المساعد الشخصي الرقمي

مشاهدة النسخة كاملة : أبغى اراسل " سدير " و " ثادق "من الرياض .. أستشارة !


جبل غرابة
16/06/2009, 01:42 AM
بسم الله الرحمن الرحيم
السلام عليكم ورحمة الله وبركاته ،
أخواني الكرام .. موضوعي باين من عنوانه ..
بإختصار : أريد أن اراسل سدير وثادق من شمال الرياض .
جهازي : آيكوم 2100 نظيف ويمشي الحال .
وش الأريل المطلوب ..
ووش تنصحوني به ..
من واقع تجاربكم ، وخبرتكم .. طبعاً .
المسافة للمعلومية / في حدود ال 120 كيلومتر تقريباً .
أبغى اراسل بصفاوه واسمع بصفاوه وبدون تلحيط !
هل الاريل ثلاث وصل ينفع .. أو التوجيهي ,, وكم اسعاره مع العلم اني ما ابغى احط مثبتات في الجدار وخوابير . لأني مستأجر .
وهل احتاج " ام بي " .
مع الف شكر لكم جميعاً يا أعضاء مكشات الكرام .
أخوكم .. جبل غرابة
جفيل
16/06/2009, 09:22 AM
انا اعتقد اربع وصل مع امبي ..يكفي ..

اذا كنت في شمال الريآض ..


والتوجيهي عز الله انه دوا ..ركب جناح واحد وتراسل اكثر من 120 بالراحه بالراحه اسعاره اظاهر ب 1200 ..
مع الفرار يطلع لك ب 1500

شكرا
هدد688
16/06/2009, 09:47 AM
والله شف وانا اخوك الموجه او التوجيهي ممتاز وعطي الله

والله اعرف واحد ببريده يراسل حفر الباطن بس يوجه الموجه

وسعره على كلامه بالف تقريبا .
جبل غرابة
16/06/2009, 11:09 AM
الأخ / جفيل
أشكرك على المعلومه والشور ويعطيك العافية
جبل غرابة
16/06/2009, 11:17 AM
الأخ / هدد688
أشكر لك الإفادة والله يعافيك
ابوهياكل
17/06/2009, 06:02 PM
مساء الخير اخوي

والله بصراحة انا عندي توجيهي جهتين

لاكن تبي الصراحة اذا كنت بتخسر اخسر على سنع اشتر لك جهتين وامبي 400 وتراسل لو تبي اغلب المناطق اللي عندك موبس ثادق

وعاد لك الخيار وجهه بعد حلو
جبل غرابة
23/06/2009, 03:19 PM
شكراً لكم على المرور والمشاركة .. وفي انتظار بقيه الأخوان لعل لديهم تأييد أو شور أو رأي .. يفيدنا .
شبح الغابة
25/06/2009, 10:11 PM
الحل عندي ونخوك دور لك باكستاني من حقين الأجهزة ويخلي الجهاز يروح أكثر من 1000 كيلو مهو سدير وبس لكن أين تجد هذا المهندس هم كثيرين ولكن يخافون من الحكومة إبحث عن واحد مسوي خروج نهائي وعطه 100 ريال ومجاك عندي هذا هو الحل ونخوك.
البتار2011
26/06/2009, 10:55 PM
انا اعتقد اربع وصل مع امبي ..يكفي ..

اذا كنت في شمال الريآض ..


والتوجيهي عز الله انه دوا ..ركب جناح واحد وتراسل اكثر من 120 بالراحه بالراحه اسعاره اظاهر ب 1200 ..
مع الفرار يطلع لك ب 1500

شكرا


يا اخوان"""""""""""""""
تكفون وضحو لنا وشه الامبي ؟؟؟ واذا فيه صوره نشوفه يكون احسن ؟؟ ويستخدم في البيت فقط او حتى في السيارة؟؟وايضا وش هو التوجيهي نسمع به كثيرا بس ما ندري وش السالفه ؟؟؟ نريد واحد من الرجال يجاوب جواب كافي ووافي ,,,...,,, الله لا يهينكم...

تحياتي
جبل غرابة
27/06/2009, 12:51 PM
يا اخوان"""""""""""""""
تكفون وضحو لنا وشه الامبي ؟؟؟ واذا فيه صوره نشوفه يكون احسن ؟؟ ويستخدم في البيت فقط او حتى في السيارة؟؟وايضا وش هو التوجيهي نسمع به كثيرا بس ما ندري وش السالفه ؟؟؟ نريد واحد من الرجال يجاوب جواب كافي ووافي ,,,...,,, الله لا يهينكم...

تحياتي


هلا وسهلا بك .. يا البتار2011
من طرف الألمبي فهو جهاز تقوية الإرسال .. وفيه له أنواع وتختلف قوتها عن بعض .. يضاعف مدى الإرسال ولكنه يقولون يؤثر على عمر الجهاز .. ولا عندي له صورة ولا قد شفته ! بس اسمع به .
ويستخدم غالباً في البيوت .. وأعتقد انه شبية بالمقوي حق ارسال التلفزيون
" حقت الأولين " ..
أما التوجيهي فهو .. أريل أنتل مثل عظم السمكة يشبه تماماً أريل التلفزيون اللي يركبونه أول !
منه ريشتين ومنه أربع .. الخ .
وفيه أحد يحط عليه " فرار " يوجه على ما يبي ..
وفيه أحد يحطه ثابت بدون الفرار ..
أتمنى أني أفدتك يا الغالي .. وأحتري أحد يفيدني وشلون اراسل ثادق .. بأقل تكاليف وأفضل ارسال واستقبال بصفاوووه ..
وتقبل سلامي ..
جفيل
27/06/2009, 01:37 PM
جبل الغرابه العزيز ..

