المريعي
01/07/2009, 03:04 AM
أشهر نقطة ذيك الأيام ) أبرق الكبريت ( على الحدود بين السعودية والكويت .... تعيـّن في ذيك النقطة عبد وكلنا عبيد لله إسمه ( سعيد بن ودمان ) وهو اللي وقف للمهربين وقدر يخفف من تهريب التتن للسعوديه حتى سمحت به الحكومه http://www.dowamynet.com/vb/images/smilies/smile.gif لكن الشي اللي حفظه التاريخ هو ( أدب التهريب ) http://www.dowamynet.com/vb/images/smilies/smile.gif جرت مساجلات شعريه كثيره وعديده بين ابن ودمان وبين المهربين ... وعلى اللي كان بينهم من رمي بالبنادق وهوايش لكن كانوا رجال يقدرون بعضهم ومثل ما قال ابن ودمان عنهم ( ونعم الله ربي وربهم ) http://www.dowamynet.com/vb/images/smilies/smile.gif وبأعطيكم القصايد اللي تم حفظها وجرت ذيك الأيام وكل الأسماء الموجودة حقيقية ومعروفة والقليل منهم لا زال حي مثل ابن ودمان حارس الحدود الشهير
المهم أول ما تعين ابن ودمان كتب قصيده وحطها بدرج مكتبه في مركز أبرق الكبريت لكنها تسربت ووصلت للمهربين وردوا عليه ... يقول ابن ودمان :
ياهل الهافات عنتـر نـاش جاكـم
وا عنا من صادفه بأرضـن خليّـه
لعنبوكـم هونـوا جاكـم عناكـم
جاكم الموت الحمر ماهـي زريّـه
هفوة ٍ زلّت لكـم وإكلـوا خراكـم
بيعـوا الهافـات بأقيـام ٍ رديّــه
وإعلموا وإدروا ترانا فـي قفاكـم
ومن يقاوي له جبل مـا راح نيّـه
ياهـل الهافـات عابينـا عباكـم
الفـروت جـداد والعزبـه قويّـه
ياهـل الهافـات خيّبنـا رجـاكـم
نحمد اللي قدرتـه ماهـي خفيّـه
بيعوا الهافـات ردوا فـي سراكـم
خلّـوا السمـره وطّـوال الحنيّـه
الدهر ذعـذع لكـم ثمـن جفاكـم
وإفهموا وإدروا ترى في الجحر حيّه
خسرت الشركـة وخيّبنـا ثناكـم
وبعضكم بالقسط ما خلّـص وديّـه
ياهل الهافـات حنـا مـن وراكـم
والسعـد قدامنـا فـي كـل هيّـه
تحت حكم اللي عن المنكر نهاكـم
عن طريق الديـن تلقـون المنيّـه
عندنا اللي يمرجن باقـي شواكـم
خمسـه وستيـن ضـد الجندليّـه
والذي هيّض غرامي مـن خطاكـم
هرجة ٍ مـن واح ٍ جتنـي خطيّـه
بعد ما تسربت القصيده للمهربين رد عليه واحد منهم يقال له فهد الكحيلي ويقول :
ياهل الأبرق تبّين لي خطاكـم
والخطا راعيه يقنع بالخطيّـه
يا عوينك وارد الستّه لفاكـم
وعنترك خربان والخمسه رديّه
كم ونيت ٍ لا كمل حمله وطاكم
وقاعد ٍ بأرقابهن تثني الهديّه
وإن لحقتم موتره عنده دواكم
أرنب ٍ حمرا عيون مجادعيّـه
من قديم وسلمها تاكل خصاكم
فعلها في جدكم لا رحم حيّـه
إن بغيت الصلح جاكم ما كفاكم
وإن بغيت الزود رد العلم ليّـه
مضت أيام وطرح ابن ودمان وعسكره هاف موديل سته وستين لولد عم فهد الكحيلي جديد ... عندها إستغل ابن ودمان الفرصه ورد يقول :
يا سلاح الحـد يـوم الله عطاكـم
لا تهابـون الخطـر والمخطريّـه
خلوا الرشـاش مركـوز ٍ حداكـم
والمخازن وسطها النـار الصليّـه
يالكحيلي وارد الخمسـه خذاكـم
