى الجيب الصالون مولع النور ومفتح البيبان يعنى صايد توجهت لمه أمشى 3000 كيلو فى الساعه ولا طيره ضرمان متفرش ذيك الدجاجه هد عليها طلع صايد صايد يابو العوايد ويعشى خوينا طيره يوم ناظرنا الجره ولا جرة الحبارى واجد مهيب وحده ولا ثنتين رسمنا الخطه وقررنا نفتح المجال لطيرى الجديد صدام ولا أحد يهد إلا هو قصينا اثر الحبارى ولاهن طايرات يوم يهد اخوينا قعدنا ندور لهن موقع جهة مطيرهن يوم حولت فى ذيك البحره ولا ما قعهن وثرهن هريب ولعت النور لخويانا يوم وصلونى وحولنا طيرى صدام على يدى ولا يوم صاح راعى الهايلكس الحبارى الحبارىطيار الصقاقير قالو لاتهد بعيده ومرتفعه والباقى يصيحون أذبحو الحبارى هد. هد . إخذت برقع الطير وقلب عينه ولا تقول مبشر قلت بسم الله والله وكبر لاحق ياصدام
قظب الطير الارض وطرد ولا والله الطيار اللى انت تبى الطيار اللى يعدونه الصقاقير لصقاقير سيارتين قضبت ظهر الطير وأنا أخذة يمين وتنطحت الهوى لأنى أحريت بالعشى من طيار صدام يوم إلتفت يسارى على الطير ولا يوم قام يطلع فوق جهة الحبارى الصعود اللى يشوق الصقار والحبارى أختبصت ووجهة على نصو تقول زابنة السياره وقفت معرض هن على يسارى فوق ولا يوم تعلهن الطير وخم وحده منهن وخطاها ولا يوم جنك تقول حصا محذوف من السماءويكوبرن قدام السياره 3 حبارى وينشهن ويعقرب وينشهن ودك تفرج على أخوكم ميراج ذيك الساعه زبده عايم فاتن مع طيره ( حت ياصدام لعنبو حيك ) عرفنا ان صدام يبيهن طيارلأنه يوم نشهن ثلاث مرات ظايفهن ونفرد الخرب له ونعلق عليه البوارى ويلحقه ويأخذ من ريش ويعلقه برقبته ويحول به ونغطى عليه بالسياره ويهدون ربعى قراش على وحده فى لأرض ويعزلونها منه حيه شلت طيرى وجيتهم ويعدى واحد من الربع مع اثر الثالثه وتطير من قدامه ونهد صدام مره ثانيه وتعال تفرج معطينه قلب الخرب ومنسرينه منه وهو يقوم يلحقها وياخذ منها ريش يلعب عليها ويخليها تروح ويلحقها ويرددها على السيارات وأخر شىء يوم شبعنا من التفرج ويعلقها وتنتهى المعركه وتضع الحرب أوزارها ونعشى هاك المعشى اللى على كيفك ونجيك الصبح مروحين لرياض ونهيجن وحنا معودين ونقول وين مطلق يتهزا بنا وإليكم القصيده
القصيده على طرق الهجينى
الطير والله مثل ضرمان = = طير الهدد يعجبك كسره
رش المطريسبق الهتان = = صيد العصر صارمن نشره
سبحان من صوره سبحان = = ضرمان سلطان فى عصره
صدام ديمه سقت ودان = = أسمه على حامى البصره
شاف الحبارى مع مسيان = = ثنتين والثالثه نزره
بأرض سقاها الولى بمزان = = تاق وتفرقع وجن حدره
وقراش يرجح به الميزان = = حطو وسامه على صدره
مطلق ومالك على أيمان = = لو شفتهن ترمى الغتره
وتقول وش صابه البدوان = = وأقول مجنون مع سكره
وأعرف ترى الكريم معان = = والظفر ما حسب لبكره
خذ قولى الى على برهان = = ولا تسب وتشوف ما تكره
سكران من فعلهن سكران = = وأصبحت ما جتنى الفكره
يوم وصلنا سلمنا القصيده لخونا مطلق وهو صقار قديم معتزل الصقاره وعتذر وحط لنا حق على كلمته يوم يقول لاتشققون جلود الحبارى
وسلامتكم وأسف على لأطاله
تحياتى للجميع
الأخوه الكرام السلام عليكم ورحمة الله وبركاته اليوم الصبح الخميس 29/ 4 رحت للبل وجلست عندها كيفت لى دله وبراد وجلست تحت فية الوايت والبل حولى اللى مبرك واللى عاطفه لحوارها قمت وعطفت ناقه اسمها سمحه وحلبة منها وقعدة افتل قيد للفحل ابو سبله قاطع قيده البارح والسودانى ما درى عنه ولقيته عاثى فى الأرض فساد المهم يوم جت الساعه 9 صباحاً يوم تغير الجو وسكن الهواء ولا والله قايله تشوى العصفور قلت مالى إلأ البيت والمنتداء نشوف الصقاقير وش عندهم من علوم يوم وصلت البيت وفتحت الجهاز على خيمة الصيد بصقور ولا والله خلى ما فيها احد لاهوب موسم شبك ولا موسم حبارى ولا كراوين لذالك طبيعى قلة المشاركات يوم ناظرت ولا جرت ابو عايد جاى الفجر ومسس أطناب الخيمه ومظبط الروقات ومدوج فى الشغايا اللى حول الخيمه يدور أثر خرب لو من عقب العام يتسلى عليه ما لقى شىء وزعل وسكر الجهاز .
