تدرون ليش التفريخ فاشل؟(+ بدون صور+)

[بوغلب]

السلام عليكم.............
كثرت علينا التفاريخ من مختلف البلدان والألوان والخلطات والكبير والصغير
الطيور الي يقولون مهدوده في الطبيعة والطيور داخل هناقر وذابحه والطيور الي ماشافت شي
والي أخره .....................................
ولكن في رأيي الشخصي أن أغلب الطيور التفاريخ طاحت لها في ناس ماتعرف حتى .............
وشالوا وحطوا وعذربوا بالتفريخ ! ولكن ماهو سبب الفشل؟ الطير؟ الصقار؟ سؤال يحتاج الي اعادة الحسابات

[سلطان 1]

بو غلب الله لا ييهينك على السؤال اللي بيوضح سبب الفشل \
انا اشوف السبب مشترك بين الصقار والطير يعني
يتحمل الصقار 80 \100
والطير 20 \100
هذا اللي اشوفه لان الطير المهجن او المفرخ يبيله صقاره غير صقاره الوحش اللي طار وصاد على يده 0
واكبر دليل اي صقار يفشل معه المهجن قال انا ما اعرف للتفاريخ والمهجنات
والله اعلم 0

[((السنياري))]

بو غلب الله لا ييهينك على السؤال اللي بيوضح سبب الفشل \
انا اشوف السبب مشترك بين الصقار والطير يعني
يتحمل الصقار 80 \100
والطير 20 \100
هذا اللي اشوفه لان الطير المهجن او المفرخ يبيله صقاره غير صقاره الوحش اللي طار وصاد على يده 0
واكبر دليل اي صقار يفشل معه المهجن قال انا ما اعرف للتفاريخ والمهجنات
والله اعلم 0

انا مع كلام اخوي سلطان

التفاريخ او الفرخ يبيله صقار كبير عشان يصقره صح

بس المشكله للحين موجوده لان اكثر التفاريخ شهواني يعني بوج

الفرخ المطروح باي دوله من دول الخليج يطلع قاطع لانه قضى بالبر فتره وجرب الجوع وعرف صيدته
لان اذا ماتعشاها رح يبات على جوع

[U.A.E]

سوأل طيب الطير المهجن اذا جاك مطير هاك خلا زين ما يتعب راعيه لاكن اذا كان بدون هاك مشكله يتعب الصقار لانه يردله وقت ما يقارب الشهر عشان كذا بعض الصغارين يحب الوحش لانه ما يتعب راعيه واجد

[U.A.E]

شوفو يالربع الجير زين لاجاك مطير لاكن المزارع الي تسوي هاك مغلين اسعارهم والي يجيك بدون هاك ارخص لان البريدر ما تعب عليه انا من الي جرب الجير بدون هاك وتعبني وايد لازم تقوم الفجر وتفكه فالخلا عشان يمار الطيران ودورله اماكن مرتفعه وتفكه منها والعصر تدعاه ومرات طياره ومرات تهدله حمام خفيف ومع الايام يتعلم

[راعي صعيب111]

الــــــتفريخ مثل الورع

وسلامتكم

[أبو أمين]

السلام عليكم ورحمه الله وبركاته

اكثر الي يلومون الجير ماعرف يصقره كيف ؟؟؟؟؟؟؟؟؟؟؟ مثلا صقار وهو يصقر الوحوش وصقار كبير يشار اليه بالبنان وثقه وله في عالم الطيور مثلا 30 سنه مافي مجال انه يخطئ بعدين عشان ماينزل من مستواه يقول الجير فاشل!!؟ ويجونك مستجدي الصقاره ويسمع كلام الشايب وياخذه على انه دليل ولا اثبات علمي ويقولك الجير فاشل!!!!!!!!!!!!!!!!(مع الخيل ياشقراء)

ولكن في الحقيقه مو كل من يصقر الوحش يصقر الجير في اختلاف بينهما .

هذا الي حبيت اوضحه وامل تقبل وجهة نظري بسعه صدر .

