أخبار مجيرمه يا عقاب ولا هانوا الربع

[الفيتو]

السلام عليكم ورحمة الله وبركاته
مساء الخير .. اليوم في اتصال سريع كالعاده جبت هالعلوم يقولون ان فهد باجد الحربي
واجهوه فالمقناص طارح وكري ريشته زينه وهو زين وحمود ابور بيع لقوا معه
شيهانتين جبليات جابهن من الساحل الجنوبي والشنابره في سعيا طرحوا
ثلاث شياهين جبليات وفي الشعيبه مطروح عند شبيب ابن العود
جبليه وذكر في سوق الطايف علي بن محسن الهلماني
معه شيهانتين جبليات وثلاثه وكارى.. اما اللي
ساوقوا الخوبه يقولون الطيور واجد
والأسعارمن 1200وطالع
والشرايه واجد من كل
مكان وليت ما قالوا
فيه خليجيين بعد
وسامحني على التأخير يا عقاب
والسلام
الفيتو
http://www.mekshat.com/pix/upload/images5/mk8575_aaaa.jpg

[ميراج]

مشكور يا الفيتو زانت علومك

ترانا عيناك مراسل مكشات فى الساحل الغربى

تحياتى

[اعقاب]

السلام عليكم ورحمة الله وبركاته

اشكرك جزيل الشكر على ها العلوم الطيبه

مامن شياهين البحر ولا بدري عليها

[تواق]

مشاالله عليك يالفيتو علومك غانمه

بنسبه ياخوي عقاب البحريات توه شوي الين اكتوبر وابشر بعلومها

الموجود حالين الشياهين الجبلي كان تقصد من البيتيات مدري لاكن وحوش اصبر شوي

مع المعذره لخوي الفيتوا ميراج عزالله ونعومك من مراسل

اخوكم / تواق

[الفيتو]

السلام عليكم ورحمة الله وبركاته
مساء الخير يا جماعه
ميراج
مرحبتين وهلا أخاف اصير مثل عبود سليم
طش ام طش
انا في الخدمه مراسل لين واحد اكتوبر بعدين أقول
هذ ا هو اسمي وهذا بسبوري (...) ومكشات يلقى له مراسل بدالي
مع المعذ ره للشاعر .. إجازه لين السماك
هههههههههه أمر يا ميراج

عقاب
العفو احنا في الخد مه .. بالنسبه للبحريات تواق ما قصرالآن مافيه الا جبليات ووكري
بدري على قولك لو تمس الدربيل ماش الا هذي والا حقبيات .. وراح تقول
عيني اللي ما تشوف الا الحقبي (....) طير شيهان البحر عيت تشوفه
بس في اكتوبر تمس الدربيل وتقول
يالله بقرناس والا فرخ شيهانه (...) حدى الطواريح لا قينه ومخطينه

تواق
معذور .. الله يخليني على ظنك تايم

http://www.mekshat.com/pix/upload/images5/mk8575_w.jpg

[سنافي]

الفيتو

مشكور وإحذر لا تتهور وتروح للخوبة .......... ترى ما فيها إلا الضعوي والذيب اللي يعوي
ولا منك بغيت الوحش اللي يطربك عطني خبر في منتصف شهر رمضان الكريم الله يلحقنا إياه على خير.

[لاهور]

السلام عليكم ورحمة الله وبركاته
الاخ اعقاب الفيتو ضرب على الوتر الحساس جاب اعلوم الوكارا .. وماادراك مالوكارا

[ابو عايد]

الأصل كُتب بواسطة ميراج

مشكور يا الفيتو زانت علومك

ترانا عيناك مراسل مكشات فى الساحل الغربى

تحياتى

[الفيتو]

السلام عليكم ورحمة الله وبركاته
مساء الخير ياجماعه
سنافي
إنتا جيت .. طب اهلين وسهلين. انا مار حت مكان الله يخلي
التلفون .. يا هم ما قصروا اللي اخترعوه جعل يطول
عمرك ما نستغني .. بس مدري ويني فيه نص
رمضان إما فيــ.....والا فيــــــ....
الله يلحقنا خير

