فتى الرابيه
25/06/2009, 02:00 PM
قصيده قالها الشاعر مرشد البذال رحمه الله وهو في المستشفى قبل وفاته وهي معبره
يحول اظن الحق جتني طروشه --- جتني مطاليبه وانا عنه منحاش
اليوم كن بداخل الصدر هوشه --- مثل اختراش الزلم في داخل الجاش
يالله عسا عطفك ولطفك نحوشه --- يالله بحسن الخاتمه عند الاقراش
دنياك لو تعطيك زين المعوشه ---تالي سوالفها تعود على ماش
ياما خذينا باول العمر شوشه ----وياما مشينا مع مظاهير وادباش
في خايع وبل الثريا رشوشه --- نجني الزبيدي في صحاصيح ودشاش
وياما جلسنا مع مرودع نقوشه -- في سهلة ماحدرنا زل وفراش
في وسط روضن مخضرات خفوشه -- نبته جديد ومبعدين عن الطاش
نبنوب لاخبله ولااهي مخروشه -- عنق الفريد ان ذيره زول حشاش
قامت تخاطبني بنفس هشوشه --- بس الكلام وعرضه انظف من الشاش
بسرار في وسط الصدور امخشوشه --بين الثنين ولادرى عنهم الواش
ربعة وفا والا السلب ماننوشه --- ماني لوجه معذب الحب خماش
واليوم مالي مع هل الصيد نوشه -- عطيتها غيري بلاسوم ببلاش
عند الطبيب وصار عندي وحوشه --ومن الاقامه صابني خوف واخراش
هالحين شفني جالس عقب دوشه --- اصلب عضاي وكن بالجسم هشهاش
خليت ديواني ومجلاس حوشه ---- عقب المعزه ساكنن دار الانعاش
والنفس ضاقت عقب ماهي يشوشه -- مثل المقيم اللي على نو مطراش
رحم الله الشاعر رحمة واسعه والمسلمين اجمعين
يحول اظن الحق جتني طروشه --- جتني مطاليبه وانا عنه منحاش
اليوم كن بداخل الصدر هوشه --- مثل اختراش الزلم في داخل الجاش
يالله عسا عطفك ولطفك نحوشه --- يالله بحسن الخاتمه عند الاقراش
دنياك لو تعطيك زين المعوشه ---تالي سوالفها تعود على ماش
ياما خذينا باول العمر شوشه ----وياما مشينا مع مظاهير وادباش
في خايع وبل الثريا رشوشه --- نجني الزبيدي في صحاصيح ودشاش
وياما جلسنا مع مرودع نقوشه -- في سهلة ماحدرنا زل وفراش
في وسط روضن مخضرات خفوشه -- نبته جديد ومبعدين عن الطاش
نبنوب لاخبله ولااهي مخروشه -- عنق الفريد ان ذيره زول حشاش
قامت تخاطبني بنفس هشوشه --- بس الكلام وعرضه انظف من الشاش
بسرار في وسط الصدور امخشوشه --بين الثنين ولادرى عنهم الواش
ربعة وفا والا السلب ماننوشه --- ماني لوجه معذب الحب خماش
واليوم مالي مع هل الصيد نوشه -- عطيتها غيري بلاسوم ببلاش
عند الطبيب وصار عندي وحوشه --ومن الاقامه صابني خوف واخراش
هالحين شفني جالس عقب دوشه --- اصلب عضاي وكن بالجسم هشهاش
خليت ديواني ومجلاس حوشه ---- عقب المعزه ساكنن دار الانعاش
والنفس ضاقت عقب ماهي يشوشه -- مثل المقيم اللي على نو مطراش
رحم الله الشاعر رحمة واسعه والمسلمين اجمعين