لغزٍ يدوّر فاطن القلب ياخَي......؟؟........اللغز محلول........بواسطة:::مسير

[ابو ماجد 2]

السلام عليكم ورحمة الله وبركاته

لغزٍ يدوّر فاطن القلب ياخَي=اللي يقوّس قبل يخطي خطاته
اللي الامنه رمع قيل ذي هي=رجلٍ عسير اللغز صعبٍ فواته
اسأل عن اللي هيته مابها شي= حيٍ تساوت سيته وحسناته
له ميتةٍ ياسيدي تكشف السي=من عقب ماهو مستتر في حياته



تحيتي وتقديري لكافة الزملاء

[ابو اسامه 2]

هلا بك يا ابو ماجد


يا زعيمنا ومبدعنا


صح لسانك


وماشاء الله عليك


والله يزيدك من فضله


كل مره تاتي لنا بالجديد الرائع


رمعه


وش رايك بالذين ذكرهم الله تعالي في سورة الاعراف

{وَبَيْنَهُمَا حِجَابٌ وَعَلَى الأَعْرَافِ رِجَالٌ يَعْرِفُونَ كُلاًّ بِسِيمَاهُمْ وَنَادَوْاْ أَصْحَابَ الْجَنَّةِ أَن سَلاَمٌ عَلَيْكُمْ لَمْ يَدْخُلُوهَا وَهُمْ يَطْمَعُونَ }الاعراف الاية 46



تحياتي

[هيل]

صح السانك يابوماجد
عندي مثل على مخلوق شائع بين الناس
يموت ال.........ويبقى ا

[برق القصيم]

صح لسانك زعيم وزادك الله من فضله

رميعة عجله (معزوم على عرس:) )

هناك اعتقاد شائع عند البعض ان مرارة الغراب بها علاج
ويقال ن الغراب يقوم بلفظها من جوفه اذا حس بالموت حتى لايستفاد منها

[العارض]

عندي رمعتين

وش رايك بالغم او الفخ

[ابو ماجد 2]

هلا بك يا ابو ماجد



يا زعيمنا ومبدعنا


صح لسانك


وماشاء الله عليك


والله يزيدك من فضله


كل مره تاتي لنا بالجديد الرائع


رمعه


وش رايك بالذين ذكرهم الله تعالي في سورة الاعراف

{وَبَيْنَهُمَا حِجَابٌ وَعَلَى الأَعْرَافِ رِجَالٌ يَعْرِفُونَ كُلاًّ بِسِيمَاهُمْ وَنَادَوْاْ أَصْحَابَ الْجَنَّةِ أَن سَلاَمٌ عَلَيْكُمْ لَمْ يَدْخُلُوهَا وَهُمْ يَطْمَعُونَ }الاعراف الاية 46




تحياتي



اخوي بحر الجروح
صح بدنك يالغالي
وما عليك زود
والرمعه مالك لوى والمطلوب يحدث بالدنيا
تحيتي لك

[ابو ماجد 2]

صح السانك يابوماجد
عندي مثل على مخلوق شائع بين الناس
يموت ال.........ويبقى ا

ولو ياخوي صرت ازين منك بالذاكره اللغز مالي اسبوع مستشيرك فيه .. او يمكن المقدمه ضيعتك هههههههههه

[ابو ماجد 2]

صح لسانك زعيم وزادك الله من فضله



رميعة عجله (معزوم على عرس:) )


هناك اعتقاد شائع عند البعض ان مرارة الغراب بها علاج

ويقال ن الغراب يقوم بلفظها من جوفه اذا حس بالموت حتى لايستفاد منها


هلا فطن القصيم
صح بدنك والرمعه طيبه كتفكير لكن مابعد صدته يالغلا

[بعيثران]

صح لسانك ياعميد اللغز
والله لك بالقلب وحشه بالذات لاطرى علي التفكير بصوت عالي
انا من طبعي ما احب التوضيح باللغز

خذ هالرمعه من أخوك
وش رأيك بالقشر
يمكن سماويه
لكن من شفت معرفك قلت لازم أسلم
وأقول عسى المانع خير

[ابو ماجد 2]

عندي رمعتين

وش رايك بالغم او الفخ

هلا بالقادم المتألق
وذكرتنا بزميل عزيز رحمه الله بنفس اسمك كان له مشاركات بالالغاز في منتدى آخر واحتمال انه كان يشارك هنا رحمه الله واسكنه فسيح جناته
الرمعتين مالك لوى يالغالي والمطلوب كائن حي

[ابو ماجد 2]

صح لسانك ياعميد اللغز
والله لك بالقلب وحشه بالذات لاطرى علي التفكير بصوت عالي
انا من طبعي ما احب التوضيح باللغز

خذ هالرمعه من أخوك
وش رأيك بالقشر
يمكن سماويه
لكن من شفت معرفك قلت لازم أسلم
وأقول عسى المانع خير

تسلم يالغلا من كل شر
هلا بك ملايين
هلا بمداخلتك الطيبه
الرمعه مالك لوى يالغالي والمطلوب بالفعل كائن حي

[مسيرs]

السلام عليكم ورحمة الله وبركاته

فخر الالغاز ...ويش رايك بما يذكرونه عن الضبع مع انني لااصدق إلا بدليل شرعي أو مادي ملموس.
يقولون إنه ... يخرج ريح فيقومون بقطع موخرته...أطنها اساطير مثل مرارة الغراب المزعومه .
ولكن هذا مااسعفتني به الذاكرة.

