الي يبي جراء عربيه اصيله

[مدامع الحر]

من حقي اطرح الاسئلة لاختبار الي يستحق
1_ وين بتحطها
2_تبي تنتج منها
3_ وش تعطيها اول ماتاخذها وش الاكل
4_وش تبي تدخلا معه لانتاج اي شي سلالات ثانيه مثل القري هاند وغيرها
5_تبي تستخدمها في الصيد او هوايه او مهد
6_وين مكانك
7_راح تفرط فيها لو طلبها احد منك واذا عندك اضافات ياليت تقولها

[أبو أمين]

1- في البيت
2- اذا كانت طيبه عندي الذيخ الي يستاهلها
3- حليب وخبز وباقي الغدا والعشا
4- سلوقي عربي فقط لا غير ولا نتعامل مع الاجانب
5-صيد
6-الرياض
7-والله الطيب ما يتفرط فيه ويثبت وجوده

[قناص كنزان]

انا ابي ولا راح افرط فيها ومكاني في الاحساء وراح ااكلها عظامه وحطها في غرفه
وهاذا اميلي am-ss-mm@hotmail.com

[قناص كنزان]

وانا بكره بروح قنص
وحليب وتمر

[رماع]

- فيالاستراحه
2-الانتاج ماني بعجل عليه
3- جره مالها الا حليب
4- سلوقي عربي
5-المقانيص
6-الرياض
7-والله الطيب ما ينتفرط فيه
وبيض الله وجهك

[راعي فجر]

يستاهلون الاخوان وبيض الله وجهك يالطيب

[الهاجس511]

السلام عليكم ورحمة الله وبركاته .
مساكم الله بالخير جميعا اعضاء وزوار المنتدى .
1- بالاستراحة .
2- مانيب منتج منها هالحين .
3- حليب وخبز .
4- سلوقي عربي .
5- مقانيص .
6- القصيم .
7- الطيب مايفرط فيه .
والله ولي التوفيق ,,,,,,

[A . J . A]

السلام عليكم ورحمة الله وبركاته .

1- البيت كبير وفي مكان لها .
2- مانيب منتج منها هالحين .
3- حليب وخبز .
4- سلوقي عربي فقط .
5- مقانيص .
6- الرياض .
7- الطيب مايفرط فيه .
والله ولي التوفيق ,,,,,,

[قناص كنزان]

ولا راح اشبيها الا اذا صار عمرها 5 سنوات ونص لي ونص للمنتدى يعني الي يبي

[طلو]

اول شي اشكرك اخوي على اهتمامك على السلقان وعلى حرصك لوجود من يعاملها با الطريقه الصحيحيه ويهتم بها
وحرصك على توفير لبعض الشباب سلقان طيبه
انا من ناحيتي لست محتاج ولاكن حبيت اشارك على الاسئله من باب الفضول وعدم اهمال الموضوع
1_ وين بتحطها
ج-1السلقان عندي لها مكان مخصص ومكون من قسمين غرف مكيفه بالنهار تحميها من الحراره وباليل عندي شبك 90 في 90 مقسوم ثلالث اقسام كل قسم 30 في 30 وافكها فيه تلعب وتمرح
للعلم ان للسلقان عندي عامل مخصص ومدرب على تربيه السلق والحين فاهم بالسلق والمقانيص
وابشرك بدا يفرق بين جره الارنب والحصني

2_تبي تنتج منها

ج-2 الانتاج ليس بالعمليه السهله مثل ما يتوقع اي واحد
الانتاج يبي له توقيت سليم سلاله صافيه من اي خلط
يبي ذيخ صح ولاكن هل السلقه الي بشبيها طيبه ولا لا هذي ايضا لها دخل
ما راح اشبي من هنا والسلام نضام طقها والحقها
وليس تفكيري انتج سلوقي وبس لا بالعكس
اهم شي عندي المحافضه على السلاله من الخلط ومن الضياع
واذا ما نجحت معي السلاله
ارجعها لأهلها افضل من اني اخربها

