هل انت مع او ضد صيد الحباري بالبندق [الأرشيف]

Rahi

21/06/2009, 12:52 PM

بيض الله وجهك يا عاهـد

على الموضوع الطيب ويستاهل الرد عليه

ضدهم طبعـا

والله يعميهم عنها ولايشوفونها لي يرمونها ولي يشبكونها للبيع

راعي الطير يوم يسمع برميها كنه حد رمى حد من أولاده وأنا واحد منهم

وفي ناس تظطر وهم هل طيور لان يكون في امس الحاجه يرميها ويكسرها ويعلم طيره

وانا معاهم 1 %

ومشكور يا عاهد

العتين

21/06/2009, 12:53 PM

انا ضد الصيد بالبندق و حتى صيد اكثر من 2 - 3 بالطيور
نظرا لقربها من الانقراض

الفيتو

21/06/2009, 01:14 PM

بسم الله الرحمن الرحيم
السلام عليكم ورحمة الله وبركاته
مساء الخير ياخوي / عاهد بن علي

صيد الحبارى بالبندق ...وللا وراح .. جتنا في في مجيرمه حبارى
وتجمع عليها اكثر من خمسين موتر وروها الطيور ولاطلبتها
(جبليات ووكارى) واعرف ان كل موتر فيه بندق
الساعه (9) الحبارى طارت وتبعتها المواتر شوي وردوا
وتركوها .. الصقاقير ابشرك تجاوزوا الحسد
انا ضد صيدها بالبندق
اشكرك على اثارة الموضوع للفايده
*
والسلام
الفيتو
الحجاز
28/6/1430هـ

محمد الفهيد

21/06/2009, 01:47 PM

والله انا ضد البندق
قنصنا ايران اول العام واول يوم طلعنال بدون طيور ، استكشاف وطيرنا اربع حباري وكانوا بيرمونها وحلفت عليهم ماتنرمى اقول في خاطري يارب تطير للخليج ويصيدونها اهل الطيور الي شفقانين عليه

وكذالك الحال في الجزائر هالسنه
البندق ممنوعه عندي في الحبارى
لأن متعتها بالطير
ومشكور على الموضوع الطيب

الخرب الازرق

21/06/2009, 01:55 PM

بسم الله الرحمن الرحيم
السلام عليكم ورحمة الله وبركاته
مساء الخير ياخوي / عاهد بن علي
اناضد البندق خاصه في موسم عبور الحباري
وتقبل مروري

أبو رداد

21/06/2009, 01:59 PM

ضد ضد ضد ...... ولايقبلها صقار

شبراق

21/06/2009, 02:00 PM

مشكور على الموضوع المهم الي يستحق صراحه التصويت

طبعاً انا مع ضد الصيد بالبندق حتى الي طيره مايقو يذبحه خله ياخي يجي طير الطيب من طيرك يصيده

متعة الحبارى بالهدد مهب برميه

لكن وين الي يسمع الله المستعان

ابو ناصر2020

21/06/2009, 02:05 PM

اجمل مافي صيد الحباري صيده بطير لانه ماتنفع راعي البندق بصيده بينما راعي الطير تنفعه برفع معنوياته لطيره اكثر

عشير المداغيش

21/06/2009, 02:27 PM

السلام عليكم اخوي عاهد
بيض لله وجهك على الموضوع الى في القمه ومواضيعك دايم في القمه ولا فربع قصور
من ناحيته صيد الحبارى بلبندق
قد صارت معي انا واحد من الربع في الدهناء الزمان الى راح عيناء ثرها جديد وقصيناه
الحبارى ارتفعت وحولت في نقرهوحولناء عليها في النقره وعيناء موقف انصدمناء منه
عينا رجالن راميها بشوزن لله يستر عليه ويوفقه الحبارى ارزاق وتوافيق

ونا اخوي عاهد مع ضد رميها بلبندق
لئنها امنيت كل صقار وبعض الصقاقير لطيره 4 سنين ما شاف الحبارى

تحياتي لكم
عـــــشـــير الـــمــــداغـــــيـــــش

المقنع666

21/06/2009, 03:15 PM

انا ضد صيد الحباري بالسلاح

وذكر مره ونا اتمشى في البر طلعلي خرب وما معي الى الشوزن والخرب يكوبر على اطاله فيه وفي الشوزن

وفي النهايه تعوذت من بليس وتصلت على ربعي وجو بطيورهم واحلا منظر يوم الطير يكفخ فيه حاول فيها لا

كن ما صادها لا كن استمتعت بالمنظر (الطير صغير ما بعد تدرب) على قولت راعيه.

