طيرحوران
25/06/2004, 11:28 AM
السلام عليكم ورحمة الله وبركاته
ياجماعه حيث أن موسم الصيد باقي تقريبا أربعة أشهر فمالنا إلا نقعد نسولف. الواحد توه معشي الطيور وقاعد معهن قلنا نجي نهذر بهالمنتدى إللي والله أنا موسع صدورنا مع ناسن شرواكم . المهم بذكر لكم سالفه أنا بالنسبه لي زيييييييييينه بالحيل !!!!!!!!!
أليكم السالفه .
مره من المرات راح أمير من الأمراء إلى السودان طبعا للمقناص ومعه أخوياه وهم بالمقناص صادوا من الحباري والقطا والأرانب والسودان معروف الصيد فيها ومره وهم يمشون ولا هاك الحبرو يدرج قدامهم الحبرو هو أكبرأ نواع الحباري يمكن بعض القراء مايعرفه المهم قال الأمير يالله نبي طيورنا تذبح لنا هالخرب المهم وهدو أول طير والله يوم أنه ذل قال عطونا الطير الثاني والله ويتقعد له هالحبرو وبرجليه على الطير المهم أنبهرو من هالحبرو المهم يجيبون الثالث والرابع مافيه فايده قال الأمير عطونا شقران طير الأمير وهد شقران وياليته ماهده قام الحبروبجنحانه وكفخ شقران على وجهه يوم جاوبت عيون شقران ماعاد يشوف فغضب الأمير غضب شديد ولا ودهم يرمونه يبون طير يذبح هالحبرو .
المهم غابت الشمس وراحو للمخيم والوضع والله ماش والطعوه خربانه على قول أبو يمن !!
المهم قال الأمير نبي طير يذبح هالحبرو أحد يخبر لنا طير يذبح هالحبرو أللي أمتحن طيورنا قال واحد من الأخوياء عندي يالأمير بس في السعوديه قال الأمير هذه تذاكر ذهاب وأياب بس بأسرع وقت ممكن المهم راح الرجال وجاب الطير وش توقعون جاب ؟؟؟؟
جاب معه شيهانه بحريه محقوره يعني صغيره يوم شافه الأمير جن جنونه وهاوش الرجال قال الحين تنتخي وتقول عندي الطير إللي يذبح هالحبرو وآخرته تجيب لي هالشيهانه !!! والله يوم الرجال أنقهر راعي الشيهانه وقال للأمير ياطويل العمر ترى عندي شرط قال الأمير وهو مستهتر بعد شرط وشو شرطك قال تراها ماهي للبيع . قال الأمير والله ومتفاءل بطيرك ويقعدون كل هالليل كله تعليق على الرجال وشيهانته والرجال معهم يضحك وهو منقهر يحتري الفجر على أحر من الجمر جاء الفجر وجاء الفرج لراعي الشيهانه والأمير وربعه ودهم يضحكون على هالمشهد راحو لمكان الحبرو والا والله عين حميده الخرب يتندح بمحله راد بالشعب المهم قال الأمير يافلان هد شيهانك ويعطيه من الرخيص له شوي !!!
عاد الحين جاء وقت الهدد
الرجال قام وفرع عن الشيهانه وطلبت الحبرو وهد الشيهانه يوم هد الشيهانه وشتوقعون سوت الشيهانه ؟؟
ياجماعه الشيهانه حطت جناحها وافركي بكبد السماء قالت الشيهانه وش أنا بطلبه أنا وها الحبرو يقعد يذبحني
بعد ماني مكلوفه والخرب يتندح قدامهم قال الأمير هاه يافلان ماقلتلك ماعندك سالفه أنت وهالشيهانه المهم يوم درو ولا الخرب راح يزبن حدر شجرة سدر ولا من ضمن أخوياء الأمير رجل كبير في السن قال الرجل للأمير يالأمير الحبرو عرف ذابحه يقصد أن الحبرو أندس حدر السدر خايف من شيء وطبعا الطيور تشوف شي مايشوفه الإنسان المهم قال الرجال كبير السن خلهم يحوشون الخرب ويطلعونه بالفضاء المهم راح واحد من الجماعه وطرده إللين طلع من مكانه شوي ولا هاك الحصاة نازله من السماء مايدرون وش تصير ولا جايك طيرة شلوى الشيهانه منصرمة على الخرب أو الحبرو تمشي ألف وتتطق الخرب وترجع للسماء بلمح البصر والخرب يطحس في محله وترجع مره ثانيه وتعطيه الضربه القاضيه ويصرع الخرب وتقعد تعلف منه يقولون إللي حاضرين المشهد أن الشيهانه كبر راس الخرب !!!
ويقول الأمير وأخوياه ماصدقوا هاللي يشوفون عاد أنا كني أشوفهم كل واحد ممطة عينه طول شبر وهم يشوفون مندهشين عاد راح دور إللي جايب الشيهانه وش تلقاه تشقق من الفرحه خشته واصله أذانه من الفرحه .
