لاهنتو اقرب مكان لصيد السمك من راس تنوره [الأرشيف]

مشاهدة النسخة كاملة : لاهنتو اقرب مكان لصيد السمك من راس تنوره

الطنب

28/06/2009, 07:46 PM

السلام عليكم ورحمة الله وبركاته
ارجو منكم ارشادى الى مكان قريب من رحيمه يوجد فيه سمك للصيد
الاسلحه سناره وخيط
اماكن مصرح بها لاتحتاج اذن ولا عين
شاكرا لكم

ميتو أبو نقطة

28/06/2009, 11:47 PM

انا من الغربية مالي علم بالشرقية :)

إن شا الله تحصل أحد من الشباب يدلك على مكان لخوض الحرب السمكية :d

الشمطري

29/06/2009, 12:44 AM

ان شاء الله ما يقصرون معك اهل الشرقيــــة

بس اصبر شوي وابشر بالخير اذا حضروا

اتمنى لك التوفيق برحلتك

عاشق الشعري

29/06/2009, 01:15 AM

الجعيمه ممتازه وفيها خير بجنب القصر او بجنب حرس الحدود في سبيطيات وشعريات وحتى الكنعد موجود بس في موسمه واي خدمه تحت امرك

الطنب

29/06/2009, 11:27 AM

بارك الله فيكم جميعا
عندى سؤال لعدم خبرتى فى هذا النوع من الصيد
مته افضل وقت للصيد عند سقى البحر او الثبر
ومن لديه معلومات دقيقه اوقات السقى فى الجعيمه مع التواريخ اكون شاكر جدا وهل الطعم الخثاق او الحبار هو المفضل للسمك او المصران او اى نوع اخر

بو اليازية

29/06/2009, 12:35 PM

عاشق الشعري

29/06/2009, 12:41 PM

بالنسبه لأفضل وقت للصيد من وجهة نظري بداية المد وبداية الثبر وبالنسبه للسقي والله ما ادري لأن لي فتره ما طلعت البحر والا كان دليتك وبالنسبه للطعم الخثاق جيد ولكن التنويع افضل عندك الميد والمنشوس ولك تحياتي

الطنب

29/06/2009, 03:13 PM

بو البازيه بارك الله فيك عاشق الشعري ماقصرت بس وشو( المنشوس)
يمكن اكون اعرفه بلغه ثانيه

عاشق الشعري

29/06/2009, 03:37 PM

والله ما اعرف الا هالاسم وشكله قريب من الميد بس من فوق يجي لونه قريب للاصفر وشفاف نوعا ما وللتوضيح سوف ارفق لك صورة سرب المنشوس من موضوع اخوي الغالي الشمطري صور احترافيه وبعد اذنك يا ابو عبدالعزيزhttp://i672.photobucket.com/albums/vv81/shematry/seapics/shematry35.gif

النوخذة الأحسائي

29/06/2009, 03:57 PM

ماشاء الله عليك يا بوجود وافي الله لا يحرمك الأجر ..

الجعيمة المبيت فيها وش رايك فيه .. .. وهل لا بد من أخذ تصريح من الخفر ..

وحبيبنا الطنب عندك منيفة إن كانك بتبعد شوي ..

الطنب

29/06/2009, 04:08 PM

عاشق الشعري جزاك الله خير ماقصرت ابدا وشكلى عرفت المنشوس
الحساوى شكرا لك منيفه كم تبعد من راس تنوره او كما يحلو لاهلها تسميتها رحيمه الله يرحمنا برحمته وهل تحتاج تصريح

النوخذة الأحسائي

29/06/2009, 04:13 PM

منيفة أظنها تبعد عن الدمام حول ال200 كيلو ..

والتصريح عادي تروح لخفر السواحل وتاخذ التصريح بكل سهولة .. ولازم هالتصريح ومع ذلك الخفر الله يهيهم بعضهم راح يغثّ ك والله

الطنب

29/06/2009, 05:09 PM

عاشق الشعري

30/06/2009, 02:15 AM

ماشاء الله عليك يا بوجود وافي الله لا يحرمك الأجر ..

الجعيمة المبيت فيها وش رايك فيه .. .. وهل لا بد من أخذ تصريح من الخفر ..

وحبيبنا الطنب عندك منيفة إن كانك بتبعد شوي ..