انا ضد صيد الحبار بالسلاح

يوسف 206

21/06/2009, 03:20 PM

انا ضد رميه بالبندق حلاته بالطير

أبوحمد 505

21/06/2009, 03:26 PM

ضد الصيد بالبندق
والله يعطيك العافية

عوق الخريش

21/06/2009, 03:47 PM

بسم الله الرحمن الرحيم
وعليكم السلام ورحمة الله وبركاتة :
حياااك اللة أخوي الغالي : عاهد بن على
والله موضوعك مميز ومفيد وفية متعة صراحة لنقاش !
الحباري وانا أخوك متعتها فى الطير مافية شك سواء داخل أو خارج البلاد ورميهااا مامنة فائدة وأكلاها ايضاّ
ماش ذاك الطعم ولايخفاك ماذا تأكل أول الوقت أقصد أو العبور سواء فى قطر أوفى السعودية ولاكن
لاحياة لمن تنادي وخاصة بأطراف بلادنا الرمي وارد فى كل وقت والله يكثر هن كل سنة
تحياتي لكــ.... وشكراّ,,,

حرب

21/06/2009, 04:13 PM

مساء الخير على الجميع
وأشكرك اخي عاهد على طرح هذا الموضوع
بالنسبه للحباري وصيدها بالبندق وبالصدفه مو مشكله الله يرزقه
لاكن الاحظ وجود من يحملون اسلحتهم وبدون طير ويقطعون مسافات لصيدها وهذا الي يقهر
وانا ضد صيدها بالبندق
وبالتوفيق

قرناس ارامكو

21/06/2009, 04:52 PM

انا ضد الصيد بالبندق

ابوالجازي

21/06/2009, 05:15 PM

السلام عليكم
مع اني لي سنتين تارك الصقاره لكن الموضوع مهم جدا ويجبر الواحد انه يرد

رمي الحبارى بالبندق مافيها اي نوع من الشطاره والوناسه
اول شي كلكم يعلم ان لحمها طعمه غير لذيذ
وثاني شي مافيها شطاره بالبندق ولا مدح بوارديه اذا هو رماي صحيح يصيد الجوني
فالحبارى حجمها كبير وسهل طردها بالسياره
ويمكن يلقاها درج
لكن اكثر اللي يرمون الحبارى يبي يتفاخر بها في المجالس والاستراحات
وهذا الموضوع ذكرني بقصيده لي مرد على واحد من الشباب
ابي اختار لكم منها كم بيت
اقوا فيها

لايابعد من ينقل الطير معكوس
اللي يحسب ان الولع بالتسالي
اللي شراله طير واسبوق ودسوس
وكنود وجيب وبوصله للشمالي
واذا لقى الجره سحب ام نادوس
وطيره موقع فوق رجم(ن) موالي
هو يحسب ان في رمية الخرب ناموس
ماغير يسولف به اذا جا مجالي
يالله عسى مثله مع الصيد منحوس
يقنص ويرجع داخل الصفن خالي

نكتفي بهده الابيات من القصيده
وانا اسف على الاطاله
ومشكور يا عاهد بن علي
وبيض الله وجهك

مفتون الشمال

21/06/2009, 05:35 PM

يعطيك العافية على الموضوع أخوي عاهد وأكيد أنا ضد ضد ضد ضد صيدها بالبندق

ذعذاع نجد

21/06/2009, 09:06 PM

انا ضد رميها بلبندق اخوي عاهد

خرب المعيزيله

22/06/2009, 01:32 AM

مشكور اخوي على الموضوع الطيب
والاخوان ماقصرو في الردود الطيبه
بس لك مني ها البيت ياالذيب
لولا التعب ماصار لصيد لذه
ولولا الهدد ماصار لطير قيمه
تحياااااااااااااااااااااتي لك