شاكر لك على هذا الموضوع الشيق

[عاهد بن علي]

الاخوان ماقصروا

الله يوفق الجميع

[أبتسم دائما]

السلام عليكم

الصقار اللي يربب الوحوش وحط سطر تحت يربب الوحوش.... ماظن يصقر تفاريخ ومهجنات

[@قرناص@]

,,

مشكور على طرحك الموضوع,,

والحقيقه فيه طيور جيرات شفناها ماشاء الله عليها اسبق من الحرار ..

وبالاخير كلن وله حبه بالطير حرار او شواهين او جيره

والي فاهم بالجيره عزالله انها اطيب هدد بيجي,,

والاخوان ماقصرو

[قرناس ارامكو]

مشكور على طرحك للموضوع المهم :good: :good: :good:
انا اشوف السبب فشل أغلب التفاريخ هو جهلها في مهارات الصيد مهما تعبو عليها وأطلاقها في الهوكات لآن مدة أطلاقها غير كافية ولاو خلوها مدة أطول يخافون أنها تبعد أو أتهاجر , مع أن نسبة الي يضيع 25% منها يروح عليهم .
ويتراوح سبب الفشل بين الصقار والطير
يتحمل الصقار 30\100
والطير 70\100
والطير التفريخ أذا طاح في يد واحد مقتدر ويعلمة على عدة حباري لين يستفرس في الحبارى , وبعدها يقنص في أرض مليانة حباري ياللة ياللة .
أما أذأ طاح في يد واحد مثلي ياللة يشوف حباري وحدة في الموسم , وبيقعد أشهر حتى يشوف حبارى ثانية , أكيد بيفشل .

[ابرق آلريش]

بو غلب الله لا ييهينك على السؤال اللي بيوضح سبب الفشل \
انا اشوف السبب مشترك بين الصقار والطير يعني
يتحمل الصقار 80 \100
والطير 20 \100
هذا اللي اشوفه لان الطير المهجن او المفرخ يبيله صقاره غير صقاره الوحش اللي طار وصاد على يده 0
واكبر دليل اي صقار يفشل معه المهجن قال انا ما اعرف للتفاريخ والمهجنات
والله اعلم 0




انا مع كلام اخوي سلطان واغلب التفاريخ طيبه
ان بغيت فعل ون بغيت شكل التفريخ
ماعليه كلام بس العلم على
الصقار


وتقبل مروري
ابومحمد

[بوغلب]

السلام عليكم ...............
أشكر الجميع على المشاركة والردود الطيبة
فعلا كلن له نظرية واسس تعامل مع الطير
ولكن انا اختلف مع الي يقول صقار الوحش غير صقار الجير
الصقار هو الصقار الي ينقي الطير من الشبه الين مهده عالحبارى
الصقار لازم تكون عنده الفطنه والنباهه والفراسه والبديهه ويعرف كيف يدير الطير من الألف الي الياء
ناس صقرت طيور بوجتها وخذتها عقبهم صقاقير وقنصوها وفعلت .......
واليكم كل التقدير والأحترام

[ياس البوادي]

السلام عليكم الطيور المهجنه او التفريخ ليست بالطيور الفاشله ولكن التعامل معها هو السبب الذي يولد الفشل لان اغلب الصقاقير يتعاملون معها على انها مبرمجه الا انها تحتاج لجهد اكبر من الطير العادي لان الطير العادي هو الذي يرفع الصقار اما المهجنه تعتمد على الصقار بالدرجة الاولى لانها لم تطلق في البرية لكي تعتمد على نفسها اعتماد كلي واعطيكم مثال واضح عندما الطير العادي يمسك الحبارى فالجو فأنه قبل الوصول للارض يفكها حتى لا يضرب فالارض اما المهجنه العكس ولكن لو قارنا الطيور المهجنه بالعاديه لوجدنا انها هبي الاسرع والاشرس ولا تهتم بالحوم او بطير يطير معه

[قرناس شماالي]

السلام عليكم
اخوي مثل مقال اخوناء قرناص فيه جيرات طيبه واسرع من الحر وفيه ميستاهلن تقني علف
والي يشري له حض
تقبل مروري: صيادسكاكا