استفسارارت

[الصارم1]

السلام عليكم كيف الحال ياشباب

عندي مشكله مع سلقه مجريه ولا تدر حليب بالعربي الالجراوه ضعيف وفي واحد منهم ما يرضع من امه وبطنه منتفخ شكله ما يخرج وش الحل

كانوا الجراوه 11 وبقى لحين ثلاثه كل 3-4 ايام ميت واحد

[المتجه]

اخي العزيز وش تنتضر الى الان ياخي ودهن البيطري في اسرع وقت ولاتنتضر ردود الناس
ياخي هذي انفس امانه بعنقك تسئل عنها يوم القيامه
انشالله نسمع منك اخبار زينه عنهن

[@قرناص@]

اخوي الصارم..


تقدر تعوض الصغار بحليب قليل الدسم والافضل تروح للبيطري


بخصوص الجرو الصغير.. جبلك قطنه واملها ماء وامسح مؤخرته وانت بكرامه


وان شاء الله على خير,,

[مدامع الحر]

بعض السلق الي سنها صغير مايجي فيها حليب او قليل الحليب خلقه فيها او ديودها متسدده لازم تروح البيطري عندك الجوزل الي داخل شارع الامير سعود بعدين عندهم رضاعه للجراء هم راح يعلمونك كل شي

[محمد الشلاحي]

تعال بعطيك طريقه انا مجربها ودرت وغدت تلعب محالبها من الكبر
عليك بالحلبه والبيض والعسل اخلطها حلبه ملعقه حسل ثلاث ملاعق بيض ثلاث حبات حليب السعوديه او اي حليب علبتين ابو ثلاث ريال وخلطها زين مع بعض لين يغدي لون الحليب الصفر اذا خلطت الحليب مع الحلبه والعسل والبيض وعطها عيشه اكرمه بالحيل لو يومين توكلها وعطها زبادي بعد لاتنسى شوف بنفسك هاذي الطريقه انا مجربها وانت بكيفك

واتمنى اكون نفعتك وتقبل تحياتي

[الدرب البعيد]

اخوي الصارم

اذا الجرواه في مكان حار راح يتعرضون للمرض والموت فمثلك عارف الجرواه لاتتحمل اجواء هذه الايام
والافضل لك نقلهم إلى مكان بارد او مكيف .
ثانيا : الام إذامادرت حليب خذها للبيطري ويعطيك ابر تساعد على ادرار الحليب.

ثالثا : ياليت تفعل خدمة الرسائل الخاصه لديك .
لاني حاولت مراسلتك بخصوص طلبك على الخاص ولكن تظهر هذه الرساله .

(( لصارم1 إختار عدم تلقي الرسائل الخاصة أو لا يسمح بتلقي الرسائل الخاصة. لذلك لن تتمكن من إرسال الرسالة اليه ))
اتمنى لك التوفيق

[عاشق الربيعية]

ماشاء الله

[الخماش111]

ودهم الى اقرب كلبه والده يمكن ترضعهم

[الرعد99]

يمكنك ما تعطي السلقه عيشه لذلك ماتدر وودها البيطري اكشف عليها