من اسبق الحرار الي مرت علي(الحارث)

[بو غازي]

السلام عليكم ورحمه الله وبركاته
الحارث:اسم يتردد على كثير من اصدقائي الصقاقير بعد ان عرفوا وشافوا طيار الطير كنا نتجمع اذا جينا ندعي الطير عشان نشوف دعوه ماشاءالله تبارك الرحمن
جناح موقف طيار مسكت تخفيه باللجه على الدعو والله ان بعض الاحيان محد يشوفه من الربع (اخوياي كلهم شيبان)ههههههههههه مرة ضيعناه على الدعو اخفيناه سما شوي الا هو مكتف ومحول الكروان بالصفري اول الوقت هو الي نهده يردده فوق المواتر ماشاءالله تبارك الرحمن
النوارس اجي الجول والله تتروع منهم ومن كثرتهم اول الوقت تجي النوارس الكبار تروع من كبرها وطيارها وهي مقفية كنها حبارى جا يوم من الايام وانا راجع من المقناص الساعه 8 صباح راجع للدوام واشوف ذا النوارس شي على الطعوس وشي يطير وشي في اللجه وشي يتهاوش مع نورس ثاني يمكن لو اعدها ماقدر اعده مايقارب 100 نورس وكلهم كبار وانا اناظر النوارس واقول ياليت عندي طير يهد على النوارس والحارث ماخذه اول الوقت مصفي اول الطيور قرناس بكر وانا التفت على التكية واناظر بالطير وانا اقول الحين انى اتمنى طير ذا الحظه يهد على النوارس ليه ماأخذ من برقعه واناظر به والله واحط الطير على يدي وانا بالموتر واخذ من برقعه وابطى على يدي يناظر وقام يتووق ويتووق وينغق نغقه غريبه ويطير ويطير بجناح حامي وهو يردم ويمر على النوارس ويهملها مايبي منها شي وهو يردم ارتفع حيل وانا اتضايق ان لله وان اليه راجعون وين يبي يرووح والله وامد النظر فوق الا ذاك النورس حاط حيله وجناحه يتلوى اثاريه مطلب له والنورس يدري انه طالبه سبحان الله فوق شوي الا هو واصله ويروغه الا النورس تحت ويكتف عليه ويعلقه على طول ويحول به اما ذاك اليوم ماشاءالله عليه عن 20 حبارى هههههههه وبعدها بايام صاد حبارى وبعته عسى الله يبارك للي شراه يارب ويرزقهم من صيده يارب ياكريم
طراه الحارث وهذي صورة الطير
تراه مامن وفا الطير 16 في 16 لكن وجه حي ووسرة ماغير لحمه ماشاءالله عليه تبارك الله والله يبارك لمن شراه.
http://up3.m5zn.com/9bjndthcm6y53q1w0kvpz47xgs82rf/2009/6/17/07/3210vhls4.jpg

[مخاوي شيهانه]

وعليك السلام ورحمة الله وبركاته
ماشاءالله تبارك الله
عزالله طير كايف
الله يباركله فيه وياكل من صيده
والله يرزقك ياابوغازي بطير يطيب خاطرك

[محمد الشامان]

ماشاء الله تبارك الرحمن
فعله بين عليه
الله يرزق راعيه الصيد

لاهنت

[Turki1]

ماشاء الله تبارك الله.
حي هالوجه يابو غازي وحي هالسواليف.
الله يعوضك بخير منه،ويبارك لراعيه.

[صياد ليبيا]

ما شاء الله خوى (بوغازى) طير طيب الله يعوضك بأبرك منه
والطيور تروح وتجى لكن اكيد فى طيور تسيب بصمتها معانا
و الواحد شاف منها فعل وجناح يصعب عليك فراقها وانا متأكد
ان طيرك (الحارث) واحد منها عز الله طير من مراكز طيور
وان شاء الله يجيك طير يهنى بالك ويشيل منك الغصايص

تقبل مرورى .. اخوك (صياد ليبيا)



http://www.mekshat.com/pix/upload/sign/images/mk18465.gif

[عوق الخريش]

بسم الله الرحمن الرحيم
السلام عليكم ورحمة الله وبركاتة :
حيااك الله أخوي الغالي : بـوغـازي
لآهنتــ على الموضوع والصورة المتالقة والطير والله منحرة طيب والله يوفق من شراه ويعوضك ببرك منة ,,,,
وهذي حلآت الطيور طال عمرك يايموت ولآيضيع ولأيجيك لحيتٍ غانة ويآخذة ولآيجيك مبلغ مغري
وتبيعة والأحزان واجد ولأتشكيلي أبكيلكـ ياراح طيورٍ حرام باالله أن افراقها افراق اعز الربوع


والشاعر يقول // عبدالرحمن العطاوي ( شاعر هوآزن )


ياطير عقبك وين يلقاء علاجي ............ القلب لوتقطع قطع منة معلوق ,,


تحياتي لكــ..... وشكراّ,,,,,,

[مفتون الشمال]

ماشاء الله تبارك الله عز الله انه طير طيب باين من
شكله الله يبارك للي شراه ويرزقك بأطيب منه مالومك
لو ذكرته بعض الطيور اللي فعلها زين وطبوعها زينة
ماأبالغ لو قلت مثل الصديق أو أزين ........

[نمر32]

حياك الله اخوي ابوغازي موضوعك طيب وأنت اطيب
والطيور تجي وتروح والله كان عندي مثلوث انه يسوى طيور واجد
لكن هي العادة يجيك واحد ويشتريه
وهذي هي الحال طال عمرك

[عاشق الاشقر]

حياك الله اخوي
الطير الطيب الظاهر انه صعب ينباع
لاكن اكيد فيه لبيعه سبب فماهو السبب
مع الشكر

[ذعذاع نجد]

مرحبابك ابو غازي طير طيب لله لا يهينك هاذا الناس يوم تصفيلك على كيفك ويم لا ولله ماتصفيلك ولله يعوضك بطير الى ينومسك ويرزق الى شراه ويطعمه من صيده ...........

