مراوح الدفع ...... أستفسار

[هوا بحري]

السلام عليكم ورحمة الله وبركاته
يا أخوان ,,, واحد من الربع ضرب بالمكاين بصخر وتسكرت مراوح الدفع
كسور بسيطة في مقدمة ريش المراوح ...
السؤال هل يمكن أصلاح المراوح ؟ وللمعلوميه المراوح المنيوم مو ستانستيل
وأين الورش الي تصلح هذه النوعية من المراوح ؟
اذا كانت لا تصلح هل يوجد مراوح مستعملة للبيع وأين توجد ؟ واذا احد الأخوان عنده
مراوح مستعملة للبيع او يعرف احد عنده ياليت يفيدنا .... المراوح المطلوبة لمكاين
85 او 75

تقبلوا تحياتي

[( ابو تركي )]

حياك الله أخوي هوا بحري
أولاً أعتقد مراوح الألمنيوم ما تتصلح
ثانياً أنصحك تشتري مراوح جديده لأن المراوح لهاتأثير كبير على قوة الماكينة ( هذا نصيحة واحد فلبيني دارس هندسة يا ماها باليابان )
ولا أنصحك بالمستعمل إذا كان فيه كسور حتى لو كانت قليله وصغيره لأنها تسبب إختلاف بالدفع وراح تلاحظ صرفية زيت القير

أنا لقيت مراوح بالكويت رخيصة ستانستيل أرخص من السعودية إذا حبيت تروح الكويت خبرني أعطيك بعض العناوين

تحياتي وبالتوفيق

[المقنع666]

عليكم السلام ورحمه الله وبركته

وصباحك خير

واسلم واصبح لخوي منيفه كيف الحال انشاء الله تمام ما سمعنا صوتك ابو حميد

هلا بمشرفنا الغالي فيه واحد عنده كل الى تبي من مراوح وغيرها طبعاً هو في البحرين ويوفر القطع وبعد

يوصلها لك في الدمام او الجبيل والرجل ثقه بأذن الله وذا تبيني اوصفلك محله في البحرين انا مستعد تراه ما

يضيه.

ارسلك انشاء الله رقمه على الخاص

تحياتي لك .......

[احمدوعبود]

اخوي هوا بحري للمحافظه على المكاين انصحك بمراوح جديده وسعرها ماهو غالي حوالي 600 الياماها والسوزوكي 380 وهي تؤثر على سرعة اللنش وحنا نغيرها قبل ماتخرب واذا خربت وحده نغير الثنتين تقبل مروري

[هوا بحري]

الله يعطيكم العافية على نصايحكم وتجاوبكم
وفعلاً الجديد احسن واضمن من التصليح والمستعمل
الله يكثر خيركم

تحياتي

[غريب حبيب]

غير المراوح لتحافظ على الجربوكس وغير الجربوكس

[urumba]

اخوي هوا بحري وكل المكشاتية السلام عليكم ورحمة الله
مثل ماقالو الربع الجديد ما مثله شيء بس القديم اذا توه مستعمل وحصل فيه كسر تقدر تلحم فيه وصلة في المخرطة في جدة في الصناعية و تعطيك نسبة كبيرة من الجودة
وذا ناوي تشتري جديدة لاحظ امرين مهمين
1- نوع القارب صيد والا سبيد
2- الحمولة الكلية للقارب =وزنه + وزن الحمولة من اشخاص وعدد ووقود
ليه لأنك لما تروح الشركة تشتري يقولك كم طول البوت وعليه يعطيك الرفاس وبعد مايركب تلاحظ انخفاض اداء القارب
انا كان عندي قارب 7 متر مركب عليه 100 ميركوري اسود
والله الصياد اللي جاري معاه 9.5 متر الفردان عرضه 2.5 متر ماقدرت الحقه وهو مركب 100 مارينر نفس اللي عندي يوم وقفنا لاحظ الرفاس عنده مختلف ريش كبيرة مدورة واللي عندي ريش صغيرة بضاوية عندها ادركت فعالية الخبرة في شراء رفاس
ودمتم سالمين