المساعد الشخصي الرقمي

مشاهدة النسخة كاملة : قصيدة علها عذر عن الغيبه


مطرح الشجعان
04/07/2009, 03:22 PM
السلام عليكم ورحمة الله وبركاته

أتمنى للجميع بهالسنه إنه يستانس بالمقانيص ويونسنا بالصور .

وإليكم القصيدة اللي سبهها إننا طلعنا نصيد ضبان جهة حفر الباطن والحمد لله صدنا 25 ضب بدون سلاح مافي غير التيربو البشري ههههه وهذه أول قصيدة بالمقناص :

بأمان الله ولا غيره لي والي= بأمان الله يا شيخ الرجالي
بأمان الله يا أبوي وحفظه= ويا أخواني يادرعي وراس مالي
بأمان الله يا ربعي وناسي= أنا دربي نصبته للشمالي
مع رجالن لهم بالعز مجلس= كريمين النسب والراس عالي
مادام الصيد وقته حل وأرسى= وأنا قلبي على المقناص مالي
تولع قلبي بالمقناص وأهله= ولاني مستمع للقيل وقالي
أبا أدوج الفضا والقلب سارح= عن هموم الزمن ذاله وسالي
أداوي العين بالمكشات دايم =وشوف الذود يرعى بالمفالي
وشوف الطير يطق الخرب سطوه= في روضة مالها والله مثالي
وشوف السيل كأنه دمع يجري= على خد المفارق لأغلى غالي
أنا بيني وبين البر عشقه = فرضها الله بسنينن طوالي


أتمنى أن تنال على قليل من إستحسانكم
وسلامتكم .
الصقر البعيد
04/07/2009, 03:27 PM
وعليكم السلام ورحمة الله وبركاته .
صح لسانك .
الصقرالبعيد............................
SHAHEAN
04/07/2009, 05:23 PM
صح لسانك0000
أبو إبراهيم !!
04/07/2009, 11:56 PM
000000000
ماشاء الله تبارك الله
قصيدهـ قمة في الروووعة
صح لـــ،،،ــانك
00000
الشيخ قوقل
14/04/2010, 01:11 AM
وعليكم السلام ورحمة الله وبركاته


قصيدة جميلة يسودها تقوية العالقات والاستمراريّة على الأعمال الجميلة
دمت بخير وصح لسانك يالغالي وننتظر القادم
وهذا هو بيت القصيد
أبا أدوج الفضا والقلـب سـارح == عن هموم الزمن ذالـه وسالـي
صدوق المخاييل
14/04/2010, 01:27 AM
صح لسانك
الله يلوم من يلومك
صيادين الجنوب
19/04/2010, 02:09 PM
الف شكر لك