[بو غازي]

مخاوي شيهانة:جزاك الله خير اللهم امين ويرزقنا ويرزقك الجنة.
ابو شقران:اشكرك على المروور ولا تهون اخوي .
تركي1:ابقاك الله اي والله الصورة لقيتها باحد اللابتوبات لاحد اخوياي ويوم شفتها طرت علي سواليفه قلت انزلها لكم تشوفون الصورة ونسولف عليكم بعلومه عسىالله يبارك لهم فييه .
صياد ليبيا:اشكرك على المروور اخوي الغالي صياد ليبيا اخوي صياد ليبيا خابر لك جير باذن الله بيعشينا ههههه تخبر جو خلي مافيه الا انا وانت والجير ؟؟:)
عوق الخريش:ابقاك الله ,ولا تهون على المروور اخي العزيز الغالي الي يذكرني بالمقناص لاشفت زولك الله يعطيك العافية يارب ويمد في عمرك ويرزقك الصيد الي في بالك:)
مفتون الشمال:حياك الله ومشكور على مروورك الكريم اكيد كلامك صحيح والله .
نمر 32:ابقاك الله اخوي نمر وانت اطيب واطيب انشاءالله عزاله صحيح والحمدالله والله يطول بعمرك.

[بو غازي]

عاشق الأشقر:ابقاك الله والله يااخوي السبب ان عندي طير السنه ينشال قرناس 11 (هزاع) ماشاءالله تبارك الرحمن
ومكفيني علما بان الحارث اسبق منه والطير الي اشتريه مايقعد عندي وانا من عوايدي اخذ الطير المجهول واصيده وابيعه والطير الطيب مايقعد يطردونك منه غصب :) عسى الله يبارك لاهله.
ذعذاع نجد: مرحبا اخوي وانت اطيب اللهم امين واشكرك على المرور.

[خرب المعيزيله]

السلام عليك اقول اخوي اسبق مو على
الحجم السبق خفي على قول الصقاقير
والشاعر يقول
من ماكرتبعه يصيد الحباري
تحياااااااااااااتي

[قرناس ارامكو]

ماشاء الله تبارك الرحمن
الله يرزق راعيه بالصيد

[طير الهقاوي]

ماشاء الله تبارك الله.

[عشير المداغيش]

ماشاء الله تبارك الله
الله يرزق راعيه بالصيد والعلوم الغانمه




عــــشــــيــــر الــــمــــداغـــــيـــــــش

[أبوحمد 505]

الله يبارك لراعية

[عاهد بن علي]

الله يوفقك ويبارك لمشتريه

[بو غازي]

خربا المعيزلية:عزالله صدقت السبق سر يعطيك العفية على مروورك .
قرناس ارامكو:جزاك الله خير اللهم امين.
طير الهقاوي:جزاك الله خير .
عشير المداغيش:امين جزاك الله خير اشكر مروورك .
أبو احمد505:اللهم امين .
عاهد بن علي:اللهم امين ويبارك للجميع يارب .

[الفيتو]

بسم الله الرحمن الرحيم
السلام عليكم ورحمة الله وبركاته
مساء الخير ياخوي/بو غازي

(وبعدها بايام صاد حبارى وبعته)
ليه ؟؟ ليه ؟؟ ليه ؟؟
الحر الطيب ما تعطيه اليمنى البسرى
16*16 ويسوي هالسواه الله ليش يابوغازي
ليش :mad: فرطت فيه ومايعوضك فيه
الاالله .. الله يعوضك بابرك منه .
تصدق اني تضايقت من بيعته
*
والسلام
الفيتو
الحجاز
25/6/1430هـ

[بو غازي]

السلام عليكم ورحمه الله وبركاته
الفيتو:لاتتضايق وانا اخوك وانشاءالله في احسن منه !! وبإذن ا لله عندي احساس انه راح يكسر الرقم القياسي بالسبق:p اما الحارث الله يبارك للي شراه يارب.
اخوي الفييتو عندي مشكلة تدري وشهي !! اني دايم اذا جاني طير سبوق اقول في اسبق منه :eek: .

[أبو رداد]

ماشاء الله تبارك الله
السبق والشجاعه مالها علاقه بلون ولا بحجم سبحان الله
الله يبارك للي شراه ويعوضك بالاطيب

[محمد الفهيد]

عز الله طير طيب

والله يبارك لشاريه
ويعوضك الي مثله

[حمدان502]

الله يبارك للي شراه والطيب مايجي منه الا الطيب .

[ذراع الذيب]

السلام عليكم ورحمة الله وبركاته
مسيت بالخير يالخوي..والله يعوضك باحسن منه

[501]

ماشاء الله يا ابو غــــــــــازي طير مسكت الله يعوضك بالي اطيب منه
و
يرزق شاريه بصيد طيب منه
501

[قرناس شماالي]

مشاءالله على الطير الله يطرح به البركه
تقبل مروري: صيادسكاكا

[القطاوي 2008]

ماشاء الله تبارك الله

[أبو إبراهيم !!]

الله يوفقك ويبارك لمشتريه

[ابوفارس 5350]

حياك الله اخوي ابوغازي موضوعك طيب وأنت اطيب
والطيور تجي وتروح وناأخوك لكن بعض الطيور
ماينتعوض ويخرب عليك الطيور الثانيه
الله يعوضك بطيب منه ان شاءالله
لاهنت يابوغازي

[يوسف 206]

ابو غازي الله يعوضك بأطيب منه
والزين دايم مايبطي