المهم راحو للمخيم وهم مندهشين من فعل الشيهانه وقال الأمير شريت هالشيهانه الظاهر أنه نسى الشرط إللي بينهم قال الرجال بيني وبينك شرط أنها ماهي للبيع وهي لرجل آخر المهم أخذ الأمير الشيهانه وحطها قباله وباقي الطيور حطهن وراه أنتهت السالفه وسامحونا على الإطالة وثقل الدم وشكرا لكم
ياجماعه حيث أن موسم الصيد باقي تقريبا أربعة أشهر فمالنا إلا نقعد نسولف. الواحد توه معشي الطيور وقاعد معهن قلنا نجي نهذر بهالمنتدى إللي والله أنا موسع صدورنا مع ناسن شرواكم . المهم بذكر لكم سالفه أنا بالنسبه لي زيييييييييينه بالحيل !!!!!!!!!
أليكم السالفه .
مره من المرات راح أمير من الأمراء إلى السودان طبعا للمقناص ومعه أخوياه وهم بالمقناص صادوا من الحباري والقطا والأرانب والسودان معروف الصيد فيها ومره وهم يمشون ولا هاك الحبرو يدرج قدامهم الحبرو هو أكبرأ نواع الحباري يمكن بعض القراء مايعرفه المهم قال الأمير يالله نبي طيورنا تذبح لنا هالخرب المهم وهدو أول طير والله يوم أنه ذل قال عطونا الطير الثاني والله ويتقعد له هالحبرو وبرجليه على الطير المهم أنبهرو من هالحبرو المهم يجيبون الثالث والرابع مافيه فايده قال الأمير عطونا شقران طير الأمير وهد شقران وياليته ماهده قام الحبروبجنحانه وكفخ شقران على وجهه يوم جاوبت عيون شقران ماعاد يشوف فغضب الأمير غضب شديد ولا ودهم يرمونه يبون طير يذبح هالحبرو .
المهم غابت الشمس وراحو للمخيم والوضع والله ماش والطعوه خربانه على قول أبو يمن !!
المهم قال الأمير نبي طير يذبح هالحبرو أحد يخبر لنا طير يذبح هالحبرو أللي أمتحن طيورنا قال واحد من الأخوياء عندي يالأمير بس في السعوديه قال الأمير هذه تذاكر ذهاب وأياب بس بأسرع وقت ممكن المهم راح الرجال وجاب الطير وش توقعون جاب ؟؟؟؟
جاب معه شيهانه بحريه محقوره يعني صغيره يوم شافه الأمير جن جنونه وهاوش الرجال قال الحين تنتخي وتقول عندي الطير إللي يذبح هالحبرو وآخرته تجيب لي هالشيهانه !!! والله يوم الرجال أنقهر راعي الشيهانه وقال للأمير ياطويل العمر ترى عندي شرط قال الأمير وهو مستهتر بعد شرط وشو شرطك قال تراها ماهي للبيع . قال الأمير والله ومتفاءل بطيرك ويقعدون كل هالليل كله تعليق على الرجال وشيهانته والرجال معهم يضحك وهو منقهر يحتري الفجر على أحر من الجمر جاء الفجر وجاء الفرج لراعي الشيهانه والأمير وربعه ودهم يضحكون على هالمشهد راحو لمكان الحبرو والا والله عين حميده الخرب يتندح بمحله راد بالشعب المهم قال الأمير يافلان هد شيهانك ويعطيه من الرخيص له شوي !!!
عاد الحين جاء وقت الهدد
الرجال قام وفرع عن الشيهانه وطلبت الحبرو وهد الشيهانه يوم هد الشيهانه وشتوقعون سوت الشيهانه ؟؟
ياجماعه الشيهانه حطت جناحها وافركي بكبد السماء قالت الشيهانه وش أنا بطلبه أنا وها الحبرو يقعد يذبحني
بعد ماني مكلوفه والخرب يتندح قدامهم قال الأمير هاه يافلان ماقلتلك ماعندك سالفه أنت وهالشيهانه المهم يوم درو ولا الخرب راح يزبن حدر شجرة سدر ولا من ضمن أخوياء الأمير رجل كبير في السن قال الرجل للأمير يالأمير الحبرو عرف ذابحه يقصد أن الحبرو أندس حدر السدر خايف من شيء وطبعا الطيور تشوف شي مايشوفه الإنسان المهم قال الرجال كبير السن خلهم يحوشون الخرب ويطلعونه بالفضاء المهم راح واحد من الجماعه وطرده إللين طلع من مكانه شوي ولا هاك الحصاة نازله من السماء مايدرون وش تصير ولا جايك طيرة شلوى الشيهانه منصرمة على الخرب أو الحبرو تمشي ألف وتتطق الخرب وترجع للسماء بلمح البصر والخرب يطحس في محله وترجع مره ثانيه وتعطيه الضربه القاضيه ويصرع الخرب وتقعد تعلف منه يقولون إللي حاضرين المشهد أن الشيهانه كبر راس الخرب !!!
ويقول الأمير وأخوياه ماصدقوا هاللي يشوفون عاد أنا كني أشوفهم كل واحد ممطة عينه طول شبر وهم يشوفون مندهشين عاد راح دور إللي جايب الشيهانه وش تلقاه تشقق من الفرحه خشته واصله أذانه من الفرحه .
المهم راحو للمخيم وهم مندهشين من فعل الشيهانه وقال الأمير شريت هالشيهانه الظاهر أنه نسى الشرط إللي بينهم قال الرجال بيني وبينك شرط أنها ماهي للبيع وهي لرجل آخر المهم أخذ الأمير الشيهانه وحطها قباله وباقي الطيور حطهن وراه أنتهت السالفه وسامحونا على الإطالة وثقل الدم وشكرا لكم