تشخيط على السيف ومفاجاه / صوره

[القبقب.87]

السلام عليكم ورحمه الله وبركاته ..
اخواني المكشاتيه بما انه اول موضوع لي اتمنى انكم تتقبلوني كعضو بينكم وان شاء الله احصل منكم كل طيب واتمنى اني استفيد من خبرتكم العريقه في مجال الحداق والغوص .. وعقبال ما اشتري طراد واعرض صوري لاني حاليا مكشاتي على السيف هههههه ..
اخواني حبيت اسالكم اذا كانت طريقه التشخيط على السيف تنفع للسمك .. لاني ماكنت حاسب لها حساب اللين جاء يوم وكان واحد بجنبي يصيد على الشاطي .. وازعجني كل شوي يشوح السناره ويرجع يطلعها وعلى هالحال اللين وصلت لمرحله اني كنت بكلمه لاني سوا ازعاج للسمك .. لكن المفاجاه انه صاد شي طيب وحاط صورته ..
http://www.arb-up.com/files/arb-up-2009-7/QQ527982.jpg (http://www.arb-up.com/)

يتبع

[القبقب.87]

تقريبا كان فيه 4 او 3 كيلو ماشاء الله وكان والمكان تقريبا عمقه مترونص تقريبا والطعم كان ميد فانا وربي تفاجأه .. المكان مافيه حجر ولا اي شي من هالعوالق اقدر اسميها .. والمكان عباره عن خور ( تجمع ماء من البحر في مكان كبير ) وانا دايم احدق في نفس المكان ولايضرب علي هامور اكثر شي شعم وبزيزي (سبيطي صغير).. على طول اول ماطلعه رحت وصورته وسالته شسالفه قال مافيه سالفه توني صدته قلت يعني انت تدري قال انا قبل صايد بنفس المكان وبنفس الطريقه يقول مره صدت واحد تقريبا فيه 7 او 8 كيلو ..فمدري شنو رايكم يالمكشاتيه بموضوعه لانه حيرني وهل يعقل ان هالطريقه تفيد على السيف لا والرجال عطاني الطعم كله من الفرحه وخلى لي المكان قالي جرب فيه ههههههههههه :d ابي رايكم يالربع .. ولاتحرموني ردودكم..

وسامحوني على الاطاله .. اخوكم // القبقب.87

[دحمي السليمي]

وعليكم السلام ورحمة الله وبركاته


الله يحييك في مكشات بين أخوانك وربعك


أن شاء الله يفيدونك الأخوان عن هالطريقة


وأن شاء الله يرزقك الله بالصيد الطيب

[المقنع666]

هلا بالقبقب حياك الله وبقاك عضو فعال ونشاء الله نحن من يستفيد منك فأهلاً وسهلاً

اما بخصوص الطريقه اكيد انها فعاله لأن مثلها مثل طريقه (الفاح) طبعاً الكلمه هذي مايعرفها اهل صيد السيف

لأنه خاصه بالطراد وهي ان تقوم بالمشي بالطراد بسرعه خفيفه جداً ونت رامي الخيط وفيه سمكه مموهه مع

تحريك الخيط للأمام والخلف وتنتظر الصيد عاد انت وحظك يضرب معاك هامور او كنعد او غد اوغيرها من

الاسماك

[ابو احمد 2]

يمكن المكن تمر عليه السمكه والخارور فيه حصى والرزق يحب الخفيه جرب والله يرزقك بس التشخيط ماسمعت انه في السيف بس حسب البحر والخارور والله اعلم

[الشمطري]

هلابك ومشكور على الصورة

ويمكن الهامور جاي يتغدا من السبيطي الصغير

تقبل مروري

[alwani]

وعليكم السلام ورحمة الله وبركاتة ،،،
حياك الله أخي القبقب بين إخوانك كلنا إخوه ونتبادل الخبرات فنحن نستعمل طريقة السرتمة أضن تسمونها (التشخيط - الفاح )وهي ترمي وتسحب من الشاطيء بسمكة البوري (الميد - العربي )أو سمكة الإبره (السلس)ولكن في فصل الخريف حيث موسم أسماك (لامبوكا - الأستيليا - العزابي - الصاورو(البياض) وهذه طريقة ناجحة 100% ولكن الفروج (الهامور-الناجل) ما طلع معي من قبل والأرزاق بيد الله..تقبل مروري :type:

[شاص فل]

هلا وغلا اخوي قبقب وهذا النوع من الهامور يسمى كُشر ودايم متواجد في الشعوب العارية والاخوار وينصاد بدون مجرور اللي يسموه الفاح سنارة عادية ويفضل يكون الطعم باقة وربي يوفقك اخوك ابو رسيل

[بـو بـدر]

هلا بالقبقب حياك الله وبقاك عضو فعال ونشاء الله نحن من يستفيد منك فأهلاً وسهلاً

اما بخصوص الطريقه اكيد انها فعاله لأن مثلها مثل طريقه (الفاح) طبعاً الكلمه هذي مايعرفها اهل صيد السيف

لأنه خاصه بالطراد وهي ان تقوم بالمشي بالطراد بسرعه خفيفه جداً ونت رامي الخيط وفيه سمكه مموهه مع

تحريك الخيط للأمام والخلف وتنتظر الصيد عاد انت وحظك يضرب معاك هامور او كنعد او غد اوغيرها من

الاسماك

السلام عليكم ورحمه الله

اخوي الكريم عذرا

الفاح ( استعمال الاسماك الصناعيه او الطبيعيه بالخيط او القصبه بطريقه الرمي والجر من علي السيف )

التشخيط ( نفس الاستعمال ولاكن مندون رمي وسحب وتكون علي الطراد فقط )
تثبت القصبه بالطراد وتكون سرعه الطراد من 4 الي 5 والضغط تقريبا 2.5 او 3

ونفس الشئ للخيط ولكن يمسك باليد
____________________


اخي الكريم صاحب الموضوع

نعم بالخوايري ياتي الهامور والاسماك الكبيره للعلف

اما الاماكن الصخريه فيكون بالميافر يتربص للفريسه

هناك نوعان من الهامور وهو البني الغامج والبني الفاتح كما بالصوره

والاختلاف بان البني الغامج هامور ميافر
والبني الفاتح هذا الرحال يبحث عن الصيد

_____________________

ارجو ان اكون قد وفقت بالاجابه

هذا والله اعلم

تحـــياتـــي

[أبو إبراهيم !!]

