the dark half
06/07/2009, 06:58 AM
http://www.al-q.com/modules/uc/cache/files/374/asalamalik/al-salam__3_.gif
اليوم موضوعنا عن جركل الطرقي وسوف أختم الموضوع بسالفة واقعية حدثت لاحد جيرانا (أبو حمد ) الله يمتعه بالصحة والعافيه
الصراحة أعجبت بموضوع لاخينا الفاضل الأستاذ مخاوي قناص عن تصميمه للتانكي سعة 80لتر على
الرابط
http://www.mekshat.com/vb/showthread.php?t=192222
موضوع قيم ومرجع مهم لكن المشكله من يشيل ال80لتر خصوصا الطرقي اللي يحتاج من 20الى 30لتر
قمت بتصميم وتنفيذ الجركل وإليكم الصور
تمر على السنيدي أو أي وكيل وتاخذ محبس مكتوب عليه ربع (واحد على أربعة)
http://www.mekshat.com/pix/upload03/images118/mk64998_a1 [].jpg
تمر على محلات السباكة وتأخذ شطرطون سباكة وجلبة كروم نص بوصة مثل الصورة
http://www.mekshat.com/pix/upload03/images118/mk64998_a2 [].jpg
تركب المحبس في الجلبة وتحط شطرطون سباكة تثفب الجركل ثقب اصغر من الجلبة تلف على الجلبة قماش خفيف يثبت بالغراء اللأصق وذلك لكي يمنع تسرب الماء ولكون الثقب أصغر من الجلبة تحتاج لمجهود لإدخال المحبس ولهدف عدم ترك مجال لتسرب الماء نثبت الجلبة بغراء لاصق من النوع الممتاز أو من الغراء المخصص لمواسير السباكة البلأستيكية يترك يجف
http://www.mekshat.com/pix/upload03/images118/mk64998_a3 [].jpg
http://www.mekshat.com/pix/upload03/images118/mk64998_a4 [].jpg
http://www.mekshat.com/pix/upload03/images118/mk64998_a5 [].jpg
http://www.mekshat.com/pix/upload03/images118/mk64998_a6 [].jpg
بعد ما يجف تماما نضع السيلكون اأبيض لزيادة التأكد من عدم تسرب الماء ولكون لونه ملائم مع لون الجركل
http://www.mekshat.com/pix/upload03/images118/mk64998_a7 [].jpg
http://www.mekshat.com/pix/upload03/images118/mk64998_a8 [].jpg
خلصنا
السالفة
السالفة هذا الله يسلمكم عندنا شايب فالحارة كل مامرنا الاواشوف في الشاص جركل أبو ثلاثين لتر
عاد الجركل موجود في الشاص 24ساعة يملاه اول باول (أشوفه معه دايم في الشتاء وفي الصيف)
يعني بإخصار موجود معه دايم ولاينقص أبد يوم سير علينا في بيتنا وهاتك ياعلوم وتطفلت!! وسألته
أبو محمد ودي أسألك سؤال ودي تجاوبني قل أسأل ياوليدي ! قلت وش سالفة هالجركل اللي فالموتر مع إنك
مفصل تانكي ماء للشاص وش لزمته !! قال هذي لها قصة طويلة(ابختصرها لكم!!!)هذا الله يسلمك في عام 1400هجري
كان لي ولد أخت مدلعه دلع ماصار وأعتبره زي عيالي وأكثر بعد, المهم أذاني الوليد ياخال أبي أكشت معك وأشوف الإبل تكفى ياخال تكفى ياخال!!!
