اسمعو سالفتي

[راعي الشلفاء]

السلام عليكم

وشرايكم نبي نسمع من جميع اعضا مكشات عن اول طير شره وعن السعر وعن السنه و اول حبارى هدعليها

وعن المكان والتاريخ اذا امكن

ابد بنفسي اول طير شريته وكري حق التعلم وحش دهلته ثمن وريته وحده ميته بعد فتره قطع من البيت

فيه جارنا يعرف صقار قديم وصيته يدورلي طير علا الربطه كنت محدد السعر 5000ريال المهم شرالي بزود

الف المهم ربطنا واول طلعه بعد الربطه ويذبح الطير طلع علا ايدي الطير مادريت الا وهو يظرب بلقزازه

انا مادري وش السلفه قالي رفيقي هد ترا الطير طالع المهم صاد والله يفرحتي اسكت بسسس ومن عقبه

انهد كنا بالطير

السه هاذي بين 1407و1408

المكان فياض الصمان

[عاهد بن علي]

انا اول طير شريته

وكري شواهين بمبلغ رخيص 400 ريال

بالمناسبه وكري الشواهين الجرناس اذا كان مبرقع تشوفه بالبرقع تقول هذا جرناس شاهين واذا خذت برقعه

تكتشف انه وكري , وما عاد يجلبونه قطر الان

[صقار الأسياح]

اول طير اقتنيه حبلية ب2300 وما صاد معي شي الحمام فقط وبعدين هديتها الساعه 12 الظهر غشيم هههههههه وحام وضاع اما اول طير صاد معي حر بالدهنا

[بو غازي]

السلام عليكم ورحمه الله وبركاته
حبي للطير قديم لكن كنت متفرج فقط لاغير كان ولد عمي معه طيور واطلع معه انا واخوي الي اكبر مني كنت وقتها صغير عمري كان 9 سنوات المهم ولد عمي اعطى اخوي الي اكبر مني طير مثلوث كنت احب اشوف الطير لكن ماكنت اشيله او انقله مجرد متفرج فقط لاغير كان اخوي يدعي الطير الحاله يوم يدعيه وعشرين يوم الطير بالبيت المهم اخر شي باع الطير وجلسنا من دون طير بعدها بسنيات اخوي الكبير الي اكبر من اخوي الي يكبرني كانت عنده بكرة عمانية جاه واحد يبي البكرة شرا البكرة من اخوي الكبير بمبلغ ممتاز واعطاه فوق البيعه فرخ اشعل الفرخ اعطي لاخي الي يكبرني وصقره واخذنا ندعيه وننقله ونعلمه لى الدجاج و ونخليه يذبح الديكه المهم لقينا كراوين وهدييناها عليه جا وقت المقيض الطير جاته جذرة خفيفة خفنا بعنا الطير بمبلغ رخيص على واحد من اهل قطر عسى الله يبارك له فيه وسلم الطير المهم مرت سنيات قمنا نشري من الطيور ذا وكري ذا شاهين ذا وكري ذا شاهين ذا مثلوث ونبيع الا ان عرفنا الطيور يوم جا عام 1999 لان كان عندي نيسان ربع جديد هذا الي يذكرني او الفين والله اعلم اشتريت طير انا واخوي يعني قطيه قاطين بالطير ب6000 ريال احمر صافي راسه عازل لكن كان عذروبه انه فيه صيحه ومع النقله راحت الصيحه ولله الحمد طير سبوق وراكد على التكيه يوم علم على الارنب بعد ماجوعناه والله ان الارنب الي تزرب يدخل بزربها يدورها من الحرارة الي فيه مالله كتب منه ومات الطير بعد اصفق بطير ب11000 ريال احمر صافي صيد وركاده ومالله عطا منه ويلحق الاولي بعدها اشتري الطير واقنص به وابيعه لان جاني طير ومازال عندي الطير قرناس 11 السنه عسة ربي يبارك فييه ومغنييني عن جميع الطيور والسنة عندي جير شاهين عسى الله يطرح فيها البركة .وسلامتك هذا علومي باختصار .
وبالنسبة لاول حبارة كانت بعام 2002 تو من قريب لاني ماكنت اقنص بالطير الا الارنب لان عمي واخواني اهل مقانيص ارانب بالسلق اعزكم الله وبحكم روحاتي وجياتي معهم للمقناص كنت ااتهاوش معهم عشان اهد الطير مابي هدد السلق انا واخوي وماعرفت الحبارى الا بعد ماأختلطت مع الصقااقير وصرت اجلس معهم عرفت وين مكان الحباري واول حبار كانت برمضان عام 2002 كنت جالس مع ابو فالح فايز الشرافي الله يعطيه الصحه والعافية كان صايد ويسولف بمجلسه انه صاد في ذاك المكان حبارى وانا مجرد مستمع فقط لاغير :) المهم ثاني يوم انا اخوي محضرين في نفس المكان وعندنا طير ماندري عنه تونا شارينه من الربطه ندعيه ماله الا خمس ايام بس طير مجهم صغير مهوب كبير المهم وصلنا محلنا الي نبي الي اثرها جديد هي حبارى هي كروان هي هي هي الا هي تفقع بوجييهنا ونحذف الطير وتوقع له وهي تكبر ويجييها الطير ويدبسها ماشاءالله تبارك الرحمن هذي اول حبارة وعقبها ولله الحمد الخير واجد هذا بفضل الله ثم بفضل اخواني واصدقائي الي اقنص معهم اشكركم لطرح مثل هالمواضيع وارجوا انكم استمتعوا بسرد السيرة المختصرة المتواضعة شكرا للجميع .

