المساعد الشخصي الرقمي

مشاهدة النسخة كاملة : وش الحل ياجماعة الخير ارجو الدخول للفائدة



الرماوي
26/06/2009, 09:37 AM
السلام عليكم ورحمة الله


ياجماعة الخير ابي الفزعة الطير عندي من يوم الربطة كان نادراً مايروبج ولان صار مايروبج وان روبج ينزل الروبجة على شكل قطع صغيرة او انه يفتح بوزه ويهز نفسه علشان تنزل الروبجة وماينزل شي قلت في نفسي يمكن لاني اعلفة علف مجمد طبعاً بعد مااذوبه تماماً صرت اعلفة حمام بالريش طبعاً انا اشكل للطير ومع ذلك مايروبج واليوم طلعت الطير البر قلت بعلفة في البر الصبح بدري وشفت الطير يبي يروبج فرحت وقلت الحمدلله وكانت النتيجة انه مثل العادة مانزل شي لكن لاحظت قطع بيضاء صغيرة جداً وكانت لزجة قلت ماراح اعلفة ولان له اكثر من 24 ساعة ماذاق شي علماً بان الطير يحرك بوزه في اغلب الاحيان مع اصدار صوت يشبة صوت الطحن تقل واحد يطحن او يكسر شي وبعد مايخلص يقوم يفرك بوزه على الوكر وينظفه مثل مايسوي بعد العلف والطير رابطة في البيت والمكيف شغال علية اغلب الوقت

وش الحل ياجماعة الطير وكري

مشبر البران
26/06/2009, 09:49 AM
يمك فتحت البرقع الرئيسية ضيقه
ادخل موضوع العضو انيسان
عنوان الموضوع:الحذر يا أخوان من البرقع

هواي داورد
26/06/2009, 09:58 AM
مثل ماقال اخوي مشبر البران

ونقع في ماء الطير ثوم معفوس لمدة ربع ساعة ثم طلعة

لان الثوم يقتل كل البكتيريا والفطريات والجراثيم ( بس لاتترك في الماء ثوم (طلعة كله بعد ربع ساعة ) )

ويمكن الطير متعود ماخذها عاده ( وأنت تعطيه لحم هبر )

بس اصبر عليه وإن شاء الله بتنحل مشكلتك

ريكو
26/06/2009, 10:18 AM
إن شاء تلقى حل

رامي التراب
26/06/2009, 10:22 AM
طيرك ياطويل العمر اذا كان مايروبج او يروبج قطع صغيرة مش كاملة متنتفة وهو لابس البرقع المشكلة من البرقع لاكن اذا كان بدون برقع عل راس الطير المشكلة بتكون في فرسة الطير بيكون (قلاع او فطريات او التهاب في الفرسة) وتقبل مروري

الروقي2
26/06/2009, 12:53 PM
عليك وانا اخوك بالجرذي الصغير وفار البر الصغير تنفض لك الطير من ناحيت الريش ومن ناحية باطنية الطير ومعلفته ----

العسافي
26/06/2009, 01:17 PM
إن شاء الله تلقى حل
والاخوان مايقصروم

البراء آل عثمان
26/06/2009, 01:30 PM
السلام عليكم ورحمة الله وبركاته
أمسيت بالخير أخوي والصحه والسلامه
أخوي عندي عدة أسألة ابي تتأكد منها
المادة البيضاء دلالة على إن الطير فيه قلاع داخي
كيف تتأكد
1-تفك فم الطير وتشوف هل فيه حوالينه شي.
2-تشم فم الطير وإذا كان الطير ريحة عفنه زيادة عن العادي فحط ببالك إنه قلاع وهو أغلب الضن وهذا الشي إلي أسويه عندي بالعيادة

لكن عندك نقطه لا تنساها
هل فعلا متأكد إن الطير ياكل الحمامه بالريش وتشوفه وهو يبلع الريش والأرجل الراس
لإن أحيان ما ياكل الطير إلا كم ريشه وهذي لا تأدي غرض الرباجه
وحاول إنك تحط له حصى صغير عنده بالمقيض فهو مهم

تقبل تحيات أخوك
البراء محمد ال عثمان

قمر القصب
26/06/2009, 01:58 PM
الاخوان ماقصروا

والله يكون في عونك

عاهد بن علي
26/06/2009, 02:02 PM
الله يبارك فيه ويشفيه

صقرالحروب
26/06/2009, 04:29 PM
الله يشفيه لك

saif2009
26/06/2009, 07:23 PM
الحالة التي ذكرتها مرت على واحد من طيوري (شاهين جبلية) رحت فيها عيادة الصقور سوى لها الدكتور منظار للفرسه طلع معها التهاب شديد واخذت كروس علاج لمدة اسبوع كامل وطابت الحمدلله ... انصحك لا تتأخر اعرضها على بيطري صقور .

عشير المداغيش
28/06/2009, 12:27 AM
الله يشفيه لك