عاد قلت مادام الوقت صيف ولا فيه أخبار وعلوم جديده ليش ما نسولف عن الذكريات مثل سالفة اخونا الصقار المميز الفيتو لأن سولفه أعجبتنى ولازم نسولف عليه وعلى اخوننا الصقاقير عن ذكرياتنا أيام المقانيص الحلوه اللى ماعاد ظنتى تعود يوم البر قفر والدواج قليل والصيد وافر وسوفا أجعلها على حلقات تحت أسم
سواليف ميراج : من ذاكرة السنين ( 1 )
سنه من السنين قنصنا الصمان فى عام 1402 على 3 سيارات سيارتى جمس شكمانين وجيب صالون وهايلكس ونيت سيارات ربعى وكنا 8 أشخاص على كيفك شروا من يسمع قصدى من يقراء ومعنا 3 طيور 1- ضرمان طير طلع لحوق مافيه يسبقه الرجلى2- قراش يذبح ويلحق وطلعه مهوب شين 3 – صدام تونا شارينه وهذى أول طلعه له معنا والرجاجيل اللى جابوه فى السوق يصيحون من لحوقه وشارينه غالى وكنا متواعدين عند واحد من اخويانا فى النسيم تجمعنا عنده يوم ركبنا بى نمشى ولا هاك الرجال نعرفه أسمه مطلق قال وين رايحين قلنا قنوص للصمان عساك بتخاوينا قال لانشاءالله دهر ما به شى ونتبهو لا تشققون جلود الحبارى رمى علينا ها لكلمه وضايقتنا وتخبرون الصقار ما يحب احد يقول شىء فى هوايته مشينا العصر وعشينا فى جو اسمه التشت متوسط المقانيص الزينه شبينا ضونا واللى يصلح القهوه واللى يعدى يحطب واللى ذبح الذبيحه وعلقها والواحد يحترى الصبح على احر من الجمر تزول له الحبارى درج وطيار اصبحنا بعد صلاة الفجر تقهوينا وحركنا راعى الهايلكس قعد يلاحق الجونى وصار له معركه هو وياهن يوم جت الساعه 9 مالقينا أثر ولا هاك الرجال على جمس ناحرنا سلام عليكم السلام راعى ابل نعرفه قال عليه الطلاق ان غداكم ان يصلح عند البل قلنا جعلك على القوه أستقطعنا لخوينا راعى الها يلكس ومشينا حنا وياه للى عزمنا عند ابله يوم جينا معزبنا تقهوينا وحط غدانا قال سمو الله يحييكم على غداكم وعشا طيوركم الحبارى قريبه قلنا بشره وظفره تحرى بها قال انا شايف قبل يومين خرب درج فى صلعا الرميثى ولا ظنتى يجيه احد بعد الغدا مشينا وهو معنا وصلنا الساعه 2.5 قبل العصر ولا الجره قديمه ولا جاها احد قلنا تفرقو يمكن انه حايز من مكانه وكان النظام قبل أجهزة الأتصال إذا ولع خويك النور وهو واقف تراه لقى شى اثر جديد ولا هى ملبده وإذا ولع نوره وهو يمشى تراه هاد برقع وذا ولع النور والبابين مفتحه تراه صايد تفرقنا يوم إرتفعت هاك المره ولا خوينا راعى الجيب الصالون مولع النور ومفتح البيبان يعنى صايد توجهت لمه أمشى 3000 كيلو فى الساعه ولا طيره ضرمان متفرش ذيك الدجاجه هد عليها طلع صايد صايد يابو العوايد ويعشى خوينا طيره يوم ناظرنا الجره ولا جرة الحبارى واجد مهيب وحده ولا ثنتين رسمنا الخطه وقررنا نفتح المجال لطيرى الجديد صدام ولا أحد يهد