[مسلط العتيبي]

هـلآبك آخوي راعي الشلفـآء )

الموضوع هذا قسسسسسم آنه ح ـسـآس وفيه شوي ضحك ..

زي الاخ راعي الاسيـآح ( 12 هد ) هههههههههههههه قسسسسم غشيم بس معه حق ماعنده الخبره الكـآفيـة ..


آنا سالفتي سـآلفـة .. آخ ـآف آقولهـآ وتموتون ضحك علي ..

كـآن عندي طير وكرى السنه الي راحت هي اول مره في حياتي آنقل فيهـآ طيـر ..

المهم شريتـه من واحدن بالدوادمي بـ 1500 صـآيد كراويـن ..

وجيت للريـآض وطلعت انا واحدن من خوياي للروضـة التنهـآت بطيرنأ بدرى السسسسـآعه 6 الفجر .

المهم حصنـآ والحمدلله طير بس ماعرفنا اسمه بحجم الكروان بس لونه آبيض وجنحانه سود .

المهم هدينـآ عليـه وطلع وكرينا ماعندك آحد وقع جنب الطير هههههههههه

ويناظر فيـه لمده يمكن نص سـآعه .

الطير مدرى وش قصته ذال المهم ماعرفنا وش السـآلفة ..

قالت لخويي حرك امش ..

وقال طيرنا قلت قسسسم مانقل طيرن يصور مع الصيده .. حرك بــس

وردينا للرياض وكرينا بالتنهات ...


ذي سالفتي ..

[بو غازي]

هههههههههههههههههههه
هملتوا الوكري .

[مسلط العتيبي]

هههههههههههه بوغازى طيب وش اسوى فيـه ..

تركه اخير من نقله ههههههههههههه

واذا قصدك اني ابيعه لا والله مايشرفني آني ابيع طير ردي .. واتفشل فالرجال الي بعته عليه

[صاحب نوماس]

اما بالنسبة لي انا اول طير نقلتة اهي شيهانة جبلية وكان من فترة طويلة والله ياذيك الشيهانة ياانها تعذبت والمهم انة بعد نهاية الموسم اعرض علي طير طلع وصيد وكلفني 8500 ريال بس ان الطير فلتة خذيتة ثم قيضتة وشيهانتي جاني واحد من الشباب بالاستراحة واهديتها لة وطبعاً الطير مات في نهاية الموسم اللي بعدة وبدت تتالي الطيور ,,,,,,

[بو غازي]

مسلط العتيبي:هههههههه طيب وش الي هديتو علييه يمكن طير بحر ردي مايبيه الوكري . ظلمته هو يبي ابرق الريش .

[مسلط العتيبي]

هههههههههههه بوغازي اقولك وربي ماعرف الطير الي هدينا عليه

واذا عن الظلم قسسسم ماظلمناه هو ماصاد الردى يبي يصيد ابرق الريش علي قولتك هههههههههههههههههه

[بو غازي]

مسلط:ههههههههههههه ترى بعض الطيور يعرف الطيور الردية ويمكن الوكري منها .

[مشبر البران]

حرام عليك ضلمت الوكري وش فيها لو ما بغا يصيد

[مسلط العتيبي]

بوغازي

مشبر البران .

يعطيك الع ـآافيـة .. الف شكر لكم من الاعمـآق ..

