استفسار عن حجل جير

[بو غازي]

السلام عليكم ورحمه الله وبركاته
الي يعرف يفك الشفرة ياأخوان
عندي رقم حجل في الجير ابي اعرف الطير من اي مزرعه وش قرناسه؟ ؟؟؟؟؟؟؟؟؟؟؟؟؟؟؟؟؟؟
z GHY 14.0 05 0817
ملاحظة ياأخوان حرف الزد Z عليه دائرة
ورقم ال05 جاي بالطول
لون الحجل ازرق
الرجاء لمن يعرف معلومات يرد لي خبر؟؟؟؟؟

[راعي غضبان]

وعليكم السلام اعذرني ماعرف المزارع ولابعد تعاملت معها وتقبل مروررررري والشباب ماهم مقصرين

[بو غازي]

تسلم ياراعي غضبااااااااان :)

[جـرح الشمـال]

اتوقع انه الماني والاخوان يفيدونك

[الجير شفي]

الله يرزقك بالنشمي الي يبرد خاطرك ويجيب لك العلم الوكاد
وإذا قدرة أخوي بو غازي لاهنت أنت أو أحد الأخوان معرفة نوع الطير ياليت تسأل لي عن طير جير عندي
لون حجله ازرق ومكتوب عليه
z g hy 13.0 06 0319
طبعا الـ zعليها دائرة والــ 06 الطول

[بو غازي]

البروفوسور: تسلم
الجير شفي:الله يعطيك العافية شوف اتوقع انه 06 بالطول العام 2006 وانا 2005 لكن وش مزرعه الطير الربع بيفيدونا انشاءالله ويفيدونك .

[@قرناص@]

اخوي بو غازي,,

ماعندي علم بالتفاريخ ..

والصقاقير مايقصرون ان شاء الله بالعلم الوكاااااد,,

تقبل مرروري

قرناص

[راعي مسكت]

تاكد من الحجل اذا حرف الزد عليه دائره ولا حرف السي وكنها كبتل لتر فا تبين دائره (Cz) بنفس المثال هذا فالمزرعه من التشيك (جمهوريه التشيك) والباقي جير هجين والرقم الي بالطول السنه .
واذا كانت دائره فالزد رمز المزرعه والبلد الماتيا والطير هجين (هجين =جير شاهين او اي تحاوز بين فصيلتين مختلفه )
الي انا متاكد منه انه هجين hy =hybrid والسنه تعني الارقام الي فوق بعض والباقي انت تاكد منه مثل ماذكرت سابقا .
وانشاءالله الشباب بيفيدونك اكثر.

[المري]

مرحبا اخوي اب غااازي

طيرك ألماني بس مايندري وش مزرعته..

واتوقع انها مزرعة الدكتور نكلس

وسلاامتك

اخوك - المري

[gyrefalcons]

كيف الحال يا بو غازي
بالنسبه للطير الي عندك هو من انتاج المانيا. الحجل الازرق بعني طير فيه خلطة طير ثاني مثل 8/7 او 4/3 او جير حر او ماشابة. اذا كان لون الحجل ابيض يكون طير اصيل مافية خلطة.
ناتي في ارقام الحجل
z هذا رمز انتاج طيور المانيا يعطى من قبل حماية البيئة.
GHY جير هاي بريد(يعني طير مخلوط انتاجة مع طير ثاني).الام والاب من فصائل مختلفه.
14 هذا الرقم يعطى لفصيلة الانثى واذا 13 يعطى لفصيلة الذكر.
05 هذا ارقم سنة الانتاج يعني طيرك انتاج 2005 فرخ.
0817 هذا رقم الطير تسلسل الارقام عامة لانتاج الطيور في المانيا سنة 2005 يعطى من قبل البيئة.
حتى تعرف فصيلة طيرك لازم تعرف المستورد وتتعرف على اوراق (CITES).
اتمنا ان تكون هذه المعلومات كافية ومفيدة

[المري]

بيض الله وجهك اخوي جير فالكونس

عز الله ا نك كفيت ووفيت

وشاكرين تواجدك معنا

الله يحفظك ويرعاااك

اخوك - المري

[عاهد بن علي]

الله يوفقك

ويبارك لك في الطير

[أبو رداد]

وعليكم السلام ورحمة الله وبركاته
ماقصروا الاخوان ......
الوكاد انه من انتاج احد المزارع في المانيا سنة 2005 ميلادي
يعني طيرك الان قرناس خامس .....

[بو غازي]

السلام عليكمورحمه الله وبركاته
اشكر جمييع من مر على الموضوع وحاول ان يساعدني شكرا للجميع شكرا للاخ جير فالكون على المعلومات الوافية والكافية وشكرا لانك مكشاتي :)