إلا هو قصينا اثر الحبارى ولاهن طايرات يوم يهد اخوينا قعدنا ندور لهن موقع جهة مطيرهن يوم حولت فى ذيك البحره ولا ما قعهن وثرهن هريب ولعت النور لخويانا يوم وصلونى وحولنا طيرى صدام على يدى ولا يوم صاح راعى الهايلكس الحبارى الحبارىطيار الصقاقير قالو لاتهد بعيده ومرتفعه والباقى يصيحون أذبحو الحبارى هد. هد . إخذت برقع الطير وقلب عينه ولا تقول مبشر قلت بسم الله والله وكبر لاحق ياصدام
قظب الطير الارض وطرد ولا والله الطيار اللى انت تبى الطيار اللى يعدونه الصقاقير لصقاقير سيارتين قضبت ظهر الطير وأنا أخذة يمين وتنطحت الهوى لأنى أحريت بالعشى من طيار صدام يوم إلتفت يسارى على الطير ولا يوم قام يطلع فوق جهة الحبارى الصعود اللى يشوق الصقار والحبارى أختبصت ووجهة على نصو تقول زابنة السياره وقفت معرض هن على يسارى فوق ولا يوم تعلهن الطير وخم وحده منهن وخطاها ولا يوم جنك تقول حصا محذوف من السماءويكوبرن قدام السياره 3 حبارى وينشهن ويعقرب وينشهن ودك تفرج على أخوكم ميراج ذيك الساعه زبده عايم فاتن مع طيره ( حت ياصدام لعنبو حيك ) عرفنا ان صدام يبيهن طيارلأنه يوم نشهن ثلاث مرات ظايفهن ونفرد الخرب له ونعلق عليه البوارى ويلحقه ويأخذ من ريش ويعلقه برقبته ويحول به ونغطى عليه بالسياره ويهدون ربعى قراش على وحده فى لأرض ويعزلونها منه حيه شلت طيرى وجيتهم ويعدى واحد من الربع مع اثر الثالثه وتطير من قدامه ونهد صدام مره ثانيه وتعال تفرج معطينه قلب الخرب ومنسرينه منه وهو يقوم يلحقها وياخذ منها ريش يلعب عليها ويخليها تروح ويلحقها ويرددها على السيارات وأخر شىء يوم شبعنا من التفرج ويعلقها وتنتهى المعركه وتضع الحرب أوزارها ونعشى هاك المعشى اللى على كيفك ونجيك الصبح مروحين لرياض ونهيجن وحنا معودين ونقول وين مطلق يتهزا بنا وإليكم القصيده
القصيده على طرق الهجينى
الطير والله مثل ضرمان = = طير الهدد يعجبك كسره
رش المطريسبق الهتان = = صيد العصر صارمن نشره
سبحان من صوره سبحان = = ضرمان سلطان فى عصره
صدام ديمه سقت ودان = = أسمه على حامى البصره
شاف الحبارى مع مسيان = = ثنتين والثالثه نزره
بأرض سقاها الولى بمزان = = تاق وتفرقع وجن حدره
وقراش يرجح به الميزان = = حطو وسامه على صدره
مطلق ومالك على أيمان = = لو شفتهن ترمى الغتره
وتقول وش صابه البدوان = = وأقول مجنون مع سكره
وأعرف ترى الكريم معان = = والظفر ما حسب لبكره
خذ قولى الى على برهان = = ولا تسب وتشوف ما تكره
سكران من فعلهن سكران = = وأصبحت ما جتنى الفكره
يوم وصلنا سلمنا القصيده لخونا مطلق وهو صقار قديم معتزل الصقاره وعتذر وحط لنا حق على كلمته يوم يقول لاتشققون جلود الحبارى
وسلامتكم وأسف على لأطاله
تحياتى للجميع