استفسار ومساعده اين اجد اماكن بيع الزير بالرياض ( لاتحرم نفسك من الاجر

[مميز نجد]

http://www.3nabi-up.com/uploads/images/2009-vip-57aff64bd9.jpg



السلام عليكم ورحمه الله وبركاته


الزملاء الكرام .


لدي عامل بالمخيم وبصراحه لايكفي وضع قربه للمويه لهذا فضلت شراء زير ولكن اتمنى معرفه اماكن


بيع الزير الاصلي الذي يبرد الماء بشكل ممتاز


ولكم مني خالص الشكر الجزيل والدعاء بظهر الغيب والاجر كوني سوف اضعه بصراحه سبيل للشرب لكل الرعاة


بالمنطقه والله من ورا القصد..


بانتظار اجابتكم باسرع وقت ممكن

[VXR.2007]

شف وانا اخوك وانت طالع من الشفاء اخر المحلات على اليمين فيه كم محل وكاسرهم في السعر وسالهم هل اهو يبرد الماء فيه بعضهم مايبارد الماء بس على شكل زير
والله اعلم

[مميز نجد]

شف وانا اخوك وانت طالع من الشفاء اخر المحلات على اليمين فيه كم محل وكاسرهم في السعر وسالهم هل اهو يبرد الماء فيه بعضهم مايبارد الماء بس على شكل زير
والله اعلم

والله يالغالي الشفاء يبي له دعاء سفر من زحمه الرياض انا بالشرق

وانابصراحه ذكر لي باول محطه من طريق الثمامه مقابل مبيعه الابل ومتردد اروح

قلت بشوف يمكن فيه اماكن عندها زير اصلي يبرد الماء ولاابي اخوض تجربه وخساره شراء زير

وجزاك الله خير

[مميز نجد]

للرفع.....

[وادي الريمة]

مرحبا بك يااخي...وجزاك الله خير
تحصله مثل ماقال اخينا في الشفاء وعطاك الوصف بالتفصيل
او اقرب محطه قريبه منك على الطريق السريع لانهن كبار ويكملون ادوات الرحلات

[مميز نجد]

للرفع.....

[ابولولو]

اخوي الشفاء فيه اشكال خذ حق المدينه اخذته العام والله بارد ودك كل اشوي تشرب منه ولف عليه خيشه ورشه مجربه واهم شي فوقه مظله

[ابولولو]

اخوي مميز مافكرت بالمطاره حقت الهدلق تبرد وتاخذه معك بالسياره

[ابو تمام]

مافي غير الشفا هم اللي عندهم مطلوبك إقرأ دعاء السفر وتوكل على الله

[السهلى 1]

http://www.3nabi-up.com/uploads/images/2009-vip-57aff64bd9.jpg





السلام عليكم ورحمه الله وبركاته


الزملاء الكرام .


لدي عامل بالمخيم وبصراحه لايكفي وضع قربه للمويه لهذا فضلت شراء زير ولكن اتمنى معرفه اماكن


بيع الزير الاصلي الذي يبرد الماء بشكل ممتاز


ولكم مني خالص الشكر الجزيل والدعاء بظهر الغيب والاجر كوني سوف اضعه بصراحه سبيل للشرب لكل الرعاة


بالمنطقه والله من ورا القصد..



بانتظار اجابتكم باسرع وقت ممكن




اذا بغيت وانا اخوك اجيب لك معاى من الكويت ترى حاضر ونوعيته جداااا ممتاز , انا اجى كل اسبوع للخفجى احطه عند اى شخص اومكان نتفق عليه , ابشر بسعدك واعطيك جوالى على الخاص اذا عزمت .

[مميز نجد]

اخوي الشفاء فيه اشكال خذ حق المدينه اخذته العام والله بارد ودك كل اشوي تشرب منه ولف عليه خيشه ورشه مجربه واهم شي فوقه مظله
بكم سعره الله يجزاك خير

[مميز نجد]

اذا بغيت وانا اخوك اجيب لك معاى من الكويت ترى حاضر ونوعيته جداااا ممتاز , انا اجى كل اسبوع للخفجى احطه عند اى شخص اومكان نتفق عليه , ابشر بسعدك واعطيك جوالى على الخاص اذا عزمت .

الله يجزاك الف خير والنعم بك

0590332727 ابوعبدالعزيز والساعه المباركه

ويسرني تواجدك وبمرورك وزيارتك لي بالمخيم


http://www.dohaup.com/up/2009-06-13/dohaup_520823726.jpg

[ابولولو]

اخوي مميز اظن سعره 70وفيه حق مكه 40تعبان

[ابولولو]

وش دعوه اخوي مميز علشان السهلي يبي يجبلك زير عزمته بالمخيم اجيبلك اثنين واحد تماتيك واحد عايدي ههههههههههه امزح ارجوا تقبل المزح ودنا نخدم جعل المخيم عامر بااهله

[ابو لمى A]

سلام عليكم ورحمة الله وبركاته
اخوي مميز نجد تلقاه عند محلات الزراعة اللي على طريق المئة مخرج 15 مقابل الهرم

[مميز نجد]

وش دعوه اخوي مميز علشان السهلي يبي يجبلك زير عزمته بالمخيم اجيبلك اثنين واحد تماتيك واحد عايدي ههههههههههه امزح ارجوا تقبل المزح ودنا نخدم جعل المخيم عامر بااهله
iiiiiiiiiiiiiiiههههههههههههههههههههههههه الله يقلع بليسك ياشيخ