خشكاري

22/06/2009, 02:00 AM

أنا ضد رمي الحبارى ولو بنبيطه ... بالطير وبس

وشكرا على الموضوع

سفير الشهامه

22/06/2009, 02:52 AM

شكراً لك أخي عهد بن علي على هذا الموضوع, لكن اللي حبيت أعلق عليه أنني ضد رمي الحبارى بالبندقيه ....................... مع العلم أن كل صقار لا يريد رميها ........لأنه صقار, لكن فيه بعض الشباب هداهم الله تلقى سلاحه معه واللي مايجيبه الطير يجيبه السلاح........
وبذالك تختفي هواية الصيد بالصقور..........

دمتم , بود

محب الذيب

22/06/2009, 03:06 AM

اول شي السلام عليكم ورحمة الله وبركاته
وثاني شي أنا من وجهت نظري أنه الصقر أحسن شي تصيد به الحبارى وغيرها من الصيد عادي بالسلاح الحبارى يازين لشفت صيدها بالطير لكن بالسلاح عدك تصيد نزل أو قيس أو أي شي ثاني من الطيور الصغيره
وخاصه أن الحبارى كما تفضلوا الأخوة أنها من النوادر.

محب الذيب

قعقاع التميمي

22/06/2009, 04:57 AM

وعليكم السلام الله يبض وجهك على هذا الموضوع أتمنا من الصقاقير يتعهدون بترك ضرب صيد بالبندق والله يجزاهم خير

صياد ليبيا

22/06/2009, 05:01 AM

مشكور خوى (عاهد بن على) على اثارة الموضوع واحب اعقب على كلام الاخوة

الحبارى ما لها طعم الا بالطير فقط بالطير

وتقبل مرورى اخوك (صياد ليبيا)

http://www.mekshat.com/pix/upload/sign/images/mk18465.gif

حمدان502

22/06/2009, 06:59 AM

اشكرك اخوي ابو علي على طرح هذا الموضوع المهم ،

وانا ضد صيد الحباري بالبندق 100%:no2: لكن للاسف بعض الناس لا وروها طيرهم ومابغاها مد لها البندق

ورماها ،، وبعدبن وين المتعة برمي الحبارى انا اشوف انه رمي الحمام بانواعه والقطا والبط والفري وغيره فيه

متعة اكثر من رمي الحبارى ، وبعدين للي يحط العذر ويقول انه الحبارى مصيدوة سواء ابندق والا بطير فليش يا

اهل الطيور تصير الحباري حكر عليكم ؟ اجاوبه وبكل بساطة انه انا لما اهد طيري على الحبارى اعطي للحبارى

امل 50% للنجاة وفرصة50% لطيري انه يصيدها ، وياما طيور صايدة حباري وفيها من السبق الشي الكثير

ومع ذلك فرطت حباري !!!لكن اذا رميتها فأنا احكم عليها بالاعدام 100%:( ،واعرفلي ناس مايقنصون الا

ابندق لكن لا عينوا الحبارى دقوا على اخوايهم هل الطيور ،، والله يكثر من امثالهم :good: ،، وبالنسبة للي يرمون

الحباري ما اقول غير حسبنا الله ونعم الوكيل. اسف على الاطالة لكن ودي ابرد كبدي منهم .. شكرا وتحياتي لك.

اخوك / حمدان502

حمدان502

22/06/2009, 07:00 AM

اشكرك اخوي ابو علي على طرح هذا الموضوع المهم ،

وانا ضد صيد الحباري بالبندق 100%:no2: لكن للاسف بعض الناس لا وروها طيرهم ومابغاها مد لها البندق

ورماها ،، وبعدبن وين المتعة برمي الحبارى انا اشوف انه رمي الحمام بانواعه والقطا والبط والفري وغيره فيه

متعة اكثر من رمي الحبارى ، وبعدين للي يحط العذر ويقول انه الحبارى مصيدوة سواء ابندق والا بطير فليش يا

اهل الطيور تصير الحباري حكر عليهم ؟؟؟ اجاوبه وبكل بساطة انه انا لما اهد طيري على الحبارى اعطي للحبارى