وستّتك مع حملته مـا راح نيّـه
ربعنا صادوه عانـه مـن وراكـم
ما مشى ياكود ألـف وخمسميّـه
والعناتر يالكحيلـي فـي حراكـم
والفروت الحمر وجنـود السريّـه
يالكحيلي ما مشينا فـي رضاكـم
إن زعلتوا أو رضيتـوا بالسويّـه
ياهل الهافات ما خذتـوا قضاكـم
ما بكم قاصـر ولكـن معجزيّـه
والكحيلي في قصيده مـا كفاكـم
دوروا غيره تـرى الدنيـا هبيّـه
ياهـل الهافـات تالـي منتهاكـم
والله إنه عنـد سلـك العسكريّـه
مثل ٍ ناس قد وطاهم مـا وطاكـم
فعلهـم كنّـه عملكـم بالسويّـه
أو نسفّركم ونسلـم مـن غثاكـم
والحكومـه دونكـم والله غنيّـه
إن مشيتوا بالسنع محـد ٍ شناكـم
ما يجازى واحـد ٍ مالـه قضيّـه
وإن عصيتوا الأمر معروف ٍ جزاكم
بأمر شيخ ٍ ما يبى راعي الخطيّـه
والحكومـه رتبّتنـا فـي نحاكـم
نمنع المنكر عـن أفـراد الرعيّـه
دارت الأيام ... ودخل ابن ودمان مكتبه ولقى فيه ظرف وفيه هالقصيده ومرسلها له واحد من المهربين إسمه صعفق بن عبيد ويقول :
الخوف لو ضد بالجزمات
ما نشركه مذهب شيوعي
أموات حنا عيال أمـوات
مضمون ما باقي الدوعي
وعبيد ورد لنا الهافـات
عنده ترى البيع ممنوعي
هافات خمسات والستات
يالعبد يا قاصر البوعـي
جميع يمشن وألا أفـوات
والرزق ماهوب مقطوعي
إبلا دفاتـر ولا لوحـات
والخط ماهوب مشروعي
مّرن على العبد بالساعات
ما فاختن شوفه أسبوعي
يالعبد مرن عليك افـوات
وكبوت عنترك مجدوعي
عنترك مخشوش بالغابات
مسبوع وأبوك مسبوعي
هافات ما تخاف العـادات
كم طنب للهاف مشلوعي
وفوراً رد عليه إبن ودمان بهالقصيده :
ما ينفـع الـدس والحيـلات
والكذب راعيـه مصروعـي
ومن زيّف الكذب مالـه ذات
حتى ولـو هـو ّ مطيوعـي
مانيب مـن يتبـع الغـرات
والوجه مـا فيـه داموعـي
أدرى قصيري عـن الـزلات
ولا نيـب خايـن ودانوعـي
عبـد ٍ ولا يتبـع الغفـلات
وراسي مع الناس مرفوعـي
وألا أنت عندي عليك إثبـات
في جارتك جعلـك الروعـي
فعلك قبيـح ٍ بوقـت ٍ فـات
واليـوم مثنـي ومربوعـي
ياعبيد يا امجمّـع الخـردات
من كل هيس ٍ وصعصعوعي
تراك مـن سالـف الأوقـات
دلال مـا نلـت مشروعـي
فعلك تشيّـك علىالحمـلات
في كـل منكـر وممنوعـي
حذفكـم المهـدي بنشبـات
حطـك منشّـه ومشنوعـي
حتى إبن شرهان يا حسرات
يلعـب بكـم دون منفوعـي
وأخوك بالحبـس والحـرات
حّول مـن الجـو للقوعـي
لعب به الوقت لعـب الـزات
ما نيب شامت ومفضوعـي
ولا نيب أحب أكشف العورات
ألا ليـا صـرت منيـوعـي
لا شك دونك هـل العـادات
شربوا من الجـم قرطوعـي
مثل الصبي قاضي الحاجـات
طيبه مع النـاس مرزوعـي
عليه شرهه ولـه شرهـات
أيضا ولا هـوب سعسوعـي
نجزي هل السـو ّ بالسيـات
ولا نيب في النذل مخدوعـي
ونجزي هل الطيب بالحشمات
وكل ٍ له القـدر مصنوعـي
وهديتك يـا عميلـي جـات
ودرب الحيا صار منزوعـي
ياعبيد قل لصعفـق هيهـات
مـاراح ماهـوب مرجوعـي
ومسكين يا ناظـم الأبيـات
قوالهّـن مالـه ضلـوعـي
