يوسف الخليفة1
20/06/2009, 02:03 PM
أبو ناصر يسكن في منطقة غرب مدينة الرس تبعد عنها حوالي 150كم
يحب الإبل منذ صغره وقد نشأ بينها وورث تربيتها أبا عن جد وعنده ذود منها
وقد رزقه الله بركتها ونمائها عاما بعد عام حتى أنه اشترى لها ( وايت ) لنقل الماء
فكما تعرفون موارد الماء في الجزيرة العربية لا تتوفر طوال السنة
فالمنطقة صحراوية وتحتاج الإبل إلى الماء
فأصبح الرجل يرتحل مع إبله شمالا وجنوبا ومعه ( الوايت )
يشم نسائم الصحراء المنعشة ويستلذ برؤية طبيعتها ومنظر الإبل في قفارها
فذهب في الآونة الأخيرة إلى منطقة قرب مدينة سميرا ولكن أمرا لم يكن بالحسبان
حيث ظهر خلل في ( الوايت ) فلزم الأمر أن يدخله الورشة
فحصل هذا وقد كلف عليه مبلغا ليس بالقليل
وصار يعد الأيام لتمام إصلاحه نظرا لحاجة الإبل للماء
وبالفعل تم الإصلاح وذهب إلى إبله لكن ظهر فيه خلل آخر
فرجع إلى الورشة وهكذا من ورشة إلى أخرى
حتى أنه في مرة من المرات قام بإصلاحه عند إحدى الورش
ولما تم ذلك وخرج من الورشة لم يصل آخر الشارع حتى تعطل مرة أخرى
ويروي لي أحد أصحابي حيث يكون صديقا له أنه كلفه الكثير من النقود
وهو الآن في وادي الجرير وقد طلب مني صاحبي قصيدة حول هذا الحدث وعطل ( الوايت )
فقلت الألفية التالية
الفن اولف من ضميري قصيده=عن اللي ساق البل بافجوج بيده
علمن جديدن ما ورد بالجريده=ولا ذكر في رايجات الروايات
والبا بروق النو ما تلعج النور=لها عن دعوب الخلا خمسة شهور
الغيث قفا وانصرم باذر القور=يالله يا والي عساها سلامات
والتا ترا اللي صار للذود مقسوم=قولي حقيقه ما تهبعت منجوم
راعيها يشهد وافي العلم محشوم=هذاك ابو ناصر له البيد سلوات
والثا ثمان شهور صارت له خطوب=بين الورش كنه تعيبن ومسلوب
امرن حدث له سوا بالكبد لاهوب=جرا على الوايت عطال وتلوفات
والجيم جيبه يصرفه للصيانه=الفن مع الفينن ولا له ضمانه
اصبح كما اللي يبترم في مكانه=من ورشه لورشه تدرج وحومات
والحا حداه الضيم والكبد حميا=القيض مقبل والبعارين ضميا
مكينة الوايت مع القير عميا=لقال زانت عودت للخرابات
والخا خساير فادحات وعزاير=الوايت امسى مع بطا الوقت باير
لبعد عن الفني ثوى براس عاير=ما عاد له في مقبض الكف حيلات
الدال دلا ينتقل بين الانجاد=يقرا على نياقه تعاويذ واوراد
يخشى كما الوايت تجي فيها الانكاد=خلفات اصايل صفوة البل نقوات
الذال ذوده يرعى عشب الصحاري=في وادين ما فيه عد وخباري
يجلب له الما بالسطل والصفاري=من يوم نوخ وايته بالصيانات
الزاي زادت حاجته والتكاليف=من حين قرب بالزمن واهج الصيف
ما ينفع التصليح لصار توليف=والاصلي بدفع النقود البهيضات
الرا رجا ربه عليه الاجابه=حبلن متينن ما تفلت قضابه
رجاه يونس بالبحر وانتخابه=في غبتن ظلما بوسط المحيطات
السين سوا مراح بافجوجن بعاد=بوادى الجرير اللي له البدو وراد
نبته رفيعن يرغبه كل صياد=طير الحباري يلقى باحماه لوذات
الشين شد الحيل وانزال همه=واجه صعيبات الخلا المدلهمه
واليوم صار الوقت نجم الاحمه=ما يدري وش هو مقبلن من جديدات
والصاد صوح البال سارح به الذود=يبغى كفاف العيش ما يطلب الزود
هذا مسار الروح ما فيه منقود=ودورات الايام بمدانا سريعات
الضاد ضلع النير والوادي مسراح=مرعى بعارينه طواليع واطلاح
والريشدان بخصبة القاع فواح=تطعم مذاقه في حليبن لخلفات
الطا طلع في وايته شي خربان=قالوا تعطل فيه عامود كردان