[ابو ماجد 2]

السلام عليكم ورحمة الله وبركاته

فخر الالغاز ...ويش رايك بما يذكرونه عن الضبع مع انني لااصدق إلا بدليل شرعي أو مادي ملموس.
يقولون إنه ... يخرج ريح فيقومون بقطع موخرته...أطنها اساطير مثل مرارة الغراب المزعومه .
ولكن هذا مااسعفتني به الذاكرة.

وعليكم السلام ورحمة الله وبركاته
هلا بمبدعنا النشيط
الرمعه ماصابت يالغلا

[مسيرs]

السلام عليكم ورحمة الله وبركاته


لغزٍ يدوّر فاطن القلب ياخَي=اللي يقوّس قبل يخطي خطاته
اللي الامنه رمع قيل ذي هي=رجلٍ عسير اللغز صعبٍ فواته
اسأل عن اللي هيته مابها شي= حيٍ تساوت سيته وحسناته
له ميتةٍ ياسيدي تكشف السي=من عقب ماهو مستتر في حياته




تحيتي وتقديري لكافة الزملاء

استاذنا الفاضل .
ويش رايك بالذباب أكرمك الله. جناح فيه وجناح فيه ولاسقط بالشراب رفع احد جنحانه

[برق القصيم]

نعاود الرمع يازعيم
يمكن الدود (اعزكم الله) بعد موت الجسد يبدأ نشاطه
الله يرزقنا وياكم حسن الخاتمه

[ياعين ابوي]

الحوت
او
الصقر
او
المحار

[فهد الهلالي]

صح السانك يازعيم والله يمتعك بالصحه والعافيه
رمعه
مايكون قصة الغراب حينما قتل هابيل قابيل او بالعكس وكيفيه الخلاص من الجثه وعمليه دفن المقتول
تقبل تحياتي
اذا كان حول الموضوع فسرت اكثر

[ابو ماجد 2]

استاذنا الفاضل .
ويش رايك بالذباب أكرمك الله. جناح فيه وجناح فيه ولاسقط بالشراب رفع احد جنحانه

مبدعنا مسير
لله درك ولافض فوك وصح لسانك ملايين
نعم الذباب
عن أبي هريرة رضي الله عنه أن رسول الله - صلى الله عليه وسلم - قال : ( إذا وقع الذباب في إناء أحدكم فليغمسه كله ثم ليطرحه ، فإن في أحد جناحيه شفاء وفي الآخر داء ) رواه البخاري ، وفي رواية لأبي داود ( وإنه يتقي بجناحه الذي فيه الداء )
طبعا الحديث واضح والعلم توصل الى جزء من الحقيقه وهي ان الذباب يحتوي على داء ودواء
ومن المشاهدات ان جرحى الحرب الذين نقلوا للمستشفيات ونالوا العنايه تاخر شفاء جروحهم عن الذين تاخر نقلهم واكتشفوا ان السبب بعد قدرة الله هو الذباب الازرق

واليكم مانقلته من موقع موسوعة الإعجاز العلمي في القران والسنة


معجزتين وليست واحدة
أوضح الدكتور معتز المرزوقي أن حديث الذباب ـ الذي نحن يصدده ـ يتضمن معجزتين علميتين لرسول الله صلى الله عليه وسلم أحداهما وجود الميكروب في جانب من الذبابة ووجود المضاد الحيوي(antibiotic) في الجانب الآخر، على اعتبار أن الجناح في اللغة يدل على الميل أو الجانب، ويؤيده قول الله تعالى : (واضمم يدك إلى جناحك تخرج بيضاء من غير سوء )[سورة طه]. وأما المعجزة الثانية فهي في كلمة (فليغمسه)، لأن الغمس يتضمن ولوج المنطقة التي بها فطريات (فطور) حاملة للمضادات الحيوية وللميكروبات ولأن عملية الغمس تسمح للسائل أن ينتشر إلى الغشاء بالانتشار الغشائي حتى ينفجر هذا الغشاء ويخرج السيتوبلازم الذي يحتوي مضادات الميكروبات التي يكفي (2) مللي جرام منها لتطهير ألف لتر من اللبن الملوث بجميع الميكروبات.

بارك الله فيك اخوي مسير وبيض الله وجهك

[ابو ماجد 2]

نعاود الرمع يازعيم

يمكن الدود (اعزكم الله) بعد موت الجسد يبدأ نشاطه

الله يرزقنا وياكم حسن الخاتمه


هلابك اخوي فطن القصيم
والحل عند اخوي مسير

[ابو ماجد 2]

الحوت
او
الصقر
او
المحار

هلا بك
والحل عند اخوي مسير

[ابو ماجد 2]

صح السانك يازعيم والله يمتعك بالصحه والعافيه



رمعه
مايكون قصة الغراب حينما قتل هابيل قابيل او بالعكس وكيفيه الخلاص من الجثه وعمليه دفن المقتول
تقبل تحياتي


اذا كان حول الموضوع فسرت اكثر


هلا بشيخنا الفاضل
صح بدنك يالغلا
والحل عند اخوي مسير