ماهو البيت الذي تسمعه من كبار السن ينقلونه من شعراء قبل وقتهم او في وقتهم

[فهد الهلالي]

اخواني الاعزاء الكرام
السلام عليكم ورحمه الله وبركاته
انتم تعلمون بان القصايد القديمه دايم ماتحكي عن الواقع ولكن ليس كلها مدون في كتب ودواوين يمكن فيه بيت قديم يحفظه الوالد او جدك المهم على بيت واحد ولايعلمون عن بقيه القصيده
وبهذه المناسبه
احب ان نطرح فكرة ماهو البيت اللذي بردده جدك او عمك او ابوك او حتى تسمعه من شخص كبير في السن
من اقاربك وتحتفظ فيه
ياليت تقدر تنزله على هذه الصفحه وياليت يكون قديم حتى نستمتع بالقصيد القديم حتى ولو كان بيت واحد
امل التواجد والتجاوب لجل المعرفه للقصايد القديمه
بارك الله فيكم ودامت لياليكم بالمسرات

[يوسف 206]

السلام عيكم
هذي اول مشاركه لي بالخيمه تقريباً واشكر المشرف على طرح هذه الفكره
ابيات شعريه حلوه سمعت عدة اشخاص كبار سن يرددونها وهي
سقى صوب الحيا مزن تهاما
على قبر بتلعات الحجازي
يعط بها البختري والخزاما
وترتع فيه طفلات الجوازي
وغنى راعبيات الجماما
على ذيك المشاريف الجوازي
للشاعر بن لعبون

[جرير]

سلمت ياشيخنا
الوالد الله يحفظه
دائما يردد هالبيت من قصيدة الاحمدي ,,
الله نشد ياحمود عن معرفة يوم ......وحنا ثمان سنين ياحمود جيران
وايضا.
الحمره تدرك معوشة عياله .......ولا الرجل يبغى منه بعض الاحوال
وايضا.
ترى الخوي والضيف والثالث الجار .....مثل العمل مابين فرض وسنه
.....
دمت بخير
واستاذنك غيبة سياحية لا اوصيك :D

[أبو إبراهيم !!]

وهذه ابيات شعر قديمه جدأ
كان احد الشيبان يجلس مجلس ما بعد العصر مع مجموعات شيبان قهوة العصرية
وكان دائما ما يشكي همه لأصدقائه الشيبان وهمه لهم وكان غير راضي على عياله وكانو عاقين
في تالي عمره وكان يردد ها الأبيات هاذي يحسس الجالسين بمعاناته وهي ابيات لشاعر قديم



العود يوم إنه يجيب العيالي .......... يبي في تالي العمر لذه و طربات

[اللاندكروز]

السلام عليكم ورحمه الله وبركاته
هي القصيدة كنت اسمعها من اهلنا الكبار يرددونها
:director: :director: :director:

قالوا تعزوى قلت ربعي هالصيت
مطير حمران النواظر عزايا
ببريه وعبدالله وعلوه تعزويت
قوم لهم فالمجد افعول وحكايا
خويهم لا صاح دوم تصاويت
وعدوهم تحميه سود المنايا

زود الحميه عندهم...." الحي يسلم وميتنا له الجنه ".

[مخيل الخيال]

نعد الليالي والليالي تعدنا ونفنا وهن يصبحن جداد
يبيد الفتا مابين يوم وليله يبيد الفتى مايحسب انه باد

[ضاري خان]

تيس يحطه وال الاقدار بيديك** انفع من الشمشول بيد الرفاقه

[سوبر152]

يارقل احنوكي الضعيفة رقل بطناج لهنقلينن طايحاتن مساميره ولابه تاج
برد شديد ماتفرق بين الارض والصاج والا الحديد غدا عليه الثلج تقل ديباج

[فهد الهلالي]

اخواني الافاضل اشكركم على تواصلكم وامل من الجميع المشاركه
وتقبلوا تحياتي

[أبو شعلان]

موضوع جميل الله يعطيك العافيه يالشيخ مسكين


جدي رحمة الله عليه كانت هذي الابيات دايم على لسانه وخاصة وحنا سارين للبر وكان يقولها وهو يضحك :

ياهل الركايب يامضنّة عيوني
.........................ياللي على شيب الغوارب تحوفون
ياما السلامه ودنا تسلموني
..........................وإلا الفوايد واعسى ماتفيدون
|||||||||||||||||||||
...........................يزهد بنا من يدعج الكحل بعيون
لي مرقدن عند دافيات الحضوني
...........................وش لي بربعٍ تالي الليل يسرون


على ما أظن إنها للتبيناوي ... وفيه شطر ناسيه والله



لاهنت ياشيخ مسكين

أبو شعلان

[فهد الهلالي]

اشكر جميع من شاركنا
ونتطلع الى المزيد
من مساهمتكم معنا في نشر قصائد الاجداد
تقبلوا تحياتي

[عديم الوصايف]

اشكرك جدا ويشرفني طرحك البناء لحياء موروث الاجداد الذي هو كنز ثمين لايمكن تجاهله مع مرور السنين ومهما حصل اي شخص علا اعلا دراجات اللدراسه وحب اقول احنى بدو حتى لو وصلنا القمر :
يالله انا طالبك حمرا هوا بالي لاروح اللجيش طفاحن جنايبها:good: :good: :good:

[أمير الخيال]

يشرفني آن آكتب بيت لاكن مآ عندي شي

تحيآتي

[فا رس]

الشيخ مسكين الشكر الجزيل منى لك
طالما سمعت الوالده تردد
كل جديدله لذه وطرابه ----- الا جديد الموت لاعاد عيده

[جبرني وقتي]

تيس يحطه وال الاقدار بيديك** انفع من الشمشول بيد الرفاقه