فضيحة ( عضو من مكشات ) بحراج الكمبيوتر

[حفرلوجيا]

سلام ياربعي بمكشات
استقبلت رسالة جوال تقول : ( يا أخي لك زمن ما فتحت الرسايل الخاصة بمكشات افتحها الله يفتح علينا كلنا)
غريبة ! الرقم ما أعرفه ؟! .. ورغم المشاغل فتحت رسائل المنتدى .. فوجدت عدة رسائل من العضو العزيز ( ……. ) ;).. وكل رسالة يتعمد يبين لي معرفة بخصوصياتي .. مرة يقول ليش ماداومت أمس .. ومرة يقول كان عندك ضيوف البارح .. ومرة .. ومرة .
الخطوة المنطقية اتصلت على رقم الجوال الذي وصلتني منه الرسالة .. والمفاجأة .. رد علي عامل يقول : ( أنتا فيه يبغى سيدي فلم .. موجود أكشن .. رومانس ..كله موجود ) :confused:.. واكتشفت انه من العمال الذين ينتشرون في سوق الكمبيوتر وبعض الأسواق التي يبيعون فيها ماهب ودب من سيديات فيها الغث والغث السمين.:mad:
سألته : أنت فيه رسالة يودي حقي جوالي أنا إنتا فيه رقم يطلع عندك انتا اللحين .. :looney: (الله من زين حكينا معهم ) .. وتبين لي انه ما يدري وان أحد زبائنه أرسل من جواله الرسالة هاللي أقولها لكم .
هذا أكيد العضو بمكشات ( اللي نحكي عنه ) .. لكنه يعرفني ؟! هذا لغز ( يبي له حل)!
الخطوة المنطقية الثانية : راجعت مشاركات العضو العزيز ( .......) فخرجت من ردوده بانطباع انه عضو يحب الاستفادة من تخصص مكشات ويمكن يكون عنده تجارب ومعلومات يستفاد منها :good:.. وتخيلته بخيال خاص ( برنجي : نسبة للبر .. ومعه يا شاص يا همر) .. لكن..
بعض المواضيع التي يطرحها ( لو عادت خيمة المواضع غير المكشاتية لكان احد زبائنها أو زبانيتها ) .. وأتذكر أن بعض مواضيعه توحي أنني أمام ( عضو يحب الخير , ولديه قراءات متنوعة وثقافة عامة وأمور أخرى محترمة ) .. وعلى أي حال لم أستطع أن أنفي أنني أمام مكشاتي عزيز :heart:..
بس ما حلينا معرفته بخصوصياتي !!
أرسلت رسالة خاصة وقلت لو سمحت كلمني على رقمي اللي ما هو رقم صديق فيه يبيع سيدي كربان.
ثم بدأت تلعب الظنون باللي يعرفون علاقتي مع هذا المنتدى العزيز .. وعددهم قليل رغم أن العلاقة بالمنتدى ( علاقة ألفة وترفع الرأس بسبب نوعية المنتمين إليه ونوع موضوعاتهم) :good:.. لأنهم مجموعة تحب تتخصص في جانب معين ويحبون يخدمون غيرهم ويثرون منتداهم المتخصص ).
في اليوم التالي هاتفني صديق ( لو قيل رتب علاقة أصدقائك بعلوم البر والمكشات بلستة لكان آخرها أو خارجها .. وبعيد عنكم هو من النوع اللي يحب تقطيع السوالف .. وعدم ترتيب الحكي .. والمفاجأة أنه قال : أنا العضو ( ....... ) اللي أزعجتك بالرسايل !!!
غريبة ! يا ( ....... ) , وياحسافة الهمر اللي تصورتك راكبه ! أنت ليموزين يخب عليك !:D
لا أخفيكم لي أيام أحاول أتخلص من كابوس جثم علي وهو أن اللي يكتبون مواضيع غير مكشاتية يشبهون صاحبنا !
لا .. لا .. لا أحد يزعل .. الكل عزيز.. خاصة إذا حافظنا على التخصص.
النكبة اللحين لو موضوعي هذا غير مكشاتي .. وحذفه واحد من المشرفين
ماهي مشكلة .. جاهزين ( للملاسن والمشاكل ):mad:
لا .. هذي مشكلة ! :(
وسلامة الجميع

[راعي الطويلة]

مرحبا يا دكتور حفرلوجيا

لا مواخذه بكلمة دكتور ترا قصدي .. أنك مثل الدكتور تمر علينا بالشهر مرة واحدة وتعطينا الجرعة وتغيب وتقول عدوا لي ..