ادفع لنا فلوسن لو تبيع قعدان=او انك اصرف تالي حسابك وهات
الظا ظلام الليل يمحاه الاشراق=الله جعل لابن ادم اليسر لضاق
من كل صكه موجدن ربي مفهاق=يبدل احوال العسر بالمسرات
العين عيت عين ابو ناصر تنام=اليا غفا تطري على البال الاوهام
يحس بالجاثوم في بعض الاحلام=كله سبايب ما حصل من كلوفات
الغين غبن العبد بالمال كايد=يشوف باسبابه صنوف النكايد
تشضاه في باله خطوب ولهايد=يالله لطفك بالسنين البقيات
الفا فلا له عن بلاويه حيله=ضاعت على رجله رسوم الدليله
يرجي عسى الرحمن همه يزيله=ترا الرجا من رب الاحيا والاموات
القاف قام الحال عنده ونوخ=مناخ وضحن جا لها القيض وبوخ
اللي على وقت اللفايح يدوخ=شاف الكلوفه بالنجود البعيدات
الكاف كثرت حاجته والدعاوي=يمسي عليه الليل والعشب ذاوي
يسامر الافلاك والذيب عاوي=دنيا ولا فيها الندم والحسافات
اللام ليت النفس تدرك هواها=لكنها تجهل عن اللي نواها
بين الرجا والخوف يكمل دواها=تنساق للرحمن رب السماوات
الميم ما بالناس راضي وقنعان=الا الذي قلبه وقر فيه الايمان
ترا القناعه كنز ما تعطى باثمان=سعيد منهو ما شين بالقناعات
النون نون لاح برقه كما السيف=يرسم على خشوم السحايب لفاليف
عسا بشاير خير يحلا بها الريف=وتبدا طواليع الحزوم القريبات
الها هلا بالضيف لشرف الدار=يشرب حليب نياق ترعى بالاقفار
من بل ابو ناصر على شبة النار=خلفاتن من العشب صارن سمينات
الواو وقت الناس ما فيه تمهيل=العمر يسري والليالي مقاليل
نبغا المغانم بالسنين المقابيل=والموت ما لك عن دعاويه حوصات
اليا يا رب الناس يا راحم الحال=يا مفنين مع داير الدهر الاجيال
تغفر ذنوبن سبت اقوال وافعال=ولك الصلات تكون معها التحيات
يوسف الخليفة ( أبو عبد الله )
يحب الإبل منذ صغره وقد نشأ بينها وورث تربيتها أبا عن جد وعنده ذود منها
وقد رزقه الله بركتها ونمائها عاما بعد عام حتى أنه اشترى لها ( وايت ) لنقل الماء
فكما تعرفون موارد الماء في الجزيرة العربية لا تتوفر طوال السنة
فالمنطقة صحراوية وتحتاج الإبل إلى الماء
فأصبح الرجل يرتحل مع إبله شمالا وجنوبا ومعه ( الوايت )
يشم نسائم الصحراء المنعشة ويستلذ برؤية طبيعتها ومنظر الإبل في قفارها
فذهب في الآونة الأخيرة إلى منطقة قرب مدينة سميرا ولكن أمرا لم يكن بالحسبان
حيث ظهر خلل في ( الوايت ) فلزم الأمر أن يدخله الورشة
فحصل هذا وقد كلف عليه مبلغا ليس بالقليل
وصار يعد الأيام لتمام إصلاحه نظرا لحاجة الإبل للماء
وبالفعل تم الإصلاح وذهب إلى إبله لكن ظهر فيه خلل آخر
فرجع إلى الورشة وهكذا من ورشة إلى أخرى
حتى أنه في مرة من المرات قام بإصلاحه عند إحدى الورش
ولما تم ذلك وخرج من الورشة لم يصل آخر الشارع حتى تعطل مرة أخرى
ويروي لي أحد أصحابي حيث يكون صديقا له أنه كلفه الكثير من النقود
وهو الآن في وادي الجرير وقد طلب مني صاحبي قصيدة حول هذا الحدث وعطل ( الوايت )
فقلت الألفية التالية
الفن اولف من ضميري قصيده=عن اللي ساق البل بافجوج بيده
علمن جديدن ما ورد بالجريده=ولا ذكر في رايجات الروايات
والبا بروق النو ما تلعج النور=لها عن دعوب الخلا خمسة شهور
الغيث قفا وانصرم باذر القور=يالله يا والي عساها سلامات
والتا ترا اللي صار للذود مقسوم=قولي حقيقه ما تهبعت منجوم
راعيها يشهد وافي العلم محشوم=هذاك ابو ناصر له البيد سلوات
والثا ثمان شهور صارت له خطوب=بين الورش كنه تعيبن ومسلوب