ينبـح وينخـش بالمنحـات
خبل ٍ من العقـل منزوعـي
كلمة عقـل مابهـا حوفـات
لا شك من راس مصدوعـي
وكثر التحوص مـع اللفـات
ما تعتمـد كـل رعروعـي
والمعركـه وسطهـا قـوات
يدخـل بهـا كـل مقلوعـي
كانك تبى الحرب هاك وهات
ولا تجعل القـاف مدبوعـي
وبأنصحك عن ضايع الهقوات
تصبح على الخشم مقموعـي
ولا تنطح المـوت والغبـات
لا تحسـب الغـب ناقوعـي
يا عبيد ما صار لك نوهـات
مـا غيـر للتـن جاموعـي
وخسران لو كان لك هافـات
قلبك مـن الغبـن منقوعـي
هذا الجزا كان لـك رغبـات
وترى الزعل دوم مرفوعـي
والله لـو طالـت الـمـدات
ما أزعل ولا نيب جازوعـي
أيضا ولا أحتـاج للفزعـات
وإسمي على الجين مطبوعي
إن كان عدتوا لنـا عـودات
والـدار ماهـوب مقطوعـي
وصلوا على سيـد السـادات
اللي علىالخلـق مرفوعـي
ومضت الأيام وخف التهريب ... لكن تجمعوا المهربين ومروا مع المركز وحذفوا لهم ورقة فيها هالقصيده كتبها واحد منهم يقال له ( ناجي ) ويقول :
ياهل الهافات زيـدوا سعرهنّـه
إشتروهن نقـد وألا بالقصـودي
ما حـلا مرواحهـن بحمولهنّـه
جاوزوهن غيبة الشمس الحدودي
أبرق الكبريـت لا زم يسهجنّـه
مركزك يالعبد بيّـاع الجلـودي
ما بغنّـه لازم إنهـن ياصلنّـه
فوق والهافات عجلات الـردودي
كل ما سكّـر طريـق ٍ يفتحنّـه
يقطعن ّ الطنب ويطيح العمـودي
والدريسن حملهن من سامهنّـه
وارد الهافات ما ينقص يـزودي
عنتـرك بدروبهـنّـه حملـنّـه
أصبحن يالعبد عن حد النفـودي
وكم صبي ٍ بالمساري زاد فنّـه
ما ينام الليـل والعالـم رقـودي
وكالعاده تصدى لهم ابن ودمان .... ورد عليهم شعرياً بهالقصيده وتعتبر أطلق قصايد التهريب مما فيها من معاني وقوة أبيات :
مل قلـب ٍ هيّضـه ناجـي بفنّـه
شاعـر ٍ قـام ايتعلـم للـردودي
لو تغبـى لازمـن نظهـر مغنّـه
عارفينه لـو تـذرى بالحـدودي
وكل قولـك عارفينـه لـو تكنّـه
مير ما نبغيك جعلك مـا تعـودي
والعلـوم الخايبـه مالـك وهنّـه
والمرد الشين عندي مـا يكـودي
مثل بعض الناس عندي له محنّـه
حشمة ٍ لشعيب خذها لك سنـودي
والحنش الاسود أنا بأنصحك منّه
لا تحسب إنه من العالم شـرودي
ومن بغى التهريب هافه لا يحنّـه
والخطر قدمه على حد الحـدودي
إن نوى الله فكتّه مـا فيـه منّـه
كل دربه لا مشى لينـه سهـودي
أو يصادف لا نـوى ربـي يعنّـه
ياخذون الهاف وعيونه شهـودي
والعوض من عقبها يخشر بسنّـه
والنصيفه من حلالـه للجنـودي
مير وين أهل القلـوب المرجهنّـه
كانكم توفـون للقـول العهـودي
مروا الأبـرق وهـن بحمولهنّـه
عارضوا قـدام بابـه يالفهـودي
خلوا العنتـر يشـوف أزوالهنّـه
والخطوط طوال والدرب امحمودي
وما حلا شوف البكم يرثع بشنّـه
في عفاش القاع مع جدع الطرودي
وما حلا صفق الفشق بجنوبهنّـه
والبرن ّ يعدهـن عـد النقـودي
وكل هاف ٍ فيـه جنـدي ٍ يقنّـه
والمهرب طايح ٍ مـا فـاد فـودي
والسنافي فـي عهـوده سمهنّـه
ياصل الحروات لو دون الحـدودي