تراى أحبك في الله وأحب سواليفك وموضوعاتك وسجلت أسمك بقائمة الأعضاء اللي ودي بمقابلتهم وعسى الله ما يضيع رجاي ..

على العموم هلا ومرحبا ...

أخوك

راعي الطويلة

[عبدالعزيز الدباسي]

يا رزاق يا عليم ،،، يا فتّاح يا كريم .

اصبحنا واصبح الملك لله .

وش هالصباحية المباركة ، وش هالشمس الطالعة ، وش هالاضواء الساطعة .

بعد الحمد لله على السلامة ، وكيف الحال ، وش الاخبار ،،،، وعوداً حميداً .

احب اقولك ان موضوعك غير مكشاتي ، ولهذا السبب سوف يتعرض للحذف والقذف

اما الحذف ،،، فان كل المشرفين وبحكم تخصصهم سوف يتحاذفون الموضوع بالترحاب .

واما القذف ،،، فهو من شيم الاعضاء ،،، فسوف يتقاذفون كلاماتك بالتبريكات والتحميدات

[أبو تركي القطامي]

أخي الغالي
حفرلوجيا
وعليكم السلام ورحمة الله وبركاته
هلا بالمبدع المكشاتي أو بالأديب المكشاتي
ومشكلة المواضيع الغير مكشاتيه كثرة هالأيام بسبب الحر الحارق
وشكراً لك على طرح الموضوع بأسلوبك المتميز يا أستاذ حفرلوجيا

[المسفهل]

الحمد لله على السلامة .. كلما تغيب ثم تعود تأتي بالهديا الثمينة
وكلما كانت الغيبة أطول كلما كانت الهدية أثمن ...
يخيل إليّ أنك الغائب الحاضر فدائما علاجك يكون مناسبا
لما يكون في أثنا الغيبة ..
تحياتي لشخصك الكريم وإلى لقاء قريب .

[ابو عمر اللاحم]

حيا الله المكشاتي المتعصب .. يا اخي عنوان موضوعك مزعج الله يكفينا شر الفضايح .

لاكن ولو من مبركات هالمعجب بك حتى وان كان يقطع السوالف ......... الا انه خلاك طل على صفحات مكشات هالطله اللي الحقيقه اشعرتنا بالفرحه لاننا في شوق لسواليفك الزينه.

تقبل تحيات اخوك نهار،،

[السمح]

عسى الله يخليك لنا يابوسليمان

فأنت مثال للعضو الموجه للكل

المتلمس لاحتياجات وهموم المنتدى كي يسير بطريقة سلسة

عشت على نوعية الطرح والأسلوب الرائع في المعالجة

أحلى تحية

[عاشق الصفاري]

الحمدلله على السلامة اخوي حفرولوجيا .. وش هالغيبة وين الناس؟؟
((ومن طول الغيبات جاب الغنايم )) .. حياك الله ..

[صقر]

السلام عليكم

ياهلا بالمكشاتي المحبوب

وياهلا بالمشاركات المكشاتية;)

ومن طول الغيبات جاب الغنايم.. والله لا يحرمنا من إطلالاتك ومن هالمواضيع الهادفة.

وبارك الله فيك.

[مهيلان]

الأصل كُتب بواسطة السمح
عسى الله يخليك لنا يابوسليمان

فأنت مثال للعضو الموجه للكل

المتلمس لاحتياجات وهموم المنتدى كي يسير بطريقة سلسة

عشت على نوعية الطرح والأسلوب الرائع في المعالجة

أحلى تحية

حفر لوجيا انتا لازم كل يوم فيه يكتب ( موزوع ) عشان منتدى يصير كويس :good: تمام

[الجيب الربع]

الأصل كُتب بواسطة صقر
السلام عليكم

ياهلا بالمكشاتي المحبوب

وياهلا بالمشاركات المكشاتية;)

ومن طول الغيبات جاب الغنايم.. والله لا يحرمنا من إطلالاتك ومن هالمواضيع الهادفة.

