ابي راي الرجال النشامى

[أبو حمد 77]

السلام عليكم ورحمة الله وبركاته


بداية

ابي منكم ترحيب لأني جديد (نيو ) في المنتدى الجميل
الذي يجبر متصفحه للتسجيل فيه

والسببى هو ردود ومواضيع الأعضاء فشكرأ لهم


:D :D :D

أما استفساري فهو
اني مع هالأجازة جهزت عزبة وحطيبتها في شنطة الجيب وكلش تمام


بس تعرفون العزبة بها قدور وصحون ودلال ............... فتتسبب في اصدار أصوات قربعه مع المطبات

وش الحل معها ...................انا فكرت احشيها سفنج بس الشغلة بتطول


مع العلم شنطة العزبة من السنيدي

لكم مني الشكر المقدم



أبو حمد

[مدغدغ البيفر]

اخي الكريم, حياك الله في مكشات وصيفك كله كشتات

المساله توزيع وترتيب. الصحون مثلا في غطا الشنطه احط بينهم منشفه لاني اشيل منشفه.

الراريد والدلال احط بينهم شنط الفناجيل وغيره . ممكن تحط علب القهوه البلاستيك داخل الدلال وهكذا

سدد وقارب

[أبو حمد 77]

اخي الكريم, حياك الله في مكشات وصيفك كله كشتات





المساله توزيع وترتيب. الصحون مثلا في غطا الشنطه احط بينهم منشفه لاني اشيل منشفه.


الراريد والدلال احط بينهم شنط الفناجيل وغيره . ممكن تحط علب القهوه البلاستيك داخل الدلال وهكذا


سدد وقارب






مشكور عالترحيب


وبالنسبه لأبو حمد ترى قربعانه كثير 50 منشفه ما تكفي

[م/الحمود]

يا حيى الله اخونا العزيز ابو حمد بين اهلك واخوانك


اما النسبة لموضوع قرقعة المواعين فلها حل بس يبيلة جهد ووقت ومال


1-وهو انك تفصل جرابات للقدور والصحون
2- عند وضع اغراض العزبة رصها بحيث لايكون هناك فرغات بين الاغراض
3- امش شوي شوي يعني وشوله السرعة
4- المشي في البر لابد من القرقعة يعني مافية حل نهائي للقرقعة
5- لاتدقق كثير مش لاتصير حساس سو نفسك ماسمعت وافتح نوافذ السيارة وخل صوت الهواء يغطي على اصوات المواعين


في النهايه
تقبل تحيات
اخوك
م/الحمود

[ابوليان2009]

حياك الله اخوي ابو حمد بين اخوانك واحبابك اعضاء مكشات
بخصوص العزبه وزعها بيحث تكون القطع الحديد مثل القدر والبراريد بينهم علبة الفناجيل او منشفة وعلب بلاستيك زي كذا ولازم يكون فيه صوت بس يكون اخف شوي . ولاتنسى ياخي الكريم ان تقول هذا الدعاء في سفرك .

دعاء السفر
"الله أكبر، الله أكبر، الله أكبر، ( سُبْحانَ الَّذِي سَخَّرَ لَنَا هَذَا وَمَا كُنَّا لَهُ مُقْرِنِينَ * وَإِنَّا إِلَى رَبِّنَا لَمُنقَلِبُونَ )
" اللهم إنا نسألُكَ في سفرنا هذا البرَّ والتقوى، ومن العمل ما ترضى، اللهم هون علينا سفرنا هذا واطو عنا بعده، اللهم أنت الصاحب
في السفر، والخليفة في الأهل، اللهم إني أعوذ بك من وعْثاءِ السفر، وكآبة المنظر وسوء المنقلب في المال والأهل"
وإذا رجع قالهن وزاد فيهن" آيبون، تائبون، عابدون، لربنا حامدون "

أخوك / ابوليان

[بن.حسن]

هلا والله بالاخ ابوحمد
بين اخوانك اعضاء منتدى
" مكشات "
والشباب ماقصرو وعطوك
الحلول واخونا الحمود
عطاك العلم الاكيد
تقبل مروري

-----

[الناب]

يا هلا ويا مرحبا ويالله حيهم

هلا بك بين ربعك وأخوانك

1- الشنطة لابد تكون بحجم العزبه والأغراض لاتكون أكبر
2- ترتيب العزبة أهم شي وهذه تعتبر من أصعب الأمور ما تجي ألا مع الوقت
3- في موضوع للأخ أبو منصور (فيصل المنصور)
سنه أولى برية أليك العزبة المخملية
موضوع رائع والفريد من نوعه في كيفية ترتيب العزبة وتقسيمها

هذا ما أستطيع أفادتك فيه
أخوك الناب بن فهد

[بواسامه]

في موضوع للأخ أبو منصور (فيصل المنصور)

لاتتعدى هالموضوع
من اروع ماقرات لحبيبنا فيصل

[أبو حمد 77]

الف شكر للجميع عالترحيب


و توجيهاتكم رائعه

[الكايف2]

حياك الله ابوحمد والشباب ماقصروا عطوك الحلول وهذا مهوب غريب عليهم والمسأله بصيطه عليك بالتوزيع في الشنطه وابعد الحديد عن بعض وحياك الله مره اخري في مكشات

[سرهيد]

السلام عليكم

هلا بك اخوي الكريم

شف طال عمرك ، حاول تجعل الاغراض مصفوفة بالضبط على بعضها البعض ولا تجعل بينها فرغات ولن تسمع اصوات .

مع الحرص على جعل عزبة للطبخ وغزبة للهقوة والشاي ، والسبت انك قد تحتاج عزبة الشاي والقهوة دون حاجتك لعزبة الطبخ .

مجرد رأي

تقبل احترامي

[أبو حمد 77]

الف شكر للجميع

والله احرجتوني من زين ردودكم

لكم بياض الوجه

[ترهيم]

حياك الله يابو حمد بين اخوانك ...

بنسبه للقربعه اكيد ان شنطة العزه اكبر من الاغراض خذلك شنطه تتناسب مع الاغراض ... وانا انصحك تاخذ عزبتين وحده للقهوه والشاهي والثانيه لطبخ مثل ماقال اخوي سرهد .. عموماُ حجمهم الثنتين معاُ رايح يكون حجمها نفس العزبه الي انت تستخدمها او اقل بعد ..
بعطيك اسباب عزل عزبة القهوه والشاهي اول شي احياناُ تتمشي العصريه في اي مكان تسفط وصلح قهوه وشاهي علي مزاجك بدون ماتحوس طلع القدر ورجع الصحن ..
واحياناُ تكون طالع مع اخوياك ومعهم عزبتهم خالصين بس يبيلك عزبة الشاهي يجوزلك مكان معين توقف فيه وتصلح براد شاهي وتمخمخ .