أبغى ساكتون تجيب القمرية والحمام من ضربة واحدة؟

[بحر الإبداع]

عندي ساكتون اسبانية عادية وأصيد بها القمرية بس دايما أجلس أنا والقمرية والحمام في مطاردات من شجرة لشجرة ماتموت من أول رمية فهل هناك ساكتون هوائية تنصحوني بها لصيد القماري والحمام بفاعلية ؟
وكم السعر لها الآن؟؟
............
وتقبلوا تحياتي

[فاقدخوي]

كنك تشوفني

اليوم معنا المانيه 85 والله ضيقت خاطري وحده تطيح وعشر مصوبات

وش القصه يالربع رغم ان الماسافات بعضها20متر

اعتقد خمسه ونص اطلق من اربعه ونص


موفقين

[محمد الحمود]

عليك بالباتريوت انا اشتريتها من عند الرماية 1950ريال
قوووية بس عيبها ان كسرتها قوية وصوتها قوي واعتبرها افضل هوائية بالنسبة لام صتمة لان عندي فايروخ 80 بس الباتريوت اقوى منها وتطرح القمرية اسال مجرب بس ماتنفع للطيور الصغار بس للطيور الكبار توكل على الله وخذ الباتريوت واذا حاب تنتظر راي الاخوان تراهم مايقصرون فيهم الخير والبركة.

[عاهد بن علي]

الله يوفقك

[حكيم المدينة]

عن تجربة ديانا ماغنوم 350

اتوقع مافي اقوى منها الا الباتريوت

بس عندي سؤال عن الباتريوت كم المسافه اللي تسوقها؟؟

[sameer_1798]

عندي ألمانيه 85 تطرح القمري من أول رميه . ومن مسافة 50 متر .
ولكن المهم أن تكون البندق موزونه 100 % ... لأن عيبها أن الميزانيه تتغير كل فتره .

[صدق النوى]

السلام عليكم ورحمة الله وبركاته
الفايروخ 80 أفضل ساكتون هوائيه لجميع الحمام
أوزنها 100% وتوكل على الله
اشتريتها من الرميح 1500

[البانلي]

فايروخ 80احسن

[راعي تصوير]

عليك بالفايروخ 80

من واقع تجربه

[تركي الرماي]

اخذلك من نوع الجديد الامريكيات ولا تاخذ نوع صجمها كبير اخذ صجم الصغير وتذبح القمير في طلقه وحد
وتحياتي لك

[بحر الإبداع]

مشكورين على كل الردود بارك الله فيكم.
أنا اشهد ان من انتخاكم ما خاب يا لب قلبي كلكم.

[ابو صقر 111]

الصتم له دور بالموضوع لأن البنادق من واقع تجربه صتمها يخترق الطائر ولكن يطير الطير والصتم اللي يسمونه المتفجر اكثر فاعليه وربما يكون حل لذبح الطائر بالحال

[حكيم المدينة]

الصتم له دور بالموضوع لأن البنادق من واقع تجربه صتمها يخترق الطائر ولكن يطير الطير والصتم اللي يسمونه المتفجر اكثر فاعليه وربما يكون حل لذبح الطائر بالحال



ابو صقر الصتم اللي تقول عليه متفجر
مجرد اسم لاهو متفجر ولايحزنون :no2:
مافي فرق بينه وبين العادي الا اللهم ان المتفجر فيه كرة صغيرة من النحاس قوية جدا ماتنطعج مثل الرصاص العادي

تقبل مروري

[sameer_1798]

صحيح يابو صقر الصتم له دور ...
النوع المدبب أبو سهم هذا يخرق الطير ومايطيح إلا بعد فتره ... أفضل شيء العادي اللي علبته خضراء هذا النوع يطرح الطير على طول .

[قناص طيبه]

انا معي فايروخ 80 ماشاء الله تصيد القميري من طلقه وحدخ وعلى مسافه بعيده.

[omar salman]

الهنتر 440 من قامو الأسبانية
جربتها وجربت الألماني ولقيتها أفضل وأخف
بمراحل وأقوى وأصغر حجم .
الحمامة تطيح بدون حركة من مسافة مي بسهلة

[ياسر الرايس]

عندي انجليزيه مصرحه البس من اول رميه مو حمامه مع العلم لم ارمي بس
للبيع 0503636116

[H5N1]

الله يذكر أيامك بالخير ياأم صتمة
ديانا 36 والقميرية والضب ما أذكر انهن قد راحن .

(مازالت محبوبتي واستعملها من شريتها عام 1411هـ )

[faz_fazkw]

السلام عليكم
اشور عليك بالهنتر440 الاسبانية سرعة صتمها 305 متر بالثانية و خفيفه ماتجي 3 كيلو و حجمها صغير
شي عجيب

[ابن عاشور]

الباتريوت الأفضل
قوية وهي خرازة إلا شوي

مع ضرورة الاهتمام بها وتربيطها وتزييتها

[بواردي الدلم]

أهم شي موقع الإصابه

صدر - ظهر - راس - مفصل جناح

بعدها تعال صدني في جبهتي لو ماطاحت من أول رميه

[الشمطري]

الله يقويكم يالربع

لكن تدرب على اصابة الطير بمذبح او في مكان يعيقة من الحركــــــــة

اخبر واحد من الشيبان الأوليـــن

يذبح الضب بالسكتون

فركز اخوي على مرماك قبل الرمي

وبالتوفيق للجميع

[أبوعبدلله99]

