::تانكي الماء الجديد بلمسات مطوره:: ولا نقول مطاره!

[الستانس]

السلام عليكم

بما اني جالس ادور لي على تانكي واتفرج في محل المروج لقيت هذا التانكي
سهل الحمل وخفيف وللكشتات الخفيفه او الطويله وينفع للسفريات
طبعا سعره رخيص بحدود 140 ان ما خانتني الذاكره
وله استخدامات حلوه يا حقين الضبان لا تخلص مويتنا معدنب سامعينها ابد
ولا قولت لا ذا الجحر كبير بيخلص مويتنا خلنا ندور غيره

طبعا هذا من موقع امريكي

وهذي هي الصور

هذا للتضبيب
http://www.weblite.com.au/template/files/8272/800%20litre%20in%20Navara%202.JPG


وهذا 60 لتر اللي اتكلم عنه وهو موجود عند المروج ويقو العامل انه لا طعم ولا ريحه وثابت لأن له شدادات

ولكن بصراحه ما اقنعني كلامه بخصوص الثبات

http://www.weblite.com.au/template/files/8272/4wd%20car%20bladder.jpg





طبعا في الأخير اتمنى من جربه او يعرف احد جربه انه يثرينا في الموضوع

وشكرا

[ميشوM]

هذا ياطويل العمر عند السنيدي من فتره بسيطه

بس ما ادري وش نوعية الخامه ؟

ومن ناحيتي ماجربته وناوي عليه لانه بصراحه مناسب وحق كشتات خفيفه

[0007]

صدق اخوي ميشوm عند السنيدي وسعره 165ريال وعلى مأظن انه بلاستيك,,,,

[راعي المقانيص]

صحيح اخوي انا شفته عن نفس المحل 60 لتر ولكن سعره 160 ريال وخامته مقاربه للقماش التايلاندي البلاستيكي ولكن عيبه الوحيد لو ركبته سواء في صالون أو حوض يتعبك في التسكير للغطاء يعني لازم يطلع الماء مع ضغط السداده وايضا العيب الثاني انك لو ركبته ماتقدر تحط فوقه عفش لسببين

الاول العفش راح يضغط على المطاره ويطلع الماء مع السداده من قوة الضغط

الثاني الخوف من انك لو حطيت العفش أحتمال تنشق أو تنقطع المطارة وخاصه انه يتمدد ويلين مع الحراره مثل حرارة الشمس او حرارة السيارة من الاسفل ويدمر عليك عفشك وأغراضك واذا كان صالون تبي تسبب تعفن للموكيت من الماء

واعتذر عن المداخله ياغالي

[الطرفاوي@]

لنا شفته عند السنيدي بس كنت على عجل ولامانع من الي شراه يعطينا فكرةعنة الله يعطيه العافيه

[0007]

مادري عنه بس اتوقع يصير للماء طعم مع الحراره لانه قريب من البلاستيك....

[براءة طفل]

بصراحة شريت المنتج من السنيدي وهو رائع بمعنى الكلمة لانه عملي ويغنيك عن 3 جالون ماء من الحجم الكبير الى على البراده

بس مشكلته الي ما لقيت لها حل ان فيها طعم للمويه

عبيتها 3 مرات ومرة حيت فيها ملح مع المويه ولكن الى الان الاقي فيها طعم

الى الان ما احتجت المويه منها ولا استفدت

بس كنت اعبيها لمدة اسبوع كل مرة واخليها بالسيارة عشان يروح الطعم


طبعاً ميزتها عندي اني حاطها في مكان الارجل (اكرمكم الله ) بالمقعد الخلفي ومكانها مميز جدا حتى لو كان فيها مضايقة بسيطة للركاب

ولا شفت منها تهريب ولا حتى نقطة وحدة

بس حلوا لي حكايت الطعم

[abo-lma]

انا من مستخدمينها وأخذت بقيمة 190 ريال من جدة طبعآ

ولا لاحظت عليها اي مشكله بالنسبه لخروج الماء من السداده اليي فوق

هذي بسبب ظغط الهواء أثناء التعبيه فك المحبس وارفع ليي خروج الماء الى اعلى

وعند خروج الماء قفل المحبس واصل التعبيه

وبالنسبه للطعم من وجهة نظر متواضعه أشوف انك تخلي الماء في المطاره

لمدة ثلاثة ايام او اربعه وبعدين فرغ الماء

ولا تخلى المطاره في السياره وهي فاضيه

جرب وعطنا خبر يلي تشتكي من الطعم

[الستانس]

شكرا لمروركم جميعا وإثراء الموضوع

[crozman]

اتوقع ان الفيبر افضل وأكثر آمان منها

[المغامر2]

شغلها مره ممتاز بس اضن لو لبسه بشراع متين يكون اضل وآمن