الى عشاق الطيور [الأرشيف]

الساهر_1001

13/06/2009, 03:25 AM

الســــــــــــلام عليكم ورحمة الله وبركاته

الف تحية الى الى اعضاء ومشرفين هذا المنتدى اللي خدم هواة الصيد والموروث الشعبي بشكل عام

انا من عشاق الصيد وخاصة صيد الطيور المهاجرة بكافة انواعها

ومواخرا بدات اتولع بطيور وخبرتي بصيطه فيها وابي اسل هل الخبرة مامعنى القرنسة وكيف اعرف الطير المدرب واللي مو مدرب اذا كنت ابي اشري طير

ولكم اطيب الاماني

مسلط العتيبي

13/06/2009, 04:25 AM

ح ـيـآك الله يالغ ـآلي ..

آنا والله يالذيب مالي خ ـبـره بالح ـيـل بالصقور .. لاني توني علي قولتهم صقـآر جديد ..

وانا هذا ج ـآلس اتعلم من النشاما قبل اشتري طيـر ..

فـ آسمحلي ماقدر اشرح لك لاني بصراحه آخ ـآف اني ماوفيك بالوصف الكامل /

والاع ـضـآء مايقصرون مع ـآك يشروحون لك وبالتوصيف الممل ..

وهذا يالغ ـآلي موضوع يفيدني ويفيدك لانا تونا جدد في الولع )

http://www.mekshat.com/vb/showthread.php?t=140625

راعي غضبان

13/06/2009, 06:01 AM

مادامك هاوي الطيور والقنص انشا الله بكثر الممارسه بتعرف من نفسك من دون احد يعلمك واخوي الرابط الي عطاك اياه مسلط العتيبي الله يبيض وجهه تراه حلوا وبيساعدك اخوانا في مكشات ماقصروا كل شي تبي تعرفه عن الطيور اوهددها وشبكها وقرنستها كله تلقاه في مكشات الله يبيض اوجيه المشرفين والاعضاء جميعا والله يوفقك بالطير الطيب وانطعت شوري خذ لك بيتي صايد اوراكد وانشاء الله بيقنصك ويصقرك لين تعرف كل شي عن الهدد والصيد والدعو بالشلو والحمام ثم لاصرت خبير جرب الوحش فرخ لان الفرخ سهل ويعطيك وجهه بسرعه بس القرناس الوحش لاتجيه لاعرفت طريقة الفرخ اوظبط معك جرب غيره والله يوفقك بالطيور الطيبه والصيد والفيد وتقبل مرورررررررررررري

القطاوي 2008

13/06/2009, 08:03 AM

ما قصرو الاخوان وأن شاء مع الوقت تتعلم من نفسك يالغالي
وأن شاء الله أنشوفك المقناص الجاي ومعاك الطير الوافي
تقبل مروري يالغالي

صقار الهواشم

13/06/2009, 01:33 PM

افادوك الاخوان وعقبال مان نشوفك الموسم الجاي صايد وفايد

ذعذاع نجد

13/06/2009, 01:52 PM

افادوك الاخوان وفيهم البركه

@قرناص@

13/06/2009, 02:50 PM

الصقاقير ماقصرو :)

عشير المداغيش

20/06/2009, 03:10 AM

افادوك الاخوان وفيهم البركه