الحراره جننتني وش حلها

[مجنون الفتك]

السلام عليكم ورحمة الله وبركاته :
مساء الخير علي جميع الاعضاء الكرام
نفس ما في العنوان معي سفاري فتك 2002 حرارته وانا شايل البلف فوق الربع بشوي بدون مكيف ومع المكيف توصل نص او فوقه شوي مع العلم اني غيرت التالي :
1- صيخت الاديتر
2- غيرت طرنبة المويه
3- غيرت كلتشات المروحة الاساسية
4- غيرت غطيان الاديتر الاثنين
5- غيرت المراوح حقات التبريد
6-شايل البلف
7-غسلت السرندل
8-شيكت علي الخراطيش كلها سليمه
مع العلم ان الراس مفكوك قبل وفيه لحام بربعه من اثر الطعج الاول وممسوح ومغيرله البلوف طقم .
يعني يا شباب هل الموتر اذا فك الراس ما يضبط او لازم يركبله راس جديد عشن يضبط تكفون يا شباب ابي منكم تعطوني رايكم لانه دايم افكر ان ابيعه واريح راسي
وبعدين بالشتاء يصير علي كيف كيفك مع البلف ولا يتحرك حرارته ورحت الاميكانيكية يقولولي طبيعي توصل الحرارة نص مع العلم عندنا سفاري فتك نفس الموديل ولا تتحرك حرارته ما شاء الله عليه هل فيه شي يبي وزن ولا يعرفونله الميكانيكية ووالله ماادري
ارجوا الافاده يا شباب تروني متورط ولا ادري وش اسوي

[التمَاري]

السلام عليكم

الله يعينك ان شاء الله

طيب يوم ترتفع الحراره بعد فك الراس مباشره ولا بعد ؟؟؟

[التعـ King ـديل]

الغالي النيسان عموما المفترض حرارته ربع .. طالما الراس ملحم غير الراس وركب البلف من جديد وعطه يومين بالكثير وتشوف الحراره طبيعيه

انت مهما غيرت من قطع وتركت الراس على وضعه ماراح تستفيد .. شف لك راس مكينه من التشليح نظيف ولا جاه مسح ولا لحام ولا الله يعينك

على الوكاله الظاهر قيمته 2500 ريال جديد

[ثاقب]

رجع البلف ولا تشيله لاصيف ولاشتاء وان شاء الله يطيب

[مجنون الفتك]

السلام عليكم

الله يعينك ان شاء الله

طيب يوم ترتفع الحراره بعد فك الراس مباشره ولا بعد ؟؟؟
والله مادري يا خوي بس انا شريت الموتر كان الراس حقه خربان وصلحته ومسحت وشافه حق المخرطه قال اللحام ما يهم طبعا كان الكلام هذا بالشتاء ويوم جانا الصيف بدت المشكله

[مجنون الفتك]

الغالي النيسان عموما المفترض حرارته ربع .. طالما الراس ملحم غير الراس وركب البلف من جديد وعطه يومين بالكثير وتشوف الحراره طبيعيه

انت مهما غيرت من قطع وتركت الراس على وضعه ماراح تستفيد .. شف لك راس مكينه من التشليح نظيف ولا جاه مسح ولا لحام ولا الله يعينك

على الوكاله الظاهر قيمته 2500 ريال جديد

يعني تتوقع اخوي نتوكل علي الله ونغير الراس بس اخاف اخسر ولا استفيد شي لان فيه بعض الشباب يقول مكينه الفتك اذا انفكت ما تضبط يعني باعتقادك اذا غيرت يضبط

[مجنون الفتك]

رجع البلف ولا تشيله لاصيف ولاشتاء وان شاء الله يطيب
اذا رجعته اخوي يزود جنونه من الحراره

[مروووق]

حط سبرنقات داخل الخراطيش. يمكنها مع الحرارة تنكمش وتنضغط من الماء

[صوت اللافي]

الله يقوينا على الحر القادم

[التعـ King ـديل]

