المري
24/06/2004, 02:42 AM
السلام عليكم
هيضنى الفيتو وميراج على ذا السوالف وذا الحين جاء دوري.
سنة من السنين في بداية الصفري مابعد جاءت الحبارى ولا بعد جاء لها ذكر, قام الوالد وشراء لي
شيهانة بحرية وافية بعشرة الالاف وعطاني اياها وقمت انزل في عدته تعرفون بعد الربطة عدة الطير
تبغى تنزيل, المهم الطيرة جاهزه من ناحية الدعو ومن ناحية زينة النفس والطيره عليه اشروط انها صايدة
الحبارى والكروان, المهم سيرت صوب ربع حولنا اتقهوى عندهم عقب العشاء قال واحد منهم يوم شافنى :
ليتك مع فلان اليوم يوم أنه يرمي الحبارى ولا صادها , قلت : ماوقف يومها ولا كان انه صادها, وبعد دقائق
الله هداني وقلت له: انت صادق ولا تمزح؟ قال : لا بالله الا صادق..!!!!!!!!!!!
قلت : متى قال : العصر الليله امساهم الليله وهم ماصادوها واخذ العلم من راسه , وأنا ماعرف الرجال ..
قلت الكلام صحيح قال : انشهد انه صحيح كان انك تبغاني اروح انا وياك بكرة اخليك تشوف ثرها ترى ماعندي
شغــل قلت : بيض الله وجهك , واروح صوب البيت وابغى النوم يجينى وانتم تعرفون اللي مذكور له ثر حبارى مايمسي
فكيف باللي مذكور له عين حبارى, المهم يوم جاء الساعة ثلاثه وانا احمل الطيرة وأمر خوي ونغبش صوب ديرة
الحبارى , ويوم أسفر النور والا قد حنا عند محلهم امس ونفتر له اشوي واذا بثرها من امسنا وطالع ثرها عقب القيض
وعقب القرنسة واذا ثر ذيك الدجاجه المهم دورنا اشوي واذا ثرها البارحة واشوي واذا ثرها اليوم سارحه على
الشمس, المهم ونجهز الشيهانة وخليها على يدي ونقصها اشوي واذا هي يوم طارت منا , لان البندق من امس
مذيرتها من السيارات المهم وأنا اللي اخذ برقع الطيرة وهي تشوفه وتطير من يدى ويوم ناصفت المسافة
وهي اللي تميل وتوقع قلت في خاطري (( وانتم خابرين اعذار الصقّار)): يمكن انها ماشافت الحبارى؟؟
المهم وانا اللي اقضبها ونروح ندور لها واذا هي مخمر قلت الحين احوم الطيرة وتطيرها من تحتها لان النهار اصبح
حار اشوي تعرفون بداية الصفري , ويوم أني حومتها وجات فوق السيارة وانا اللي اسوق السيارة عليها ويوم
فرت الحبارى وهي اللي تناظرها وتعطيها ظهرها , المهم وروح اقضبها ونرجع يم الديرة وراحو لها ربع وهدوا عليها
اربع اطيور ولا توفقو في صيدتها . وسلامتكم....
**********
هيضنى الفيتو وميراج على ذا السوالف وذا الحين جاء دوري.
سنة من السنين في بداية الصفري مابعد جاءت الحبارى ولا بعد جاء لها ذكر, قام الوالد وشراء لي
شيهانة بحرية وافية بعشرة الالاف وعطاني اياها وقمت انزل في عدته تعرفون بعد الربطة عدة الطير
تبغى تنزيل, المهم الطيرة جاهزه من ناحية الدعو ومن ناحية زينة النفس والطيره عليه اشروط انها صايدة
الحبارى والكروان, المهم سيرت صوب ربع حولنا اتقهوى عندهم عقب العشاء قال واحد منهم يوم شافنى :
ليتك مع فلان اليوم يوم أنه يرمي الحبارى ولا صادها , قلت : ماوقف يومها ولا كان انه صادها, وبعد دقائق
الله هداني وقلت له: انت صادق ولا تمزح؟ قال : لا بالله الا صادق..!!!!!!!!!!!
قلت : متى قال : العصر الليله امساهم الليله وهم ماصادوها واخذ العلم من راسه , وأنا ماعرف الرجال ..
قلت الكلام صحيح قال : انشهد انه صحيح كان انك تبغاني اروح انا وياك بكرة اخليك تشوف ثرها ترى ماعندي
شغــل قلت : بيض الله وجهك , واروح صوب البيت وابغى النوم يجينى وانتم تعرفون اللي مذكور له ثر حبارى مايمسي
فكيف باللي مذكور له عين حبارى, المهم يوم جاء الساعة ثلاثه وانا احمل الطيرة وأمر خوي ونغبش صوب ديرة
الحبارى , ويوم أسفر النور والا قد حنا عند محلهم امس ونفتر له اشوي واذا بثرها من امسنا وطالع ثرها عقب القيض
وعقب القرنسة واذا ثر ذيك الدجاجه المهم دورنا اشوي واذا ثرها البارحة واشوي واذا ثرها اليوم سارحه على
الشمس, المهم ونجهز الشيهانة وخليها على يدي ونقصها اشوي واذا هي يوم طارت منا , لان البندق من امس
مذيرتها من السيارات المهم وأنا اللي اخذ برقع الطيرة وهي تشوفه وتطير من يدى ويوم ناصفت المسافة
وهي اللي تميل وتوقع قلت في خاطري (( وانتم خابرين اعذار الصقّار)): يمكن انها ماشافت الحبارى؟؟
المهم وانا اللي اقضبها ونروح ندور لها واذا هي مخمر قلت الحين احوم الطيرة وتطيرها من تحتها لان النهار اصبح
حار اشوي تعرفون بداية الصفري , ويوم أني حومتها وجات فوق السيارة وانا اللي اسوق السيارة عليها ويوم
فرت الحبارى وهي اللي تناظرها وتعطيها ظهرها , المهم وروح اقضبها ونرجع يم الديرة وراحو لها ربع وهدوا عليها
اربع اطيور ولا توفقو في صيدتها . وسلامتكم....
**********