إضربوا درب الخطر والموت سنّه
والفتى عمره على اللوح امحدودي
والذي يوعـد ولا يوفـي بهنّـه
ودك إن ايحط في صدره نهـودي
ودارت برضه بينهم عدة قصايد لكن ما يجدر ذكرها يعني بالعربي ( ما تصلح هنيا ) http://www.dowamynet.com/vb/images/smilies/smile.gif ويجدر بالذكر إن إبن ودمان هو شاعر القصيده المشهورة :
لاتتصل بي طابت النفس يا زين =الله يسهل لك طريق السعاده
--
وسلامـــــــــتكم
من الاميل
المهم أول ما تعين ابن ودمان كتب قصيده وحطها بدرج مكتبه في مركز أبرق الكبريت لكنها تسربت ووصلت للمهربين وردوا عليه ... يقول ابن ودمان :
ياهل الهافات عنتـر نـاش جاكـم
وا عنا من صادفه بأرضـن خليّـه
لعنبوكـم هونـوا جاكـم عناكـم
جاكم الموت الحمر ماهـي زريّـه
هفوة ٍ زلّت لكـم وإكلـوا خراكـم
بيعـوا الهافـات بأقيـام ٍ رديّــه
وإعلموا وإدروا ترانا فـي قفاكـم
ومن يقاوي له جبل مـا راح نيّـه
ياهـل الهافـات عابينـا عباكـم
الفـروت جـداد والعزبـه قويّـه
ياهـل الهافـات خيّبنـا رجـاكـم
نحمد اللي قدرتـه ماهـي خفيّـه
بيعوا الهافـات ردوا فـي سراكـم
خلّـوا السمـره وطّـوال الحنيّـه
الدهر ذعـذع لكـم ثمـن جفاكـم
وإفهموا وإدروا ترى في الجحر حيّه
خسرت الشركـة وخيّبنـا ثناكـم
وبعضكم بالقسط ما خلّـص وديّـه
ياهل الهافـات حنـا مـن وراكـم
والسعـد قدامنـا فـي كـل هيّـه
تحت حكم اللي عن المنكر نهاكـم
عن طريق الديـن تلقـون المنيّـه
عندنا اللي يمرجن باقـي شواكـم
خمسـه وستيـن ضـد الجندليّـه
والذي هيّض غرامي مـن خطاكـم
هرجة ٍ مـن واح ٍ جتنـي خطيّـه
بعد ما تسربت القصيده للمهربين رد عليه واحد منهم يقال له فهد الكحيلي ويقول :
ياهل الأبرق تبّين لي خطاكـم
والخطا راعيه يقنع بالخطيّـه
يا عوينك وارد الستّه لفاكـم
وعنترك خربان والخمسه رديّه
كم ونيت ٍ لا كمل حمله وطاكم
وقاعد ٍ بأرقابهن تثني الهديّه
وإن لحقتم موتره عنده دواكم
أرنب ٍ حمرا عيون مجادعيّـه
من قديم وسلمها تاكل خصاكم
فعلها في جدكم لا رحم حيّـه
إن بغيت الصلح جاكم ما كفاكم
وإن بغيت الزود رد العلم ليّـه
مضت أيام وطرح ابن ودمان وعسكره هاف موديل سته وستين لولد عم فهد الكحيلي جديد ... عندها إستغل ابن ودمان الفرصه ورد يقول :
يا سلاح الحـد يـوم الله عطاكـم
لا تهابـون الخطـر والمخطريّـه
خلوا الرشـاش مركـوز ٍ حداكـم
والمخازن وسطها النـار الصليّـه
يالكحيلي وارد الخمسـه خذاكـم
وستّتك مع حملته مـا راح نيّـه
ربعنا صادوه عانـه مـن وراكـم
ما مشى ياكود ألـف وخمسميّـه
والعناتر يالكحيلـي فـي حراكـم
والفروت الحمر وجنـود السريّـه
يالكحيلي ما مشينا فـي رضاكـم
إن زعلتوا أو رضيتـوا بالسويّـه
ياهل الهافات ما خذتـوا قضاكـم
ما بكم قاصـر ولكـن معجزيّـه
والكحيلي في قصيده مـا كفاكـم
دوروا غيره تـرى الدنيـا هبيّـه
ياهـل الهافـات تالـي منتهاكـم
والله إنه عنـد سلـك العسكريّـه