وين والله لواني ياشيخ اشعب على غفله

انا ماارد جيت الرجاجيل والساعه المباركه كل يوم خميس انا بالمخيم الله يحييك وكل اعضاء منتدى مكشات

الساعه المباركه وخلال الشهر الجاي بجيب الخلفات حقاتي من القصيم

وربي افرح بكل ضيف يلفي علي



اخوك ابوعبدالعزيز

[مميز نجد]

سلام عليكم ورحمة الله وبركاته
اخوي مميز نجد تلقاه عند محلات الزراعة اللي على طريق المئة مخرج 15 مقابل الهرم

الله يجزاك الف خير ويبض وجهك

عزالله انكم اعضاء مكشات عند اللزوم تلقاهم وتبيضون الوجه وراعين فزعه وعلوم تطلق الوجه

شكرا لك

[مميز نجد]

اخوي مميز اظن سعره 70وفيه حق مكه 40تعبان

ياشيخ لو ب200ريال المهم انه اصلي ويبرد

انا بصراحه بشري يكون عند حارس المخيم لانه بصراحه خدوم وطباخ ونافعني وبنفس الوقت

الحارس يبي مويه بارد تخيل طول الاسبوع لاثلاجه ولاماء بارد بس مويه يبردها بخيشه وبقاروره

والله يجزاك خير وشكرا لك على هالمعلومه

[ابولولو]

كلام طيب مايجي قصور ياشيخ مميز بس اخر اقتراح ان كان يستاهل الحارس علي كلامك ولا ترده جبله ثلاجه علي غاز والدبه علي قل تم واذا تصبر كم يوم اجبيلي واحد وانت واحد من الشفاء ابيه بالاستراحه قل تم وتمر علي تاخذه بالاستراحه وتطب المحل وتقهوا مخرج 18حي المناخ لاتقول ابي اقراء دعاء السفر عرفناه ههههههههههه

[الاركان]

ياطويل العمر اذا انك بشرق الرياض
عندك بحي النسيم شارع الاربعين (سعد بن ابي وقاص) نهايته من الجنوب بشارع الميه (مخرج15) ثالث محل على يدك اليمين على الميه محل صغير لكن يجهز لك طلبك

[مميز نجد]

رحت اليوم لحي الشفاء الصباح وشريت زيرللماء صناعه المدينه ولقيت برميل مندي اعجبني وسعره رخيص جداً

اليكم الصور








http://www.up-00.com/oqfiles/oKr38594.jpg

http://www.rofof.com/img2/6ayrsi17.jpg

http://www.up-00.com/oqfiles/u3o37916.jpg

[عاشق وادي الدواسر]

اخوي الغالي اسمع تجربتي مع الزير

إذا تبيه يبرد اول شي حط فوقه مضله ويفضل انها تكون من الخشب لأنالحديد يحتر بسرعه او من الشينكو

ثاني شي ما ادري وش قصدك بأصلي او تجاري لاكن اللي عندنا اذكر اني شاريه من شارع الميه بعد بنده الجديده

ولف عليه خيشه مع الوسط إلى نهايته هاذا افضل تبريد له
واي خدمات هاذا جوالي وافزع لك بأي شي وإذا تبي وصف دقيق مره دق علي واعلمك


0507237237


اخوك سعود الدوسري

[مميز نجد]

اخوي الغالي اسمع تجربتي مع الزير

إذا تبيه يبرد اول شي حط فوقه مضله ويفضل انها تكون من الخشب لأنالحديد يحتر بسرعه او من الشينكو

ثاني شي ما ادري وش قصدك بأصلي او تجاري لاكن اللي عندنا اذكر اني شاريه من شارع الميه بعد بنده الجديده

ولف عليه خيشه مع الوسط إلى نهايته هاذا افضل تبريد له
واي خدمات هاذا جوالي وافزع لك بأي شي وإذا تبي وصف دقيق مره دق علي واعلمك


0507237237


اخوك سعود الدوسري

تسلم والله اخوي سعود والله يبض وجهك وماتقصر

اخوك ابوعبدالعزيز

[dead n gone]

انا بمرك الكويت واشتريه منك اذا باقي عندك

شف وضعك وعطني خبر

[Anwar abdulla]

اي يشوف وضعه الله المستعان

الموضوع له اربع سنين من ٢٠٠٩

[مساير الجو]

محطة هلا الي على طريق الدمام.

[مساير الجو]

جاي مطفي النوع ولا شفت التاريخ
من عام ٢٠٠٩ امداه شرا ثلاجه

[iso9001]

جاي مطفي النوع ولا شفت التاريخ
من عام ٢٠٠٩ امداه شرا ثلاجه
ههههههههههههههههههههههههههه هاجتنبهم الشباب

[ابو ســــاره]

في وسط الرياض حي العوود بجوار سوق اللحوم فيه محلات تصنعها حسب طلبك وعندهم اشكال والوان من الجرات والزير

[راعي بوضاء]

اخوي مميز الزير او الجحله مايبرد الى بالظل وعندك محل البريه بالربوه متوفر عندهم والله انا جربت عده انواع بس زي اليمني مافيه وسعره غويلي بس اهم شي الظل والله يجزاك خير يالي تفكر بالراعي او الحارس غيرك ماهمه وعليك بالبريه تقاطع الزبير بن العوم وشارع عنيزه ولاهنت

[قنا النفود]

بارك.الله فيك

[قنا النفود]

الفائده الممتازه ﻷجميع