استفتاء حياكم يا اعضاء مكشات رأيك مهم

[ابويارا1001]

السلام عليكم ورحمة الله وبركاته


يا اخوان انا حاب اسوي استفتاء واخذ رايكم وادري ان هالوقت ماهو بوقت كشتات


بس عشان اجهز للشتاء الجاي ان الله احيانا وياكم


الموضوع يا طويلين البقا والسلامة وش الافضل بالنسبة لأغراض الكشته


هل انك تحطها في شنطة عزبه كبيره وحده وفيها كل شي يعني الدلال والمعاميل


واللمبات والمراكي اللي تتصفط والدفور وغيرها من اغراض الكشته السريعة


او انك توزعها على كذا شنطه يعني عدة الشاي والقوه بشنطه


واللمبات بشنطه والدافور بشنطه والمراكي بالحالها


وكذالك باقي الاغراض اللي تجي معه شنطته


مع العلم ان موتري باترول باب واحد يعني ضيق


لاني صراحه في السابق كنت احط زيد على عبيد كلش بشنطة العزبة الكبيره


ومؤخرا وزعت اغراضي بشناط صغار كل شنطه وفيها اغراضها


يعني الى طرت لي طلعه آخذ الشنطه اللي احتاجها واخلي الباقي


بس حصل معي اني نسيت مره شنطه اللمبات وقضينا الكشته على ضوء القمر:D


والمره الثانيه نسيت شنطة الدافور وتقهوينا عصيرات:p



عطوني رايكم يا جماعة الخير

[المغامر2]

موفق اخوي ابو يارا 1001
انا من راي انك تخلي عزبتك في اكثر من شنطه اسرع في ايجاد الاغراض و الترتيب يكون مضبوط ، ولحل مشكلة النسيان لبعض الاغراظ خل شناطك كلها بمكان واحد في القراج او المستودع وتكتب على كل شنطه : مثلاً ،، كهرباء _ يكون فيها المحولات والمبات وكل مايخص الكهربه ،، و للشوي ــــ يكون بها كل عدة الشوي ، وهكذا على كل الشناط . وإذا حبيت تروح تلقاها كلها مجتمعات ولا تنسى شي بإذن الله ، وإذا اردت اشياء معينه كدك كاتب على كل شنطه فبسهوله تصل لما تريد.
معليش طولتها وهي قصيره لاكن مجد رأي وبالتوفيق

[mo7taj]

خذ لك عزبة وحط فيها كل الشناط الصغيرة وخلي عزبتك دايم معاك...وممكن تركب طبق افضل من النسيان...

[الفضلي 11]

الأفضل كل عدة شنطة

ولن تنسى إن شاء الله عدة دون أخرى إن كنت تعتمد على نفسك

من واقع تجربة وخبرة طويلة

الفضلي

[سرهيد]

السلام عليكم

هلا وغلا باخوي الكريم

الافضل طال عمرك ان كل عزبة لحالها

عزبة القهوة ووالشاي لوحدها وعزبة الطبخ لوحدها

لأن اغلب الطلعات حتى في الشتاء تكون قصيرة لكن الطويلة يمكن كل اسبوع او اسبوعين ، فما له داعي تشيل عزبة الطبخ معك .

انا عني لي اربع شنط

1- شنطة شاي وقهوة يوم واحد
2- شنطة شاي وقهوة يومين الى ثلاثة تكون اكبر واكثر عدد للمعاميل لو كثروا الربع .
3- شنطة طبخ صغيرة عد اثنين ثلاثة الى اربعة طلعة ليلة وحدة .
4- شنطة طبخ ليوم الى ثلاثة واربعة تكون كبيرة واكثر اواني .

تقبل احترامي

[سطام vip]

بسم الله الرحمن الرحيم

الله يلحقنا خير وان شاء الله يكون الشتاء القادم افضل من الماضي

والله ياانا مشتاق لكشتات الشتاء وجلساته ذبحنا الحر الله يكفينا شر النار

اخوي انت تقول نسيت شنطه الدافور؟؟

يالغالي جاب الله هالقزوز الصغار كوفيا وبريموس وحط في كل عزبه قز

عندي عزبة القهوه والشاهي حاط فيها قز كوفيا العنكبوت وكوفيا التيتانيوم

ودبه 3 رطل والمعاميل وهوز تحويل (سرهيد) وتحويله نحاس ايضا



وعزبه الطبخ معها قز كوفيا اكسبيديشن والقدور الخ...

ودبه 5 رطل وحول نحاس

وفيه عزبه فيها دوافير كبيره بدباتها ما اشيلهم الا للطلعات الطويله

وكل اربعاء وخميس احطهم في السياره ما ينزلون وجاهزين

صحيح عزبه الطبخ ما استخدمها الا نادر بس احب اكون جاهز دوووم

ومعي سيارتي باجيرو ربع بس تراه اكبر في الشنطه من الباترول

والله يوفقك ويسهل امرك واسف على الاطاله

[ابويارا1001]

يسعدني مروركم ومشاركتم


وانا ما عندي مشكله في الشنط في عدم التعرف عليها كل شنطه لها شكل معين تختلف عن الثانيه


بس اللي صار انه يوم جاء الصيف صرت انزل شنطة الدافور وسلندرات الغاز


220 غرام لاني خايف عليها تنفجر من الحرارة اللي لأن واحد من الشباب


انفجرت عنده ودمرت الموتر وطيرة القزاز اللي حولها ربي سلم ما احترق الموتر


انا عن نفسي اميل لإستخدام شنط متعدده واحبها تكوت مرتبه


ودايم عند نهاية الكشته ما اخلي احد يضفها عني لان كل شي له شنطه خاصه فيه


عشان كذا تلقاني كني على بسطه اضف قشي :D


طيب لو احط شنط عزبه كبيره وداخلها ارتب الشنط الصغيره هقوتكم


راح تكون الفكره مناسبه :rolleyes:

[ابويارا1001]

خذ لك عزبة وحط فيها كل الشناط الصغيرة وخلي عزبتك دايم معاك...وممكن تركب طبق افضل من النسيان...




هلا بك اخوي بس ما فهمت قصدك وش الطبق افضل من النيسان