هلا وغلا حيا الله ابو فهد بالنسبه للمبيت ان كان بتاخذ معك خيمه صغيره رائع وانا رحت وجلست هناك 48 ساعه ولا طلعت بشي ومره جلست 6 ساعات وطلعت سبيطيات وشعريات احجام رائعه وعادي ما يبي لها تصريح وبحر نظيف يجيب العافيه وعلى فكره ويش اخبار الآبو بصراحه

عاشق الشعري

30/06/2009, 02:25 AM

شكرا لك منيفه بعيده نحتاج طلعات يوميه قريبه لكى نعود الى البيت
عندى سؤال اخر هل لون الخيط مؤثر للسمك وهل الرقم المستخدم للسناره اهميه فى الصيد يعنى كم الافضل رقم 12 او 11 او 10 او غيرها او مالها اهميه

بالنسبه للون الخيط يكون له سبب في الاعماق الكبيره وانت تصيد من السيف ما اتوقع يكون مؤثر وهذا حسب وجهة نظري وبالنسبه للميادير اكيد لها اهميه يعني الصغير علشان السمك الصغير وبعض الاسماك اللي يكون فمها صغير وبالنسبه للسبيطي والشعري واي نوع اخر أنا بصراحه استخدم ميدار مقاس 04 أو 05 نرويجي وفعال وقوي جدا ومطلع فيه كنعد من الاحجام ال XXL ومطلع فيه سبيطيات وشعريات انواع واشكال موجوده في مكشات

النوخذة الأحسائي

30/06/2009, 11:28 AM

ماشاء الله عليك يا بو جود . . .

والآبو إلى الآن كاااااااايفه ماشاء الله .. وعقبال ما نطلع فيها الشي اللي يحبه قلبك يا كريم ..

فتى البحار

01/07/2009, 12:10 AM

السلام عليكم ورحمة الله وبركاته

كيف الحال ؟؟؟

ممكن تدلوني على احسن مكان جلب(على الشواطئ) في ينبع الصناعيه وبالتحديد الهيئه الملكيه

وشكراًًًًًًًًَ

عاشق الشعري

01/07/2009, 05:50 PM

ماشاء الله عليك يا بو جود . . .

والآبو إلى الآن كاااااااايفه ماشاء الله .. وعقبال ما نطلع فيها الشي اللي يحبه قلبك يا كريم ..

الله يطعمك من خيرها ان شاء الله واذا طلع معك شي على الابو لا تنساني من نصيبي حق الدلاله:j :D امزح وبالتوفيق بإذن الله

عاشق الشعري

01/07/2009, 05:54 PM

السلام عليكم ورحمة الله وبركاته

كيف الحال ؟؟؟

ممكن تدلوني على احسن مكان جلب(على الشواطئ) في ينبع الصناعيه وبالتحديد الهيئه الملكيه

وشكراًًًًًًًًَ

وعليكم السلام ورحمة الله وبركاته
بالنسبه انا والله في الدمام وكان ودي افيدك ولكن عندي لك طريقه افضل للإستفسار وهي انك تنزل موضوع تسأل فيه اهل الغربيه وبيدلونك ان شاء الله ولك تحياتي ابو جود

الطنب

07/07/2009, 05:05 PM

الجعيمه ممتازه وفيها خير بجنب القصر او بجنب حرس الحدود في سبيطيات وشعريات وحتى الكنعد موجود بس في موسمه واي خدمه تحت امرك
فى الامس ذهبت الى المكان القريب من حرس الحدود ورفضو ان اصيد فى الليل هل فيه اماكن اخرى

عاشق الشعري

08/07/2009, 03:39 AM

فى الامس ذهبت الى المكان القريب من حرس الحدود ورفضو ان اصيد فى الليل هل فيه اماكن اخرى

انا ارسلك ردي هذا وانا في نفس الموقع وبالعكس ما رفضو ولا شي بس انت شكلك تبي تصيد عندهم بالضبط وانا اقول لك في سور على يمين حرس الحدود خلك عنده او على يساره بشوي ومافي احد بيكلمك

الطنب

08/07/2009, 08:08 AM

انا ارسلك ردي هذا وانا في نفس الموقع وبالعكس ما رفضو ولا شي بس انت شكلك تبي تصيد عندهم بالضبط وانا اقول لك في سور على يمين حرس الحدود خلك عنده او على يساره بشوي ومافي احد بيكلمك
اشكرك اخى انا اتكلم عن حرس الحدود لمركز صفوى على طريق الدمام المكان اللى تقول ممكن توصفه زين شاكرا لك

الطواشالاول

27/09/2009, 12:13 PM

احسن مقاس للشنكار (الميدار)10 و9 ويفضل نوع الستيل او ما يسمى ابو صده ويفضل لون الخيط رمادي