للعارفين عن حقل أسألكم

[slman]

السلام عليكم نوينا نزور الشمال الغربي
حبيت أسأل عن الأماكن السياحية في حقل
وأحسن الشاليهات فيها بارك الله فيكم

[صيد الخاطر 1]

وعليكم السلام ورحمة الله وبركاته

موفق بالأختيار

طبعاّ حقل ميزتها أن الجو رائع والبحر جداً! خيال مــع المرتفعات الجبلية جيت يمها في وقت صيف وكان الجو بارد فيها

والشاليهات كثيرة هناكـ وبالنسبة للأماكن السياحة فيها الكرنيش (( الواجة البحرية )) رووووعهـ

وأذا كنت بتروح بالسيارة أنتبه للخط قبل حقل 200 كيلو تقريبا! سايد واحد ومنعطفات جبلية

وفيه حول حقل أماكن حلوة مثل قيال ووادي طيب أسم(( بس لازم تسجل أسمك عند حرس الحدود إذا نويت تروح لطيب أسم )) , شرمة , شيخ حميد على ما أظن أسمه كذا ناسيه رايح له قبل سنة تقريباً

بالتوفيق أخوي

وبالتوفيق أخوي

[أبن الجنوب]

أولا حياك الله عندنا في تبوك بالنسبه لحقل الشاليهات درجات فيها القديم والجديد القديم منها اسعارها قبل العطله 150 غرفتين ودورة مياه ومطبخ بس عادة ماتكون نظيفه ايام العطلات بـ250 فيه جديد منهامن 400الى 900 ويمكن اكثر عموما فيه منتجع جديد وعباره عن شاليه دورين في منطقة ام عنم نظيفه وممتازه نسيت اسمها اظن هوليدي وفيه منتجع بيتا وكلهم اسعار شويه غاليه لكن تستاهل من حيث النظافه وان تبي شقق بس ماهي على البحر من 150 وانت طالع عموما رحله موفقه وانا في خدمتك

[فارس الوايلي]

يا رجال حقل عيبها اسعار الشاليهات بالصيف والله اغلى من شرم الشيخ والغردقه
ما ادري ليه كرهونا بحقل وين هيئة السياحه عنهم اسعار ما صارت
بس اذا انت هامور رح لها يكفيك الجو الرائع

[slman]

مشكورين اخواني صيد الخاطر1 وابن الجنوب على سرعة التجاوب
وعزالله انكم كفيتو ووفيتو عن الجميع

[slman]

اخوي فارس الوايلي
مشكور على مرورك
وبالنسبة عن غلا الأسعار في السكن
لا شك انها من اكبر معوقات السياحة الداخلية