وبارك الله فيك.



الله مير يحييك

[((( الحر)))]

ابو سليمان الحمد لله على السلامه يعلم الله اني افرح واتشوق كثيرا عندما ارى موضوعك بالمنتدى لسببين..:

الاول .... بعودة روائعك التي تعتبر من اساسيات النقد الفكاهي الهادف والبناء...!!!

الثاني .... لان مواضيعك طعم لبعض الاعضاء والمشرفين الذين يبخلون على المنتدى بشوفتهم ومرورهم ولو مجامله للاعضاء الي ماعندهم في هالصيفيه الا الانترنت... فتجدهم يتسابقون على الرد بعكس الايام الماضيه فسبحان مغير الاحوال:p :p ...!!!

تحياتي ..........وسعدت كثيراً بعودك التي ارجو ان تستمر... اخوك.....((( الحر)))...!!!

[ابو شكاع]

هلا ابو سليمان

هلا هلا

شف وانا اخوك

تراي هالحين ارد عليك وانا عاضن شليلي ...........

الموتر للحين ما بردت مكينته شاحطة لمسافتن طيبة وتوي داخلن البيت

وتعرف عاد الواحد يوله على بزارينه ووده يشوفهم ........

لكن قلت نستحيل قصدي مستحيل اني اقرأ هالموضوع لحفرلوجيا ولا ارد

رد مهوب بمقامك اخيي ولكن عاد جيت ارحب بك

واقول ,,,,,,,,, هما الناس اللي مثلك ........ينحبون ويصير عند القارئ رغبة انه يقابله شخصيا ......لذلك توقع مثل هالرسايل الله يسلمك

شكرا لك

ولاهنت

[خشم الحصان]

الاخ الغالي
ابو سليمان
حفرلوجيا
السلام عليكم
حياك الله يابعدهم وش دعوا يالحبيب ورنا قمنا نتهايق طله ثم غيبه ترا والله يابوسليمان لك حشمه ومقدار والله يعلم ذالك وترنا مشتقين يابعدهم متي الله ينهي اشغالك وتركد في هالمنتدي وتوني ادري ان الادمان علي مقالات حفرلوجيا مهيب زينه اذا تاخذ مقال واحد تدمن علي طول ولو تمر من جنبه ياخيي انت ريض او الدعوا ريضه مهيب مشكله هم نصبر
بيني وبينك مقالك فيه ونه في الكرونه ولا وش يخليك تتصل عليه مدامك ماتعرفه او شفاحه تبي تعرف منهو
صدق يابو سليمان بليس جاني وقال ان ابو سليمان يقصدك قلت افا يالله الخيره بس يوم قلت انه اتصل عليك قلت الحمد الله مهوب انا حسبي الله عليك يابليس بغية تخرب محبة حفرلوجيا الله يغفرله
انا عندي جيب شراع 82 مهوب همر وهاذا الي طمنن
بس ماش نهاية مقالك فيه ونه في الكرونه وحس ابها عندي في الغماره ابوقف وطل تحت الموتر اتكد لايها تنطلق علي وشيك علي الصوت هو في موتري ولا لالالا
عموم ياخيي رجوعك وطلك يابعدهم عندي انا خاصه تسوي المقال والله يغفرلك ويرفع من قدرك يابعدهم
اخوك
النشبه سابقآ
خشم الحصان

[صفوان]

الأخ محبوب الجميع/ حفرلوجيا حفظه الله ورعاه

السلام عليكم ورحمة الله وبركاته

والحمدلله على السلامة.. وفي الحقيقة فقدتك ولكن لم يحضر في البال انه "انقفوك":D آسف أقصد انقلوك الى مكان عمل ثاني!
المعلومة وصلت متأخر.. حيث اني ما خطر على بالي خلال الفترة إنك غير موجود بسبب ملاحظة افتقاد كثير من الأعضاء والمشرفين أيضاً "يعني ما يبينون إلا قليل" قلت يمكن انت مثلهم.
وملاحظة الأخ/ الحر في محلها وفي الصميم "جزاه الله خير"
ولكن بعد التحري نما إلى علمي انك ما عندك انترنت:(