يعني تتوقع اخوي نتوكل علي الله ونغير الراس بس اخاف اخسر ولا استفيد شي لان فيه بعض الشباب يقول مكينه الفتك اذا انفكت ما تضبط يعني باعتقادك اذا غيرت يضبط

الغالي مافيه مكينه ماتضبط بس بشرط يشتغلها خبير وواحد فاهم بالنيسان مب يتعلم واي خدمه حاضر

[ابو الشمقمق]

الله ييسر امرك

[مجنون الفتك]

الغالي مافيه مكينه ماتضبط بس بشرط يشتغلها خبير وواحد فاهم بالنيسان مب يتعلم واي خدمه حاضر

مانتستغني عن خبراتك يا عسول
ونستنى راي باقي الاعضاء الكرام

[مجنون الفتك]

الله يقوينا على الحر القادم
الله يكون بالعون

[مجنون الفتك]

الله ييسر امرك
الله يجزاك خير

[مجنون الفتك]

حط سبرنقات داخل الخراطيش. يمكنها مع الحرارة تنكمش وتنضغط من الماء
وش فايدتها اخوي وشلون تنركب

[أبوسعد 511]

الله يعينك ويسهل أمورك

الأخ يقصد بوضعك للسبرنقات عشان اللي ما ينصفط من الحر وبذلك يمنع دخول الماء

[مجنون الفتك]

الله يعينك ويسهل أمورك
الله يجزاك خير

[المميـز]

اخوي مجنون الفتك

اذا كان ماء الراديتر ماينقص ودوران ماء الراديتر سليم يطلع ويدخل بالمكينه
بشكل طبيعي واذا كان كلتش المروحه مضبوط ويشتغل بالشكل المطلوب والصحيح
وعلى الاشياء اللي انت صلحتها ....

نستنتج ان المشكله تكون من راس المكينة

اخبر لك ورشة ببريدة متخصصة بصيانة الباترول ويوفرون لك القطع سواء مستعمل او جديد

واسعارهم معقوله وراعيها ماشاء الله عليه يقدر الجميع ويراعي الكل

ومن يوم يشوف موترك يبي يقولك وش المشكله ماشاء الله عليه

هذا رقم جواله
0500341000
أبو عبدالله

وهذا رقم العامل حقه فاهم بالشغله بعد ويفيدك
0501551118
الثاني
0555149835

بإذن الله تعالى يبي يفيدونك لأنهم سبق وأفادوني :)

[مجنون الفتك]

المميز دايم متميز
بس في اعتقادك انه من الراس ؟؟؟؟؟؟
اشكرك علي مرورك الكريم طال عمرك

[عجمي]

نعم كلام المميز سليم
هل ينقص ماء الاديتر ام لا !!
اذا كان ينقص قد تكون المشكلة بالراس لأنة مع الحرارة الزايدة يتبخر الماء مع شعر الراس
اما اذا كان الماء سليم فالمشكلة ليست بالراس قد تكون بالخراطيش لأنة اذا احتمى الموتر انصفطت الخراطيش وكان تدوير الماء قليل فترتفع الحرارة أو قديكون الحساس عندك خربان وهو حساس عيار الحرارة ولايعطي بشكل دقيق وتعتقد انة يحتمي مع خلاف ذلك
والله يسهل الحل لمشكلتك وبالتوفيق

[مجنون الفتك]

نعم كلام المميز سليم

هل ينقص ماء الاديتر ام لا !!
اذا كان ينقص قد تكون المشكلة بالراس لأنة مع الحرارة الزايدة يتبخر الماء مع شعر الراس
اما اذا كان الماء سليم فالمشكلة ليست بالراس قد تكون بالخراطيش لأنة اذا احتمى الموتر انصفطت الخراطيش وكان تدوير الماء قليل فترتفع الحرارة أو قديكون الحساس عندك خربان وهو حساس عيار الحرارة ولايعطي بشكل دقيق وتعتقد انة يحتمي مع خلاف ذلك

والله يسهل الحل لمشكلتك وبالتوفيق

الله يجزاك خير
ونستنى باقي الاعضاء

[faris2006]