وعليكم السلام ورحمة الله وبركاته

الله يحييك في مكشات بين أخوانك وربعك

أن شاء الله يفيدونك الأخوان عن هالطريقة

وأن شاء الله يرزقك الله بالصيد الطيب

[غسان]

أخوي اذا كان كشر ينصاد ولكن يحتاج انه يكون الثقل حر والخيط مرخي علشان يسحب ويبلع هذه الطريقه انا استخدمتها وطلع معاي كشر كثير اما لما كان الثقل ثابت ماطلع معاي يسحب ويتركه والله اعلم

[المقنع666]

اخي الفاضل بوبدر تسلم على التوضيح

تقبل مروري

[A B D U L L A H]

هذا هامور عربي يا اخوان من افضل انواع الهامور

ويتواجد بكثره في المنطقه الشرقيه ... وليس بـ ( كشر )

إلآ إذا كان الكشر عندكم بالغربيه هو الهامور العربي عآد شي ثاني

//

واللفاح ينفع من السيف ولكن ماهو زي الطراد

ويطلع دويلميات وكنعد في موسمه

والغربيه ماشاء الله اشوف الشباب يطلعون انواع كثيره زي البياض والتونه من الشاطئ

//

والطريقه جميله صرآحهـ كآنهآ حيه الميده

بس ممكن تقول لنا بآي مدينه ومنطقه ... ؟؟

[نجم حفرالباطن]

شكر الله لك ماقصرت اخي الكريم

[القبقب.87]

شاكر لكل اللي ردو على موضوعي والله لايحرمني من ردودكم كلكم ودي اني اشكركم بالاسم واحد واحد لكن اخاف انسى احد .. ومشكورين على الاجابه لانها من جد فادتني ..

وبالنسبه لك اخوي عزازي .. المنطقه // محافظه الخفجي ـ خور المصلخ ..

[قناص البحر]

السلام عليكم


حياك الله اخوي القبقب


هامور من النوع الطيب


وعلى الرجال بالف عافيه

وانا كنت متسأل نفس التسائل من فتره لكني ما جاء في بالي أسأل وسبحان الله اليوم احصل نفس الإستفسار منك فجزاك الله خيرا


يعني نشخط من على السيف

لان االوالد يخبرني يقول قبل فتره من الزمن في ناس كانت تشخط من السيف كانوا من جنسيه أسيويه

فيقول حاطين الطعم سلس ويفروون الخيط على داخل ويتمون يسحبون في الخيط شوي شوي ولا يقول ما تموا ويجيهم ذاك الزين وسحبوا لك سمكه من اسماك التونه الكبيره يصل وزنها فوق 25 كيلو وهذا الكلام حصل قبل 25 سنه في بحر عمان


والله اعلم وبارك الله فيك

وإن شاء الله تفيد وتستفيد

من المنتدى الرائع

[بـو بـدر]

شاكر لكل اللي ردو على موضوعي والله لايحرمني من ردودكم كلكم ودي اني اشكركم بالاسم واحد واحد لكن اخاف انسى احد .. ومشكورين على الاجابه لانها من جد فادتني ..

وبالنسبه لك اخوي عزازي .. المنطقه // محافظه الخفجي ـ خور المصلخ ..


السلام عليكم ورحمه الله

اخوي الكريم

هاذي صوره من قوقل عن الاماكن الصيد الموجوده بخور الخفجي

ان شاء الله تستفيد منها

http://www.aryag.com/download/up/aryag_com_1272092618.jpg
[

اخي الكريم

هاذي الخريطه انا حاطها للعزيز الي يطلب اماكن حداق بالخور

والعلامات الموجوده انا حادق فيها والحمد لله خير من الله

واذا حبيت ( ممكن ادلك علي اماكن حداق بالعاموده )

ارجو ان تستفيد منها

تحـــياتـــي

[القبقب.87]

هلا وغلا فيك اخوي قناص والدك الله يخليه لك كلامه صح الصح وهذا الموضوع يثبت هالشي والردود اعتقد كافيه .. وصحيح يعني يرمون مكان بعيد (شوح) ويسحبون شوي شوي لو فيه شي مار بالمنطقه بيضرب على الطعم على طول ..


وبالنسبه لك اخوي بوبدر نورتني بمرورك على الموضوع وانا جد مره قعدت وياك بالمصلخ كان الوقت ليل وكنت انا والربع واللي اخبر انك كنت ماشي للكويت وياك مصارين ووقتها كانو قاعدين الربع وطلبوك تنزل وتقهويت وياهم وان شاء الله ذاكر الموقف .. وبالسبه للصوره اخوي ياريت تكون اكبر لان الاسماء اللي فيها موواضحه ويوم نسختها عيت تطلع عندي واضحه وبالنسبه للعموده لي روحه لها على هاليومين وان شاء الله بحط تقرير اذا صدت شي .. والله يوفقني ويوفقك ..