امل 50% للنجاة وفرصة50% لطيري انه يصيدها ، وياما طيور صايدة حباري وفيها من السبق الشي الكثير

ومع ذلك فرطت حباري !!! لكن اذا رميتها فأنا احكم عليها بالاعدام 100%:( ،واعرفلي ناس مايقنصون الا

ابندق لكن لا عينوا الحبارى دقوا على اخوايهم هل الطيور ،، والله يكثر من امثالهم :good: ،، وبالنسبة للي يرمون

الحباري ما اقول غير حسبنا الله ونعم الوكيل. اسف على الاطالة لكن ودي ابرد كبدي منهم .. شكرا وتحياتي لك.

اخوك / حمدان502

راعي همدان

22/06/2009, 09:27 AM

الله يحيك يابوعلي ولاهنت على الموضوع

الممتاز جدا جدا....

انا ماغير اقتبست من اخوي ابوالجازي هاذ الابيات..

وهي ردي على الموضوع...

واذا لقى الجره سحب ام نادوس
وطيره موقع فوق رجم(ن) موالي
هو يحسب ان في رمية الخرب ناموس
ماغير يسولف به اذا جا مجالي
يالله عسى مثله مع الصيد منحوس
يقنص ويرجع داخل الصفن خالي

تقبلو تحياتي...

rkorshed

22/06/2009, 09:41 AM

هذه كله كلام والحباري اذا لقيتو افرصه معاها ما تفوتوها، لو معي قنبله لارميها عليه ، خلكم من الكلام اللي ما له داعي

((ابوملاك))

22/06/2009, 10:31 AM

القطاوي 2008

22/06/2009, 11:29 AM

ضد الصيد بالبندق
والله يعطيك العافية

ابوفارس 5350

22/06/2009, 01:10 PM

بيض الله وجهك
ياخوي عاهدبن علي على هاالموضوع
واناضد رمي الحبارى وضد بيعه الله يكثرهن لاينقرضن امين يارب الف شكرلك

عاهد بن علي

22/06/2009, 01:13 PM

عز الله انك صدقت يا اخي الفاضل

501

22/06/2009, 02:49 PM

انــــــــا ضد رمي الحباري لاي سبب من الاسبــــــــــاب ويا زين هدة الطير
وياما حصلت مواقف كثيره لي في تعليم الطيور بعض الطيور ما تهد
ومعنا بندق يعلم الله ما نرميه نتصل على اخويانا
نبي نشوف الهدد والوناســـــــــــه
501

شاص2006

22/06/2009, 10:40 PM

انا مع صيد الحبارى بالبندق والله لاشفتها ما اصبر لين يجي طير.....

وش يضمن لي انها ماتروح......

واخيرا هذه وجهة نظر اتمنى تقبلها بصدر رحب.........

عاهد بن علي

24/06/2009, 07:49 AM

الله يجزاكم خير

على الادعيه الطيبه

الله لا يهينكم

العطوريه

24/06/2009, 04:07 PM

شكرا يابو علي على الموضوع

التميمي 2009

24/06/2009, 08:24 PM

انا اشكرك على الموضوع المناسب
انا ضد رمي الحبارى لان المتعة هي صيدة بالطير والا البندق رمية وهي طايحة واذا صادها الطير ياكلها ولا تسوى عند اللحم الثاني من الصيد او الحاشي اوغيرة
لكن متعت الصيد بالبندق موسم القميري او النحم والطيور المهاجرة غير الحباري وشكراِ

خياله الجدعا

24/06/2009, 10:23 PM

اكيد ضد رمي الحباري لان متعتها فى الطير والارنب باالسلوقي
تقبل مروري اخوك بومعجب

عاهد بن علي

25/06/2009, 08:35 AM

اشكركم على المرور

وعلى ابداء الرأي

الله لا يهينكم

مخاوي الذيب 305

25/06/2009, 01:04 PM

انا معا ضد صيد الحباري بالبندقيه وصيد بكل شي حتى

راعي صعيب111

25/06/2009, 02:17 PM

لا لا هدد بطير
ياما شفناها مامعنا طيور ولا رميناها

مسلط العتيبي

25/06/2009, 05:48 PM

ضد رميهـآ .. متعتهـآ بهد الطير عليهـآ ..

