يوسف الخليفة1
25/06/2009, 12:14 PM
راس النصي يومي مع طروق الارياح=والصيف قاسي والسحايب شحيحه
ما غير عاصوف الذواري بالابطاح=يلوي رميم الصوح بارضن فسيحه
اليا تزامت بالفضا شمس الاصباح=يبرك فصيله كالقطاة الجريحه
حتى المجمه ما لها اليوم مياح=غارت بها الامواه ولا طفيحه
غنا جميل الورق بالحايط انواح=يريح باله بالنشيد ويبيحه
اقول وين شباط يا رب الارواح=راضين باقدارك ونفسي مريحه
ما يجزع الا مشركن دينه صياح=ينوح بالبدعه مجاور ضريحه
لا نافعن نفسه ولا فيه الاصلاح=يشوي عمل كفه بواهج صفيحه
قربانه بحوش العداما له قباح=في حارة الاموات يجلب ذبيحه
يمضي على غيه مزارات وافراح=يجيه يومن تقتفيه الفضيحه
اقولها جازم ولا نيب مزاح=ما يصلح التهريج عند النصيحه
كم واحدن رايق ولو كان فلاح=وكم تاجرن شاقي ونفسه بجيحه
والقيظ لو هو للتصاوير مساح=ما حال دون القاف نضح القريحه
الله من بيتن على البال ما راح=لازم تجيه اوقات جمه نميحه
لا بد اسلي حالتي والخلا فاح=والسر لقروم الصحاري نزيحه
والله يا ظلال بمعاسير لولاح=مع وافي الافعال نفسه سميحه
اخير من قصرن تولته الاشباح=ما توحي الا كالحيايا فحيحه
للشرك والطاغوت جلسه ومسراح=مدهال الاقشر والوجيه القبيحه
لا شك دارن ما بها الذكر ينباح=تمسي خرابه ما تساوي سريحه
حقيقتن من واحدن قاد الافصاح=حديث يروى باللغات الفصيحه
وادعيك يا ربي مكاسيب الارباح=وانا على بابك ونفسي طميحه
( يوسف الخليفة )
ما غير عاصوف الذواري بالابطاح=يلوي رميم الصوح بارضن فسيحه
اليا تزامت بالفضا شمس الاصباح=يبرك فصيله كالقطاة الجريحه
حتى المجمه ما لها اليوم مياح=غارت بها الامواه ولا طفيحه
غنا جميل الورق بالحايط انواح=يريح باله بالنشيد ويبيحه
اقول وين شباط يا رب الارواح=راضين باقدارك ونفسي مريحه
ما يجزع الا مشركن دينه صياح=ينوح بالبدعه مجاور ضريحه
لا نافعن نفسه ولا فيه الاصلاح=يشوي عمل كفه بواهج صفيحه
قربانه بحوش العداما له قباح=في حارة الاموات يجلب ذبيحه
يمضي على غيه مزارات وافراح=يجيه يومن تقتفيه الفضيحه
اقولها جازم ولا نيب مزاح=ما يصلح التهريج عند النصيحه
كم واحدن رايق ولو كان فلاح=وكم تاجرن شاقي ونفسه بجيحه
والقيظ لو هو للتصاوير مساح=ما حال دون القاف نضح القريحه
الله من بيتن على البال ما راح=لازم تجيه اوقات جمه نميحه
لا بد اسلي حالتي والخلا فاح=والسر لقروم الصحاري نزيحه
والله يا ظلال بمعاسير لولاح=مع وافي الافعال نفسه سميحه
اخير من قصرن تولته الاشباح=ما توحي الا كالحيايا فحيحه
للشرك والطاغوت جلسه ومسراح=مدهال الاقشر والوجيه القبيحه
لا شك دارن ما بها الذكر ينباح=تمسي خرابه ما تساوي سريحه
حقيقتن من واحدن قاد الافصاح=حديث يروى باللغات الفصيحه
وادعيك يا ربي مكاسيب الارباح=وانا على بابك ونفسي طميحه
( يوسف الخليفة )