يقول عاد أنا مارد له طلب بحكم أنه شبه يتيم لأن أبوه منفصل عن أمه وتاركه عندنا وعمره لايتجاوز الخمس سنوات وسبحان الله أم الولد كانت رافضة
سالفة طلعته معي هاك اليوم وقلبها قارصها المهم الولد صاريبكي لين قطع قلبي قلت مايخالف أخذه المره هذي وبس,,,, يقول حنا في أيام قيض وعز الصيف
مثل هذي الأيام والقط البندق أدق سلف مع الربشه وصياح الولد نسيت مطارة الماء (الهدلق) على هاك الوقت ,,,,, ونركب الوانيت الساعة السادسه صباحا
يوم قربنا نصل الا الولد يصيح خال خال !!! حجل حجل حجل!!! طلعت عن الخط (الصحراوي ) وكانت الأرض وعرة وأمد البندق على الحجل وماقد وقفت السيارة زين
المهم طحت لي في منحدر وفي ذيك الحصاة الكبيرة طمرها الموتر وطاح على جزء حاد منها وشق (الكرتين ) و(الراديتور) وطلع كل مافالمكينة من زيت
وكذلك مايحتويه الراديتور من الماء يقول نزلت وتطمنت على الولد الحمدالله مافيه الإ العافيه المشلكة الحين فالماء من وين نجيب في هالقيض لاحول ولاقوة إلا بالله نبهت على الولد إنه لا يتحرك من عند السيارة لين أجيه يقول جنبي هضبة تطلعت ما أشوف أي سيارات ولا ناس
رحت للهضبة اللي وراها نفس الكلام ,,,, بعد ما تعبت من العطش ولهيب الشمس الحارق رجعت للسيارة مالي حيله وكل دقيقة أقول (ليتني ماأخذتك ياعبدالله ) وأفرك بيدي و تفاجأت بعدم وجود الولد
يقول صرت زي المجنون أنادي بصوت عالي عبدلله عبدالله اللي صار أن الولد خاف وتبعني وبعدين ضيع الدرب للسيارة ومرت علي لحظات من أصعب ما مر علي في الحياة الأوأشوف هاك السيارة جايه من بعيد وأشر له بشماغي وأنا
اصيح المهم الرجال وقف جزاه الله خير مايجزي عباده الصالحين يقول الكلام هذا قريب العصر قلت له ياوجه الخير معي ولد وضاع مني تكفى لاتخلينا المهم دورنا عليه الليل بأكمله صباح اليوم التالي وقريب الظهر من اليوم الثاني ,,,,,,,
وجدنا الطفل ملقى على الارض تحت ظل شجرة ,,,,, أول ماشفناه يتحرك سجدت لله سجدة شكر وانا ماوصلته المهم أسقيته جرعة بسيطة من الماء ثم أخذناه للبيت,,,,, ومن ذلك اليوم والى اليوم وأنا الماء ماينزل من سيارتي لا في صيف ولافي شتاء والحمد لله
اللي سلم لي عبدالله والماء ضروري في كل وقت وكل مكان لو لم تستفد منه شخصيا تفيد به غيرك
وإلى تقارير قادمة دمتم بخير
اليوم موضوعنا عن جركل الطرقي وسوف أختم الموضوع بسالفة واقعية حدثت لاحد جيرانا (أبو حمد ) الله يمتعه بالصحة والعافيه
الصراحة أعجبت بموضوع لاخينا الفاضل الأستاذ مخاوي قناص عن تصميمه للتانكي سعة 80لتر على
الرابط
http://www.mekshat.com/vb/showthread.php?t=192222
موضوع قيم ومرجع مهم لكن المشكله من يشيل ال80لتر خصوصا الطرقي اللي يحتاج من 20الى 30لتر
قمت بتصميم وتنفيذ الجركل وإليكم الصور
تمر على السنيدي أو أي وكيل وتاخذ محبس مكتوب عليه ربع (واحد على أربعة)
http://www.mekshat.com/pix/upload03/images118/mk64998_a1 [].jpg
تمر على محلات السباكة وتأخذ شطرطون سباكة وجلبة كروم نص بوصة مثل الصورة
http://www.mekshat.com/pix/upload03/images118/mk64998_a2 [].jpg
تركب المحبس في الجلبة وتحط شطرطون سباكة تثفب الجركل ثقب اصغر من الجلبة تلف على الجلبة قماش خفيف يثبت بالغراء اللأصق وذلك لكي يمنع تسرب الماء ولكون الثقب أصغر من الجلبة تحتاج لمجهود لإدخال المحبس ولهدف عدم ترك مجال لتسرب الماء نثبت الجلبة بغراء لاصق من النوع الممتاز أو من الغراء المخصص لمواسير السباكة البلأستيكية يترك يجف
http://www.mekshat.com/pix/upload03/images118/mk64998_a3 [].jpg
http://www.mekshat.com/pix/upload03/images118/mk64998_a4 [].jpg
http://www.mekshat.com/pix/upload03/images118/mk64998_a5 [].jpg
http://www.mekshat.com/pix/upload03/images118/mk64998_a6 [].jpg
بعد ما يجف تماما نضع السيلكون اأبيض لزيادة التأكد من عدم تسرب الماء ولكون لونه ملائم مع لون الجركل
http://www.mekshat.com/pix/upload03/images118/mk64998_a7 [].jpg
http://www.mekshat.com/pix/upload03/images118/mk64998_a8 [].jpg
خلصنا
السالفة
السالفة هذا الله يسلمكم عندنا شايب فالحارة كل مامرنا الاواشوف في الشاص جركل أبو ثلاثين لتر
عاد الجركل موجود في الشاص 24ساعة يملاه اول باول (أشوفه معه دايم في الشتاء وفي الصيف)
يعني بإخصار موجود معه دايم ولاينقص أبد يوم سير علينا في بيتنا وهاتك ياعلوم وتطفلت!! وسألته
أبو محمد ودي أسألك سؤال ودي تجاوبني قل أسأل ياوليدي ! قلت وش سالفة هالجركل اللي فالموتر مع إنك
مفصل تانكي ماء للشاص وش لزمته !! قال هذي لها قصة طويلة(ابختصرها لكم!!!)هذا الله يسلمك في عام 1400هجري
كان لي ولد أخت مدلعه دلع ماصار وأعتبره زي عيالي وأكثر بعد, المهم أذاني الوليد ياخال أبي أكشت معك وأشوف الإبل تكفى ياخال تكفى ياخال!!!