واذا اهل الصيد مع صيدها بالندق كان مانقلو الاحرار الي طيب الفال ..

كـآن كلن يشتري له بندق ويقنص وهو مرتاح بدون قرنسـه وبدون عشاء وبدون اي شيء ..

ضدهــآ وبقـوة

بو غازي

25/06/2009, 09:31 PM

الحبارى طير جميل والي يزيد من جمال هد الطير عليييييه لان لحمها ليس لذيذ عشان الواحد يحرص عليها ولا فيها فن عشان راعي البندق يصيدها ولا اي نوع من انواع المتعه لين تجي تسولف فيها صدت حبارى بالبندق ياشينها من سالفة وانا الي اعرفه من اغلب اهل البنادق اذا لقى حبارى اما يكلم خويه راعي الطير يجي يهد عليها ولا يخليها لوجه الله.
طبعا ضد
عاهد علي: الله يعطيك العافية على المواضيع المثمرة اشكرك وتقبل مرووري .

عديم الوصايف

26/06/2009, 10:17 AM

مــع احتــرامــي للجميــع الـي يرمي الحبارا بالبندق اسمحـولي اقول انــه مــاعــرف للمقنــاص للذه وانا ضد هالموضوع بقوه لألألألألألألألألألألألألألألألألألألألألألألألألأ لأ:no2:

عاهد بن علي

27/06/2009, 10:07 AM

اشكركم على نقاشكم الهادف ولآرائكم البنائه

SHAHEAN

27/06/2009, 11:57 AM

صيدها بالطير امتع
واذا ما صار معك طير مايمنع تصيده
بالبندق

الشمطري

27/06/2009, 12:07 PM

طبعاً صيد الحبارى ومتعتها لاصار عليها هدد

وانا ضــــد صيدها بالبندق

إلا اذا كنت في مكان ولايوجد صيد الا هي فالشكوى لله

تقبل مروري

راعي غضبان

27/06/2009, 02:10 PM

وعليكم السلام اشكرك اخوي ابوعلي انا ضد رميها انا هديت عليها طير لي قبل كم سنه وعلي امطار غزيره سيول وانا في الحجره خرب ماهوا صاحي راح هو والطير فوق والارض وعر وضيعناه مرتفع هو وياها ورحنا على وجهته قدامنا اظهره مرتفعه يوم جيناها لاخويي الي معي في السياره عانه فوقنا يرددها ابرك يالله ان تعينه وعلقه برجله وحول فيه شوي وانطلق منه خر الخرب يمنا وقام يردده على السياره والله العظيم من جميع الجهات الخرب فاتح فمه والطير مثله ميت من الفحمه والله لو اريد ارميه بربع شوزل لارميه واصيدها قريب علما بان الشوزل والمه وفيه اربع في المخزن لانا قبلها بشوي رامين قطا وخويي ماهو صقار بس رحم الطير يوم شافه فحمان اوتعبان يقول تكفى ارمه تكفى ارمه وانا المغرب الشمس غايبه الشاهين والمه بس الطير ماحل والطير امشابطي لشاف الطير لحقه واحولبه والخد حجره اوعره والارض كلها ماء اوزلق يوم شفناه انفهق سقنا واسرعنا ولفينا قوه او زلق المزتر وبنشر كفرين من جهه واحده وبغينا ننقلب هديت الشاهين والشاهين طلبت مع المغرب والطير قام يلحق الشاهين يبيها بس فحمان ونطلنا الحمام شوي للطير جاي ونقعد في محلنا للساعه 11مساء والشاهين ريشتها حقت الجهاز تضرب واضحه لين الساعه 8 مساء وبعدين انقطعت جونا اخوينا واسعفونا والشاهين لقاها واحد من اخويانا من بكره العصر في معلفها علف وفي ايديها دم انا ضد صيدها بالبندق بقوه واسف اخوي ابوعلي على الاطاله حبيت اوضحلكم شوي والمعذره ولك مني جزيل الشكر