ما سبب غلا الطيور

[الخرسانية]

السلام وعليكم ورحمة الله وبركاتة

اخواني الصقاقير
ما سبب غلاا الطيور
لااحض بخمس السنوات الاخيرة وارجع الى ما قبلها ؟
الصحيح الطير اللي يسوى يسوى ولكن وصلت الى مبالق خياليه ؟
ما هو السبب 1كثر الصقاقير 2 كثر الدراهم 3 منع دخول الطيور من الخارج 4من كثر الصيد

1 كثرت الصقاقير ؟؟؟ ما اظن يكون سبب
2 كثر الدراهم ؟؟ يوجد مجلاات اخرا
3 منع دخول الطيور ؟ متى دخلت عشان تكون سبب
4 من كثر الصيد ؟ بعض الصقاقير يدور عليه الحول ما شافها

قبل كم سنة كانت تباع الشاهين الوافيه طرح الشبك 25 والاقصى 30 الف
ولكن السنة غير مثل جدة قامت تباع 50 والى 100 الف

اخواني ارجو الافادة

الخرســـانية

[قرناس الحفر]

والله أنا أتوقع أنه لندرت الطير المطروح وكل طير راح يأخذ حقه من القيمه....

[راعي غضبان]

وعليكم السلام اخوي الخرسانيه فعلا سؤال وجيه والله الطيور خاصتن الوحوش في الشياهين قرناست هواء انا منول قبل الازمه ناخذها رخيصه من 8 الى 12هذه الوافيه والبكر ايضا وهلحين بكر والا عوده مادون 18 شي وفيه قرانيس وصلت 40 اما الفروخ الناهيه امنول من 45 الى 50 وهلحين وصلا 100 وانا اقول ماحاس الناس الى امعاند التجار الكبار سواء شيوخ والاغيرهم الي فلوسهم واجد ويتزاودون لين يقلعونها بقيام خياليه وخاصه الوافيه والسودا ان كانت فرخ والحر الوافي والصافي تصير اقيامهم خياليه والله يعين وانا اقول مارفعها الا الشريطيه كل واحد يعرف له واحد عند الشيوخ ويخلون اخويا الشيوخ يتصاقعون عند وهذا سبب في ارتفاعها وللك مني جزيل الشكر

[عاهد بن علي]

مساك الله بالخير

يا اخي الفاضل

اشكرك على اثارة هذا الموضوع الحيوي

من وجهة نظري المتواضعه الاسباب كلاتي :

1 : قلة الحرار النادره ( ترفع اسعار النوادر لكثرة المتنافسين على اقتناء الافضل )

2 : قلة الشواهين النادره ( ايضآ قلت نوادرها ادت الى غلاء اسعارها مثلآ انا الموسم المنصرم دفعت في شاهين نادر جدآ مبلغ 150000 مائه وخمسون الف ريال لكن دون جدوى )لم يوافق الشخص على البيع ويقال انه باعه بمبلغ اكبر

3 :كثرة الصقاقير ادت الى زيادة الاسعار

4 :بعض القنوات الفضائيه ساعدت في ارتفاع الاسعار ( من غير المعقول ان شخصيه مهمه يعرض فيلم مقناصه
بصقور عاديه ) لا بد من التميز

5 : الحضر الدولي ادى الى زيادة الاسعار

آسف على الاطاله

هذه وجهة نظري اشكرك مره اخرى

[العيسمود]

مشكور الله يعطيك العافيه والسبب
ندرة الطيور الطيبه ترفع الاسعار
ورزق الطواريح وهذا يسعدهم ويزيد حماسهم

[ضبضوب]

شف يا اخوي
الطيوور غااليه انا ما عندي معلوماات لاكن

الضااهر عشاان تربيتها صعبه

[عوق الخريش]