يقول عاد أنا مارد له طلب بحكم أنه شبه يتيم لأن أبوه منفصل عن أمه وتاركه عندنا وعمره لايتجاوز الخمس سنوات وسبحان الله أم الولد كانت رافضة
سالفة طلعته معي هاك اليوم وقلبها قارصها المهم الولد صاريبكي لين قطع قلبي قلت مايخالف أخذه المره هذي وبس,,,, يقول حنا في أيام قيض وعز الصيف
مثل هذي الأيام والقط البندق أدق سلف مع الربشه وصياح الولد نسيت مطارة الماء (الهدلق) على هاك الوقت ,,,,, ونركب الوانيت الساعة السادسه صباحا
يوم قربنا نصل الا الولد يصيح خال خال !!! حجل حجل حجل!!! طلعت عن الخط (الصحراوي ) وكانت الأرض وعرة وأمد البندق على الحجل وماقد وقفت السيارة زين
المهم طحت لي في منحدر وفي ذيك الحصاة الكبيرة طمرها الموتر وطاح على جزء حاد منها وشق (الكرتين ) و(الراديتور) وطلع كل مافالمكينة من زيت
وكذلك مايحتويه الراديتور من الماء يقول نزلت وتطمنت على الولد الحمدالله مافيه الإ العافيه المشلكة الحين فالماء من وين نجيب في هالقيض لاحول ولاقوة إلا بالله نبهت على الولد إنه لا يتحرك من عند السيارة لين أجيه يقول جنبي هضبة تطلعت ما أشوف أي سيارات ولا ناس
رحت للهضبة اللي وراها نفس الكلام ,,,, بعد ما تعبت من العطش ولهيب الشمس الحارق رجعت للسيارة مالي حيله وكل دقيقة أقول (ليتني ماأخذتك ياعبدالله ) وأفرك بيدي و تفاجأت بعدم وجود الولد
يقول صرت زي المجنون أنادي بصوت عالي عبدلله عبدالله اللي صار أن الولد خاف وتبعني وبعدين ضيع الدرب للسيارة ومرت علي لحظات من أصعب ما مر علي في الحياة الأوأشوف هاك السيارة جايه من بعيد وأشر له بشماغي وأنا
اصيح المهم الرجال وقف جزاه الله خير مايجزي عباده الصالحين يقول الكلام هذا قريب العصر قلت له ياوجه الخير معي ولد وضاع مني تكفى لاتخلينا المهم دورنا عليه الليل بأكمله صباح اليوم التالي وقريب الظهر من اليوم الثاني ,,,,,,,
وجدنا الطفل ملقى على الارض تحت ظل شجرة ,,,,, أول ماشفناه يتحرك سجدت لله سجدة شكر وانا ماوصلته المهم أسقيته جرعة بسيطة من الماء ثم أخذناه للبيت,,,,, ومن ذلك اليوم والى اليوم وأنا الماء ماينزل من سيارتي لا في صيف ولافي شتاء والحمد لله
اللي سلم لي عبدالله والماء ضروري في كل وقت وكل مكان لو لم تستفد منه شخصيا تفيد به غيرك
وإلى تقارير قادمة دمتم بخير