مثل ٍ ناس قد وطاهم مـا وطاكـم
فعلهـم كنّـه عملكـم بالسويّـه
أو نسفّركم ونسلـم مـن غثاكـم
والحكومـه دونكـم والله غنيّـه
إن مشيتوا بالسنع محـد ٍ شناكـم
ما يجازى واحـد ٍ مالـه قضيّـه
وإن عصيتوا الأمر معروف ٍ جزاكم
بأمر شيخ ٍ ما يبى راعي الخطيّـه
والحكومـه رتبّتنـا فـي نحاكـم
نمنع المنكر عـن أفـراد الرعيّـه
دارت الأيام ... ودخل ابن ودمان مكتبه ولقى فيه ظرف وفيه هالقصيده ومرسلها له واحد من المهربين إسمه صعفق بن عبيد ويقول :
الخوف لو ضد بالجزمات
ما نشركه مذهب شيوعي
أموات حنا عيال أمـوات
مضمون ما باقي الدوعي
وعبيد ورد لنا الهافـات
عنده ترى البيع ممنوعي
هافات خمسات والستات
يالعبد يا قاصر البوعـي
جميع يمشن وألا أفـوات
والرزق ماهوب مقطوعي
إبلا دفاتـر ولا لوحـات
والخط ماهوب مشروعي
مّرن على العبد بالساعات
ما فاختن شوفه أسبوعي
يالعبد مرن عليك افـوات
وكبوت عنترك مجدوعي
عنترك مخشوش بالغابات
مسبوع وأبوك مسبوعي
هافات ما تخاف العـادات
كم طنب للهاف مشلوعي
وفوراً رد عليه إبن ودمان بهالقصيده :
ما ينفـع الـدس والحيـلات
والكذب راعيـه مصروعـي
ومن زيّف الكذب مالـه ذات
حتى ولـو هـو ّ مطيوعـي
مانيب مـن يتبـع الغـرات
والوجه مـا فيـه داموعـي
أدرى قصيري عـن الـزلات
ولا نيـب خايـن ودانوعـي
عبـد ٍ ولا يتبـع الغفـلات
وراسي مع الناس مرفوعـي
وألا أنت عندي عليك إثبـات
في جارتك جعلـك الروعـي
فعلك قبيـح ٍ بوقـت ٍ فـات
واليـوم مثنـي ومربوعـي
ياعبيد يا امجمّـع الخـردات
من كل هيس ٍ وصعصعوعي
تراك مـن سالـف الأوقـات
دلال مـا نلـت مشروعـي
فعلك تشيّـك علىالحمـلات
في كـل منكـر وممنوعـي
حذفكـم المهـدي بنشبـات
حطـك منشّـه ومشنوعـي
حتى إبن شرهان يا حسرات
يلعـب بكـم دون منفوعـي
وأخوك بالحبـس والحـرات
حّول مـن الجـو للقوعـي
لعب به الوقت لعـب الـزات
ما نيب شامت ومفضوعـي
ولا نيب أحب أكشف العورات
ألا ليـا صـرت منيـوعـي
لا شك دونك هـل العـادات
شربوا من الجـم قرطوعـي
مثل الصبي قاضي الحاجـات
طيبه مع النـاس مرزوعـي
عليه شرهه ولـه شرهـات
أيضا ولا هـوب سعسوعـي
نجزي هل السـو ّ بالسيـات
ولا نيب في النذل مخدوعـي
ونجزي هل الطيب بالحشمات
وكل ٍ له القـدر مصنوعـي
وهديتك يـا عميلـي جـات
ودرب الحيا صار منزوعـي
ياعبيد قل لصعفـق هيهـات
مـاراح ماهـوب مرجوعـي
ومسكين يا ناظـم الأبيـات
قوالهّـن مالـه ضلـوعـي
ينبـح وينخـش بالمنحـات
خبل ٍ من العقـل منزوعـي
كلمة عقـل مابهـا حوفـات
لا شك من راس مصدوعـي
وكثر التحوص مـع اللفـات
ما تعتمـد كـل رعروعـي
والمعركـه وسطهـا قـوات
يدخـل بهـا كـل مقلوعـي
كانك تبى الحرب هاك وهات
ولا تجعل القـاف مدبوعـي
وبأنصحك عن ضايع الهقوات
تصبح على الخشم مقموعـي
ولا تنطح المـوت والغبـات
لا تحسـب الغـب ناقوعـي
يا عبيد ما صار لك نوهـات
مـا غيـر للتـن جاموعـي
