الفزعة يا صقاره

[ابو عايد]

السلام عليكم ورحمة الله وبركاته

اخواني الصقارين من امس ويومي يوم ارنب عينت لي طير حر قرناس ومسيته واجيك سارح له من الساعه اربع و لحقني اخوي الساعه خمس وهديت له حمام بلادي ابيض واسود لكن الطير عيا يهد و انا وراه من عرق الى عرق ومن حقنة الى حقنه لكن الطير ما علف اليوم صبح لكنه ما يبغا الهدد والطير ذكي :mad: :mad: الطير في عروق اصغرها مثل الجبل ويش رايكم الي عنده حل يعجل به والظاهر ان الجربوع هو الانسب لان موقعه مافيه الا الجرابيع والفيران حام الساعه ثمان وجيتك وخليته

[طيرحوران]

أبو عايد السلام عليكم
لايفوتك الطير وشكله فيه سبوقه منحاش من أحد المهم هذا الطير يبيله أحد يرابط عنده حتى لايهد على جربوع ولاغيره يومين ثمين فكله حمام أبيض مشبوك وشل منها ريشتين ريشتين ويحده لك الجوع بس حاول أنه يكون الصبح بدري أو المساء . وبإذن الله تمسك الطير إذا كان يستاهل وكانه مايستاهل ريح بالك .

[أبو رداد]

بسم الله الرحمن الرحيم

السلام عليكم ورحمة الله وبركاته

الاخ العزيز ابو عايد .... والله يبو عايد ماني عارف بالضبط شوتريد .. ارنب عينت طيرك ..لو شفت قرناس وحش... وعلى كل حال سوف احكيلك باللي اعرفه اذا كان قرناس وحش...
1 /يفضل ان يعطى كطا وبالذات فروخ الكطا لانها تمثل له اغراء ... واذا لم تكن متيسره فيعطى مريعي (فري) ..وطبعا الجربوع مثل ماتفضلت مرغوب جدا ..
2 / اذا رميتله شيء فلا ترجع له ... لان بعض القرانيس ماكر .. يوهمك انه لايريد ومن ثم يعود اليها...
3 / لاتحاول استفزاز الطير.. وراقبه بالناظور من بعيد ...
4 / بعض القرانيس يعرف الشبكه ... فاصنع له (عتاله) والعتاله خيط قوي طوله متر طرف يربط برجل الحمامه او الكطا والطرف الثاني فيه ثقل (برغي او نت) لايزيد عن 150 غرام .. وعندما يصيدها الطير خليه يذبحها وياكل منها قليل ومن ثم داهمه ولكن بهدوء حتى يحملها واتبعه بهدوء ... لانه سوف يطير بارتفاع منخفض (حاضن التراب) وعند ضرب الثقل الارض سوف يلتف عليه الخيط وتمسكه بأذن الله...
5 / اذا لم تنفع جميع هذه الوسائل ... فعليك بالخدج ... وسف اشرح لك الخدج بعد صلاة الجمعه ...
مع تحياتي....

[سنافي]

ابــــــــــــــــو عايد

نعم الســـمن ( الفري ) ما يقدر الطير يقاومه....... مثل ما قال ابو رداد ..... وفقك الله

[لهاب]

السلام عليكم ورحمة الله وبركاته

اقول الله يعينك على هالطير والأخوان ماقصرو عطوك العلوم كلها لكن عندي لك شور (كان أنت شايف ان


الطير طيب ويستاهل مالك الا ان تضحي بوكري ولا شويهينه وتحط به نقل ريش ولا جربوع وانت تعرف ان

الطيور تتحاسد على الصيد واذا مانفعت هالطريقه احسنلك لم اغراضك وتيسر لهلك مابعد النقل شي والنقل

يجيب الطيور من سماها.

والله يوفقك ،،،،،،،

[أبو رداد]

السلام عليكم ورحمة الله وبركاته

الاخ العزيز ابو عايد... الخدج هوالوسيله الاخيره بعد الياس من الوسائل الاخرى..ويكون ليلا حيث بعد ان تبيت الطير( يعني مكان مبيت الطير معلوم) تذهب الى الطير بالسياره .. وعند مشاهدته على رأس ضوء السياره تقف ولاتطفى السياره واللايت وتنزل من السياره وبيد اليمين المخداجه وارفعها الى فوق الكتف( وكلما كبرت كان افضل) وبيك الشمال لايت يدوي( يفضل ان يكون يجمع الضوء ولاتستعمل الكشاف او البروجكتر لانه يفضح حركتك)..وعند توجيه اللايت اليه اطفئ لايت السياره وابقيها مشتغله حتى تضيع صوت اقدامك.. وتوجه الى الطير مشيا وطيلت فترت مشيك ابقي اللايت اليدوي موجها عليه وعند اقترابك منه ارمي المخداجه عليه.. وانشاءالله اتصيده....
واحذر من القمر.. اذا كان بدر او اقمر ظاهر فأن هذه العمليه لاتنفع ...
ولاتستهين بهذه الطريقه فقد جربيتها على شاهين فرخ وعلى الحبار وعلى الكطا .. ونجحت والحمد لله...
بقي ان اسالك اخي هل جربت القرشع والظليه والظليه تنفع جدا بمثل هذه الايام لان الجو حار والطير يدور على الظل دواره .. وهل هو طير وحش ساكن في المنطقه ام انه هارب ام ماذا...