3_ وش تعطيها اول ماتاخذها وش الاكل
ج-3 اول ما اعطيها حسب العمر الي هي فيه يالغالي
انا عاده ما اعطي سلقاني الا المكعب الي هو ياطويل العمر من انتاج شركه رويال كانون
طبعا حسب العمر وحسب الوزن وفيه انواع ثانيه من الفتامين والاملاح والكالسيوم عند احساسي بان السلق مجهد للغايه
4_وش تبي تدخلا معه لانتاج اي شي سلالات ثانيه مثل القري هاند وغيرها

ج-4 القري هاوند اولا لا يصلح في المملكه
والانتاج سبق وتكلكت عنه في النقطه السابقه

5_تبي تستخدمها في الصيد او هوايه او مهد
ج5-اكذب عليك ان حددت لك وش ابستخدمها
لاكن اذا ما قنيتها للمقناص وشو له اقنيها واما بالنسبه للمهدات
رغم معارضه القناصين لهذه الفكره الا اني لا امتنع من المشاركه في مهد تعليمي او اجرب مستواها على الضبي او منا فسه شريفه بين سلقاني
اخي الغالي انا وانت يمكن الله اعطان القدره اننا نقنص خارج المملكه ونقنص ارانب وغزلان انا كواحد قبل اقنص السودان لازم اهد واجرب سلقاني على الضبي
افضل من اني اروح المقناص وانصدم بسلقي



6_وين مكانك

ج6-الدوادمي والمحمديه والشعرا والقصيم وهذي اكثر مناطق تواجدي حسب وجود حلالي ووجود العشب

7_راح تفرط فيها لو طلبها احد منك واذا عندك اضافات ياليت تقولها

ج-7 ي الغالي اي حاجه اذا حبيت تفرط فيها فمن الأدب ومن علوم المراجل فالشوره لأهلها الاولين هم اهل الجميله
انسان قدرك على غيرك وعطاك ليش تصير قليل خاتمه وتضيع سلالاته
ما خلانا نوقف عن اعطاء السلق لأي واحد الا بسب هالحركات يجيك الواحد ومطاليب واخر شي تشوف شوفه تحزنك يا انهم يضاربون السلق ولا تلقاها جلد وعضم من الجوع واخرتها تحس بالذنب تجاه السلعه المسكينه
ارجو اني لم اطل عليك بالكلام ولاكن الحق يجب ان يقال

[ابوو ترركي]

من حقي اطرح الاسئلة لاختبار الي يستحق
1_ وين بتحطها
2_تبي تنتج منها
3_ وش تعطيها اول ماتاخذها وش الاكل
4_وش تبي تدخلا معه لانتاج اي شي سلالات ثانيه مثل القري هاند وغيرها
5_تبي تستخدمها في الصيد او هوايه او مهد
6_وين مكانك
7_راح تفرط فيها لو طلبها احد منك واذا عندك اضافات ياليت تقولها

1-في البيت
2-اكيد الا اذا كان اصيل
3-مكعبات-خبز-حليب-غدا وعشا
4-ما ادخل شي
5-الصيد
6-الدوادمي
7-لا ماراح افرط فيها واذا كنت بفرط راح اخذ المشوره من راعيها قبل كل شي

ارجو الرد سريعآ

[A . J . A]

انا استغرب من بعض الاخوان عنده اكثر من سلقه ويبي كمان
ولو احد طلبه قال والله ماعندي شي

اتركوا فرصه للناس الي ماعندها

[طلو]

انا استغرب من بعض الاخوان عنده اكثر من سلقه ويبي كمان
ولو احد طلبه قال والله ماعندي شي

اتركوا فرصه للناس الي ماعندها


اخوي ليتك توضح من تقصد

[ابو راسيل]