بسم الله الرحمن الرحيم ,,,
وعليكم السلام ورحمة الله وبركاتة :
حياااك الله أخوي الغالي : الخرسانية ,,,
يعطيك العافية طاااال عمرك على الموضوع الذي يهم الجميع وايضاّ موضوع جديد علينا فى هذا القسم أشكرك على حسن ألأختيار ,,,
الطيور طال عمرك أسباب غلآها كثيرة ولآكن عندي كم نقطة حسب معرفتي وتجربتي ,,
فعلاّ كلامك صحيح قبل كم سنة كانت الطيور رخيصة ليش ؟
لأن أول الصقاقير تبحث عن الصياد الطلاع فقط لايهمهم السبق المطلوب حالين وايضأ الريشة كانت مومطلوبة باالشكل الذي نعيشة حالياّ
وألآن الناس أو الصقاقير تبحث عن الطير السبوق أول الطير السبوق بـ20000الف هذا الغالي مرة وألآن السبوق العادي بــ30000ألف والفارط أو السبوق ألى علية ريشة وطلاع يتعدا الـــ50000ألف ,,,
السبب الهواية تطورة بشكل أنسيابي جداّ وصار الطير الردي مالة زبون أبد والطيرأللى لة أعلوم زينة وسبقة وسط صار بقيمة تتفاوت حسب الشاري والبايع تصل الى ومن 15000الف الى 25000الف ,,,
وهذا ينطبق السبب على تضخم نسبة الصقاقير بشكل كبير ومتطور على الخليج عامة ,,,,
ولآيمنع ايضأّ أن سبب ارتفاع قيمة الطيور البيتية قلة الوحوش الطيبة التي تتصف باالوسرة الكاملة أو المقبولة غض النظر عن الريشة ,,,,,
وحتي الوحوش التي تصل الى السعودية من أرداءالطيور غض النظر عن الطيور التي تتجة لشيوخ هذي لها وضع ثاني ؟ كلامي عن طيور المواطنين الفقراءألي مثلي هههه ,؟
والطيور الطيبة التي تنقاء قد تكون فى البحرين , والكويت (وقطرعندابوعلى عاهد) هذا مما يجعل الطيور ترتفع بأقيام عالية,,,
لأن السعودية يصالها اخرالطيور الطيبة لأن الطيور تصل من هذة الدول
وقلت الحباري وكثرها مايشكل نسبة 1/100من غلآ الطيور الطيور لها شي ثاني غير الحباري ,,,,
وأعتقد لويكون فية سمااااح لصقاقير التجول في طيورهم داخل دول الخليج ممكن تنزل اسعار الطيور,,,,
المعذرة على ألأطالة وهذا ماعندي والأسباب كثيرة نترك المجااال للأخريين ,,,
تحياتي لكــ.....وشكراّ,,,,
أخوكـ
( عوق الخريش )

[صقرالحروب]

قلة النوادر هو السبب فمثلاً العديم طير الملك خالد واللي انطرح في الغربية شراه الملك خالد من الحابوط باكثر من 600 الف ريال سعودي وهذا الكلام قبل يعني قبل اكثر من 28 سنه يعني يوم كانت 10 الاف تسوى 100 الف في وقتنا الحالي دورت على صورة هالطير ولقيتها عند واحد من الشياب مصور الطير بكاميرا فورية ياهو طير سكبه وعلى فكره سموه العديم لن ماله شبيه ويقال انه مامر طير مثله الى وقتنا الحالي وانا اقول انهم صدقو بعدين ياخوي لما تطرح قرناس حر اشعل وافي في السعوديه ماهو مثل الطيور اللي تجاب من الخارج ولوانها كانت غاليه لانه لو ماكان اصيل كان ماوصل الى هنا وكل ماكان طرحه بعيداً عن الشمال اي في اتجاه الجنوب كل مازاد سعره ولك في طير السفري عبره

[تمياط]

غلى الطيور بسبب ان الطيور قليله على ماعتقد

[..@القناص@..]