على العموم نص كلامك ما ادري وش تبي تقول فيه "ملخبط".. لكن أهم شيء اني شفت اطلالة اسمك مرة ثانية:good:
:j

ونسأل الله أن يفك أسرك وتعود لنا سالم بحفظ الله وعونه

أخوك
صفوان

[حفرلوجيا]

أخوي راعي الطويلة : شكرا , ماتحب إلا اللي يحبك , ونفس المشاعر ودي أقابلك .. لكن تعال , أخبرك الربيع الماضي متورط وين تكشت بعيالك بجده ,, هاه .. عسى لقيت مكان مكشات مناسب:(

أخوي شقردي : شكرا , ردك يوحش لأول وهلة , لكنك واحشني ياريس.

أخوي أبو هنا القطامي : شكرا , لكن خلنا من الموضوع برمته , مثلك يوسع الصدر , فلم يمض على تسجيلك سوى أشهر معدودة , وتبارك الله شعلة , تصدق إني أتحري وقت الصيد والربيع على شان أشوف اللي مثلك كيف يبدع أكثر وأكثر :good:.

أخوي المسفهل : شكرا , الغيبة بسبب ظروف عملية , ونجتمع إن شاء الله على مايحب ويرضى.

أخوي نهار : شكرا , عاد فيه مكشاتي ما هو متعصب ؟! إذا كان التعصب يقصد به الاهتمام بما يفيد المنتدى كل على قدر استطاعته وفقا لما وضعه القائمون على أمره والمحبون له . فسجلني معك متعصب . وثقتك اعتز بها , إلا وش أخبار الشاص اللي شمعاته قرص القروم ؟ عساك ما بعته ؟

أخوي السمح : شكرا , وعسى الله يخلي لنا المنتدى واللي ( يقوده ) بمهارة ;).

[حفرلوجيا]

اخوي عاشق الصفارى : شكرا , وأنت سالم ؟ والغنايم عندك , أما الغيبة .. فالدنيا ما تخلي مستريح عسى الله يحسن الخاتمة .

اخوي صقر : شكرا , نعم الله يجيب الأفكار المكشاتية من منابعها :good:..
الغريب وبحكم أني من الطبقة الكادحة اللي هم الأعضاء , اللي بعضنا يحس بعض المرات إن بعض المشرفين جالسين بعض المرات على كنبات , وأنحن على كراسي مدرسة .. لكني أشوفك واحد جالس على كرسي لاهو من ذولي ولا ذوليك , وأتخيل حول الكرسي أربع طاولات كلها مليانه اوراق , وشغل , إلا أسألك صقر , هذا يوزر لواحد وإلا لفريق عمل :good:.

اخوي مهيلان : شكرا , الله يحفظك .. إن شاء الله مافيه مشكل , لكن فيه مهيلان ونفر ثاني في مكشات مافيه خوف.

أخوي الجيب الربع : شكرا , ويحييك ربي .

أخوي صفوان : شكرا , الله لايجيب النقف واللي ينقفون .. وإذا كلامي ملخبط ,, الله يفك أسر أفكاري وأعود غير ملخبط. . اسعدني ردك ياغالي .

[حفرلوجيا]

ياملحكم
أخوي الحر , ابو شكاع , خشم الحصان , : أشكركم جميعا , ولانجحد إنكم بمثابة الشمعات المضيئة في درب الأعضاء ومكشات ,, لكن تعالوا ,,
يعني إننا صافين ردودهم وراء بعض.. اللحين فهموني ليش صفيتوهن ,,

هالحركة الديمقراطية اللي هي ( عضو مجلس مكشات ) ياخوفتي إنكم قلبتوها جلسات ومشراق عند خشم الحصان , على بالكم تمارسون العملية الديمقراطية.. بس تلهفون القروش من القيادة العليا ومخليننا يالأعضاء بالهاوي .

شف يالحر أنت راعي حنشان وديبان.. لذلك نبي نفوت :cool: خصوصا وإنك تثني على أخوك وتضرب تحت الحزام على بعض الناس .. شكلهم هم اللي يبي يسقطونك في الدورة الإنتخابية القادمة .. لأنك تكشف عن مهارات سياسية غير مرغوبة.