اذا مسحت الرس وركبت وجهين ترتفع الحراره لو شلت بلف الحراره

الحل :-تغير الرس

[لاند93]

يا أخوي انا جاني زيك

غيرت كل شي فكيت البلف غسلت السلندر مافاد

واخر شي صار من الطبه (راس الأديتر) فصلت نحاس وطلع ماشاء الله مع فك البلف اقل من الربع

[مجنون الفتك]

اذا مسحت الرس وركبت وجهين ترتفع الحراره لو شلت بلف الحراره

الحل :-تغير الرس
الله يجزاك كل الخير
وما نستغني عن راي باقي الاعضاء

[مجنون الفتك]

يا أخوي انا جاني زيك

غيرت كل شي فكيت البلف غسلت السلندر مافاد

واخر شي صار من الطبه (راس الأديتر) فصلت نحاس وطلع ماشاء الله مع فك البلف اقل من الربع
النايلون الاسود صحيح اخوي

[راعي المقانيص]

اخي الكريم الله يكون بعونك وييسر امرك يارب

المشكله 100% تكمن في الراس

[kal440]

سووووووووووووووؤال الما ينقص اذاكان ينقص يعنى هناك فيه تهريب ممايؤدى لدخول الهواء وارتفاع الحراره يمكن يكون من واحد من الخراطيش فيه شق صغير او حلاقات الربط (القفيز) مرتخيه شدعليها يمكن يكون البلف عطلان ولازم تركب البلف لانه يسوى تنظيم لدخول الما للمكينه بحيث الما الموجود فى الريديتر عند تبريده بواسطة المراوح يفتح البلف ويدخل للمكينه مابارد ويخرج الماء الموجود فى المكينه الى الريديتروهكذا نصيحه (((عم شيل البلف بدا ))) _ والله يوفقك

[مجنون الفتك]

اخي الكريم الله يكون بعونك وييسر امرك يارب

المشكله 100% تكمن في الراس
الله يعطيك العافية علي مرورك الكريم اخوي

[مجنون الفتك]

سووووووووووووووؤال الما ينقص اذاكان ينقص يعنى هناك فيه تهريب ممايؤدى لدخول الهواء وارتفاع الحراره يمكن يكون من واحد من الخراطيش فيه شق صغير او حلاقات الربط (القفيز) مرتخيه شدعليها يمكن يكون البلف عطلان ولازم تركب البلف لانه يسوى تنظيم لدخول الما للمكينه بحيث الما الموجود فى الريديتر عند تبريده بواسطة المراوح يفتح البلف ويدخل للمكينه مابارد ويخرج الماء الموجود فى المكينه الى الريديتروهكذا نصيحه (((عم شيل البلف بدا ))) _ والله يوفقك
شايل البلف اخوي والخراطيش كلها سليمه اخوي
ومشكور علي مرورك

[مجنون الفتك]

Up
Up
Up
Up
Up

[بدوي جنوبي]

المتهم الاول والرئيسي هو الراس

وردود الاعضاء جزاهم الله خير مهمه ومفيدة وتدل علي انهم
يعرفون كيفية تحديد العطل ،، والحمد لله هذا شيئ جميل

عموما انت شغلك مضبوط :good:
وماتبي تخسر تغيير راس وما تنزل الحرارة
ويجن جنونك صدق :hot:

دائما عند تحديد العطل نبدأ في الاصلاح بالاشياء البسيطه
وانت بدأت بتغيير اشياء مهمه

سبق سمعت بمشكله مماثله واتضح في الاخير من طرمبة الماء
ان الريش الداخليه صغيره ،،، ودفعها للماء ضعيف ،،
فتأكد من الطرمبة

نرجع لبلف الحرارة انا ودي تركب البلف وتشوف مستوى الحرارة
وابحث عن بلف يكون ضغطه اقل في فتره حبس الماء ( ما اعرف ارقام البلوف )

اذا عندك نقص في الماء ،، قد يكون فيه تهريب في طبات المحرك الجانبيه
وما يبين وقت التهريب يعني تنشف المويه بسرعه