خلني اتكلم بالعاميه افضل :) خبرك منيب حول الفصحى

لو شبكت على جهازك افضل واقوى اريل .. منتب واصل لمبتغاك ..

محاكيك كان يراسل بالبيت بأريل (سياره) وكنت اراسل الرياض(الرياض اراسلهم دائماُ من دون مايفتح الجو) والخرج والكويت.(اذا فتح الجو)....طبعاً موقعي(سدير).

تدري وشلون فعلة ارسالي ..

رفعته بأرتفاع اظمن انه لايوجد له اي عائق ..

اختيار نوعيه جيده من الكيابل ..وخذها قاعده ( كلما كان الكيبل قصير كلما كان الأرسال اقوى) وهذا من واقع تجربه !

تزويد الجهاز بالطاقه المطلوبه ولا ازيد ولاانقص ..

....

فخذها نصيحه مني ( من واقع تجربه) فأنا منصح لك :

1- دايركشن (جناح واحد) قيمته 1200 على مااظن .
2-الفرار..قيمته 500 ريال جديد .
3- كيبل

المجموع: 1700 ريال
بهالعده تظمن (اكثر من )150 كيلوا في جميع الأحوال.

على فكره هالمسافه لاتستهين بها ..(لآنها في جميع الأحوال) ....يعني لو فتح الجو ..انا اظمن لك حول ال300 كيلوا اواكثر .


بقى شيئين:
1- الأرتفاع : ماصورة سباكه ب 60 ريال (6) متر . ثبتها فوق الخزان.
2- الكيبل : حاول انك ماتطول الكيبل ( نقطه مهمه جداً جداً )


وان كانك ماتريد فرار وحوسة شياب :)

فالأستيشن مع امبي كفيل ان شاء الله ( لكن مااظمن لك) لأن الأستيشن ارساله للبعيد مايعطيك الا اذا فتح الجو .


واي خدمه انا حاضر



ملاحظه :)

وش تبي بشبكة سدير ...مافيها الا الضعوي :) مهنا احد يراسل الا قليل خخخخخخخخخخخخ
تحياتي
جبل غرابة
28/06/2009, 02:10 AM
هلا بك يا جفيل
أبي ثادق وريحة ثادق واللي حولها .. :p
ولا تهون سدير .. مع اني حطيتها علشان اللي ما يعرف ثادق يعرف سدير .. واللي يوصل لسدير يوصل لثادق .. كلها شبكة وحده وديرة وحده الله يجمع شملهم .
جفيل
29/06/2009, 12:08 AM
ههههههههههههههههههههههه

ونعم بهل المحمل ونعم بهل سدير كلهم ربعنا ..

انت كم ميزانيك اخوي ؟
جبل غرابة
29/06/2009, 02:21 AM
هلا وغلا بأخوي جفيل
ميزانيتي طال عمرك من الألف وحولها إلى ألف وخمس !
لكن ما ودي أرفع مواصير فوق الخزان
لأني مستاجر في الدور الأرضي .. ولا ودي أحرج جاري .
علماً أنه يوجد ماصورة فوق الخزانً مرتفعه عنه حوالي ثلاثة متر تقريبا ممكن أثبت عليها اريل ..
ما أستغني عن شورك طال عمرك .. وأبتصل فيك أن شاء الله ..
جفيل
29/06/2009, 04:36 AM
ميزانيه حلوه وتكفي ان شاء الله

ولا ترفع ولا شي ..

دايركشن (جناح واحد ) بيأدي الغرض وزياده ..

المهم الحين دور لك اصلي (لومستعمل) ...

جناح واحد اصلي قديم مستعمل تلقاه ب 800 الى 900
وفرار ب 500

هذي 1400 .

والكيبل مني هديه ...30 متر اصلي :)

اي خدمه انا حاضر..

على فكره فيه ارسالات بثادق وسدير والقصب قويه جدا

ثادق:
الدوار - تورا بورا - الخاز باز - همــام - ظلام

سدير:
الشاعر المعروف الوردي (الخطامه) - فتحي (المجمعه) - السيف العارض (المجمعه) - ابو وحيد(المجمعه) - ابوعلي(الخطامه) - العمده(الحوطه) - ابوحمد(تمير)


القصب:

ابوعزيز - لورنس



يتواجدون غالباً على 146,175 أو 144,150



ان شاء الله نسمع صوتك :)

تحياتي
الجرهدي
16/08/2009, 07:11 PM
دبل 18 او دبل 16 دايركشن كندي .....كندي ماهو سنغفوري

اذى كنت بشمال الرياض

الرفع سته متر تكفي