والله انك صادق ..
من مده رحت لسوق الطيور ولقيت
بحريه وافيه وحجمها كبير بالحيل
بـ55 الف ريال مسيوم ولاهب حول البيع

[جـرح الشمـال]

مشكور اخوي على الموضوع اللي يهم الصقاقير
والله اتوقع مافيه سبب معين لارتفاع اسعار الطيور وحتى فيه طيور حرار ماتستاهل 5000 تباع 20000 ريال انا من وجهة نظري مافيه سبب معين للارتفاع الاسعار مشكوووووووور وتقب مروري البرفسور

[أبو رداد]

موضوع طيب .... اعتقد والله اعلم سبب الارتفاع
كثرة الصقاقير مع قلة النوادر من الصقور

[مدامع الحر]

اول شي قلة العقل الشي الثاني من هب ودب حط عنده صقر تقليد

[نمر32]

كثرة الصقاقير لها دور فى ارتفاع أسعار الطيور والله اعلم
وفية من ابخص مني
مشكور

[أبو أمين]

الناااااااااااااااااااااااااااااااادر

[بعيد الشوح]

السبب الحياه منول بصيطه كلن معه طير والطيور واجد ورخاص والحين وين الصدق خل الطيور كل الطيور صارة طلعه وكل الطيور صارة لحاقه وكل الطيور زينه منول اذا قالو من طيور الشيوخ طب السوق تلقا السوق زحمه وهو بيتي مخرج ويوصلونه 15000 20000 كحد اقصاء
الطيور واجد بس الصدق قليل المجهول صار ياصل 10000 الحين اللى مافيه صدق ياحلله يشارع الله يرحمه ويسكنه فسيح جناته اللى يعطي الطير حقه تقبل مروري

[الخرسانية]

قرناس الحفر

صدقت طال عمرك
اشكرك على مرورك

[الخرسانية]

راعي غضبان

صدقت طال عمرك يمكن الطفرة اللي تشهدها البلااد هي السبب

[الخرسانية]

عاهد بن علي

شكرا على مرورك
انا الموسم المنصرم دفعت في شاهين نادر جدآ مبلغ 150000 مائه وخمسون الف ريال لكن دون جدوى

الله يرزقك بطير اخير منه بس سؤال لو اشتريت الطير بتصقرة والاا بتعرضة السوووق

[الخرسانية]

العيسمود
انا مع الطواريع ماني ضدهم وعسى الله يرزقهم بس الموضوع الطير عامة وليس طرح الشبك فقط

[الخرسانية]

ضبضوب

اشكرك على مرورك

[الخرسانية]

عوق الخريش

صحيح كلاامك بس الطير اللي فيه الخير ما يقرب السوق

[الخرسانية]

صقر الحروب

مرحبا والله شوقني لشوفة العديم الله لاا يهينك اذا في الامكان تنزل صورتة
لاا هنت طال عمرك

[الخرسانية]

عاصم الحربي
صدقت طال عمرك واشكرك على مرورك اللي اكثر من رائع

[الخرسانية]

القناص
الله يعين بعد كم سنة بتاخذها 200000 يالله المستعان

[الخرسانية]

البرفسور

والله انك برفسور ما اقدر اقول شي طال عمرك

[عاهد بن علي]

اخي العزيز

مساك الله بالخير

( بالنسبه للشاهين النادر الي انا سمته )

انا يا اخي الفاضل سمته بهذا المبلغ للتجاره وليس للصقاره

الله يوفقك لما يحبه ويرضاه

[الخرسانية]

ابو رداد
كلاامك صحيح اشكرك على مرورك اللي اكثر من رائع

[الخرسانية]

مدامع حر
ههههههههه لاا تعليق

[الخرسانية]

نمر
صدقت طال عمرك الله يرزقهم جميع

[الخرسانية]

بعيد الشوح
صدقت كل الطيور صارت طلعه ولحاقة وكلن يمدح بسلع لكن وين الصدق ؟

[عشير المداغيش]

مشكووووور اخوي الموضوع الي يهم الصقاقير

بيض الله وجهك الله يعطيك العافيه



عشير المداغيش

[الخرسانية]

عشير المداغيش

الله لاا يهينك ويكفي مرورك طال عمرك