أما أنت يابو شكاع , فالظاهر انك أخذتها سمردحة وسعة صدر , والدليل إنك تقول عاض شليلك وداخل على وغدانك الله يحفظهم .. ليا ( بريء ) .. اللي يدخل على وغدانه يكون معه حلقوم أو حنبل أو سبلوه .. لكن يعض شليله وهو داخل البيت.. هذي يبي لها تفكير:) ;).. انتبه للمجلس :mad:

أما أنت ياخشمهم , غلاك عندنا مايشفع لك , ابصير معك جد وناشف هالمرة.. ومادام الدعوى ديمقراطية .. خذ ,,
اللي بقيادة المنتدى العليا هاكين عليك ,, شايفينك شايبنا ومحبوب بهالمنتدى وحاطينك شايب للمجلس حقهم ,, ويبي يمررون علينا اللي يبون ,, لأنهم دارين ان غلاك منسينا كلش .. وهذا اتهام وليس طعن بالمجلس :D, وسيتحقق هذا الإتهام مالم تطل علينا خلال مدة أقصاها اسبوع .. بمشراق جديد بنمط خشم الحصان ولكن بعد المجلس .. عن كشتات الجيران منول .:p

[ميراج]

السلام عليكم ورحمة الله وبركاته

يا مرحبا ويا مسهلا اسفرت ونورت

ياحافظ يا عقيل الله الحمد لله على السلامه يابو سليمان

لو سمحت لاعاد تغيب ترى هذى أخر مره

[القناص]

يااسطورة المنتدى يا حفرولوجيا يا ذا الحظوة والرفعة لا تطل غياباً فنزداد اشتياقاً

[محبوب الجميع]

الاخ الغالي ابو سليمان حفرلوجيا الحمد لله على السلامه كم تشوقنا لمشاركاتك نرجو عدم تركنا مرة اخرى كل الشكر والتقدير لك

[الطبيب]

حتى هنود حراج السيديات ؟؟؟؟ :)

اكيد انك جلست تسولف مع الهندي وخليته يغير اتجاهه الى مؤذن بمسجد بعد ما سويتله جلسه لحس مخ مكثف

واتخيله قام يصيح ويبكي بحرقه ويقول (( انا ايس فيه سوي تول هدا وقت ........ انا نفر مافيه كويس ........ انا في سوي واجد خراب هذا سباب ..... ))

والظاهر انه اختار (( التخصص )) الصحيح والسليم ;)

وعلى طاري التخصص ما تشوف ان المنتدى يحافظ بقوه على تخصصه بالكشتات والامور البريه حتى بالصيف :)

الامر اللي حيرني بالموضوع

هو خويك هذا

الظاهر انه من النوع اللي يعطي الهنود فلوس علشان يكلم من جوالاتهم :)

وعلى العموم

ما الومه مثلك يغلى >> ما هو ينغلي :)

وتراك قمت تبطي علينا بالمواضيع يا ابو سليمان

فلا تقطع بنا الله يجزاك خير

هذا والله اعلم

والسلام ختام

[حد السيف]

السلام عليكم ورحمة الله وبركاته
الحمد لله على السلامة
ابو سليمان
معقولة بين كل طلة وطلة اشهر :mad: :mad: :confused:
ذكرتني بواحد انشقت خيمتة وداها لملحم اكسجين قلة رفيق خيطها
قالة الرفيق بعدين حراق صديق
قال ليش فاتح اجل
قالة بابا انا فية لحام اكسجين بابا مافية شغل ثاني
بابا فية مكان ثاني هذا نفر شغل مال خيمة وخيمة بس مافية شغل ثاني :good2::good2:
واذا يجي هنا سيم سيم هذا شغل انا مافية مسول بابا

ابو سليمان غيبتك معذورة بس بها الطول ماتوقعناها
الله يردك لمكانك
واحلى مثل سمعتة اليوم
جابر عثرات الكرام

محبك اخيك
ابوسليمان
حد السيف

[عروان]

مرحبا والله يا بوسليمان و بالربع كلهم

صراحة أستغرب يكون في المنتدى عضو فعال مثل خويك هذا اللي ماله بالبر و المكاشيت و مشترك في منتدى متخصص بالكشتات!!!! هذا أكيد مشترك جديد؟

ولكن ما أعتقد أنهم كثار اذا ما أقتصر على خويك فقط.