لا هور
حياك الله ..وش رايك فاللي يقول
غشام فرخ الشام مكتمل الأوصاف (.....) ما هوب وكري عشاه الجرادي
يمكن اخطى ويمكن ما ينلام
لكن العود الله يرحمه سعد بن مطلق الرويس يقول
وعطينا الصقاره يوم جا للصقاره د ور( ....)وقنصنا بخرش تنثر الريش يمناها
وكاراً ترب الشعب من ما كرٍ مشهور (.....) حمتها قبيلة روق محدن تهقواها

واحد مدح وواحد ذم .. بس من رايي نغير ( وكريي ٍ عشاه الجرادي ) لشبوط ٍ
عشاه الجرادي عشان محد يزعل
ابو عايد
مدري وش اقول يا بوعايد الحروف
28 حرف تعجز عن ما في
خاطري بس مشكور
وشرف لي
معرفتكم
وخدمتكم

والسلام
الفيتو
http://www.mekshat.com/pix/upload/images5/mk8575_w.jpg

[لاهور]

السلام عليكم ورحمة الله وبركاته
الاخ الفيتو لا واللة ماقصرت والصقار يحب اعلوم الطيور سوا كان حقبى ولاغيره لان فيه دلالة على قرب المقناص ونقله الطير .................. امابنسبه لعقاب وطارى الوكارا فعقاب صديق خاص وبينى وبين ابو محمد امزوح وسوالف ............ واكرر شكرى يالفيتو

[سنافي]

سعد بن مطلق الرويس ( رحمة الله ) يقول:

وعطينا الصقاره يوم جا للصقاره د ور( ....)وقنصنا بخرش تنثر الريش يمناها
وكاراً ترب الشعب من ما كرٍ مشهور (.....) حمتها قبيلة روق محدن تهقواها

كفو ( بقصرانا ) الروسان أهل القرنة واللي وراهــــا

تقول نصف رمضان ما تدري وينك فيه
والله إني اعد ايام وأيـــامها مشاوير *** متى يجي للتوبع وسهيل معاصير

الله يلحقنا ما تمننينا على خير.......

[لطام سلطان]

السلام عليكم ورحمه الله وبركاته اشكرك الفيتو على العروض وانشاء الله في نصف رمضان اطلب من الله انه يجمعنا بالحرم احسن وافضل من المقناص ونعتكف بالعشر الاواخر هذا المقناص الصدق وتحياتي لطام من المملكه العربيه السعوديه من قلب العارض

[المري]

السلام عليكم

ياأخوان اليوم واحد من شهر 7 يعنى باقي يومين وتصير سنة لموضوع الفيتو..

يعنى بعد يومين تسمعون طرح الطيور

سبحان الله..عسى الله يلحقنا خير واياكم..

اخوكم / المري

[سرهيد1]

بس لاحظ يالمري ترى كل اللى طاح وكارى وشياهين يعني هذا وقت طرح (( الطردات )) ويتم تجهيزها لموسم المقناص الفعلي كما تعلم

[سلطان نجد]

السلام عليكم ورحمة الله وبركاته
ياخواني انا رايح الخوبه الايام اللي فاتت
لقيت شياهين جبليات وكار
بس على ماقل اخوي سرهيد طرادات

[سلطان نجد]

السلام عليكم ورحمة الله وبركاته
ياخواني انا رايح الخوبه الايام اللي فاتت
لقيت شياهين جبليات وكار
بس على ماقل اخوي سرهيد طردات

[الدكتور00]

.....................

[الدكتور00]

............

[الدكتور00]

أخوي (( سلطان نجد )).....


ولا عليك أمر ودي توضح ..ايش تقصد بأنهن طردات؟؟


المعذرة على السؤال ......لكن أخوك عليمي شوي..لكن موب مرة :no2:


وكيف الفروخ الجبلية اللي قابلت ؟؟ هل فيهن وافيات؟؟

وكيف السوق....مرتفعة أسعاره ؟؟ والطيور اللي فيه تسوى ولا ما تستاهل حق المشوار؟؟


ولاااااااااااااهنت يا بو معيض على رفع الموضوع...



وسلاااااااااااااااااااااااااااااااامتكم،،،،،،،،،،، ،،،،،،،،،



أخـــــــــوكــم (( الـــدكــتـــــــــــــــــور ))

[الدكتور00]

المعذرة على الخطأ الوارد أعلاه...........




وسلاااااااااااااااامتكم جميع.

[طير قطر2005]

يالربع من يجيب اخبار الجبليات اللي توها مطروحه ابي اقياسها وفي امكانية توصيلها للنعرية او الدمام....وشاكر لكم