[سنافي]

ابو ردّاد

المخدجة وأنت أعرف أسواء ما يمكن ......... والسبب ان الطير المطروح بالمخدجة يصير خواّف وصيّاح ويرتاع من كل شئ والسبب طبعا روعة الطير عند الطرح.

وانت وش رأيك يأبو رداد

[ابو عايد]

السلام عليكم ورحمة الله وبركاته

بيض الله وجيهكم ...... كل ما قلتوا سويتها قبل

الطير مروع وكل ما شاف موتري جيب هج وطار وكل ما شاف الهيلكس ثبت في محله وشكل الطير وحش

لا سبوق ولا غيره وشكل ماكره عاينته حدود15 كيلوا وكل ما جيت الجبل وداني للعرق يبيله

انشاء الله اعطيكم الاخبار بكره المخدجه ما يمسي الا فوق جبل

[أبو رداد]

السلام عليكم ورحمة الله وبركاته

الاخ العزيز سنافي ... ان روعة الطير في الخدج لاتقل عن روعته في قلب الشبكه عليه في النوجه (الكوخه ).. او رمي العيارات الناريه خلفه ومن ثم نزول الصياد من السيار والركض عليه لغرض مسكه ... هذا مااعتقد.. والامر يرجع الى صقارة الصقار .. هذا راي والله اعلم... والنقطه الثانيه هي ان الخدج هو الوسيله الاخيره بعد الياس من كل الوسائل الاخرى .. (يعني تعوفه يروح احسن )

الاخ العزيز ابو عايد ... حاسبتي دخل فيها فايروس من كثر متابعتي لموضوع طيرك ...
اخوي ابو عايد ... هذا الطير شكله عنده فروخ ويريد يبعدكم عن مصقرته ( راقب المنطقه جيدا ) ... اذا لم يتيسر( نقل) استخدم الحمامه ك(نقل) والطريقه بسيطه ومجربه وهي تقطع ذيل الحمامه وتربطه بخيط الطرف الثاني في رجل الحمامه .. على ان لايقل طوله عن 20 سم حتى يكون واضح .. ويفضل ان ترميها الفجر بالقرب من المصقره ( اقرب مكان تقدر تصله عند مكان مبيت الطير ) .. واذا الحمامه لاتطير قطب عيونها نصف تقطيبه .. وانشاء الله يجيك الجرناس وفروخه ....

[ميراج]

ابو عايد السلام عليكم ورحمة الله وبركاته

طيرك ماله إلا شبكه ارضيه حطها له بين النورين قدام مراحه كيلو وابعد عنه مره لايشوفك وستعمل الدربيل

وإذا هد لا تنصا الطير ولاكن در عليه دوران من بعيد حتى يتمكن من الشبكه

وإن عجزة عنه كلمنى على التلفون اجيبه لك على منكس قرونه

تحياتى

[ابو عايد]

اخي ابو رداد واخي ميراج الغالين

مشكورين على تجاوبكم ولكن تحبون العلومه الطيبه

بعد متابعتي له من يوم الجمعه عرفت ان الطير موكر يعني له ماكر وقمت اذهب يمين ويسار واخالف الطير اذا ذهب للعرق اروح للجبال الين عينت ماكره وادربل واشاهد مرش الطير على ماكره والمرش جديد قلت لخويي حلوه طلعنا الجبل وعين روابيج قديمه وجديده ولقيت ريش الطير حقت العام وكنت حريص على الروابيج واحد الروابيج فيها خنافس واحده فيها عظام جربوع قلت الحين بدا الشغل وانا معه لين اطرحه والجبال واجد حوله فيها سدود ما والعلف عنده واجد قمري وولع ولكن الطير له يومين ما شفته والله يعقله وكل ما استجد شي وافيتكم به
وتقبل تحياتي // العاشق الولهان

[صقر]

الله يوفقك يا بو عايد وترانا شفقانين نسمع ونقرا بمكشات انك ان شاء الله شبكته وطرحته.

[اعقاب]

السلام عليكم ورحمة الله وبركاته

الاخ ابو عايد ا

الله يعينك على هذا القرناس

ودي اعرف اعلومك بشرنا اذا طرحته