من حقي اطرح الاسئلة لاختبار الي يستحق
يحقــــلك يــ الغــالي وانشــالله اكوون من اللي يستحقوون
1_ وين بتحطها
والله وانا اخووك ابحطه بــاسترااحة الأهـــل الله يحفضهم ،، فيها حووش كبيــر وفيها عــامل وفيها شبووك دجاج وحمــامــ ..
2_تبي تنتج منها
الكــــلام هذا تووهـ نبي نربيه ليين تكبر ومن ثم نقنصبه كان كتب الله وبعدين يجي الكلام هذا
3_ وش تعطيها اول ماتاخذها وش الاكل
حليــب ودجـــاج ..
4_وش تبي تدخلا معه لانتاج اي شي سلالات ثانيه مثل القري هاند وغيرها
لالالا الأصــيل اصــيل ..
5_تبي تستخدمها في الصيد او هوايه او مهد
نعــم نبي نستخدمها للــصيد ومــا يمنـع مهدات خاصة عشان اكوون معك صــرييح
6_وين مكانك
القصيــم
7_راح تفرط فيها لو طلبها احد منك واذا عندك اضافات ياليت تقولها
^
لالا انشــاء الله .. نتعب عليــه وآآخــرته اعطــيه وااحد ...

وشكــــــــرااااً ...

[@قرناص@]

..

اخوي الله يرزقك ماتمنى ان شاء الله وماتقصر يالغالي..

الحمدلله لقينا مبتغانا من اهل مكشات الطيبين..

والله يوفقك في السلقان وتلقى من يستحقها..

تقبل مروري

[قناص جواثا]

يستهلون من رد قبلي وله انا اكثر واحد بالعالم يدلع اسلوقي لان ماجاني وله سلوقي جاني لوقي وعاش افضل عيشه

[بندر خلف]

ماشالله تبارك الله

لو اني بهديلهم سياره ماسئلتهم هالاسئله

صارت تحقيق وانا اخوك تبي تهدي اهدها ولا تقول اذا اهديتها لك بتهديها والى لا

ووش بتاكلها وين بتنومها وكم مره بتركضها والله يخليك ارنب وحده تصيد لا اتعبها بالصيد

=====>>> امزح معاكم لا احد يزعل

عسالله يوفقكم وبارك الله فيك وكثر الله من امثالك

[دخنآوي]

لابس ترا مالها سنع انك تسال تبي تهدي اهد للي انت تبي
ولاتسال

لاتزعل انا اقول الصدق

الله يكثر من امثالك مدامع الحر ويجزاك خير

[الشيرازي]

مدامع الحر يحقلك تسئل
ياما عطوا وتحسفو وعلى ماقال اخوي طلو ياما يجلدون ياما يدقون بالجوع ياما يهدونها وهي طيبه
طيب انت ماتفكر من احق بها .. اكيد اهلها ماعطوكياها الا انت تستاهل خلك قد نضرتهم فيك وردها لهم يعطونها واحد يستاهل غيرك يالغلا

[bo.7seen]

پيض إْڷڷه ۋجهڪ ,

ۋيڛٺإْهڷۋن إْڷإْخۋآن ,

[بندر خلف]

من الي فاز بالسلق :D :p :D ===>هههههههه

[راعي سبحة]

لابس ترا مالها سنع انك تسال تبي تهدي اهد للي انت تبي
ولاتسال

لاتزعل انا اقول الصدق

الله يكثر من امثالك مدامع الحر ويجزاك خير


صادق الرجال ماأخطى حشى ماصار سلوقي

يعني لو قلت لك أبخليها مطلوقه بالمزرعه تروح وتجي

مع احترامي لك طريقة أسئلتك به من التمنن

[الكايدA]

السلام عليكم ورحمة الله وبركاته .

1- حوش خاص قريب من البيت عن السرقه لا قدر الله .
2- الانتاج وارد من نفس السلاله .
3- حليب وخبز والمقسوم .
4- سلوقي عربي فقط .
5- مقانيص .
6- القصيم .
7- الطيب مايفرط فيه الى للي يستاهل .

