عاجل/ ابشتري هالحصان عطوني فزعتكم برايكم مشكوريييين

[راكان الاول]

السلام عليكم ياشباب
معروض علي حصان مواصفاته كالتالي:
العمر 3 سنوات
اللون بني غامق وتقريبا محجل اسود
معسوف وهادي ومؤدب وراسه خفيف.
خط عربي
نفس طويل
جميل وطوله زين
ذيل حتى القدم والشعفة زينة
سلم ولافيه اي اصابات.
غير مسجل ومجهول الهوية.
ارجو تحديد السعر اللي اذا عرضته يمشي دون خساير (مليت من الخساير) مع الشكر الجزيل.
وتقبلوا اجمل تحية.
والسلام عليكم

[أبن القبلان]

اسومه 5000 وتستلم المبلغ عقب سنه

وتراي صامل وأمين ممكن قبل سنه

[مخاوي شيهانه]

الله يرزقك

[راكان الاول]

يا رجاجيل مو معقولة اكثر منم 57 متصفح ما تعرفون اسعارها وما لكم احد يقدر السعر .!!!!!!!!

عطونا الراي يالرجاجيل وانتم عجلين

ــــــــــــــــــــــــــــ
ابن القبلان
الله يجزاك خير يا اخينا نقول كم يسوا مو بكم تشتري.
الله يهدينا واياك بس.

ــــــــــــــــــــــــــــــــــــــــــــــــــ ـ
مخاوي شيهانة.
امين واياك والله يبارك فيك.

ــــــــــــــــــــــــــــــتت

[@قرناص@]

اخوي .. انا اقول ان سعره حول الـ10 الاف..

والله يوفقك

[سوالف]

الاهم صلاة الاستخاره قبل الشراء

والله يسهل أمرك

[سرحان]

السلام عليكم ورحمه الله وبركاته

اذا كان عمره ثلاث سنوات على كلامك ومعسوف وبدون اوراق0
القيمه من 3500 الى 4500 ريال 0

اخوك سرحان

[بوغيث 6363]

ياخوي أن طار طار مرره وصل 10 الف .. تحياتي لك

[سرحان]

اخوى راكان الاول

بعض ردود الشباب احس ان السعر مع احترامى للجميع مبالغ فيه 0

انا عندى حصان عمره ( 10 شهور ) امه واهو عربيه وابوه انجليزى 0

غير مسجل 0 حد 3000 ريال 0
اخوك سرحان

[سر البحر]

السلام عليكم ياشباب

معروض علي حصان مواصفاته كالتالي:
العمر 3 سنوات
اللون بني غامق وتقريبا محجل اسود
معسوف وهادي ومؤدب وراسه خفيف.
خط عربي
نفس طويل
جميل وطوله زين
ذيل حتى القدم والشعفة زينة
سلم ولافيه اي اصابات.
غير مسجل ومجهول الهوية.
ارجو تحديد السعر اللي اذا عرضته يمشي دون خساير (مليت من الخساير) مع الشكر الجزيل.
وتقبلوا اجمل تحية.

والسلام عليكم



مساء الخير ... اخوي

ودي اقولك نصيحة خبره وبأمانه ..

1- معه اوراق ومسجل النسب في ديراب ... هذا خط عربي .. أما مافي اوراق و ( مجهول النسب ) .. معناها لا يزيد عن 7000 ريال لو كان ينطق ويرقص.

2- عمره 3 سنوات يعني عز عز الشباب والوانه حلوه وذيله يزحف حلو -
وش هو فحل والا خصي أسأل (لو فحل اتركه ) بيقلب عدواني لا كبر لو خصي برضو أسأل هل هو حصان قفز والا تحمل .. لأن هالنوعيه بدون شهادات ما تدخل سبق لز .

3- انصحك لا تورط بحصان ذكر .. الفرس سهل تنباع اما الحصان لو ماله سنع نشبه .

4- لو تحط صورته علمتك عيوبه ومحاسنه ... والطول والحوافر ونصبة الكاحل ومدة الرقبه
وشكل الصبحه ... تبين معدنه وقيمته .

تقبل مرووري

[الطير]

اخوي راكان
طلبت النصيحه والراي وابشر بها
بس ياليت ترسل صورته على جوالي واتصل بي وابشر بعزك من شخص يبيع ويشتر في الخيل .
ابو راكان 0555121264

[راكان الاول]

قرناص
سوالف
الله يبارك فيكم يجزاكم عني خير.

[راكان الاول]

اخوي ابو غيث شاكر جدا على تقديرك.

اخي سرحان حيرتني انت ملزم انه ب4500 وقرناص وابوغيث يقولون 10.!!!

زادت حيرتي...........
%&#$@$#%&**&&&%$% (%&#$@$#%&**&&&%$%)
&^&$#^^^#
574$%5$%#^لأٌُإلأاثلقلألاٌُللا

عدم المؤاخذه هذا ^ مخي بدا يضرب بس تماكنته.

[راكان الاول]

اخوي الصرع والله انك كفو يالذيب كلامك يدل على متابعة قوية وخلفية جيدة وانا والله ما ابي الا فرس لكن هذا جاء بالصدفة وراعيه مهتم فيه ويمدحه وحاده علي ب7000 وابحاول قدر ما اقدر اجيب صورته.
ــــــــــــــ

الطير والعلم يجبه الطير ابرسل صورته اول ما تجيني على الجوال واشكر لك الاهتمام.

ولللعلم والاحاطة اللي عند فرس مثل مواصفات الحصان هذا تراي شررراي ويفضل اللون الابيض الناهي.

تشكراتي للجميع،،،
راكان الاول

[Bds]

السلام عليكم ياشباب

معروض علي حصان مواصفاته كالتالي:
العمر 3 سنوات
اللون بني غامق وتقريبا محجل اسود
معسوف وهادي ومؤدب وراسه خفيف.
خط عربي
نفس طويل
جميل وطوله زين
ذيل حتى القدم والشعفة زينة
سلم ولافيه اي اصابات.
غير مسجل ومجهول الهوية.
ارجو تحديد السعر اللي اذا عرضته يمشي دون خساير (مليت من الخساير) مع الشكر الجزيل.
وتقبلوا اجمل تحية.

والسلام عليكم



اخوي ركان/

الله يبارك لك ويرزقك الشروه الزينه الي مافيها خساير

وان شاء الله تحصل الفرس الي تعجبك وتسر خاطرك

وبنسبة للحصان انا اسوم 5000 ريال

وارجو منك وضع جوال صاحب الحصان لتواصل معه

وهذا رقم جوالي 0553345051