واخر كلام
معروف النيسان ان الراس اذا تم مسحه يسخن

والله يعينك

[Bader-M]

اذا كان الخرطوش مضغوط بالهواء (يعني صعب ثنية)
عندها تكون المشكلة في راس المحرك
...
خبير نسان


لى الوكاله الظاهر قيمته 2500 ريال جديد

السعر راس الكلبليتر او البخاخ مديل القديم لا يقل 1500 ريال في التشليح
اما الوكاله جديد فان سعره يتجاوز 3000 ريال

اما الجديد (الفتيك)
فاعتقد ان سعره لا يقل عن 5000 الف ريال


ملاحظه
الغاء بلف الحرارة اكبر خطاء ولا يحل المشكلة


تحياتي اليك

[1988]

تعقيبا على كلام الشباب الله يعطيهم العافيه سعر راس الفتك من 3500 الى 3700 بالكثير الاسبوع اللي فات آخذ اثنين من 3500 الواحد بدون بلوف بدون تكايات (فناجيل )ما معه الا لقم التيمن فقط

[مجنون الفتك]

المتهم الاول والرئيسي هو الراس

وردود الاعضاء جزاهم الله خير مهمه ومفيدة وتدل علي انهم
يعرفون كيفية تحديد العطل ،، والحمد لله هذا شيئ جميل

عموما انت شغلك مضبوط :good:
وماتبي تخسر تغيير راس وما تنزل الحرارة
ويجن جنونك صدق :hot:

دائما عند تحديد العطل نبدأ في الاصلاح بالاشياء البسيطه
وانت بدأت بتغيير اشياء مهمه

سبق سمعت بمشكله مماثله واتضح في الاخير من طرمبة الماء
ان الريش الداخليه صغيره ،،، ودفعها للماء ضعيف ،،
فتأكد من الطرمبة

نرجع لبلف الحرارة انا ودي تركب البلف وتشوف مستوى الحرارة
وابحث عن بلف يكون ضغطه اقل في فتره حبس الماء ( ما اعرف ارقام البلوف )

اذا عندك نقص في الماء ،، قد يكون فيه تهريب في طبات المحرك الجانبيه
وما يبين وقت التهريب يعني تنشف المويه بسرعه


واخر كلام
معروف النيسان ان الراس اذا تم مسحه يسخن

والله يعينك
مشكور يا مشرفنا الكريم بدوي جنوبي ومرورك الكريم علي الموضوع
بالنسبه للبلف يزيد الحراره علي ويوم شلته تقل خفت الحراره شوي
اما بالنسبه لنقصان الماء ماني متاكد هل هوينقص او لا
اما بالنسبة للطرنبة توني شاريه من الوكاله جديده
ومشكور علي مرورك الكريم

[مجنون الفتك]

اذا كان الخرطوش مضغوط بالهواء (يعني صعب ثنية)
عندها تكون المشكلة في راس المحرك
...
خبير نسان



السعر راس الكلبليتر او البخاخ مديل القديم لا يقل 1500 ريال في التشليح
اما الوكاله جديد فان سعره يتجاوز 3000 ريال

اما الجديد (الفتيك)
فاعتقد ان سعره لا يقل عن 5000 الف ريال


ملاحظه
الغاء بلف الحرارة اكبر خطاء ولا يحل المشكلة


تحياتي اليك
مشكوري علي مرورك الكريم هوز الماء يكون مضغوط نفس كلامك اخوي يعني تهقاء اخوي المشكله من الراس

[مجنون الفتك]

تعقيبا على كلام الشباب الله يعطيهم العافيه سعر راس الفتك من 3500 الى 3700 بالكثير الاسبوع اللي فات آخذ اثنين من 3500 الواحد بدون بلوف بدون تكايات (فناجيل )ما معه الا لقم التيمن فقط
مشكور الخوي والله يبشرك بالخير لانه قالولي ان سعره من ال5000 وففوق
يعطيك ربي العافية