[هواي داورد]

مسلط العتيبي

أنا من الدوادمي وأعرف الطير اللي بيع عليك

ذاك اليوم طالع انا والرجال يم الربوه والرجال بادي يدرب الطير

المهم الوكري ذبح الحمامه ويجي رفيقنا يعزله منها

والوكري يناظر في شفة رفيقنا وهو اللي يلقطه ( عطاه شفه صح ههههههههههه)

ورفيقنا ينكب الطير مقرط في شفته هههههههه وهو يخنقه (رفيقنا) ألين عيونه راحت بيض

وهو يتركه بوكره وكل شي ويروح للبيت

طبعا أنا راكب معه : قلت له يارجال مايصير بعه لو بخسارة

يوم وصلنا يم شركة الكهرب وهو يديور رفيقنا وياخذه

والله إنه نازل وخام الطير برقبتة وناطله في الصندوق خخخخخخخخخ

((( والطير ذاك يصقرك انت موب انت اللي تصقره (((:::----
------------------------------------------------------------------------------------------

أما بالنسبة لي ياخوي راعي الشلفاء

اول طير نقلته ( تبع قرناس بحرية بكر )

ومن اول هده لها راحت ورى اللي بغت تغدي وراها ( درجلانه )

طبعا ما الله رزقنا بالصيد ( مشكلة الدوادمي وحسد اهلها )

والطير اخذت معي حوالي شهرين وغدت

وبعده بسنتين جربت حظي مع الجيره (جير حر وأخذ معي حوالي شهرين )

لاكن موب ذيك النتيجة المتوقعه

ومن بعدها قامت تتوالا الطيور ( شي احمر وشي اخضر وشي اسود يي مااحلاهون هههههههه )

[مسلط العتيبي]

ماقصرت ياهواوي داورد

عطـآه اجل الشفـه خخخخخخخخخخخخخخخخخخ

شكرآ لك يالغ ـآلي لكن الطي راح بخيره وشره

[راعي الشلفاء]

السلام عليكم

كل الشكر لمن تفاعل مع الموضع

لو كل من قرا الموضوع قام بالرد كان ماتمسكون بطونكم بس فيه ناس( مجلده)

يوم كنت اجلس مع الصقاقير كنت استغرب وشلون يعرفون طيورهم (عندي ان كلهن لون واحد)

[شقرااااان]

بعلمكم سالفت (الشاهينه الي اكلت التمر)

اهدوني جبليه وانا اقصر عليها >>>>>>>>الا اهلكتها

عشان ابدعيها

ويوم جيت الوحلها الا مجيها لك عليه

قلت هذي اكيد فسقانه >>>>>>>>>> اسمع بالفسقه من الصقاره

وانا اقصر عليها

منول تجيني طيار

عقب ماقصرت صارت تجيني مشي خخخخخخ

وانا اسير على رجال صقار ابيه يشوفها هي وش بلاها

حنا فوق راس طعس

والرجال حاط قهوته وقدوعه

القدوع خلاص الخرج يلمع

والله ثم والله

ساعت شلعت برقعها وهي اطبح على التمر وهي تاكله



قال رفيقي حرااااااااااااام عليك طيرتك مافيها الا الجوع

تالي عديتها وزاد وزنها وونستنا على الكراوين

هذي سالفت اول طير

[بو غازي]

rakan.com:هههههههههههه شكلك ياراكان تسوق لتمر الخرج ههههههههه الله يعافيك على السالفة.

[هواي داورد]

اما ياركان تمر مره وحده ( الجوع مايرحم )

ههههههههههههههه عقب ما خلصت ماشربت قهوة خخخخخخخ

[حامد الحنيني]

مشكورين على القصص وانا والله حبيت اشاركم لاكن بعدين لاني مشغول حاليا....

[بو غازي]

ننتظر مشاركتك حامد

[مسلط العتيبي]

<< من شاف مصيبـة غيره تهون مصيبتـه ههههههههههههههههه

خ ـلهـآ تقدع وتفلهـآ التمر مامنه الاء الع ـآفيـة يالغ ـآلي

قسسسسسسم سوالف رآيقـة ..

فيه نـآٍس ماشرفت هنـآ ..

< نـآوي يضحك من قلب

[subama]

الله يعطيكم العافيه على السوالف والصراحه

[شقرااااان]

يامسلط العتيبي

والله اني مستحي اقول سالفتي

مير عقب سالفتك تجريت

وهذا الصيف يااخوان

سوالف وفلت حجاج

[مسلط العتيبي]

رآكـآن الله يسلمك يالغ ـآلي

وهذى حقيقـة مافيها عيب الانسـآن اول مايدخل شغله لازم يكون له فيها موقف ..

واحنا هنا علشان نعيد الذكريـآت يالغ ـآلي لاسحى ولاشيء ..

بس وانا اخوك عسى التمر اخ ـلآص طيب ..