امرن حدث له سوا بالكبد لاهوب=جرا على الوايت عطال وتلوفات
والجيم جيبه يصرفه للصيانه=الفن مع الفينن ولا له ضمانه
اصبح كما اللي يبترم في مكانه=من ورشه لورشه تدرج وحومات
والحا حداه الضيم والكبد حميا=القيض مقبل والبعارين ضميا
مكينة الوايت مع القير عميا=لقال زانت عودت للخرابات
والخا خساير فادحات وعزاير=الوايت امسى مع بطا الوقت باير
لبعد عن الفني ثوى براس عاير=ما عاد له في مقبض الكف حيلات
الدال دلا ينتقل بين الانجاد=يقرا على نياقه تعاويذ واوراد
يخشى كما الوايت تجي فيها الانكاد=خلفات اصايل صفوة البل نقوات
الذال ذوده يرعى عشب الصحاري=في وادين ما فيه عد وخباري
يجلب له الما بالسطل والصفاري=من يوم نوخ وايته بالصيانات
الزاي زادت حاجته والتكاليف=من حين قرب بالزمن واهج الصيف
ما ينفع التصليح لصار توليف=والاصلي بدفع النقود البهيضات
الرا رجا ربه عليه الاجابه=حبلن متينن ما تفلت قضابه
رجاه يونس بالبحر وانتخابه=في غبتن ظلما بوسط المحيطات
السين سوا مراح بافجوجن بعاد=بوادى الجرير اللي له البدو وراد
نبته رفيعن يرغبه كل صياد=طير الحباري يلقى باحماه لوذات
الشين شد الحيل وانزال همه=واجه صعيبات الخلا المدلهمه
واليوم صار الوقت نجم الاحمه=ما يدري وش هو مقبلن من جديدات
والصاد صوح البال سارح به الذود=يبغى كفاف العيش ما يطلب الزود
هذا مسار الروح ما فيه منقود=ودورات الايام بمدانا سريعات
الضاد ضلع النير والوادي مسراح=مرعى بعارينه طواليع واطلاح
والريشدان بخصبة القاع فواح=تطعم مذاقه في حليبن لخلفات
الطا طلع في وايته شي خربان=قالوا تعطل فيه عامود كردان
ادفع لنا فلوسن لو تبيع قعدان=او انك اصرف تالي حسابك وهات
الظا ظلام الليل يمحاه الاشراق=الله جعل لابن ادم اليسر لضاق
من كل صكه موجدن ربي مفهاق=يبدل احوال العسر بالمسرات
العين عيت عين ابو ناصر تنام=اليا غفا تطري على البال الاوهام
يحس بالجاثوم في بعض الاحلام=كله سبايب ما حصل من كلوفات
الغين غبن العبد بالمال كايد=يشوف باسبابه صنوف النكايد
تشضاه في باله خطوب ولهايد=يالله لطفك بالسنين البقيات
الفا فلا له عن بلاويه حيله=ضاعت على رجله رسوم الدليله
يرجي عسى الرحمن همه يزيله=ترا الرجا من رب الاحيا والاموات
القاف قام الحال عنده ونوخ=مناخ وضحن جا لها القيض وبوخ
اللي على وقت اللفايح يدوخ=شاف الكلوفه بالنجود البعيدات
الكاف كثرت حاجته والدعاوي=يمسي عليه الليل والعشب ذاوي
يسامر الافلاك والذيب عاوي=دنيا ولا فيها الندم والحسافات
اللام ليت النفس تدرك هواها=لكنها تجهل عن اللي نواها
بين الرجا والخوف يكمل دواها=تنساق للرحمن رب السماوات
الميم ما بالناس راضي وقنعان=الا الذي قلبه وقر فيه الايمان
ترا القناعه كنز ما تعطى باثمان=سعيد منهو ما شين بالقناعات
النون نون لاح برقه كما السيف=يرسم على خشوم السحايب لفاليف
عسا بشاير خير يحلا بها الريف=وتبدا طواليع الحزوم القريبات
الها هلا بالضيف لشرف الدار=يشرب حليب نياق ترعى بالاقفار
من بل ابو ناصر على شبة النار=خلفاتن من العشب صارن سمينات
الواو وقت الناس ما فيه تمهيل=العمر يسري والليالي مقاليل
نبغا المغانم بالسنين المقابيل=والموت ما لك عن دعاويه حوصات
اليا يا رب الناس يا راحم الحال=يا مفنين مع داير الدهر الاجيال
تغفر ذنوبن سبت اقوال وافعال=ولك الصلات تكون معها التحيات
يوسف الخليفة ( أبو عبد الله )