وخسران لو كان لك هافـات
قلبك مـن الغبـن منقوعـي
هذا الجزا كان لـك رغبـات
وترى الزعل دوم مرفوعـي
والله لـو طالـت الـمـدات
ما أزعل ولا نيب جازوعـي
أيضا ولا أحتـاج للفزعـات
وإسمي على الجين مطبوعي
إن كان عدتوا لنـا عـودات
والـدار ماهـوب مقطوعـي
وصلوا على سيـد السـادات
اللي علىالخلـق مرفوعـي
ومضت الأيام وخف التهريب ... لكن تجمعوا المهربين ومروا مع المركز وحذفوا لهم ورقة فيها هالقصيده كتبها واحد منهم يقال له ( ناجي ) ويقول :
ياهل الهافات زيـدوا سعرهنّـه
إشتروهن نقـد وألا بالقصـودي
ما حـلا مرواحهـن بحمولهنّـه
جاوزوهن غيبة الشمس الحدودي
أبرق الكبريـت لا زم يسهجنّـه
مركزك يالعبد بيّـاع الجلـودي
ما بغنّـه لازم إنهـن ياصلنّـه
فوق والهافات عجلات الـردودي
كل ما سكّـر طريـق ٍ يفتحنّـه
يقطعن ّ الطنب ويطيح العمـودي
والدريسن حملهن من سامهنّـه
وارد الهافات ما ينقص يـزودي
عنتـرك بدروبهـنّـه حملـنّـه
أصبحن يالعبد عن حد النفـودي
وكم صبي ٍ بالمساري زاد فنّـه
ما ينام الليـل والعالـم رقـودي
وكالعاده تصدى لهم ابن ودمان .... ورد عليهم شعرياً بهالقصيده وتعتبر أطلق قصايد التهريب مما فيها من معاني وقوة أبيات :
مل قلـب ٍ هيّضـه ناجـي بفنّـه
شاعـر ٍ قـام ايتعلـم للـردودي
لو تغبـى لازمـن نظهـر مغنّـه
عارفينه لـو تـذرى بالحـدودي
وكل قولـك عارفينـه لـو تكنّـه
مير ما نبغيك جعلك مـا تعـودي
والعلـوم الخايبـه مالـك وهنّـه
والمرد الشين عندي مـا يكـودي
مثل بعض الناس عندي له محنّـه
حشمة ٍ لشعيب خذها لك سنـودي
والحنش الاسود أنا بأنصحك منّه
لا تحسب إنه من العالم شـرودي
ومن بغى التهريب هافه لا يحنّـه
والخطر قدمه على حد الحـدودي
إن نوى الله فكتّه مـا فيـه منّـه
كل دربه لا مشى لينـه سهـودي
أو يصادف لا نـوى ربـي يعنّـه
ياخذون الهاف وعيونه شهـودي
والعوض من عقبها يخشر بسنّـه
والنصيفه من حلالـه للجنـودي
مير وين أهل القلـوب المرجهنّـه
كانكم توفـون للقـول العهـودي
مروا الأبـرق وهـن بحمولهنّـه
عارضوا قـدام بابـه يالفهـودي
خلوا العنتـر يشـوف أزوالهنّـه
والخطوط طوال والدرب امحمودي
وما حلا شوف البكم يرثع بشنّـه
في عفاش القاع مع جدع الطرودي
وما حلا صفق الفشق بجنوبهنّـه
والبرن ّ يعدهـن عـد النقـودي
وكل هاف ٍ فيـه جنـدي ٍ يقنّـه
والمهرب طايح ٍ مـا فـاد فـودي
والسنافي فـي عهـوده سمهنّـه
ياصل الحروات لو دون الحـدودي
إضربوا درب الخطر والموت سنّه
والفتى عمره على اللوح امحدودي
والذي يوعـد ولا يوفـي بهنّـه
ودك إن ايحط في صدره نهـودي
ودارت برضه بينهم عدة قصايد لكن ما يجدر ذكرها يعني بالعربي ( ما تصلح هنيا ) http://www.dowamynet.com/vb/images/smilies/smile.gif ويجدر بالذكر إن إبن ودمان هو شاعر القصيده المشهورة :
لاتتصل بي طابت النفس يا زين =الله يسهل لك طريق السعاده
--
وسلامـــــــــتكم
من الاميل