بالتوفيق للجميع

[ولد حآئل]

1_ بالاستراحه
2_اكيد ننتج
3_ كل شئ يبقى من الفضله تأكلها السلق .
4_ ندور الأفضل ..
5_صيد وهوايه
6_حائل
7_ اذا السلوقي زين ماينفرط به واذا احد طلب من نسله هذا شئ ثاني


===============
اذا عندك سلق محتاجين
للمراسله :
e46@live.com

[سر البحر]

من حقي اطرح الاسئلة لاختبار الي يستحق
1_ وين بتحطها - بعزبة الصقارين شمال ينبع ومخدوم من سوداني خبير ويلزمنا سلق ولا عندي اي والله .
2_تبي تنتج منها - طبعا دامها عربيه اصيله حرام نقطع نسلها الطيب ونلقحها من عربي طيب زيها .
3_ وش تعطيها اول ماتاخذها وش الاكل - طال عمرك الاكل حسب العمر حليب ومكعبات مركبه سهل الهضم لو دون شهرين وما زاد يتغير النظام
4_وش تبي تدخلا معه لانتاج اي شي سلالات ثانيه مثل القري هاند وغيرها - ابدا بخلي الخط نفسه عربي نظيف .
5_تبي تستخدمها في الصيد او هوايه او مهد - صيد وهوايه طال عمرك .
6_وين مكانك - ينبع البحر
7_راح تفرط فيها لو طلبها احد منك واذا عندك اضافات ياليت تقولها - الشهاده لله احلم بسلق ولا اتوقع افرط فيها ... سبق ربيت واحد وفقدته ولا اتوقع اكرر الفقده وما يمنع نحذو حذوك مع النسل الجديد يستاهل منه الطيب .

مساء الخير اخوي ... عرضك مغري اخوي
وبارك الله فيك .. وانشالله ان السلق من بيت عز لبيت عز .

وايميلي ganonji@hotmail.com
تقبل مروري

[خالدالسوداني]

حياك الله انا عندي في السودان كلاب قنيص بلدية وارغب في اقتنا السلقان واجابتي علي اسئلتك: والله اني احتاج السلق

[راعي ددسن 200]

اان ابيه اذا ما عندك مانع

انا ساكن في تبوك
استخدمها في المقناص
البيت الحمد لله كبير
الخير موجود
اصيله احطه في عيوني
ماراح افرط بها الهديه لاتنهدي ولا تعطي ولا تنباع
الانتاج لابد منه خلها تكبر وننتج منها
عمري ما اقتنيت سلوقي

هذا ايميلي dahooom_9@hotmail.com
عربيه

[ياس البوادي]

السلام عليكم انا مستعد اشتري لاني لم اجد سلق طيب واذا كنت بتبيع انا ابحث عن انثى ولكم جزيل الشكر وهذا ايميلي afc2@hotmail.com اخوك يــــــــــــــاس البوادي من الامارات

[راعي خطاف.]

من حقي اطرح الاسئلة لاختبار الي يستحق
1_ وين بتحطها ؟ في الاستراحه
2_تبي تنتج منها ؟ بدري على الانتاج اللحين لكن مستقبلن انشالله بنتج منها
3_ وش تعطيها اول ماتاخذها وش الاكل ؟حليب وتمر كبدايه وتشكيل الاكل احيانا
4_وش تبي تدخلا معه لانتاج اي شي سلالات ثانيه مثل القري هاند وغيرها ؟الاصيل مع الاصيل5_تبي تستخدمها في الصيد او هوايه او مهد ؟ استخدام اللصيد ومايمنع احيان للمهدات خاصة لكانت سبوق


6_وين مكانك ؟الرياض
7_راح تفرط فيها لو طلبها احد منك واذا عندك اضافات ياليت تقولها ؟طيب مايتفرط فيه والهديه ماتنهدى

عندي اضافة كن على يقين يالغالي اني راح اهتم فيها مثل ماتهتم فيها انت ويمكن اكثر

[راعي عدلى]

ياخي انت ابتعطيهم جزاك الله خير منتب معطيهم لا تقعد تسأل
انت تبي تزوجهم ولا تعطيهم سلق ياخي انا اقولك صح اني ابي سلق لكن ما تجي بالمستوها هذا
اخاف اقولك وين ابحطهم يعني بيتنا قصر و ابوكلهم من كنتاكي و جاي و ابحطهم بغرفه سرير نفرين و ابجيب لها ذيخ من حمولتن طيبه
المهم ان بقى شي عطني خبر