السلام عليكم ورحمة الله وبركاته
الفايروخ 80 أفضل ساكتون هوائيه لجميع الحمام
أوزنها 100% وتوكل على الله
اشتريتها من الرميح 1500




انا معك شريته من الرميح 1500

[أبوأحمد2006]

هلا بك أخوي مثل ما قالوا الاخوان عليك 80 الفايروخ
سعرها بالزلفي 1400 ريال لكن البندق الصراحه روعه انا
معي لها تقريبا 17 سنه والله ماشفت مثلها للقميري وحده بوحده
تحصلها عند الرميح؟أمل اني افتك بشي\\ وتقبل تحيات أخوك قناص زلفاوي

[بنوتميم]

فايروخ 80من عند الرميح
ممتازه جدااا جداا
من واااقع تجربه

[القنـاص2008]

الاخوان افادوك

القناص2008

[MR.SHQRAWI]

السلام عليكم ,


اول شي على حسب الصتم الي تستخدمه ,


وثـآني شي وزن البندق لان الهوائي تتغير الوزنيه مع اي لمسه ,


و الـ80 الفـآيرخ تطرح القميري من مسآفة 25 متر مجربه ,


تقبل مروري ,

[MR.BADER]

شف ياخوي عندك محل الرميح أو الرماية أو الهدف وهم جنب بعض
على شارع التخصصي من جهة الدائري
وشكرا

[AXA-XX1]

عليك بديانا 36 ما شاء الله

ضربة قمريه حوالي 25 متر

بفشق مشطوف

[مطر وسم]

ماينفع للقميري الا الشوزن وتطيح قميريتين ثلاث دفعه واحده
مع احترامي للبنادق الهوائيه اشوفها ماتصلح للقميري خاصه اذا صار فيه كم قميريه جنب بعض

خذلك شوزن وريح بالك
خل الهوائيات للطيور الصغار

وجهة نظر خاصه فيني

ولكم تحياتي

[حبـران]

اخوي عليك بالالمانيه 85 نيشان ثابت

اخذتها من ابن حميد بجده والله يالضب تفجر راسه ولا عمره راح

والطير محله

عن تجربه والله

[المهاجر0011]

انا اخذت ديانا 34 تجيب القميري سلام سلام

[الشلاحي 1]

يالنسبة لي القمو 80 ممتازة جدا اذبح بها حتى الضب

[بندقيه حساويه]

اولا انت وش الصتم اللي تستعمله ووش موديل بندقيتك

[ابو نايف هدد]

أخوي من واقع تجربه
ديانا ماقنوم 350 وبس

[هدااج 2008]

من واقع تجربه وعمر
عليك ب 77 فايروخ
ولا راح تندم
.

[concod]

الطيور المتوسطة مالها حل الا تقنصها يا في الراس , يا مشطوفة في الكتف , يا في وسط الصدر ( إذا كنت تحت الطير ) .



في الراس بتطيح مكانها , ومشطوفة من الكتف او وسط الصدر بتخرق العمود الفقري ويطيح الطير مكانه


الحل الثاني تاخذ ساكتون صتم 5.5

[أمير الصيد]

الموضوع قديم ؟؟
لكن احببت المشاركة لتعم الفائدة .
عليك بالفايروخ 80 وحده بوحدة اهم شي اضبط الميزانية وشد المسامير بين فترة واخرى.
والمحافظة عليها .

[magnum 350]

الــسـلام عليــكم
كيف حالكم ياشباب ان شاء الله طيبين وعلى مايرام
انا يالربع والله معي خرازه برنو ومعي الساكتون الماجنوم 350 يالبيه قلبها
وطالع قبل يومين الا وهو يوم الخميس الصبح الي فات والله ماشاء الله الماجنوم حاطها للقميريات والدخل والنزل والبرنو حاطها للحجيلات والله ان الماجنوم ماشاء الله اني اطرح فيها طرح ماهو صاحي وطرح صح الطقه ماتقوم بعدها القميرية ولا الرقيطيه نهائياً يعني وجه بس والمهم تكون الطقه في الراس في الصدر في اتلى البطن مو تكون في الجناح والله ماشاء الله عليها تبيض الوجه والله كان ودي ماخذ لها تصوير على شان اوريكم الابعاد الي تطرح منها بس مالله كتب تقبولي تحياتي
والي يبي يشتري ماجنوم
قيمتها الحين الفايبر بـ1600
والخشب بـ1900
والله يوفق الجميع

[Platnium]

Diana magnum350!!!!!

[falcon1221]

انا توني ماخذ لي ماغنوم 350 من الرميح بـ1900
الصراحة قوية انصحك فيها

[صملة البندق]

زي ماقالوا الشباب خذلك فايروخ وابشر بالشحم

انا جربت اسبانيه نوريكا 90 الصتم 5.5 بازينها واحسن مافيها الفايبر واذا بتحافظ عليها حلوه

وجربت باتريوت الصتم 5.5 اقوى من النوريكا بس فيها عيبين كسرتها قوية وثقيله

بس ماعنك وعن 80 فايروخ قوية وكسرتها اذا تعودة عليها تطلع كانها كسرت 27 بس فيها عيب واحد تدري وشو

انها كثر الرمي فيها تنحل الصواميل بس هذا عيبها والى هي فالموسم الي راح صيد فيها حول 10 قميري

بس نصيحة اخو لاتغير نوع الرصاص خلك على صتم واحد واحسن شي الالماني ابو علبه خضراء وحمراء

وفالك الشحم ان شاء الله