استفسار ياوجيه الخير

[الرحال 33]

السلام عليكم ورحمه الله وبركاته


تحيه طيبه لاعضاء المنتداء المتالق


اخواني الافاضل


لدي سؤال



عندي طير شمالي جرودي وانا معلمه علي يدي علي دجاجه وخرب والطير راكد وطلاع


ويلعب علي الملواح ويرغب الحمام والطير مشالله مافيه لاصيحه ولاتكويشه ولا ينقل العلف


وبعت الطير بمبلق بسيط


وبنفس اليوم الي بعت الطير فيه



انعرضلي طير شمالي ارقط ثنو اخلوي ينقل من المربط السنه هاذي قرناس 3


الطير طوله 17 * 17 ونص الطير فيه ضخامه شويه يهد ووزنه 1300
الطير معلم علي وحده ويرقب الحمام يلعب علي الملواح 130 ويمكن زياده علي كلام راعيه طبعن
والمقصد انه الطير صامل الطير يرغب الحمام البط الدجاج الحبشي لكن الطير مافيه ركاده لانه خلوي
يكفخ مرات حت وانت ناقله علي يدك


وهل المكافخ مع الايام يهداء ويركد الطير ولا راح تكون فيه عاده لان يالربع الطير اخر الموسم الي طاف انطرح
ثنو خلوي وحش وراعيه صقره وعلمه علي حباره والمداوس وربطه وناقصته الركاده
يعني انا اذا شريته بيطلع الطير شبه وحش او يمكن وحش بعد


ابي رايكم بالطير وابيكم تقارنون بين طيري الاول والطير هاذا واي الافضل برايكم


ويعطيكم العافيه ومشكورين مقدمه

[صقار الأسياح]

الأول ليش تبيعه مادام هذي علومه والثتاني اذا كان مطروح ثنو قليل يركد إلا اذا طاح بصقار ماهر ولا هنت وفيه عدة طرق لتركيد الطير

[U.A.E]

افا عليك اسمع مني وانا خوك اول ما يطلع الطير من المقيض سالم ان شالله خله دايم على ايدك وعليك بالسهر لا تخليه يذوق الراحه وكل ما تروح مكان خذه معاك حتى بالسياره عشر ايام بالكثير لاكن اهم شي انك اتسهره وخذ كلام مظمون بذن الله جرب وشوف

[حمد من قطر]

اخوي عطاك Uae
الجواب والحل

[حمد العذبي]

افا عليك اسمع مني وانا خوك اول ما يطلع الطير من المقيض سالم ان شالله خله دايم على ايدك وعليك بالسهر لا تخليه يذوق الراحه وكل ما تروح مكان خذه معاك حتى بالسياره عشر ايام بالكثير لاكن اهم شي انك اتسهره وخذ كلام مظمون بذن الله جرب وشوف

انا اشهد انك صقار

اخوي اسمع كلام UAE
وتشوف مايرضيك بس انتبه على الطير من الملوع

[الرحال 33]

بيض الله وجيهكم
ياربع