لأن اللي ماهو من أهل الكشتات بيمل من المنتدى و بيطلع بعد مدة قصيرة من أشتراكة. مثل غيرة اللي يمرون علينا ثم يغيبون.


لكن الشكر لخويك هذا اللي خلا ك تمر علينا بموضوع بعد غيبة.


الله يحفظ الجميع

[المربد]

مهندس الكلمة المكشاتية،،،
الف شكر للعضو اللي خلاك تطل علينا بعد هالغـيـبـة الطويلة.
واما التخصص فالاخوان المشرفين منتبهين لسر نجاح المنتدى وحريصين عليه جزاهم الله خير،
الف شكر على مرورك رغم انشغالاتك، وآمل ان تعاود علينا ولو بالشهر مرة،
رجاء !!!
قل تم...!!

[المترو]

تو ما اسفرت وانورت يا ابو سليمان يا اديب مكشات
وبعدين كل هذا سبات قيظي مع العلم ان الجميع من الاعضاء المبدعين بمكشات ومشرفينهم في حالة سبات قيظي الله يصبرنا على هالجلسه بالبيوت الى الوسميات المهم مرحبتين ومسهلا يا ابو سليمان

وبعدين كأني سمعت ان عملك خارج الرياض هالايام منتدب بالصيف للربع الخالي يوم يقولون ما عندك انترنت لانه هو الموقع الوحيد اللي يمكن ما فيه انترنت
تعةد سالم غانم

وسلامتكم جميعا

[حفرلوجيا]

العزيز الريس ميراج : سمعا وطاعة يابو طارق , بس مشكلتي الوظيفة والعمل مقفلين علي ,, ولو تهيأ( بويب ) ;) نتنفس من خلاله ,, فأبشر ,, وما أقول إلا ..الله يخلي لك القرم طارق .

أخوي القناص : يقولون اخواننا العراقين في لهجتم الجميلة الله يجمل حالهم ووضعهم : واش ياواش .. ابشر بس ترفق باخوك.

أخوي محبوب الجميع : عاد أحد يقدر يرفض أوامر محبوب الجميع .. تصدق لحقت خطأ مطبعي في آخر لحظة وهو أني كتبت ( محبوب الجميح ) .. عسى ( الجميح ) :D يصرف لك ( بدل مواصلات ) أو سوبر ملكي ,,

أخوي الطبيب : مافيه خلاف على أن المنتدى قائم ويحافظ على التخصص , لكن اللي يحيد عن ذلك لايزعل إذا اعترض له طبيب أو مثله يعالج وضعه.:good:

أخوي أبو سليمان : هلا بحد السيف البيئي ,, وأنا أخبر لك واحد قال لربعه جايب لكم شاهي أخضر مايحتاج انك تلقمه بكل مرة .. أنت بس صب ماء وتسلك الأمور :(,, وبآخر الليل قالهم ترى ( تول الشاهي ) علاج للي يبي يسري ومامعه حبة فياقرا ,, والبريق اللي سوى به الشاهي يقول تحط به ماء وتشربه ويكون علاج للشهاقة .. هذا صار شاهي ( اهل بسم الله ) ,, أحللات هالشاهي نخلي اللي يجيب مواضيع غير مكشاتية ( يقحن ) منه كود يتعالج.:D

أخوي عروان : الصراحة كلامك لخص المسالة برمتها وكأنك طحت على التايه من الكلام ,, وأتفق معك 100% ,,

أخوي المربد : اخجلتم تواضعنا ,, وطلباتك أوامر ,, الله يفرج الأمر وتشوف من أخوك مايسرك ويرضيك وترضى عنا .

أخوي الرجال 2003 : هلا بالشاعر اللي عطانا بيتين بالربيع وتوقف ,, أنا قد أعذر بسبب الانشغال بأمر حدني على الابتعاد المؤقت عن العزيزين مثلك وشرواك ,, أما من هم في سبات قيضي فغير معذورين ,,
الله يكشف الضر عمن تحب ,, ويلبسهم ثوب الصحة والعافية.