تسجيل الدخول

مشاهدة النسخة كاملة : استفسار لمن لديه خبره


GX_V8
16/06/2009, 02:39 PM
السلام عليكم ورحمة الله وبركاته
امسي عليكم با الخير جميع

عندي سؤال
انا عندي الله يعزكم سلقه واول مره تجعل عزكم الله
وعيت يجيها الذيخ تعقره ما تخليه يطمرها
والحين لها اكثر من شهرين من فك جعالها
وش الحل هي كذا اذا صارت اول مره تجعل
والا اضربها ابره جعال
مع العلم اني مسكتها للذيخ لكنها تجلس ما تخليه يقربها
وارجو الافاده من ذوي الخبره فقط لان الموضوع لا يحتمل
توقعات
ولكم مني جزيل الشكر
الصارم1
16/06/2009, 02:52 PM
انتظر اهل الخبر


بس حسب ما خذت من خبره بالمنتدى يقولون اهل الخبره خل الذيخ معها وخل الامر طبيعي

لان الابره مضره لها وللجراء
دنيا بلا معنى
17/06/2009, 10:55 AM
وعليكم السلام ورحمه الله وبركاته
يعطيك العافيه اخوووووي انا برد عليك من واقع خبره

اولا اذا تبي يفك جعالها من دون ما تشبيها ابعدها عن الذكر او الذيخ واحشرها لا تطلعها

واذا تبي الذكر يشكمها يا انك تحشرها مع الذكر بمكان ضيق عشان ما تتعب الذكر بالف وراها ويشكمها على طول

وفي طريقه ثانيه اربطها بحيث انها ما تختنق وخل الذيخ عندها وباذن الله راح يشبيها

وسبب انو جعالها طول لان الذكر معها هذا الي مطولها والى مده الاجعال كحدى اقصى شهر مالقت ذيخ تفك خلاص وانا اتكلم من واقع تجربه وهي اهم من الخبره

تقبل مروري واتمنى اني افدتك بمعلومه.............
@قرناص@
17/06/2009, 01:01 PM
اخوي دنيا بلا معنى ماقصر...

والله يوفقك
بن مسيفر
17/06/2009, 01:17 PM
اخوي امسيك بالصحه والعافيه@كيف الحال@اسمع واناأخوك حطهاء هي وياه في الصندقه اللي تجي مساحتهاء مترين طول في متر ونص عرض وخل حق الاكل واحد عشان اذاء بغت تاكل معه يقوله كل شي بحقه وماعليم الذيخ بيجيب راسها ومدامهاء مجعر لاتعطيهاء ابره@وبتشوف كله اسبوع ولااسبوعين وبتشوفهاء تقلقس عنده بعد ماطيب خاطرها@واسف طولت عليك بس الحاله هذي قد سوته السلقه عندي وحطيتهاء معه في صندقه مثل كذاء ومخذت اسبوعين اللأوراسها في الارض@ وتقبل مروري وحياك الله
روحي شماليه
17/06/2009, 03:56 PM
السلااام عليكم

اخوي طبعا اول شبايه للسلقه تكوون صعبه جدا وهذا شيء معرووف لاكن فيه طريقه

الي هي تلبسها كمام وتربط رقبتها بطريقه ماتخنقها لاكن جودها وبيشبيها بأذن الله
GX_V8
20/06/2009, 02:24 AM
الله يعطيكم الف عافيه جميعآ
ماقصرتو وبيض الله وجيهكم يا النشاما
الف الف الف الف شكر