حي النسيم [الأرشيف] - منتديات مكشات

همام2008

03/07/2009, 11:46 PM

السلام عليكم ورحمة الله وبركاته ..

تحية طيبة لكل من يقرأ موضوعي

الذي به أستفسرواستنفر اصحاب الفزعات برسم كروكي لي من بداية مدينة الرياض وانا جاي من طريق القصيم وحتى حي النسيم ،، وسوف اطبع الكروكي واستدل بها وسوف ادعي من ساعدني ولكم جزيل الشكر

اخوكم همام2008

ابوريما99

04/07/2009, 12:43 AM

مايبي لها كروكي يا اخوي همام

وانت جاي من خط القصيم وبداية الرياض

يجيك الدائري الشمالي وفي اللوحات مكتوب المطار ـ الدمام

طبعاً كان وجهك بإتجاه الجنوب بعد ماتاخذ الدوار

يصير إتجاهك شرق
يعني انت الحين على الطريق الدائري الشمالي

بعدها بيجيك عدة مخارج 5/6/7 وبعدها بتجيك

مدارس أهليه على يدك اليمين وتقاطع الدائري الشمالي مع الشرقي

بتجيك لوحه المطار يمين

إنت خذ يمين بس لاتروح للمطار لأن المطار بيرجع بك شمال

خذ يمين بعدها خلك باليمين بإتجاه الجنوب

والمخرج اللي انت فيه اسمه 8

بعدها يجيك كم مخرج وإنت بتجاه الجنوب

اللي هي 9/10/11/12

إذا جاك 13 هذا مخرج النسيم بس تأخذ الدوار من الكبري

وتتجه شرق لاحظ لازم تروح شرق

بعدها بكم مخرج تلاقي حولك معارض النسيم على يدك اليمين

ومركز جيان على الشمال

واتمنى اني أفدتك

وادخل قوقل إيرث واتبع الوصف
وبتلاقي نفسك بالنسيم